馬德里餐廳

營業中

休息中

自從馬德里裝修了就沒再來。但想不到裝修後由一日餐廳變成了懷舊茶記。。。囧以前的靚靚Led都沒了，但價錢便宜了🤣什至平過茶記餐包和餐湯的都沒變，也包括碟碟碗碗，由之前貴貴的變成大件夾抵食168元2人套餐，有齊餐湯餐包餐飲，但建議3～4人來。。。因為真的好大份和cow bean比較，這西冷牛扒應該300g份量了， 2人吃一塊+餐湯餐包都飽晒了🙊🙊🙊至於豬手，很好吃，蜜糖芥醬也很惹味，配上煮得剛好的意粉，甜甜的，而且是原隻豬手上，烹調很入味，好軟，口感不錯，比其他餐廳的豬手(某花園)不用互相各力就可以輕鬆切割😍so good

今日黎到深水埗搵野醫肚時間，經過呢間馬德里餐廳，見咁多人排隊，就一於入黎食下❗️入到去地方其實幾大，可能值午餐時間，真係好多人午餐選擇有五款，日曰新鮮今日星期三叫左個B 餐先黎羅宋湯，個湯其實幾高質，多湯料，而當然最重點係湯酸味重，好正❗️❗️❗️到主食出場喇❗️❗️喜出望外的係佢有好多配菜，如翠玉瓜同蘿蔔仔，補充下纖維蒜蓉汁好有蒜蓉味，唔錯唔錯加上塊雞扒同午餐肉都好厚，雞扒煎得脆脆地但又咖會太燶，唔錯唔錯❗️

Notebook 壞壞地, 緊係要落深水埗x金度格下價啦,現在砌機原來都算平.之後見有點肚餓, 就望望有無像樣的茶仔在附近可以令我快速食過午餐.一見到呢間餐廳個門面, 好似幾有裝修咁.二話不說就入左去卡位選擇野食了.Menu 感覺上對鐵板燒好似有點心得咁.見到午餐好多選擇, 今天是星期一, 就試試午餐B 香煎雞扒拼吉列帶子配蒜茸汁意粉+凍啡 吧.先黎我最愛的湯水, 羅宋湯.  不算太辣. 不算太多牛, 蔬菜為主. 好入味. 轉眼已被我秒殺.主菜到, 蒜茸汁不多, d 汁沒有鋪上意粉上. 可以使客人食到淨意粉又得, 撈埋d 汁食又得.雞扒和帶子不過不失.再加埋杯提神凍啡, 好愉快的午餐啊! 

焗咖哩雞扒飯, 咖哩唔算辣, 咖哩味好香, 喜出望外嘅仲有一層厚厚芝士, 這一點在其他地方食比較少見, 雞扒夠嫩滑又厚, 唔會又霉又硬, 例牌配有少量薯仔, 整體又香又惹味。

午餐外賣一般都係叫啲炒粉面飯, 或者午餐, 常餐咁, 都係啲咩扒+咩汁+餐肉呀火腿呀或加隻煎蛋, 都無咩特別。今日試左個” 西冷牛扒配炸蟹鉗黑椒汁+意粉” , 心諗個名咁好聽, 嚟到都應該係果啲行貨例牌飯, 打開一睇與別有點不同, 先試個餐湯, 有不少蔬菜西芹, 味道唔錯. 比較少見嘅配菜, 係顏色鮮艷的小甘筍+脆肉瓜, 急不及待已食曬啲配菜, 仲有兩顆炸蟹鉗, 平時唔係去飲都好難有得食, 嚟到仲脆脆地, 收貨啦。西冷牛扒香, 滑, 淋 成隻叉咁長, 1.5CM 厚, 味道很好, 加埋杯餐飲熱咖啡, 非常滿足。

招牌推荐 滑蛋叉燒飯, 今個月第二次翻食, 貫徹味道一致, 不負我望, 很好。叉燒夠淋唔會又乾又硬,炒蛋很滑不會過熟過硬, 加上蔥粒很香, 應該每客即叫即做, 加上叉燒, 整體不錯。不用花巧, 簡而美味。

深水埗少見的馬來風味-喇沙金邊少粉, 有幾款不同配料, 今次試左外賣雞扒喇沙金邊粉, 好貼心係外賣已經分湯, 配菜的魚片, 豆卜, 芽菜已經好食過附近好多車仔面店, 雞扒好有肉汁, 感覺日日制, 唔會有隔幾日翻煮又硬又霉的味道。

深水埗福榮街近欽州街馬德里餐廳, 係深水埗都好多年, 成條街算係老字號, 岩岩裝修過不久, 裝修幾特別, 見佢最近有新外賣紙加左個"招牌推荐", 試左個沙薑雞脾飯, 啲雞鋪滿成個外賣盒, 一打開都見唔到啲飯, 大件又厚肉, 仲配左蔬菜, 贊!

之前要有食開確實一般，但今次確有驚喜！豬手吹到不得了淨係泥度見到個樣都已經漏口水切落去個下脆卜卜嘅聲，真係無得頂熱辣辣，配薯菜，跟埋自製醬汁！確實不錯！牛扒質地都唔錯，以呢個價錢泥講，確實值得一試！黑椒汁起碼唔係得個色無味個啲啦跟餐有埋湯同餐包！舒舒服服同隻佬食掋食好西

話說某一天下午路過，見佢好似裝修過又改咗名叫"冰室", 就比多次機會佢啦，試吓啦！今次重臨舊地，是否換湯不換藥呢？今次叫咗過唔知乜汁炸帶子雞扒飯同卡邦尼鮮蝦意粉。碟飯來到，外觀都唔多掂，食落仲衰，炸帶子無理由炸到裡面淋到好似豆付加糊仔，雞扒衰到pink pink哋！到碟粉來到，外觀都覺得毫無誠意，d汁仲衰過普通白汁，蝦毛得嗰三大隻，d粉咬落都唔想再提， 又係淋pat pat，大佬無心做廚師，無心做食市， 其實唔好勉強，香港仲有好多搵錢方法㗎， 無謂浪費你寶貴嘅時間，浪費我嗰胃寶貴嘅空間。

星期五晚上到深水埗行街，突然落起雨，所以就沖了入馬德里餐廳食晚飯。 之前試過食過一次是吃扒餐的，近期食得太多肉類，所以我們只點了一個西炒飯$68和乾炒牛河$68。 跟餐有湯，牛角包和飲品。 羅宋湯酸酸甜甜味道調教得剛剛好，牛角包熱辣辣，味道唔錯。 但這裏的西炒飯真是麻麻地，原本西炒飯應該是甜甜酸酸好開胃的，而這裏的西炒飯味道淡而無味，真是要好好改進。 乾炒牛河味道普通，雖然顏色好似炒得幾靚，但入口的時候感覺味道非常淡。

深水埗區依家好難搵到質優又唔太貴嘅午餐， 難得今日中午都食到咁好嘅西冷牛扒餐， 有餐湯及餐飲， 西冷牛扒夠分量， 又香又淋又好食， 仲要唔洗$50蚊。 雖然要自取外賣， 但食完就覺值得， 呢個餐夜晚係其他地方堂食鐵板上， 應該要過一百蚊。

「馬德里餐廳」作為一間，店名擁有西班牙風情，但是餐廳實際上，卻只是一般有西餐廳風格的港式餐廳，我光顧「馬德里餐廳」之前沒有考慮過「馬德里餐廳」會否有「西班牙菜」食，反而擔心場內電視會播映什麼頻道。直到我第一次上門，腳步第一次踏入「馬德里餐廳」的樓面範圍，我最初的擔憂稍為獲得平復，幸好「馬德里餐廳」樓面內的掛牆電視裡面，還有電視機播放非「新聞臺」頻道。至於「馬德里餐廳」最初給我的第二個擔憂，就是「馬德里餐廳」裡面的「搭檯」狀況會否像我最初預想一樣，餐廳一開始就會強迫我，要跟其他不認識的食客搭檯呢？「搭檯」這個問題反而沒有我預計那麼嚴重，可能又是我個人運氣不太差的關係吧，因為「馬德里餐廳」裡面的餐檯很多都是「兩人檯」，然後餐廳安排兩張「兩人檯」貼在一起。所以，即使在我享用期間有其他食客中途搭檯，只要搭檯的食客不超過兩人，兩人陌生食客大不了，都只是坐在我旁邊的另一張餐檯，這一刻我仍然可以享有僅餘的私人空間以及寧靜。至於「馬德里餐廳」裡面的電視機，以及電視機正式播放的頻道問題，由於餐廳安排給我的餐檯，剛剛好卡在兩部不同頻道電視機之間，兩部電視機之間偏偏又有一幅牆，把兩部電視機以及餐檯間隔區分起

前往深水埗逛售電話的店舖前，先到了黃金商塲附近的褔榮街吃午餐。今天想吃西餐，於是便進入了馬德里餐廳。這裡的歐陸式午餐款色天天不同，每一款都包括了餐湯、主食和飲品一杯，只是五十多元，還不需要加一服務費，真是便宜極。我們今天二人也點了同一款的午餐 - 香煎雞扒扒拼吉列帶子配蒜茸汁。今天的餐湯是忌廉湯，中規中矩。主菜的雞扒煎得恰到好處，雞皮煎得一點也不油膩，皮下的雞肉亦算嫩滑，味道適中。吉列帶子亦炸得不錯，一點也不乾。配菜還有橙紅色的紅蘿蔔和翠綠色的脆玉瓜，顔色美麗。餐後的一杯熱杏仁霜為這午餐畫上句號，尚算滿意。

原本今日想同朋友去美狄餐廳試下佢個火鍋，點知去到佢地話已經吳做火鍋，甘就去食其他嘢，呢區都好多嘢食，甘我提議去馬德里，因為食過呢到D嘢都吳錯，見到佢門口原來又有火鍋食，入去唸住試下，但因為係set既指定食物，我又麻麻地，甘所以都係㨂反西餐食😊😊———————————————————-見到餐牌同之前有D食物吳同左，朋友叫左個鐵板🐔扒，我就叫左個羊架😋餐湯➕牛角包➕🐔扒➕配飯或意粉或薯菜➕飲品=套餐108另加一😉餐湯➕牛角包➕羊扒辣肉腸➕配飯或意粉或薯菜➕飲品=套餐138另加一☺️————————————————————@餐🥣——什菜番茄🍅湯，蕃茄味濃郁，又多菜係湯入面👍@牛角包—-大部份餐廳既餐包都好小用牛角包，呢度用既牛角包🥐好好食😋@🐔扒——-朋友話呢個🐔扒配個黑椒汁，味道好味，🐔扒肉質鮮嫩😉@羊扒辣肉腸——估吳到個羊扒做得吳錯，食落又吳蘇，肉又嫩滑，辣肉腸辣味不太辣但味道吳錯，配洋蔥番茄做既汁，味道幾特別，又有金荀仔同莭瓜粒做配菜，好味道👍@餐茶——凍奶茶，茶味香濃又濃郁✌️@餐茶——熱🍋茶👌———————————————————-侍應招呼都有禮貌👌套餐價錢幾抵食，又好味又大碟又吳貴✌️