馬拉公公

營業中

休息中

昨晚和朋友放工決定來到雅都商場已經開了一段時間的food court吃晚飯，走了兩圈後，我們覺得這間標示「正宗檳城風味」的馬拉公公最吸引，就決定幫襯這間小店！🍽 馳名檳城亞參叻沙 HKD 48配料有魚蛋、魚片、鮮蝦、菠蘿片及蛋，賣相十分吸引。辣度我是點中小辣，已經有點刺激但仍蓋不著本身的魚香味，搭配米線讓我更品嘗到湯的鮮味，份量與價錢成正比！評分：5/5🍽 檳城肉骨茶配飯 HKD 52朋友不喜歡辣味，就點了這款肉骨茶，輕輕的藥材香味，配上排骨、雞蛋及油炸鬼，讓白飯變得十分惹味！！排骨入味，肉多，可惜因為拍照時間太久，而商場冷氣太大，肉骨茶極速已冷卻，幸好店主超級貼心，不介意幫我朋友翻熱肉骨茶，才能讓我們都嘗到熱辣辣超美味又不辣的正宗馬來西亞肉骨茶！評分：4.5/5🍽 鮮牛油咖央多士 (+蛋椰香) HKD 25必試的咖央多士，牛油及咖央醬夾在香脆的多士中間，咬下去時有流心的感覺，感覺超幸福！叫多一份也絕對不過份！(香脆多士建議盡快吃，否則會變硬不脆)評分：5/5桔仔話梅冰 HKD 10 (跟餐)開胃小飲，不過有點過甜，店主很友善幫我加了點水，味道淡很多就易入口！！評分：3/5檸檬薏米西米

🍝●「檳城福建蝦麵」($49)●有兩隻開咗一半嘅蝦，本來都冇乜期望，諗住去普普通通就算😂😂點知又幾有驚喜喎😆😆食落幾有蝦味同埋幾彈牙，真係意想唔到！ 湯底冇乜椰味，如果食得辣又唔鍾意椰汁嘅朋友可以試下~~.🍜●「南乳雞翼黑獎乾撈麵」($45)●好食到連爸媽都讚不絕口😂😪南乳雞翼新鮮炸出嚟，非常之脆卜卜熱辣辣，而且醃得非常入味😃😍可想然之鍾意強烈馬拉風味嘅人一定會鍾意嘅~ 當然啦daddy媽咪最鍾意嘅應該就係咁親民嘅價錢😂食完喺隔離間雅都戲院睇埋套戲先返屋企就最happy啦😝😝💭💭💭好味(6/⑩)抵食 (6/⑩)💭💭💭

呢間 「馬拉公公👨🏻‍🦳」開正我地果範🌶主打馬來西亞檳城特色美食🇲🇾先來一個「辣死你嗎 配雞搥」😄😂有趣的名字其實係馬拉話 “Nasi Lemak “椰漿飯咁解！炸雞香脆，飯粒滲透淡淡椰香，配小魚乾、花生、青瓜、辣醬，是正宗的Nasi Lemak風味😍同我去馬來西亞旅遊吃的一模一樣！「白咖喱雞絲滲滲」即是叻沙混麵，咖喱湯底很濃厚，椰奶味較重，油麵和米粉沾滿湯汁，口感豐富。店主見到有小朋友特登給我微辣，其實仔仔係辣椒仔😝好食得辣！ 佢嘅食後感係：好好味！唔夠辣！🤣🤣飲品叫咗🧊青檸可樂 同 涷柚子蜜，酷熱天氣下，飲完解渴透心涼！💙💙💙經過可以試吓👍🏻

🇭🇰屯門正宗火辣辣馬拉菜【#馬拉公公 】🔥🍜檳城福建蝦麵 $49鍾意辣嘅朋友仔有福啦，呢碗福建蝦麵真心推介，佢個湯嘅辣感係會慢慢咁樣滲出嚟，滿滿嘅配料充滿晒所有精華嘅香味，入口嘅時候濃郁嘅湯味配上慢慢滲出嚟嘅香辣感覺會衝擊你嘅味蕾，加上蝦麵彈牙爽口簡直係冇得彈！🍛黃金蝦球拼小雞腿飯 配梛香白咖喱 $42雖然呢個飯嘅賣相好似好平凡咁樣，但當你見到底層嘅白咖喱之後撈上去白飯嘅時候個感覺節炎不同，椰子嘅香味加上咖喱入口會有個上癮嘅感覺，甜甜地加埋微微辣嘅感覺真係唔錯，黃金蝦球都炸得香脆，一啖入口鮮蝦味道再有一層層嘅白咖喱感覺，小雞腿都啖啖肉令呢個配合更上一層！🧋馬拉拉茶 $7飲品方面好貼心咁樣用咗膠樽去俾啲食客，當你食辣嘅時候，奶茶就係最好嘅飲品，入口滿滿嘅茶香味簡直係辣後最高嘅享受！🧊薏米水 $10薏米水都係一樣用咗膠樽，呢個設計真係方便食客如果飲唔晒嘅時候可以收好佢拎出街再飲，薏米水嘅誠意都十分之足夠，勁多嘅薏米飲落去不單止健康有益，仲令你食得好寡嘅時候給你一啲滋潤！📍馬拉公公 (屯門)屯門屯門鄉事會路112-140號雅都商場Go Go Mall1樓S69號舖

今日同友人經過雅都商場那邊，發現開咗一個美食廣場，見到呢間標榜正宗檳城風味的小店馬拉公公，於是決定一試。我地叫咗兩個套餐，一份檳城亞參喇沙米線及一份辣死你嗎配南乳雞翼飯，每個餐加7元再加配凍馬拉拉茶及凍怡保白咖啡。另外再點了一份雜錦囉吔，囉吔內有菠蘿、蘋果、石榴、青瓜、油炸鬼等材料，與特製的醬汁配合得恰到好處，酸酸甜甜夠曬醒胃，叻沙米線的材料包括有雞蛋、魚片魚蛋、蝦等、魚蛋魚片新鮮爽口美味，喇沙的是真正的檳城風味，和其他連鎖店的喇沙有明顯分別。至於那份辣死你嗎南乳雞翼飯，雖然我們都不太吃得辣，但由於辣醬與飯是分開上，可以按需要添加到飯內享用，十分惹味。南乳雞翼亦香脆可口，值得過黎一試。

白咖喱海鮮滲滲🦐$48原來喺馬拉嘅白咖喱即係我哋食開嘅喇沙🤣🤣呢個湯底超香🤤椰奶味好正好重😊同埋都幾多材料🤪有魚蛋😇魚蛋片😂蝦😉同埋豆卜☺️豆卜索晒個湯汁真係食過返尋味😆😆鍾意食滲滲😃係因為個口感好正😆又可以一齊食粗麵同米粉😊食完有一種嘴巴去旅行😀去咗馬來西亞嘅感覺黑醬乾撈麵配怡保芽菜無骨雞🐔$52佢個醬汁都幾特別😆佢原來有三隻醬😇麵底就係佢個黑醬啦dddd 鹹味😆仲有一隻酸酸地嘅醬可以撈😆同埋辣醬😇所以唔同醬就有唔同嘅層次☺️好貼心係無骨雞🤣雞都好香同好滑😁仲有啲生菜同芽菜超爽口🥬啲芽菜同我平時食嘅有啲唔同係偏粗身蒜香小雞腿🍗+$20最驚艷竟然係呢個小食🤣🤣雞腿真係炸到非常之香😆仲有酸甜醬😇中和返個熱氣感得黎又帶出雞嘅香味🤪🤪重點係好平$20 4隻哈哈馬拉拉茶+$7 &柑仔話梅冰+$10呢兩款飲品都超有馬來西亞風味🇲🇾個奶茶其實都重茶嘅香味😆又唔算好甜😊同平時飲開嘅泰國奶茶同埋港式奶茶好唔同🤤話梅柑仔冰就真係好啱而家呢個天氣飲😃少少鹹得來又酸酸甜甜😉勁開胃呢間小店真係性價比超級高☺️又好食😇重點係個店員真係好Nice好友善🤪上餐速度又快😀大推大推

雅都呢個food court都已經開咗一段時間，都只係食過其中一兩間，今日買餸前特登上黎搵食，見到呢間有人排緊隊，應該好食掛😌辣死你嗎白咖喱牛坑腩 $50 白咖喱唔太辣，牛坑腩夠林，「辣死你嗎」係馬拉語，中文即係椰漿飯，呢度嘅飯散發着淡淡嘅椰香味，配搭著辣椒醬、小魚乾、花生等，三扒兩撥就食晒成個飯😆😆雞絲配檳城亞參叻沙米線 $47 通常香港食嘅喇沙，都係新加坡帶有椰香味湯底白色個款，而呢碗馬拉風味嘅喇沙就特別唔同。湯底呈橙色，略帶酸辣味，好開胃，仔細啲睇吓見到有一絲絲嘅沙甸魚碎，一定落足料熬呢個湯👍🏻 牛油咖央多士 $25 咖央配上牛油🧈，甜甜鹹鹹嘅口味，多士烘得夠脆，趁熱食簡直一流享受桔仔話梅冰 +$10 味道鹹鹹酸酸，夏天飲真係清新暢快，可以一試馬拉無糖黑咖啡 加煉奶 +$5 呢間小店價錢唔算貴，食食吓嘅途中，老闆有埋嚟吹水，原來佢屋企真係來自馬來西亞🇲🇾，食物嘅原材料堅持由當地運嚟，少少味精都冇，用最正宗嘅方法烹調馬拉味道，估唔到呢個小小嘅Food Court都比我尋到寶😝😝

嚟到food court同朋友食馬拉公公menu十級多選擇好多馬拉特色菜我同朋友就嗌咗2個主食+1個小食share辣死你嗎配吉列豬扒 $48唔好以為辣死你嗎係辣嘢，其實”辣死你嗎”只係椰漿飯 (Nasi Lemak)原本都驚椰漿飯好甜但好彩只係帶少少椰香味令到個飯更加香薄切豬扒炸得好鬆脆加加埋埋都有成10舊，絕對夠送飯令我最驚喜係個辣醬好似加咗啲生果咁 辣得嚟 帶啲清爽配炸物真係一流檳城福建蝦麵 $49朋友嗌嘅滲滲對我嚟講 有啲辣😂配料都幾足 我最鍾意豆卜 吸晒啲湯嘛雜錦Rojak $32大鄉里第一次食🤭係馬來西亞版嘅沙律凍食得嚟 濃味舊舊都黑色 個樣又差唔多😂我食得出嘅有油炸鬼、青瓜、薯仔、菠蘿 etc個醬甜甜嘅 配埋花生粒 又幾過癮喎埋單每人70多少少 都唔錯

這家店是在food court裏面的，環境很寬闊，是共用的用餐環境吉列炸豬排配干乾咖哩撈油麵(46hkd)跟一杯美祿（+7hkd)我最推薦的是撈麵套餐，咖喱的味道香辣濃厚，每一根的油麵也會有咖哩醬附在上面，炸豬排的份量也很多，吃到最後還是可以一口吃肉一口吃麵，肉厚皮薄，絕對是肉食怪的愛😍白咖喱豬頸肉滲滲(48hkd)跟桔仔柚子蜜(+10hkd)蒜香小雞腿（+20hkd)湯麵的肉量充足，豬頸肉口感軟嫩，白咖哩口味的湯頭可以吃出來有超濃郁的奶香，第一口覺得不太會辣，但吃著吃著就感覺辣味在遂漸推疊🥵而且讓有米粉跟油麵混著，一次滿足你想吃兩款麵的願望❣️加配的小雞腿，外酥內軟，肉汁飽滿配上滿滿的蒜香味，讚😋#foodiblum馬來西亞菜

唔使飛去馬來西亞，都可以食到地道菜。呢間老闆係來自馬來西亞的大廚，做出正宗地道菜式，食物充滿馬來西亞風味，猶如去到馬來西亞般感覺😍 ✳ 雲吞叉燒黑醬干撈麵地道雲吞叉燒做法，又有雞蛋，醬油滲入係油麵好入味，而香蔥花亦好香😋 ☕ 怡保白咖啡套餐可以配怡保白咖啡，咖啡味香濃，甜味剛剛好 ✳ 雞絲冬炎湯冬蔭功湯湯底，香茅味令到個湯好香，少少辣味，有油麵同米粉係入面，雞絲又幼滑，食麵時連湯飲好惹味😋 🧋 涼粉西米冰鐘意食涼粉可以揀涼粉西米冰，又清熱又解渴 ✳ 鮮牛油咖央多士牛油溶入左熱辣辣嘅咖央多士，咖央醬夾喺多士嘅中間，有流心嘅感覺😋

如果到馬來西亞旅遊，一般都會吃上一碗粉麵。今次來到這間就點一點他的檳城福建蝦麵。一上菜，看到濃郁的湯色，立即使人食慾大開。個人最喜歡滲滲這個油麵搭配米粉的組合，當然要安排上。這碗蝦麵配料也挺多款式的，有蛋，有魚片，有蝦，也有腩肉，立即呼嚕呼嚕開動。咖哩也不容錯過，炸小雞腿配咖哩飯。別看這小雞腿短短小小的，這蘸上些咖哩汁，也是滋味。吃一口飯，再吃口肉，大快朵頤。加配份墨魚滑釀鳯翼，就是沒骨的好，皮是脆的，可喜。喝上口薏米水，在這food court中，大家都在尋找着自己想要的味道。

呢日帶左駿哥哥學畫畫我就同咀刁爸B黎到屯門雅都商場，太耐無行過呢邊原來轉左做foodcourt,爸B想飲咖啡，我又想啲辣野，見到馬拉公公個店名甘得意既，同傾開計原來店主爸爸系正宗檳城人黎，香料同食材都系由當地直送到香港架。 🍜#白咖喱海鮮滲滲 $48滲滲系馬來西亞特色麵食，油麵溝米粉兩種口感混合一起，海鮮滲滲非常足料，有大蝦、魚丸、豆卜、魚片、雞蛋、芽菜、豆角，白咖喱加入椰汁令咖喱更加香濃惹味。食左一半已飽飽地😋☕#怡和白咖啡（跟餐+$7）咖啡味夠晒香，略帶點甜味，好飲🍝#南乳雞翼黑醬乾撈麵 $45香濃既南乳雞翼皮脆肉嫰，乾撈麵（幼麵）配黑醬非常好惹味。🍹#桔仔活梅冰 （跟餐+10），酸酸的非常解渴 想食正宗檳城菜可以到來一試。 @Mala Grandpapa 馬拉公公📍屯門雅都商場 GoGoMall 1樓 S69號舖

🍜#白咖喱海鮮滲滲 $48咖喱香濃海鮮滲滲微辣非常足料又大碗好飽。☕#怡和白咖啡（跟餐+$7）咖啡夠香好飲馬拉公公📍屯門雅都商場 GoGoMall 1樓 S69號舖

😆又去左屯門gogo mall 食馬拉公公啦🇲🇾👴🏻，老闆係馬來西亞華僑，佢哋嘅馬來西亞菜好正宗😋， CP值高‼️📌雜錦囉吔Rojak 🥗呢個馬來西亞沙律幾正😋看見，入面有：脆炸豆腐、油炸鬼、花生🥜，青紅蘋果🍏、青芒果🥭、菠蘿🍍、青瓜🥒等❤️ 配合特製醬汁，香香辣辣📌辣死你嗎配炸小雞腿🥥🍗🍱（$46）呢個馬來西亞經典，椰漿飯香濃🥥，同時做到粒粒分明，實力表現‼️配合特製醬汁🌶，香濃，夠辣，刺激，好吃‼️‼️📌白咖喱牛坑腩滲滲🐮🍜（$48）檳城白咖喱即係新加坡喇沙🍛，滲滲係兩種麵條混合，多重口感，麵條掛湯能力極高，濃郁惹味😋牛筋牛腩都夠腍入味🐮😋👍🏻📌美祿恐龍🦖（$10）重料濃郁，冰凍可口，啱夏天🧋❄️📌涼粉西米冰🧉（$10）冰涼解暑，微微奶香，配合西米和涼粉🧊👍🏻👍🏻😋

位於屯門的所以新界嘅朋友可以去試吓食喺屯門嘅food court 都幾容易搵得到嘅價錢好抵亦都好抵食嘅佢哋嘅種類都多份量都唔錯係夠食的所以可以放心佢哋嘅食物大部份都係有少少辣都幾好食的佢哋嘅酸辣河粉都幾大碗配上佢哋嘅魚蛋都好爽口同彈口！！！仲有佢哋嘅咖喱飯其實都係配上少少嘅辣味同埋佢哋嘅奶醬，佢哋嘅飯好多啊，食完飽肚感好大。都係大約$52如果口渴想飲凍飲要加$10就有佢哋嘅特飲佢哋嘅嘢飲都好大杯的！！！