香港仔一品魚蛋王

營業中

休息中

慕名而來，試咗清湯牛腩河，加一份油菜（菜心）。份量十足，牛腩不老蠻嫩的，河粉也清爽，就是那個湯底，令我有點無語。不像是味精，也不像牛肉湯，一股怪怪的味道，害我趕緊買了個甜甜西瓜啃，壓壓驚，去去味。下次去試雲吞，如果還是同湯底的話，學乖了，不喝湯就是了。牛腩河$41，加點油菜多$10。性價比還是OK的。

去大窩口搵個朋友，佢話要食啲嘢先，帶咗我去食大窩口必食嘅崩沙腩🥳我同朋友分別叫左崩沙腩飯同崩沙腩河🙌🏻崩沙腩肉質軟嫩，平時最怕食到嘅肥膏位都煮得入口即溶，非常入味😋令我忍唔住一口接一口咁食🥰崩沙腩飯會附上一碗紫菜湯，非常貼心👍🏻 食晒啲腩肉仲有少少白飯剩🍚將佢撈埋落紫菜湯入面，真係好正好暖胃，忽然覺得紫菜湯都可以變成主菜🍲有少少要彈嘅就係杯凍檸茶🍹個茶膽可能放得太耐有啲渾濁，飲落過份苦澀，掩蓋左茶香。香港仔一品魚蛋王 (荃灣)📍荃灣荃富街11號富麗花園商場平台B座地下69號

住在荃灣區的朋友極力推介位於荃灣的香港仔一品魚蛋王，該店出售的牛坑腩和崩沙腩出名超好味😋，一定要試試，試過會對牛腩有另一番體會。今日與太太在荃灣區行山，想起這間店舖的牛腩，於是特意光顧。店舖面積200尺左右，有6張枱招待客人，正值下午茶時間，只有我和太太兩位食客。熱情的老闆娘送上一碗牛坑腩米粉和一碗牛坑腩河粉。熱辣辣的蒸氣夾著牛坑腩的香味，忍不住飲一啖湯，毫不油膩，味道不濃。夾一塊牛坑腩放入嘴裏，閉上眼睛慢慢咀嚼，感受口感、味道、肉汁，而且沒有一般牛腩剩餘渣滓的煩惱。堪稱最好的牛坑腩👍🏻

呢間餐廳喺鄭屋企對面，每一次經過都見到有唔少人等緊外賣，不過因為唔係特別鍾意食粉面，所以從來都未試過。今日要開OT，好似放工，返到屋企得返呢間餐廳開，咁就一於去試吓啦。我就叫咗個淨雲吞，等咗唔使好耐就有得拎啦。估唔到咁平嘅淨雲吞，竟然有成六七粒，而且仲有幾條菜，同埋佢嘅湯底都幾濃又無味精。呢啲街坊生意嘅餐廳最緊要就係服務態度，呢幾個職員嘅態度都好好，而且價錢又平，以後一定會多啲嚟食呀。

因為老公驚唔夠飽，所以一向小食魚蛋粉當一餐。今日太晚食早餐，所以外賣這間魚蛋粉做午餐試下。星期三下午唔多人，外賣等左一陣就有得扲。牛什河($38) 牛什河裏面有牛肺，牛肚，牛腸等不同牛雜，牛肚有4-5塊，牛腸非常"肥"美，要整走d肥膏先夠膽食。河粉係我最愛，這間的河粉算滑。可以一試。牛腩幼麵($38)牛腩這碗和牛什看似小好多料。但夾落去牛腩其實有2層，牛腩淋身，味道都唔錯。外賣會分湯，這點非常好。最怕d麵返到去泡到漲晒。今次食完，覺得飲埋湯其實都夠飽，可以得閒再試下，

平時去開大窩口都係陪親人睇中醫跌打，等嘅時間比較長都會去食餐lunch，呢排就發現左呢間岩晒我心水口味嘅粉麵舖，舖頭細細，質素幾高！份量又多！！係以前食開個啲味道！！普通一碗都係$32，包飲品$39，啲餸多到係成個碗面放滿！真係好正！唔似而家好多舖都係比得幾粒餸佢啲河粉係我鍾意食淋滑又有彈性嘅質地，有老公鍾意食嘅魚麵$42，崩沙腩+$10？佢都話好味，每次去食都食叫，食到飽飽仲有樽裝汽水～個阿姐服務態度好親切

如果去到荃灣，又近大窩口嘅話，就一定要嚟幫襯一下呢間我之前上班必到的開餐飯堂…無論午餐/加班後嘅晚餐…都愛嚟呢度叫一碗粉面加支可樂/油菜…又大碗又好味。老闆和老闆娘都待客賓至如歸，每每客人一到就招呼週到還會和客人寒暄一番。見到她/他們端上滿滿的一碗尤其是在寒冬的季節真的暖在心頭。牛腩超多，當你食哂粉麵時牛腩會還剩在碗內，好神奇。雖然現在不在荃灣區工作，但每逢途經必定會品嘗返一碗。值得推介。只是環境比較細小。。

大窩口同荃灣交界附近，有好多分店，勝在開到好夜，啱曬夜歸🌙嘅人⋯⋯我叫左清湯牛腩飯加配豆漿($52)，聖誕節🎄倒數夜晚肚餓，附近得翻依間仲開，開到01:00👍，價錢黎講係同區上有啲貴，夜晚開餐廳好少，加上一set有牛腩飯有湯有野飲，所以都抵食咖，睇埋個食評你就知⋯⋯點餐後好快黎左支豆漿，清湯牛腩同飯分開上，仲有一碗紫菜湯。白飯唔軟唔硬暖䁔地，牛腩10件左右，份量都多，下面仲有幾條菜。牛腩唔硬唔”銀”少少”諗”，每件都有瘦肥位，質素幾好，比其他牛腩飯仲好食，紫菜湯暖暖哋唔油無乜味精。整體體驗幾好，值得推薦清湯牛腩飯，特別係宵夜肚餓搵嘢食嘅時候

呢晚放工唔知點解口淡淡，無乜胃口，但又唔想食粥。兜左一陣都諗唔到食乜好。行過見到有香港仔一品魚蛋王，就食個雲呑麵啦。一入去，貌似老闆既阿叔非常熱情地帶位，而且面帶笑容，真係做好呢份工。反而我有啲估唔到食碗雲呑麵都有五星級招待，唔知好反應到😂可能係我太累姐🙈嗌左一碗雲呑麵，加一碟菜心全走，健康呀！足料👍🏻估唔到咁大碗。雲呑好食，又大粒。不過可惜個麵無乜味，要食啲辣椒油調味。菜心全走，嫩！食完個人先好似叉番電咁。

筆者每逢星期五會守小齋 , 不會吃熱血動物的肉 , 飲食方面要盡量簡簡單單 , 所以決定去吃碗魚蛋麵 ~店舖的門面 , 跟四周的環境很夾 ~魚蛋拼墨丸-魚麵 : 共有四粒魚蛋、三粒墨丸 , 伴隨的還有生菜 ; 湯頭的味道比較清亦不算鹹 , 喝一兩口就覺得沒有把湯去飲嘅必要 ~魚麵 , 即是用魚肉製成的麵 , 麵條的質感很滑身 , 有魚味亦帶有胡椒味 , 味道相當不俗 ~墨魚丸 , 質感很實在 , 吃落有馬蹄粒也有墨魚肉粒 ~魚蛋 , 粒粒滑嘟嘟 , 質感少少爽多多腍滑 , 重魚味又有胡椒味 , 很不錯吃 ~本篇完 ~

係呢間香港仔一品魚蛋王，叫咗碗牛筋河同埋牛腩河，牛筋牛腩食落去入口即溶，軟淋淋得來又有D𡁻口，掂呀！加埋支支樽可樂呀！我今日見好多人叫魚蛋粉，既然牛腩牛筋都咁好食，下次再嚟一定要叫碗魚蛋河，因為冇理由咁多人叫魚蛋嘅！

作為荃灣人，真係食到唔知食咩好，我鐘意食牛腩，但只愛食清湯腩，對五香牛腩麻麻，因為成日遇到好瘦好韌既牛腩，而味道通常太濃，食唔到牛味，所以都係清湯腩最岩我～我食過好多間清湯腩，荃灣黎講，我會揀呢間，因為呢間個肥腩好正，性價比極高，牛腩面$29，牛腩飯$38（會送紫菜湯），今次我食左肥腩飯佢個肥腩份量好多，食完勁飽，老闆～你比咁多，有無錢賺咖？個腩汁撈埋飯，再加少少佢個自家制辣油，不得了，好麻甩啊我

當社會上充斥著大企業嘅食肆, 小店經營日漸困難, 人越大, 越想追尋回舊式的感覺, 所以小食店一直係我支持嘅對象.沒有華麗嘅裝修, 取而代之嘅係親切嘅服務, $28一碗魚蛋河, 加$10蚊有個菜, 喺今時今日嘅社會, 算係抵食. 今日食咗個牛腩撈麵$34 加個油菜$10, 好抵, 牛腩好淋身, 好夠份量, 仲有生菜墊底, 不過我都加多個菜心, 因為佢哋嘅菜心好好食, 唔知點解我喺屋企煮個啲菜唔好食, 有圖有真相一間街坊小店,全賴附近住客支持, 大家如果經過可以一試, 呢間店舖已經成為我嘅御用食肆 ( 繁忙時間可能要等一陣)

見罷客户，又在民豐粉麵吃過韮菜餅，挽著戰利品韮菜雲呑餃子糯米糍等，打道回府，往荃灣西鐵站方向一路前行，途經川龍街 ，被廚窗內的一堆食材吸引着，遂停下腳步，走進了下圖的 - 香港仔一品魚蛋王  。那堆是甚麼？請看下圖。一堆條條雪白厚身的魚柳，都是從大門鱔身上削下，每條魚少說都有三四斤重。魚蛋在店內現製即煮，用純正門鱔打成，實在太吸引了！筆者當然未能抵擋這種誘惑，縱然不餓，亦要一嚐手工魚蛋的好滋味！魚蛋淨食 HK$28有四顆白身魚蛋，三塊炸魚片頭，一堆青菜置底，份量不錯。湯呈淡白，明顯的魚骨湯底，鮮甜而不嗆喉，味精不重手，不錯！人工手打白魚蛋，魚味足，爽口而蛋心嫩滑！這便是跟全機製魚蛋的最大分別，機製魚蛋亦會爽口彈牙，不過蛋心較為死實，欠缺嫩滑感，若然大家想感受一下手打跟機製魚蛋的區別，可以在這裏買些魚蛋回家，再到超市買些四海出品的機製白魚蛋，同煮同吃，比較一下，閣下便能感受到新鮮手打跟機製魚蛋的口感區別。魚片頭外層經過油炸，有着脆口外皮，但肉心同樣有着滑漏口感，並非街市賣的機製貨色可比。以上所吃到的美味魚蛋，都在紅圈中的小小廚房炮製，空間委實狹小，但卻成就出今日吃到的美味魚蛋。總結： 一

今日vi黎食魚蛋王, 影下門面, 個綠色既like都幾搞笑下 搵左好耐先有個靚靚menu 是日唔係好想食魚蛋, 所以都係要番墨丸試試佢本身諗住好少唔夠食, 但原來河粉威力驚人, 食完已經好飽!河粉都幾滑, 餐廳好好人自動幫我分左湯唔洗加錢 所以拎番屋企都唔會話漲哂~~~蔥花同蒜份量岩岩好, 唔會話太多蓋過個墨丸味墨丸都幾彈牙好味, 唔會好粉, 仲諗住得4粒, 佢比夠5粒Vi禁岩影相影到好似星星咁 整體幾好味, 下次可以試下佢d魚蛋~