馬拉公公

營業中

休息中

餐廳喺gogo mall入面，類似food court自助形式，雖然鋪頭細細，但係食物種類好多落完單等著燈就可以去攞餐💡檳城福建蝦麵🍜湯底係用蝦殼、蝦頭熬成嘅鮮味蝦湯加上辣椒製作而成，望落紅噹噹，但係食落冇想像咁辣，鮮味和辣味並重，而且餐牌寫住辣度係可以調教，唔需要擔心會太辣👌蝦麵嘅麵底係摻摻，口感更加豐富，米粉亦索到湯汁🦐馳名檳城亞參叻沙米線 🍜湯底酸酸辣辣，配料有蝦球、魚蛋、菠蘿等，頗為豐富，同平常食到嘅咖哩喇沙完全唔同，幾有特色🍍凍馬拉拉茶、怡保白咖啡🧋加$7配凍飲，可以解下辣🌶

白咖哩雞絲滲滲 HKD$46呢個其實食落湯底好似喇沙，食落係好香椰奶味但就冇左咸蝦醬個咸香味～佢個名叫「滲滲」其實係代表左油麵溝米粉，係馬拉嘅特色食法佢地d雞絲係用刀切嘅，唔係手撕雞咁，食落啖啖肉最正係d豆卜，本身炸到好乾，所以可以吸晒d汁！大蝦干撈麵 HKD$50除左炸蝦之外，仲有d炸茄子，不過味道比較淡，而且茄子會比較油個麵就偏咸左少少，所以撈埋d配菜同芽菜黎食就好d最特別係配左個浸住辣椒嘅醋，d辣椒粒酸酸地好開胃呀怡保白咖啡 跟餐價HKD$7好香，而且飲落都唔怕苦涼粉西米冰 跟餐價HKD$10呢個超驚喜，極力推薦！飲落勁香黑糖味，而且西米加涼粉個口質好爽好正

老闆娘既家人係檳城人，好多香料同醬料都係直接從當地買翻黎，做既味道都係檳城既口味，夠哂正宗😉咖哩牛坑腩咖哩香濃夠味，但唔會太辣同嗆喉。牛坑腩份量唔少，煮得算淋，有牛肉香味，而且仲有筋位😍馬來酥餅配乾咖哩都幾有驚喜既一款小食！呢個馬來酥餅完全唔會油膩，夠酥香鬆脆。乾咖哩感覺類似好厚實既醬汁，濃郁既咖哩香味夾雜左香茅既香味，十分惹味。馳名檳城亞參叻沙米（米線）老闆娘佢地做既呢個叻沙係檳城既風味，魚湯底，而且酸酸辣辣。湯底的確濃郁又有咸香味，而且酸辣既味道好岩我既口味～配料有魚蛋，魚片，蝦，蛋等等，都幾豐富。而且佢地既米線煮得彈牙有咬口，有驚喜！薏米水想飲真材實料而又唔會甜既薏米水就要試下呢到既出品啦！入口有薏米既香味，微微既甜味，令到成件事變得更好飲。桔仔話梅水媽媽話超濃味～酸酸地幾開胃醒神！

去屯門探望朋友，友人帶左我去Go Go Mall 覓食。第一次去Go Go Mall ，先知原來有咁多野食。最後揀左一間食星馬菜既馬拉公公。白咖喱海鮮滲滲(HK$48) 🍜滲滲係馬來西亞嘅特色，其實係米線溝油麵，令人有雙重嘅口感。不得不提個湯底，椰香味及咖哩味重，又香又滑。 而配料方面誠意十足，包括蝦，魚片，魚旦，魚腐等等，魚腐索晒白咖喱的湯汁，超級惹味！ 😋辣死你嗎配南乳雞翼🐔（HK$46) 用南乳醃得非常入味，雞翼即叫即炸，香脆可口。辣死你嗎是馬來西亞特色之一，其實就是香辣的醬料拌魚乾花生。醬料撈勻白飯嚟食，少辣惹味🌶 馬拉拉茶☕️ (跟餐+HK$7)馬來西亞特色奶茶，茶味濃烈👍柚子蜜 (跟餐+HK$7)清新鮮甜，食完辣野飲啖柚子蜜，爽！

當天跟家母午市來到屯門新墟附近，想起雅都商場Go Go Mall的美食廣場，便上去看一看有什麼選擇，最後來到這家馬拉公公位置：在美食廣場差不多最後一排，但比較當眼環境：美食廣場算是整潔衛生，座位亦足夠服務：女店主細心推介食物，同時主動幫忙把食物送上我們的座位食物：女店主表示其父來自馬拉，食物亦充滿馬拉特色檳城福建蝦麵（$49）充滿東南亞口味，偏香辣惹味，配菜有鮮蝦、燒肉、半邊雞蛋及豆腐卜，讓人相當滿足檳城肉骨茶配白飯（$52）由於家母不喜辣，於是店家便建議這款肉骨茶藥材味不會太重，配菜主要有排骨、雞蛋及油條，排骨入味而有肉，油條香脆，整體很不錯原味咖央多士（$25）甜甜的咖央醬中帶點椰絲的口感，配合烘過的多士，正宗的馬拉口味桔仔話梅冰（跟餐＋$10）桔加上話梅鹹鹹的味道，是解辣開胃的飲品凍泡沫咖啡 （跟餐＋$7）微苦的泡沫咖啡，是本人的最愛，雖說跟馬拉菜沒有很搭就是在美食廣場不能要求環境太多，幸好這家馬拉菜味道正宗同時很美味，令這次的用餐體驗頗為滿意

屯門實在太多美食了， 今次去到雅都商場， 係美食廣場比馬拉公公吸引了， 所以就買回家食。⚛ 南乳雞翼黑醬干撈麵（粗麵）$45 ～ 用南乳醃製過再炸的雞翼香脆可口，粗麵用黑醬拌勻，味道濃郁甜甜地謙謙大愛。⚛ 雞絲配檳城亞參叻沙米線 $47 ～ 掛住馬拉所以叫呢個來回憶之前去旅行的味道， 湯底小小辣好香，味道幾正宗。🥤 跟餐加 $10 凍薏米水🥤 跟餐加 $10美祿恐龍食完濃味野，緊係要飲返杯野爽下啦我杯凍薏米飲完好舒服， 仔仔就好喜歡飲美祿。

餐廳：馬拉公公地區：屯門地址：屯門屯門鄉事會路112-140號雅都商場Go Go Mall1樓S69號舖日期：7/2/2021時間：18:30人數：2人 等位：-價錢： ＄116屯門雅都商場一樓之前開左個food court，見馬拉公公個餐牌好吸引，今次就試下佢啦！佢款式好多我哋只係嗌左兩款，就係檳城福建蝦麵、咖哩雞飯、再加一份小食南乳雞翼，我哋夜晚去只能夠外賣自取拎走食。店家非常細心，有湯或者汁會同飯/麵分開裝，避免浸到林晒👍🏻檳城福建蝦麵幾好食，配菜豐富而且又大兜😂個湯亦夠辣😋而咖喱雞飯就更加正，一食舊雞會骨肉分離，肉質非常林身容易入口👍🏻而另外加既一份小食南乳雞翼亦都非常香口，估唔到拎完返屋企都仲咁好食，非常值得推薦👍🏻兩款主食再加一款小食都只係$116，價錢相當親民，而且款式非常之多，下次一定會再試下其他款式。

呢日懶唔想煮飯🙈所以落左樓下food court買野食老公咁岩想食辣野，呢間馬拉公公就岩哂喇我地分別叫左一飯一麵，同一個小食先食小食，鮮蝦炸雲吞外賣拎到返屋企都仲好脆口；食到粒粒蝦同埋豬肉👍🏻無骨豬手乾撈麵睇落得三塊豬手片好似好普通，但都幾厚切架，同埋鍾意佢係無骨，啖啖肉乾撈麵好入味，配埋芽菜食增加口感👍🏻紅咖喱雞配飯我平時食開小辣，所以食落覺得都幾辣下；老公比我食得辣就覺得岩岩好薯仔同雞好入味，份量都夠，多汁撈飯正😋

疫情下未能外遊，唯有以味蕾遊走各國。馬拉菜是我最愛之一，所以屯門雅都這家小店，吸引了我過來，今晚買賣外回家吃。即叫即整，需要一點時間等候。拿了外賣快快回家品嚐。值得一讚店家會問要不要餐具，很多時買外賣都忘了叫走餐具，而在家根本不需要即棄餐具，只是簡單問一句，就能少一點浪費地球資源和空間。桔仔話梅冰$10 - 很喜歡桔仔話梅味道很開胃，跟餐價好抵飲。涼粉西米冰$10  - 像珍珠奶茶的造形，入口味道較淡，可能冰溶了的緣故，下次應叫少冰或走冰，而底下則較甜，到底有細粒涼粉可開蓋食。咖喱豬軟骨飯$48 - 汁料用多種香料調製而成, 很有異國風味道, 很多汁方便撈飯, 而豬軟骨炆到好軟淋入味, 軟骨都可以吃掉, 還有不少薯仔和豆卜, 餸料很豐富, 飯量也多。馳名檳城亞參叻沙米線$48 - 湯底是魚肉基底再加上, 雖然辣味幾刺激幾強, 但仍喝到魚香的味道, 米線另外附上, 不怕吸湯, 還有鮮味的魚蛋、魚片和鮮蝦, 菠蘿片和蛋。這一晚味蕾飛往馬拉, 價錢相宜又實惠, 製作食物都用心, 有驚喜, 是值得支持的小店。

等來等去都等唔到堂食嘅日子，夜晚我都要食飯，都會肚餓㗎嘛，於是岀去買啲好食嘅野，等自己心情都好啲。好，睇吓有咩好食先。檳城肉骨茶跟白飲，又有得飲，又有得食，湯底清徹得黎有肉味，仲有大大隻蛋，豬軟骨煮得又腍又入味。炸小雞腿配冷凍當咖哩，45蚊都有4件雞腿，抵食，而且炸得夠香脆，返到屋企都仲係脆嘅。咖哩汁少少辣，夠香，濃稠度適中，拌飯一流。叫咗特色飲品，有美祿同馬拉無糖咖啡，黑咖啡唔錯，無糖都唔會澀。

下午四點幾去食，點左推介既$48海鮮叻沙米線，+$5熱美祿，共$53。落完單比錢後，取飛同號碼自己搵位坐低。個號碼響動時就出去取餐。呢個自助方式好方便。等左5分鐘左右，就閃燈震動有得食。我點左米線要小辣。攞到埋位，熱辣辣冒住煙。有獨立包裝既即棄餐具，衛生。個賣相同餐牌一樣好吸引。有2粒白魚蛋，2粒蝦，2塊魚片，都彈牙。仲有2細片菠蘿，半個烚蛋，一些青瓜絲同菜。用紙盒裝住，野飲都係用紙杯，比較環保。個配搭係幾豐富，湯底唔算太濃。個湯底味道係OK。杯美祿夠熱，不會太稀太淡。整體，味道&服務都算OK。但不是非常合我口味。

外面一般餐廳既馬拉菜最低消費都要HK60起， 而馬拉公公就實惠一點，大概HKD50。馬拉公公係一個舊式低調商場foodcourt內其中一個檔仔，座位唔多，尤其限聚令下更少， 但係12點正午又唔算多人，所以唔難塭位。如果對環境好有要求既， 堂食未必岩你， 座我旁個叔叔播片無用耳塞都幾影響心情，不過快食就忍忍啦，噪音係一般foodcourt都會面對既問題。除環境之外， 服務同味道都好滿意。服務員好有耐性推介同解釋餐牌，加分加分。白咖哩海鮮滲滲每一個配料都好滿意， 無偷工減料，尤其喜歡魚蛋同蝦，d蝦又大粒又爽口，個湯底好香好滑 ，非常推介; 而份量唔算好多，for一個女仔黎講岩岩好。

各位2021新年快樂❤️作為新年第一post，要推薦一間驚為天人既小店🤩本身冇諗過食呢間，只係係food court咁岩見到又幾吸引，就叫左個麵黎試下🤩後尾先發現原來呢間小店係屯門區黎講都幾有名氣！🍜 輕盈亞參叻沙 $40雖然價錢平，但啲餸都好足料😍佢個湯底超級濃😚 係唔辣既！麵既軟硬度都適中😍希望下次再黎試下其他野😋

Gogo mall嘅馬拉公公係我同朋友嘅食堂~真係好喜歡呢間馬拉餐店 老闆娘好nice平時係佢度都係幫襯開濃味野，今日我想清清地，佢所有野岩我食，太感恩今日大家都係養生mode呢碗就係我碗清清地嘅雞雞 (繼續係我至愛嘅肉) 湯滲滲 我真係好鍾意食滲滲，粗幼通吃Yeahhh 碗麵食得我好舒服雞肉一啲都唔絲，都有咬口架~~ 想刺激返少少又可以點點旁邊嘅酸辣汁。朋友嘅肉骨茶都not bad啊，熱辣辣，肉排唔算淋，料索晒湯汁，微微herb嘅味道，nomnomnom

今日約在朋友係屯門拎野，見屯門市中心果邊商場咁多人，朋友就介紹新開左一排既gogo mall話入面有food court, 好多小食餐廳，咁就順便食埋野先走，依排疫情關係都有成年都冇去過旅行，冇得飛又但又好想食馬拉嘢，行過見到個名幾好吸引，又聞到一陣陣好熟識既馬拉味，一於就叫咗一個檳城骨肉茶同一個白咖喱海鮮拉麵🍜兩樣都好地道，味道都拍得住正宗菜，而且價錢都尚算便宜，如果份量再多少少就更好！順帶一提，餐廳d姐姐都好有禮貌！