影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今日去左元朗途經順福糧倉，被商場外型吸引，依度有幾間餐廳，我地就揀選星馬菜嘅馬六，見到店名就知道係主打馬六甲海峽美食嘅餐廳啦！入到店內，帶點異國風情設計，像用上星馬餐廳常見嘅藍綠色調，裝修及環境都不錯。厚切豬扒喇沙掺掺 $58上枱已經聞到陣陣椰香，喇沙湯香濃，加上放滿食材，滿滿一大碗，很吸引。猪扒真係幾厚，香脆鬆軟，肉質嫩滑；而湯裡無大量油光，感覺唔太油膩，稀稠度適中，啖啖椰香味，入口順喉，味道唔錯。麵底係摻摻，即係米粉同油麵，兩樣都煮得啱啱好，好入味，摻摻配埋乾蔥一齊食，好夾。 馬六魚三寶檳城蝦麵 $52初次嚐試檳城蝦麵，口味亦非常地道，橙紅色湯底，帶少少辣，遠遠便飄來陣陣香味，香料味調配恰到好處，而且最難得嘅係飲多幾啖，都唔覺油膩。魚三寶有魚丸、魚條同魚皮，魚丸與魚條味道鮮美，魚皮香脆可口，吸滿湯汁嘅豆卜，還有半隻唐心蛋，加上檳城風味嘅蝦麵，惹味十足。班蘭咖央多士 $28多士有好厚嘅牛油，斑蘭咖央醬甜甜地，甜度啱啱好，帶點椰香味，多士烘得鬆脆，有脆薄嘅口感。娘惹五香雞卷 (+$22)五香雞卷外層香脆，雞肉夠滑，香料惹味，醃製得恰到好處。新加坡咸蛋黃魚皮 (+$22)金黃香脆可口嘅炸魚皮，魚味香濃，外層沾滿咸蛋黃醬，鬆脆惹味，食到停唔到呢。美祿哥斯拉 (+$8)好濃郁嘅美祿哥斯拉，面層鋪滿特別香嘅朱古力粉，仲有美祿脆脆球，份量都幾多，有得飲又有得食，真滿足！老街椰汁冰 (+$8)椰汁冰非常清涼解渴，椰汁味夠濃夠滑，香甜可口，冰冰涼涼，好解膩。馬來手工拉茶手工拉茶味道唔錯，入口帶濃郁煉奶香，風味獨特。
繼續閱讀
我想食摻摻，阿媽想食海南雞，去返一路食開嘅”馬六”就唔使煩，一來水準穩定，二來價錢合理💥燒鴨喇沙摻摻首先個樣已經好吸引🤤喇沙最重要係個湯，湯底好香好濃椰奶味，又不失微辣，惹味；燒鴨份量比預期中多，肉質扎實但不柴麵底揀咗摻摻（油麵+米粉），侍應話揀淨油麵或淨米粉都得；選用嘅粗米粉富彈性又滑身，油麵有咬口唔會太淋，吸晒湯精華💥馬六無骨海南雞飯全部去骨，懶人啱晒，雞肉食落幾滑幾有雞味，雞油飯處理得妥當，跟三款醬汁包括黑豉油、薑蓉同酸辣醬，個黑豉油my favourite💥斑蘭咖央多士下午茶連熱飲$28蚊仲唔使加一，抵食！一大片牛油再夾咖央醬，咖央好香但唔會死甜，多士烘底無得輸，gimmick係加咗斑蘭💥娘惹蘿蔔餅啱啱炸好熱騰騰辣嘴時最好食😋蘿蔔絲爽甜，鬆化💥馬來黑醬油叉燒醬油甜甜地，叉燒不是肥叉，有啲嚼勁💥熱桔仔話梅水酸中帶甘，潤喉解膩💥凍美祿哥斯拉好飲呀～～加美祿粉有口感🌼下午茶餐牌
繼續閱讀
呢間店真係平靚正！$200食咗咁多嘢，套餐仲包熱飲，超值！👍🏻馬來黑醬油叉燒撈粗麵條彈牙，叉燒軟腍juicy，黑醬油香濃唔鹹，燒汁味正，超滿足！檳城街頭排骨山（白飯）好巨型，肉嫩汁多，微辣醬汁配飯一流，份量夠飽🥰 新加坡咸蛋黃魚皮（$22）脆卜卜，咸蛋黃香濃，超惹味，平又好食！🙏🏻街頭雞肉串燒（2串）（$22）外焦內嫩，甜辣醃料加炭燒香，抵到爆！😍凍椰子班蘭冰清新，椰子同班蘭香好夾，解暑一流。😋熱手工拉茶茶味濃，奶香平衡，暖胃又滿足。總共$200有咁多選擇，味道同質素遠超預期，環境乾淨，服務OK💪🏻
繼續閱讀
下午茶時間同朋友衝入去試吓，估唔到超值又好食，難怪人流不斷👍🏻。✨斑蘭咖吔多士✨淡淡的綠色外表令到賣相十分吸引，多士烤得香脆，陣陣斑蘭香氣撲鼻而來😍尺寸不錯，切成一口一件，微甜的叻吔，不會過多過甜，搭配香滑的牛油，十分好食。✨厚切豬扒喇沙摻摻✨豬扒超級大塊，而且極度厚切，炸得香脆可口，真係啖啖肉。搭配嘅喇沙摻摻份量超多，湯底帶微微香辣，很是惹味。✨美祿哥斯拉✨✨馬來手工拉茶✨好耐冇飲過美祿哥斯拉，幾有特色。美祿上面有好多朱古力脆脆球，味道非常濃郁，比一般朱古力還要更香濃，確實不錯。朋友話手工奶茶不會太甜，解渴好飲。款式非常多，食物份量足，價錢不會太貴，難怪如此受歡迎。想睇更多介紹，馬上Follow我啦😁。#馬六 #馬來西亞 #下午茶 #超值下午茶 #性價比高#元朗美食 #元朗好去處 #big_big_foodie #big_big_foodie食勻元朗 #big_big_foodie食勻香港
繼續閱讀
試咗佢哋新菜式牛魔王煲同無骨海南雞飯，整體味道唔錯，性價比合理。牛魔王煲煲仔上枱熱辣辣，入面有牛腩、牛筋、牛肚，炆得夠淋入味，牛腩軟嫩帶少少筋膜，牛筋膠質豐富，醬汁濃郁帶微甜，送飯一流。馬六無骨海南雞飯雞肉肉質嫩滑，皮爽唔肥膩，薑蓉同黑醬油調味適中，keep到水準。跟餐仲有熱桔仔話梅水，酸甜開胃，話梅味突出，解膩一流。兩個人如果想飽d可以加多碗飯或者加小食，選擇好多，點揀都好易配搭。
繼續閱讀