影片
以上資料只供參考, 請與餐廳確認詳情
大角咀名物馬來椰爺終於喺長沙灣開左分店！！.長沙灣新店較大角咀的寬敞，佈置都貫徹本店風格，有檳城星馬的掛畫。.無味精的多款喇沙湯底是小店特色及店主一向的堅持，亦是我其中最愛之處，看來簡單，係囉～咁點解出面咁多食店都做唔到！？大概因為愈天然的又要好食，反而愈多工夫、愈花時間、成本愈高吧！.為了新店開張，店主特意創作了新的湯底 — 香料娘惹叻沙湯。此湯結合多種天然香料、鮮炒手工叻沙，味道較其他款式重口味，而且香辣度會較高。不過同樣有椰奶，増添順滑的口感及層次。.新店限定 亦會有 火灸安格斯牛魔王！十分推薦！經過火灸的安格斯牛香味撲鼻，賣相很好，以黑椒簡單調味，牛味依然濃厚。意外地牛肉跟香料娘惹叻沙湯亦好夾。.終於初嚐到鮮牛油班蘭椰香咖央多士，少邪惡滋味之選🤤.聽說新店餐牌都會持續更新改良，期待更多不同的創新誠意配搭😃.以下價格作參考：✤ 火灸安格斯牛魔王 香料娘惹叻沙 摻摻 $99✤ 黑醬特級肥牛 滷水燉金沙骨 檳城白咖哩湯 摻摻 $82✤ 鮮牛油班蘭椰香 手工咖央多士 $38/份✤ 話梅桔仔水 $16✤ 芒果椰香鮮奶 $28
繼續閱讀
完左深水埗探訪活動, 同太太晌附近搵野食, 大概兩點入座, 可能係weekend + 新開張, 全店爆滿, 剩最後一張二人枱.可能早餐食得太飽, 只點左一個虎蝦摻摻+班蘭多士,兩杯話梅桔仔水舖頭標榜冇味精, 摻摻配料多, 湯底濃郁, 絕對世界級. 兩隻虎蝦 有一個肉質唔太新鮮, 其他都好好班蘭多士, 麵包脆身, 班蘭味唔太出, 對比蘇ma蘇ma, 個人覺得蘇ma好食dd (頭盔 可能蘇媽好x多牛油, 所以好食)新開張期間, like IG 送一粒魚蛋一粒青口, 按人頭like送逢星期一休息, 只收現金下次都會嚟試
繼續閱讀
【#長沙灣】😍喇沙愛店喺長沙灣開分店！🐮安格斯牛魔王新品＋期間限定榴槤祭！我最鍾意嘅喇沙店，又開新店又推出新品，好戥佢哋開心😆！之前星期六去大角咀分店，落咗車咗要🏃🏻♀️跑去排隊😂，因為做唔到第一輪入座又要等成個鐘咁滯😨！長沙灣分店啱啱開舖，未有太多人知道，於是6點開晚市順利入座🤭。.長沙灣分店獨家嘅火炙安格斯牛魔王，有安格斯牛板腱同經典黑醬肥牛，安格斯牛品質唔錯，大件又軟熟完全唔鞋，全部肉堆都滿一滿👍🏻！當然要配我最鍾意嘅G系列湯底🤩，夠香甜之餘唔會太辣。注意牛肉落咗啲黑椒會沾到湯底，就要睇吓本身鍾唔鍾意黑椒味喇！除咗新品，仲有必食🦀軟殼蟹，同之前食嘅一樣咁大隻咁好味💯！.期間限定榴槤祭有兩款榴槤飲品同咖央多，超好彩食到😭！榴槤肉味道好香濃，飲品冇額外加糖都陣陣榴槤飄香！健康又好飲🥳👏🏻！.My favourite Laksa place is opening a new branch in Cheung Sha Wan. I am so happy for them🥰! I used to queue for an hour in Tai Kok Tsui and this time I could grab a seat quickly (before more people discover the new location🤭). .Grandpa's secret laksa with angus beef is an exclusive dish in Cheung Sha Wan branch. In addition to the classic dark soy sauce sliced beef, tender and high quality Angus beef slices are added😋. The Grandpa secret laksa is my all time favourite- boasting a rich and sweet coconut flavour🥥. If you are here for the first time, ordering the fried soft shell crab is a must✨! It is as good as the first time I had it! .A seasonal durian menu is available now🤩! The two durian drinks taste equally fantastic and healthy. There is no added sugar but the durain is sweet and strong enough! 😁.➥ G5 火炙安格斯牛魔王 椰爺秘傳叻沙 摻摻 Grandpa Secret Laksa with Angus Beef $99➥ K4 越南原隻炸軟殼蟹 蜆肉 香料娘惹叻沙 摻摻 Spices Nyonya Laksa with Fried Soft Shell Crab $128 ➥ UD3 真 榴槤椰香鮮奶 Real Durian Coconut Milk (凍) $35 ➥ UD1 真 榴槤班蘭椰香汁 Real Durian Pandan Coconut Drink (凍) $35•——————•°•✿•°•——————•📍馬來椰爺 Malay Grandpa ⭐️⭐️⭐️⭐️⭐️@malay_grandpa長沙灣店：長沙灣元州街399號地舖 399 Un Chau St, Cheung Sha Wan大角咀店：大角咀櫸樹街62號富多來商場2期地下14號舖Shop 14, G/F, Fu Tor Loy Shopping Centre Phase II, 62 Beech Street, Tai Kok Tsui #hungrycookie_favourite【地區 District】#hungrycookie_cheungshawan #hungrycookie_taikoktsui【菜式 Cuisine】#hungrycookie_malaysian【消費 Spending】#hungrycookie_人均100
繼續閱讀
今日同母親大人經過長沙灣，見到有間新開張既餐廳，餐廳名叫馬來椰爺餐室，睇餐廳名就知道呢到主打食馬來西亞食物啦。餐廳主打無味精湯底，以自家製手工醬，爆炒熬煮發酵超過9小時而成，而且絕無添加味精。坐定定，好快就㨂好要點呢到既招牌原隻軟殼蟹摻摻；至於母親大人唔食得辣，就黎個金沙骨香草椰奶湯摻摻。原隻炸軟殼蟹蜆肉無味精椰爺秘傳叻沙摻摻：大大隻既軟殼蟹上枱好吸睛，炸到酥脆香口，蟹香十足；湯底味道鮮甜濃郁得黎帶點微辣，摻摻索晒湯汁一齊食，好正。滷水燉金沙骨無味精香草椰奶湯摻摻：呢個母親大人特別欣賞，椰汁可以直接飲幾啖，之後再撈勻整個湯底，整個湯底濃郁鮮甜帶椰香；金沙骨燉到入晒味，口感軟腍多汁。真榴槤班蘭椰香手工咖央多士：班蘭咖央多士食得多，但榴槤饀配班蘭第一次食，真榴槤做饀配班蘭椰香，味道好夾。🔎馬來椰爺 (長沙灣)📍長沙灣元州街399號地舖
繼續閱讀
十分之不幸，我中伏了。環境：冷氣不足，熱到飛起。食物：越南苦夏青口海鮮椰爺秘傳喇沙參參～$98蚊咁嘅質素，差！-蝦無蝦味-青口極細隻-白魚蛋好腥-個碗太細，放完啲料，得好少湯-個湯勁咸咁嘅價錢，真係唔值！個湯講到甘勁，去到好失望！同食food court嘅質素冇乜分別，唔好有甘高期望。如果有勇者唔信，可以去試吓！仲要話去IG讚like有小食送，點知係一粒白魚蛋同一粒蠔豉咁細嘅青口，真係多謝晒！食完個麵先俾小食，想點？
繼續閱讀