馬泰

營業中

休息中

響灣仔食野都唔平得去邊，咁啱行到鵝頸橋附近，見到一間環境都幾光猛嘅東南亞餐廳，咁啱又到食飯時間，就入咗去。食物選擇多，有多款粉麵飯小食等，包羅萬有⋯叫咗三樣嘢，招牌無骨海南雞摻摻喇沙，香茅厚切豬扒摻摻喇沙同埋一個肉骨茶。最先嚟嘅係招牌無骨海南雞摻摻喇沙，海南雞嘅份量唔少，雞皮充滿油嘅光澤，入口爽滑，肉嫩，加上係去哂骨，啖啖肉👍🏻。摻摻份量亦不少，叻沙湯底充滿夜奶嘅香味，有唔少油豆腐索啲湯汁，加埋芽菜等配料， 摻摻屬於水準之作。至於香茅厚切豬扒摻摻喇沙嘅豬扒肉質鬆軟，香口，分量亦交足功課。碗摻摻就大同小異，但唔知點解跟豬扒嘅叻沙湯會比更海南雞嘅喇沙辣一啲。跟住嚟嘅係肉骨茶水準亦不錯，入面嘅幾舊排骨比肉骨茶浸到夠淋，至於藥材味亦足。呢餐食咗232，食物水準整體唔錯，響灣仔區嚟講已經唔算貴。

餐廳位於銅鑼灣鵝頸橋底附近兩邊牆身佈滿馬來西亞🇲🇾及泰國🇹🇭畫作及擺設為整個環境增添不少色彩🎉🍝泰式炒金邊粉Pad Thai 是我平日最愛的泰國菜之一🙈酸甜味道十分突出 令人開胃 金邊粉抄至乾身 沒有半點油膩感蝦雖然只有一隻 但勝在彈牙新鮮🦐旁邊還有不少調味粉 帶點香辣可使整體味道更惹味 不會太單調🌟🍤泰式蔗蝦撈檬粉蔗蝦香脆 而且十分厚肉‼️咬下去啖啖肉 真材實料 令人滿足檬粉爽身 不會有黏在一起的情況發生而且份量大分多👍🏻大食的朋友也不用擔心🤭🥭馬泰香芒糯米飯首次看見以壽司造型製成的芒果糯米飯🍣賣相可愛獨特✨同時飯與芒果的比例已安排妥當 十分貼心芒果不會過甜整體味道微鹹帶甜 口感軟糯餐廳的份量偏多 同時在銅鑼灣地段來說價錢合理 大食的朋友不要錯過😆

朋友喺銅鑼灣駱克道附近番工，駱克道向來不乏美食，佢就推介咗一間泰國菜x馬來西亞菜比我、價錢相宜，有啲菜式幾特別。食物種類繁多，有馬來西亞同埋泰國菜式，睇落都幾惹味，入面好多泰國菜式嘅圖畫，增添視覺觀感。馬來杏仁蝦餅🦐炸蝦餅就食得多，有埋杏仁仲好食😍杏仁爽脆，蝦餅蝦膠實在，口感吾油膩，杏仁錦上添花。去親泰國餐廳都會叫串燒🍢地道串燒有兩串雞肉同埋兩串牛肉，雞肉同牛肉都頗有嚼勁，雞肉嫩滑，牛肉味濃。自己叫咗個香茅豬扒撈檬，豬扒香茅味還好，份量多、大件，檬粉撈埋‘’士拉猜‘’汁酸酸甜甜味道可口。老公食印尼娘惹巴東咖哩白飯，喺某間人氣馬來西亞餐廳都食過，食得番戈種味道！咖哩汁惹味得黎吾會辣到入吾到口，雞扒嫩滑多汁😋🐔成個組合好正。班蘭椰汁冰相比起一般椰汁冰多咗香甜班蘭，班蘭味比想像中明顯，夏天飲仲正💚Pineapple Gaarden，菠蘿加Hoegaarden，好新穎，欣酒裡感受到菠蘿甜味🍍

咁岩今日去左銅鑼灣果頭行街見到呢間都好多人食既泰國野就決定去試下一入到去見個裝潢好有特色仲有D手畫menu 好靚好似真係置身泰國咁!店員都好有禮貌咁幫我地入座店既座位都多 坐得都闊落舒服一打開menu見到好多道地既泰國野食見到D價錢都好抵咁今次就叫左個泰式無骨海南雞飯朋友叫左個豬肉碎飯仲叫左個炒通菜同一杯斑蘭椰汁冰落完order D野食好快煮好 一上台熱辣辣!首先個海南雞飯 雞既量都好多 D雞肉唔柴 仲好滑添!配埋D汁一齊食都好好食油飯都夠曬味! 份量都好夠一個人食!個豬肉碎飯都好味有個好可愛既碗仔放D肉碎一上台好熱 要吹下先食~肉碎煮得好入味!個通葉份量好夠!唔算好辣~炒得好有獲氣 送飯食一流杯野飲好解渴~唔會太甜 岩岩好! 果然食泰國野果然要飲杯椰汁冰!

銅鑼灣鵝頸橋一帶除咗打小人出名以外，美食亦都出咗名既多。今次就等我試下呢間外觀已經非常具有泰國特色既餐廳啦。間餐廳嘅裝修都幾泰式風味，仲寫滿左唔同嘅特色菜餚添。今次叫咗幾幾道菜有:招牌無骨海南雞摻摻喇沙 - 幾特別嘅組合，佢既海南雞真係幾滑幾好食，配埋個湯底濃郁嘅喇沙，有多重滋味既享受。青咖喱軟殼蟹煲配白飯 - 泰國菜必點當然係咖喱啦。青咖喱唔辣椰香味重，加上炸到鬆脆既軟殼蟹，送飯簡直係絕配。再加埋兩支泰國本土品牌既梳打水，清爽又解膩，正斗！

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Lunch / 下午茶黎 @mathai_cuisine 都幾抵食 👍🏻凍飲加3蚊，特色飲品加$8。食物份量都好飽肚！我哋叫咗個香茅豬扒喇沙同無骨海南雞飯做主食。香茅豬扒個汁都幾清爽 😝 油飯有少少薑味。雞身都算滑 ❤️ 仲叫咗個蝦餅而佢有落杏仁一齊炸。 斑蘭蛋糕，原本以為會無味。點知佢都好重好香斑斕味 👏🏻 無加一。ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🌼 Food香茅豬扒侵侵喇沙 58招牌無骨海南雞飯 68杏仁蝦餅 26斑蘭蛋糕 34🌼 Drink泰式檸檬茶 3斑斕椰汁冰 8◇◇◇◇◇◇◇◇◇🔎 #cass_thai 🔎 #cass_泰國菜 🔎 #cass_cwb🔎 #cass_銅鑼灣🔎 #eatwccinhk

去銅鑼灣行街，識食嘅其實都知道鵝頸橋附近都有好多好嘢食!唔想食咁貴，所以行過見到有間食泰國菜嘅就行入去試下啦!入到去都見到有人客食緊飯，環境都好乾淨，燈光係光猛嘅，位置都坐得好舒服，唔會話好迫嘅感覺。 一支公就嗌咗個海南雞飯餐，78蚊價錢絕對ok啦，等咗大概十分鐘之後就已經上菜，份量都冇唔錯喎，包一碗湯，有雞肉，蘿蔔同埋粟米，好清甜，個蘿蔔一夾就知道煲咗有一段時間，重點係飲完之後我冇好口渴嘅感覺，唔錯唔錯。之後就到個雞，份量都唔少，雞皮係爽口嘅，而且仲可以見到雞皮同肉中間嗰個豐富嘅啫喱添，仲要係冇骨嘅就啖啖肉啦，除咗雞之外，仲有少少嘅青瓜，酸蘿蔔同埋花生，令到唔會話食到覺得好寡。配嗰個汁有一個酸酸辣辣，同一個比較濃嘅豉油。就算我唔係好食得辣，但都覺得嗰個辣醬都好開胃，係可接受嘅辣度，而豉油方面雖然比較重口味，但係撈埋飯食到啱啱好。雞油飯每一粒都係黃色的，好重香味。分量好似唔係好多但係其實都夠飽!最後有啲牙痕，嗌咗個佢哋嘅班蘭蛋糕，畢竟都好耐冇去星加坡啦。上菜嘅時候都見到份量都唔細，用叉拮落去係鬆軟嘅，咬落去呢十分軟熟，而且唔會乾爭爭，食完之後要不停飲水。見到佢仲有好多唔同菜式，見隔離枱

我諗呢間舖頭 - 馬泰，改呢個名就係因為佢主要sell馬來西亞同泰國嘢食，揭開menu見到有肉骨茶、喇沙、海南雞，仲要每樣都係$70-$80，就知啱心水啦～入到鋪頭，鋪面感覺唔算好fancy，有種好地道嘅感覺，佢牆身個架放滿咗唔同嘅調味料，仲有啲插畫。咁耐冇去旅行，真係令人聯想起泰國、新加坡啲街邊小炒同熟食中心🥹店員都幾貼心，一入去就放低口罩套、濕紙、兩杯水，街邊舖頭仔嚟講，都真係服務得幾周到！馬來海鮮摻摻喇沙唔好見佢$76就低估咗佢，一夾起，原來成碗譚仔過橋咁大，兩個人食都得。呢個價錢嚟講，有蜆、魷魚、鮮蝦咁多款海鮮，都真係良心小店！蝦味、咖哩香及椰香都齊晒，濃而不膩，我眼光真係唔錯。肉骨茶肉骨茶啲藥材都足，因為我飲到最底嘅時候，見到好多好細粒嘅湯渣。最明顯係啲杞子，多到鋪滿咗成個湯，食完隻眼blingbling明亮。最抵讚係啲肉骨！我平時最怕啲肉骨瘦蚊蚊/肌肉萎縮/成條柴咁，但呢間煮得好冧，但係又唔會一夾即散，80歲阿婆都食到！馬拉盞炒秋葵我自己炒秋葵，成日都炒到滑潺潺，所以我都費事麻煩，成條拎落去炒。一開始我睇menu圖片，見到佢切晒一粒粒咁樣，都有驚過會中伏。但係勢估唔到，嚟到

今日同朋友行銅鑼灣，行到附近又吾知食咩好。最後就去左食呢間馬泰。一入到去職員都好友善招呼我地。環境細細，但都有少少特別既佈置同擺設。餐牌上面都好多選擇，咩款式都有咁濟。有招牌喇沙，咖喱款式，泰式炒野，小食等等，價錢亦親民，吾會太貴。我地最後叫左一個前菜：青木瓜沙律，份量都吾少，青木瓜切到非常幼身，易入口，味道酸酸辣辣，超級醒胃！之後叫左一個軟殼蟹撈檬、一個冬陰公湯，再加二杯特飲。軟殼蟹撈檬做得冇想像中出色，軟殼蟹炸得吾夠香脆，是比較乾身的一種。不過勝在份量多。反而冬陰公湯就比想像中出色，非常足料。有蝦，蜆，雜菇菌同一些配料，聞落非常香濃，味道酸中帶少少辣，值得一試。特飲就普普通通，不過不失。下次再試其他款式！

上堂前孖住個同學仔速食個輕盈泰式餐！餐廳整潔光猛,墻上嘅美食壁畫幾吸引。一坐下服務員貼心遞上口罩袋同消毒紙巾😁細小嘅店舖,都有多種食物同飲品選擇。🔸鮮椰青椰汁清涼,香甜而不膩,椰青肉爽脆有口感,原味道,爽呀！🔸熱杞子紅棗茶一向懂得養生嘅同學仔話杯熱飲清肝明目、補血補腎,少少甜,好啱佢😂🔸清炒什菜成碟蔬菜都新鮮,簡簡單單清炒,清甜爽脆,原汁原味,無添加好健康！好喜歡秋葵碧綠又滑劣劣！🔸泰式炒金邊粉金邊粉乾身,帶點煙韌,加上炒蛋、豆腐乾、芽菜、韭菜同蝦等材料,酸酸甜甜,撈埋花生碎同辣椒粉食,味道提升！以咁嘅價錢,係銅鑼灣、灣仔嚟講,算超值,而且味道吾錯！

今日係鵝頸橋往灣仔方向發現一間食馬泰菜嘅餐廳，一於入去試一試😋馬泰特色拼盤$138叫一個拼盤可以有多種享受😋 有春卷、杏仁🦐蝦餅、蒜蓉牛油🐥雞翼、酸辣鳳爪&🦐鮮蝦米紙卷。 可以配泰式酸汁（較開胃）或泰式酸甜醬（較濃味）。素菜春卷炸得香脆。杏仁蝦餅好特別，外層鋪滿杏仁片，層次豐富。蒜蓉牛油雞翼不會太油膩。酸辣鳳爪配上🥗沙律菜和車厘茄酸酸辣辣十分開胃。米紙卷外皮煙煙韌韌，入面有米粉、蝦和生菜。🍜馬來海鮮摻摻喇沙$76十分足料，比想像中大碗。入面有🦐大蝦、蜆肉、🦀蟹柳、🐟魚蛋、豆卜、🥚雞蛋&🦑魷魚。麵底係米粉mix 油麵，米粉較軟滑而油麵則較有咬口，各有特色🌟。湯底🥥椰汁味較濃，🌶辣度也剛好。🐥泰式無骨海南雞飯$78配油飯&冬瓜湯。無骨海南雞雞肉嫩滑，喜歡配上甜豉油🙌🏼 冬瓜湯味道偏甜，🍚油飯帶微微黃薑味，飯粒粒粒分明。馬來特色手拉茶（凍）$28通常拉茶都偏甜，所以詢問店員可否少甜，少甜更貼近香港人口味🥰Coke Zero $14環境：4/5餐廳光線充足，四周牆壁佈滿特色食物畫作。服務：4/5上菜速度迅速，可以按喜好要求調節飲品甜度。餐具紙巾可以係櫃桶自取。食物：4/5食物份量足料，品種多樣

街坊系列 – 馬泰 💚------------------------------環境: 餐廳一眼可以睇哂😝整體格局四正座位算多👍🏻牆身上放置泰國風既裝飾擺設亦有擺放一啲粉筆畫作👏🏻好有個人既風格衛生良好💯每枱都有口罩同消毒紙巾提供------------------------------食物: 地道串燒 ($68) 🍢味道正常,稍稍乾身左少少😆配返個醬都唔錯沙嗲醬特別,加入左八角🤭多左一分特別香味原切香茅豬扒摻摻喇沙 ($76) 🍜喇沙份量非常大碗😍又無加一收費,CP唔錯剩湯飲落口好順滑😋味道香濃,仲可以揀辣度摻摻食落有層次,掛湯力唔錯🥰豆卜吸哂湯好正豬扒夠哂肥夠厚身🤭食落夠香又唔會乾”爭爭”泰式無骨海南雞飯 ($78) 🐥雞肉去哂骨,件件厚肉😍可以大大啖咁食超方便油飯味道正常,有淡淡既黃薑味🍚軟硬程度適中仲會有湯跟埋🤗似蘿蔔栗米煲雞湯,飲落清甜舒服------------------------------服務: 態度良好有禮🙆🏻‍♂️亦有主動俾水細心咁問返食客要唔要辣💁🏻‍♂️唔錯加分------------------------------環境: 7.5 /10 食物:

餐廳位於銅鑼灣，估唔到喺全香港最中心嘅地方，呢度嘅價錢都唔貴，下午茶都係講緊40到50蚊，仲要係星期六日都有。餐廳嘅裝修偏向普通茶餐廳，不過嘢食嘅水準都唔錯。🤤🤤🤤 同埋餐廳冇收加一，所以計返埋真係好平。我哋叫咗雞扒椰漿飯，同埋豬扒喇沙摻摻。 兩種扒煎得香脆， 值得讚既係喇沙，味道香濃，又唔會太辣。😍😍另外下午茶仲可以加廿蚊要小食， 所以我哋另外叫咗兩份小食。 係蝦餅同埋牛油雞翼， 份量雖然廿蚊但係都唔少，味道都唔錯，係正常水平。唔少得嘅係芒果糯米飯， 糯米飯上嚟熱辣辣，同埋芒果都幾當做， 一齊食味道到啱啱好。❤️❤️❤️最後因為下午茶會再有兩杯嘢飲，食完呢個下午茶都唔想食晚餐。 性價比真係一流👍👍

本身約左朋友去佢銅鑼灣屋企探佢，點知佢有事未返到去，唯有喺附近行下，搵個地方坐下等佢啦。路過見呢間泰國菜價錢唔貴，一於入去坐下，邊食啲小食，邊等佢啦。店舖環境乾淨企理，同隔離枱唔會太迫。菜色選擇頗多，由前菜，沙律，主菜到甜品，價錢貼地，唔會因為地理位置而特別貴。由於諗住食少少等朋友，所以我地只叫左蒜蓉包，生菜包同串燒。蒜蓉包上枱時放在籃入邊，很有心思。蒜蓉包香脆可口，蒜蓉味香。泰式辣豬肉生菜包，就咁睇啲豬肉粒好似平平無奇，但食落豬肉粒有咬口，而且真係幾辣，但好惹味，加埋爽脆青綠嘅生菜一齊食，口感倍增。雖然我唔特別好辣，但都食唔停口。串燒有2串雞肉和2串牛肉。雞肉串唔會嚡，牛肉串則醃料味重左少少。不過我覺得食串燒，沙嗲醬永遠係主角，佢有微微花生香味，甜甜地，中和串燒嘅鹹味，味道啱啱好，好配合。今次原本諗住食少少，但見價錢咁抵食，都唔覺意叫多左野食，飽哂，下次有機會要再試下佢啲麵食先得呀。

點咗海南雞喇沙麵，小食拼盤，同2杯特別soda飲品。喇沙湯底okay好味，不過D雞甩皮甩骨咁。其中一杯飲品送嚟時有一隻蟲仔喺冰上，同侍應講都好快換過一杯。對小食拼盤失望嘅，因為種類不多，重複幾舊蝦餅，味係一樣嘅，春卷好普通，全部都無特色，唔建議試。平日晚餐時段人唔多，可以慢慢坐。