馬德里餐廳

營業中

休息中

行完山好肚餓，行過深水埗見到呢間餐廳，見到門口大大個Menu嘅鐵板餐好似好抵食，就決定入去食。所有鐵板餐都包左餐湯，餐湯有紅湯或者白湯揀，餐包好軟熟。仲包左沙律或者加$8可以要薯蓉焗田螺，仲有野飲，我哋揀左兩個鐵板餐，分別係牛魔王同珍寶雜扒，都係跟薯菜，一上鐵板店員會問要咩汁，有黑椒同燒汁揀，牛魔王入面有肉眼加牛舌，牛舌仲有兩大塊又好爽口，呢份牛魔王真係份量好多😍😍🥰珍寶雜扒有豬扒、雞扒、珍寶腸同煎蛋，每件又係大大件，真心好抵食。🙊🙊薯蓉焗田螺份量又係超大。總括而言，呢一間餐廳真係好適合大胃王呀，大件夾抵食👍👍服務都唔錯，有個呀姐見我哋叫左凍檸樂，好主動問我哋要唔要枝棍去篤檸檬，夠主動性👍👍

今晚去左深水埗馬得里餐廳食扒，好耐冇同老公二人世界，真開心。舖頭都幾大，又有卡位坐，都舒服，晚餐時間食客都吾少，不過都吾洗等位，因為真係平靚正呀。我點了肉眼牛扒餐，包了沙律餐包，餐湯同甜品都只係$128，正呀，老公點了美式雜扒餐，仲抵，先$138，食到飽正啊。上碟是鐵板的，我同老公揀左黑椒汁，勁香咁淋在扒面上，炸炸聲，熱辣辣，先講牛肉眼入口牛味濃，要左5成熟岩岩好，肉質嫩淋，好食。老公的雜扒餐份量十足，有豬扒一大塊，雞扒大大塊，煎蛋，珍寶腸，同薯條配菜，全部都煎過再上鐵板，超好食，又飽肚，抵食。田螺焗薯都好食，螺岩岩好，不會老，彈牙，同焗薯都好夾。餐包是熱的，餐湯白湯紅湯都點了，覺得紅湯好飲，足料少少辣很惹味。仲加了38元有6隻雞翼，揀了瑞士雞翼，勁入味，又大隻，好味。已經勁飽，店員再比啫喱，又問你要吾要加奶，加了花奶更好食又滑，好正啊。整體環境服務都好，食物真心平靚正，會再來光顧。

餐廳嘅地點非常方便，位於深水埗站D2出口，行幾分鐘就到，位於福榮街餐廳名叫馬德里餐廳，門口嘅紅色招牌非常搶鏡，入面裝修好簡單，燈光夠晒光猛，地方寬敞，坐得非常舒服，餐廳主打嘅係鐵板餐，仲有好多唔同種類嘅粥粉麵飯，選擇眾多 美國西冷牛扒$98厚實多汁的牛肉，當職員放低時已經聞到香噴噴嘅味道，我揀咗燒汁一淋上醬汁時會發出渣渣聲，白煙就升起，香噴噴嘅味道出晒嚟，牛扒份量非常大，有口感配上薯條同埋翠玉瓜作為配菜，薯條炸到卜卜脆，配埋茄汁超級好食，鐵板餐相當抵食又唔使加一煙三文魚芝麻醬雜菜沙律$62新鮮的三文魚配上爽脆的蔬菜,加上濃郁的芝麻醬,層次豐富,清新爽口，厚厚嘅三文魚有六片，夠晒肥美馬來咖喱牛腩飯$66濃郁的咖喱醬汁與軟嫩的牛腩完美融合,令人回味無窮 ,咖喱味夠晒香濃，連埋啲飯一齊食非常飽肚，牛腩炆到好腍身，容易入口最後是吉列魚柳配芝麻醬雜菜沙律,酥脆的魚柳搭配清新的蔬菜沙律,再加上濃郁的芝麻醬,讓人感受到各種口感的完美配合，吉列魚柳炸到外脆內滑，外層夠晒鬆脆，內裏魚肉嫩滑，口感香味，又唔會太油膩，點埋旁邊嘅沙律醬更加好食，有豐富嘅層次感法式牛油薯蓉焗田螺$18 （午餐加$18）感覺好懷

行完黃金商場剛好到午飯時間，就同好友在附近覓食。發現有一間傳承30年濃濃港式風情的餐廳，就入去試試😁，估唔到又幾正。煙三文魚炒蛋牛角包 $58 (爆推🌟🌟🌟🌟🌟)超級有驚喜，好食到我雙眼發光🤩。幾塊大大三文魚鋪面，最正係搭配嘅炒蛋😍😍厚身而有層次，既香又超滑嫩❤️真係好耐冇食過咁高質的炒蛋，超爆好食😋（有圖有真相😂）。個炒蛋好食到令我覺得下次必須叫佢嘅常餐嚟食🤩可想而知有幾正‼️芝麻醬沙律量多且新鮮爽脆，成個餐令你覺得好fresh😁鐵板美國西冷牛扒配薯菜 $98鐵板呈上，非常大塊且有肉汁。我們選了燒汁，淋落去聽到「咋咋」聲，ASMR好正，熱辣辣，好好味。搭配粗切的薯條、翠玉瓜及紅蘿蔔，滿滿港式情懷，回憶殺瞬間湧現😂。焗芝士鮮茄豬扒飯 $66大大塊微焦的芝士鋪面😍，賣相十分討好。鮮茄味濃，醬汁香氣十足，值得一讚👍🏻。豬扒非常大塊，非常岀色好味😋.瑞士汁雞中翼 $38顏色鮮艷亮澤，賣相十分討好。瑞士汁濃稠適中，六隻雞翼都非常入味，微甜得嚟非常好食。紅豆冰、柚子茶港式風情濃厚，當然要嘆番杯兒時最愛的紅豆冰。大杯得來非常多豆，好正。柚子茶顏色漂亮，甜味剛好，都幾好飲。餐廳其實提供食物的選擇十分之多

黃金商場買完東西就同朋友在附近找地方吃晚餐，朋友說想鋸扒🥩便建議去馬德裡餐廳。餐廳是一間港式餐廳，一般港式食物也有供應，而且佢嘅扒類🥩🍖好出名價錢唔貴簡直是經濟實惠，所以吸引好多人幫襯。👍💯餐廳面積都大座位坐得舒服，有卡位有圓枱，內部裝修簡約用上懷舊燈飾💡作照明，牆身有一幅懷舊壁畫作裝飾。我們選擇了兩款港式經典鐵板餐，各加配意粉 🍝 +$8/份1：鐵板珍寶腸什扒$1282：蜜椒咸豬手(碟上）$138前菜+$18配了法式蒜香薯蓉焗田螺🐚，薯蓉香滑田螺🐚大隻好味。👍😋前菜+$18配了日式芝麻醬田園沙律🥗。鐵板珍寶腸什扒用懷舊鐵板上枱熱辣辣，上枱之後侍應會問想要咩汁，朋友要了黑椒汁，醬汁淋上發出吱吱聲和冒煙，所有童年回憶即刻返曬嚟。🫶配料有翠玉瓜、炸薯條🍟、一條珍寶腸、雞扒🐔一塊、豬扒🐷一塊，每件肉類都大大塊。👍💯隨扒餐近附送餐湯、麵包🍞和一杯飲品🥤，餐湯有忌廉湯和羅宋湯兩款選擇，我們選了羅宋湯。羅宋湯有蕃茄🍅、洋蔥🧅同椰菜，酸酸甜甜少少辣勁開胃😋，餐包都夠熱。👍蜜椒咸豬手配料有豬手🐷🍖一隻、田園沙律🥗、炸薯條🍟，豬手🐷🍖很大隻外表焗得金黃皮脆還帶有蜜糖甜味，肉質嫩滑唔乾，豬皮脆卜卜有好多骨

深水埗出名多平民野食，行開黃金，就順便搵到呢間扒房，初時係窗外望入去見到幾多人就衝入去lu，佢有焗飯同其他野食，但我見週圍啲人都係嗌扒餐，咁既然係招牌當然要試下啦，環境新淨光鮮，卡位坐得幾舒服，我估當下午茶打"登"都幾好，而呢間舖距離鐵站都係3mins路程，非常之近羅宋湯湯底OK，用黎做開胃唔錯，酸酸甜甜的忌廉湯輕怡口味既白湯，清淡清新，想濃味啲既，需要加少少胡椒粉牛油餐包我自己好鍾意麵包既，呢個包仍然係老式扒房獨有風味，鬆軟香口，牛油味本身已經充滿包身，當然想邪惡既就成舊牛油塞埋入中間，一啖咬落去就不得了日式芝麻醬田園沙律細細碟蔬菜作為前菜沖淡返湯既味道先再食扒係好選擇懷舊鐵板肉眼牛扒配薯菜朋友嗌左七成熟，都幾唔錯，黑椒汁淋上鐵板時果種氣氛味道真係好吸引，咬落舊扒到肉質鮮嫩，薯條同伴碟蔬菜亦冇喧賓奪主懷舊鐵板Ｔ骨牛扒配薯菜塊T骨好大件，巨形過我隻手板，我嗌左五成熟，但我覺得都可以叫七成，啖啖肉充滿口腔感覺真好，又唔會覺肥，我仲加添左牛舌黎食，兩舊牛舌係面沾上黑椒汁又係好味，口感一流凍奶茶傳流茶餐廳味道，冇驚喜亦冇意外雜果啫喱杯飯後甜品仲有個雜果啫喱杯，係好細個媽媽整果隻啫喱既味道

馬德里餐廳今次要介紹深水埗一間餐廳叫「馬德里餐廳」，呢間係深水埗懷舊扒房餐廳，依家香港專做扒房餐廳真係賣少見少，仲要價錢好親民，行開深水埗如果諗唔到食咩，不妨諗食「馬德里餐廳」，絕對係抵食之選！如果輪椅人士要入去「馬德里餐廳」食野就要自備斜板，因為呢間餐廳門口有一級，對輪椅人士有少少不便啦！1.懷舊鐵板肉眼牛扒配薯菜（跟黑椒汁） 配羅宋湯$95+白飯$5+法式牛油薯蓉焗田螺$18+凍檸檬茶（跟餐優惠$4）（9/10）講得懷舊以前真係有好多間鋸扒餐廳，以前最出名就係「扒王之x」，向後來越嚟越難食同越嚟越貴，而呢一間餐廳懷舊鐵板肉眼牛扒配薯菜真係好正宗，肉眼牛扒厚度適中，會問我哋要幾成熟，我哋揀咗五成熟，淋上黑椒汁個鐵板會聽到「渣渣聲」，證明鐵板好夠熱，呢塊肉眼牛扒好嫩滑，唔會太瘦，得過多咗少少筋位，配埋波浪型粗薯條同翠玉瓜，我仲加咗$5配多一碗白飯，羅宋湯酸酸辣辣好開胃，呢個餐真係太豐富啦！法式牛油薯蓉焗田螺：我加咗$18薯蓉焗田螺，原價都要$38，薯蓉份量唔少，田螺都有4舊，唔錯！凍檸檬茶：叫咗一杯凍檸檬茶，跟餐優惠$4，原價單叫一杯要$22，呢杯凍檸檬茶個檸檬味唔夠，整體都ok！2.

在馬德里，有一家餐廳以其鐵板平價牛扒的菜餚聞名，我有幸品嚐了他們的幾道招牌菜，給大家分享一下我的食評。首先，我點了懷舊鐵板肉眼牛扒配薯菜的套餐，配上了一碗濃郁的羅宋湯。肉眼牛扒在鐵板上烹煮得恰到好處，保持了肉質的鮮嫩多汁，外表煎得金黃酥脆。薯菜的搭配增添了口感的層次，讓整道菜更加豐富。羅宋湯的湯底濃郁，配上豐富的蔬菜和肉塊，帶來了滿滿的滿足感。另一個套餐選擇是懷舊鐵板T骨牛扒配薯菜，搭配了一碗濃郁的忌廉湯。T骨牛扒的肉質鮮嫩有嚼勁，鐵板烹調保持了肉汁的豐富，讓每一口都充滿滿足感。薯菜的搭配同樣完美，增添了口感的層次。忌廉湯的滑順口感和濃郁的味道，為整個套餐增添了一份奢華感。在頭盤方面，我選擇了日式芝麻醬田園沙律和法式蒜香薯蓉焗田螺。日式芝麻醬田園沙律新鮮的蔬菜搭配濃郁的芝麻醬，口感清爽而開胃。法式蒜香薯蓉焗田螺則給人一種奢華感，螺肉鮮嫩多汁，搭配蒜香的薯蓉，味道豐富而香濃。如果你想更加豐富你的餐點，還可以加點意粉。這家餐廳提供了各種口味的意粉選擇，讓你可以根據自己的喜好來調整餐點。總的來說，馬德里餐廳以精緻的菜餚和舒適的用餐環境吸引了許多食客。無論是鐵板牛扒還是頭盤菜餚，都展現了他們對

最近同朋友想係深水埗搵間餐廳食飯傾計～見到馬德里餐廳啲晚餐價錢都算唔錯，裝修唔錯，有懷舊香港嘅氣氛，但同時又新淨企理👍🏻入到黎發現有唔少卡位，坐得舒服，又唔會其他食客太近，真係好啱同朋友傾計😍懷舊鐵板T骨牛扒配薯菜套餐🥩呢到有幾抵食嘅鐵板套餐，我揀左T骨試下😋我叫左5成熟，牛扒喺鐵板上煎得啱啱好，牛肉多汁嫩滑，牛味好香。配菜有香脆薯條🍟同新鮮嘅蔬菜，食落去好均衡又美味👍🏻跟餐有羅宋湯、餐包、熱飲、法式蒜香薯蓉焗田螺、什果啫喱杯👍🏻食到好飽🤣羅宋湯夠開胃，入面有好多蔬菜👍🏻法式蒜香薯蓉焗田螺係一大亮點，蒜香四溢，薯蓉綿密，田螺肉質鮮美，真係好好食🤤最後嘅什果啫喱杯係童年回憶😂好鐘意佢加左煉奶同椰果入去，有清新水果香氣，同時甜而不膩🥹焗鮮茄牛柳粒🍅朋友揀左焗鮮茄牛柳粒～牛柳粒大小啱啱好，焗得外焦內嫩，肉質鮮嫩多汁。番茄醬汁酸甜適中，配埋牛柳粒食，味道好夾👍🏻焗烤嘅方式令每一啖都充滿濃郁香味同豐富口感，好啱配飯一齊食👍🏻呢間餐廳啲野食整體都幾大份同抵食，即使都多人入黎，但因為夠多位，keep住有人食完就走，所以我地坐左好耐都ok👍🏻下次再約人黎深水埗就有多個選擇😍

今次要講下呢間位於深水埗嘅馬德里港式鐵板餐廳🍴我地試左嘅係「鐵板餐T骨配薯菜」。分量十足嘅大件T骨牛扒,表面金黃酥脆,肉嫩汁多,配上煎得香香脆脆嘅薯蓉同時蔬,既美味又營養。而另一款「鐵板餐美國西冷牛扒配薯菜」,牛肉質地粒粒爽口,煎至恰到好處,完全唔覺生但唔會過熟。薯蓉綿密滑溜!另一個令我「一試難忘」嘅菜式就係「法式牛油薯蓉焗田螺」。田螺個個飽滿鮮嫩,披上濃郁醇厚嘅牛油美極了。而薯蓉入口綿滑濃郁,配合田螺嘅鹹香,簡直是一出色嘅組合。最後我要同大家推薦下「蜜椒雞中翼半打」呢個菜式。雞翼經過精心烹調後,雞肉鮮嫩多汁,皮脆肉嫩,沾滿咗蜜椒醬汁,真係吮手指好食!飲品方面,叫左最地道「凍檸茶」同「凍可樂」。兩款飲品都清涼開胃,正好配合住呢頓精彩嘅用餐體驗。

琴日去咗深水埗行街，見有啲肚餓，去附近搵吓邊一間餐廳好食， 見到好多人都推介呢一間鋸扒餐廳，好有特色，見到門口已經好多人排隊，食咗一次好有驚喜，真係好好食呀，而且份量十足，價錢經濟實惠，入邊嘅空間好大，座位有好多，侍應服務都好好，好有親切感，好主動好殷勤，所以我覺得值得推介呀，真係有賓至如歸的感覺，而且裏面嘅食物質素都好高，有唔同嘅牛扒，豬扒雞扒，仲有焗飯類，意粉類，咩都有，一定有啱心水嘅款式，我哋叫咗個西冷牛扒，啲肉汁真係好鮮嫩，即叫即整，非常新鮮，而且牛扒嘅厚度都啱啱好，份量好多，一個人一定食得好飽，仲有前菜，有羅宋湯或者忌廉湯選擇，都係好好人，仲有餐包，來取牛丸，熱呼呼，好好食呀，仲有我哋叫咗個集扒餐，有雞扒豬扒，腸仔，仲有太陽蛋，賣相好掂

一入去 感覺都幾大樓底唔高，不過叫做間隔舒服見門口餐牌食鐵板套餐，價錢還可以餐湯 白湯紅湯 加餐包配日式芝麻醬田園沙律作為頭盤懷舊鐵板西冷牛扒 七成熟配薯菜（黑椒汁）加配 蜜椒雞中翼6隻傳統粗薯條墊底配搭些少菜蔬 大塊牛扒，淋上黑椒汁準備定紙巾保護自己件衫西冷位置脂肪量少啲 食更加多嘅肉味懷舊鐵板B.T骨牛扒 配意粉（燒汁）來自牛背部,包括腰眼肉和內里肌兩部份質厚實,口感較粗勁,既有嫩滑的腰眼肉部分,又有肉質緊實的內里肌部分厚度啱啱好 在1-2英吋左右

去深水埗買旅行sim卡，順便食飯，見到呢勁多人，裝修又好新好靚，就入去試佢個紅湯羅宋湯好味，係好足料，唔係罐頭貨呢個鐵扒牛同平時茶記既唔同，食得出無撈粉，叫左5成，岩岩好，牛肉好嫩，抵食😄另一款係雞扒魚柳，呢款都好好食，我呢款就點黑椒汁食😆小食加左兩款雞翼，瑞士同埋蜜糖，蜜糖既好入味！紅豆冰必叫！！ 超正，好多紅豆勁滿足呢～食完呢餐我飽到晚餐都唔洗食，好滿足又抵食！深水埗真係好多好野食😋😋😋

同朋友行深水埗買野，佢推薦試下「馬德里」，餐廳有港式經典鐵板餐，仲有多種炒粉麵飯，而且價錢平，質素唔錯，性價比高！啱晒我呢個食肉獸🤤裝修光亮，有多卡位，坐得幾舒服餐牌有多款選擇，叫咗兩款鐵板餐美國西冷牛扒鐵板餐（$98）熱辣辣嘅鐵板，再淋上黑椒汁，噴出白煙，發出渣渣聲，真係視覺同聽覺嘅享受！牛扒超大塊，叫咗7成熟，牛扒肉質好鮮嫩，味道香濃，啖啖肉，食落好滿足😚珍寶腸雜扒鐵板餐（$88）成個鐵板都堆滿哂，份量大，好足料有超大雞扒，外皮好香脆，肉質好Juicy豬扒都有好大塊，肉質煙靭，食落好有咬口珍寶腸，大大條，外皮又係好香脆配菜仲有薯條同埋翠玉瓜加埋流心煎蛋，正，好滿足🥰羅宋湯香濃惹味，入面有大量蔬菜，仲有陣陣香葉味同辣味，好足料！蘑菇忌廉湯香濃柔滑法式蒜香田螺焗薯蓉（+$18）☺️田螺焗得好香軟，陣陣鹹香味，薯蓉好幼滑，食落好惹味蜜椒雞中翼（+$18）😋雞翼外皮香脆，滿滿蜜糖味肉質Juicy，唔錯凍檸檬茶、凍奶茶經典飲品，加埋鐵板餐，真係絕配！

今日同媽咪行開深水埗，見到咁多人排隊，諗住排一排睇下有咩好食，見到鐵板餐好吸引好抵，打算試一試，一試點知有驚喜，真係性價比高既一間餐廳叫左美國肉眼牛扒鐵板餐，配薯條，另上黑椒汁，飲凍檸七，由於本人唔太好血，請廚師煎熟d，唔好見到血之餘，但又唔好太熟，廚師真係太明白客人既心意，煎得岩岩好，外表小脆，內里鎖住牛肉汁，配搭黑椒汁，真係perfect combination!另一個餐就叫左星洲炒米，最鍾意係少油，係食得曬，唔會因為太多油而最尾果幾啖見到都唔想食，加上唔算好辣，岩曬唔好辣既媽咪 ：）天氣咁熱，我地都叫左咸檸七，飲完個人都舒服曬～整個餐廳既環境都唔錯，好多卡位可以坐，經過既都可以去試下