首爾石鍋燒

營業中

休息中

今日放工同朋友食飯 ， 朋友話去首爾食豆腐鍋，而我就最鍾意食呢度嘅泡菜鐵板燒 ！叫咗個泡菜鐵板燒豬腩片， 上菜嘅時候勁香，豬腩片跟泡菜送飯一流 ，差啲想添飯。 之前試過佢嘅泡菜鐵板牛肋骨， 都係好正 ！最後就加咗份粉絲餃子， 香脆脆點埋個汁好食食完先記得冇影相飲品有半價我就叫咗個柚子蜜， 中規中矩不錯！ 朋友叫咗個蕃茄泡菜豆腐鍋配飯,佢話個湯底好好飲！ 泡菜酸酸辣辣， 湯裏面有粉絲， 吸咗啲湯嘅精華， 加埋滑豆腐，韓式烤肉 ， 粟米，仲有隻半生熟蛋 ,估唔到係勁飽 。 飲品就揀咗韓國紅棗蜜滋補一下！ 又係滿足的一餐

💖泡菜餃子好好味💖好耐冇食過呢間餐廳了！我呢個餃子控突然懷念這裡的泡菜餃子！既然出開旺角就去呢度食個飯先！餃子無論放湯定係煎餃子我兩樣都鍾意，既然係咁我就兩樣都叫！我首先叫左個泡菜餃子烤肉豆腐鍋，少辣。呢個係湯餃子來的。湯底我叫左小辣因為個餃子本身係有點辣的。個湯底有d海鮮味，配餃子一齊食剛剛好！餃子好大件，裡面主要係泡菜同豬肉同粉絲，味道超來夾，帶點辣，好唔錯！個湯鍋裏面仲有滑滑豆腐，粉絲，烤肉，雞蛋，好好味！我另外叫左香煎泡菜餃子。個餃子其實同湯鍋的餃子一樣，不過今次係煎嘅！呢個都好正呀！煎得剛好！個皮好脆！我自己一個人都可以KO曬成碟！今次食完咁多餃子真係大滿足！下次想起食泡菜餃子會再過黎！

每次上瑜珈課之前，總會經過這間鋪頭。這個純素石頭鍋飯是少有的韓式餐廳會提供的，小妹決定今晚下課後跟另外兩位同學一試。很期待喔！果然很好吃！想不到蔬菜配以泡菜和辣醬是如此好味的！尤其飯焦，是意想不到的好吃！小小的餐廳，出乎意料的驚喜。很滿足！

今日因為工作關係冇食lunch，直接同同事喺呢度食咗個下午茶。佢個下午茶餐牌好抵食，平均30幾蚊至40幾蚊。我叫咗個：韓國豬腩片泡菜辣湯辛辣麵，$39，凍飲加兩蚊。我叫呢個係因為想食個辛辣麵，太耐冇食。我成日覺得辛辣麵個辣湯好正。今次有埋泡菜味道更勝一籌。酸酸辣辣我最鍾意。啲豬腩片都幾爽口。麵質都OK彈牙，唔錯唔錯！我朋友叫咗個午市餐，韓式部隊鍋，凍檸茶。佢嗰個鍋有午餐肉，腸仔，芝士，泡菜，辛辣麵，等等，佢話耐唔耐食一餐好好食，同埋好滿足。我哋兩個都係叫咗凍檸茶，食辣野飲凍檸茶一流，啲茶都夠味！

伴飯真係世紀級難食...喺韓國住過幾年，完全食咗兩啖唔想食連最basic既麻油都冇落，菜得芽菜同紅蘿白絲，肉就布渣咁。。仲要收過百蚊有咁多好評真係好驚訝，可能大家食慣港式啦이렇게 맛없는 비빔밥 처음이에요, 가성비 낮고 환경도 별로여서 한국분한테 절대 추천하지 않습니다

今天晚上約了好姊妹到旺角首爾食飯。 呢間餐廳我第一次去，曾經有個朋友推薦過，但一直未去過。。晚上八點去，見到裏面都幾多人幾旺。。。 坐低咗睇下佢哋個餐牌先 ! 食物有幾種唔同嘅種類: 例如豆腐鍋，石頭鍋飯，鐵板餐，還有一些韓式定食，小食等。。我一向好喜歡係韓式豆腐鍋，我叫了泡菜烤肉豆腐鍋湯底微辣， 裏面有韓式烤肉，豆腐，菜，粉絲， 當然唔少得就係泡菜啦!個湯底味道濃沃， 送白飯真係唔停得口 仲有仲有，裏面有隻半生熟蛋 ! 記得唔好等咁耐，快快趣趣攞上嚟食，如果唔係就變咗全熟蛋架喇 朋友叫咗個豬頸肉石頭鍋飯上到枱嘅時候芝芝喳咋聲，好似好香咁 ! 我忍唔住試咗幾啖 ，足料，亦都好夠味喎! 下次我都要食呢個

Wow😐我第一次打啲咁衰嘅標題😵‍💫因為真係差到好離譜…. 離譜到我差點直接去其他餐廳食多次晚餐😳份量少又難食，食物質素又唔好….我啲錢呀..🖍泡菜烤肉豆腐鍋豆腐唔誇張，份量係一隻手指公.. 仲要細好碎好碎的.. 肉…哇………. 得3小塊？唯一一好係有粒蛋 同啲泡菜？😑 之後就係顏色濃但稀到好似飲水既湯🖍雞肉石鍋飯以為招牌會好啲 點知 係幾架直升機🚁呀真係好誇張……唔知講咩好🥴希望大家唔好🀄️㑀啦

假期去旺角睇完戲，睇完戲都成兩點幾，記得之前話女人街兩邊多咗好多餐廳，所以特登搵吓有咩食，食個下午茶。叫咗一個番茄牛肉石鍋烏冬，同一個泡菜牛肉石鍋烏冬。值得讚嘅係兩個石鍋烏冬都熱辣辣，冬天食就啱晒啦。$38 ，凍飲加兩蚊。性價比OK嘅。當佢係正常烏冬咁食，泡菜牛肉其實冇咩泡菜味，不過勝在牛肉嘅份量都唔少，烏冬幾滑，不過係有少少酸酸地嘅烏冬嘅味道。啲豆腐好滑我幾鍾意。以呢個價錢來講，全部野都算OK啦。

同朋友行下女人街見到有間韓國菜 lunch set又唔貴 就入去試試👉🏽蕃茄泡菜烤肉豆腐鍋蕃茄味係有既 但係唔濃郁 泡菜都唔係話好辣 可接受 入面有埋粉絲 配埋碗飯真心對女仔黎講好夠飽 👉🏽金菇肥牛烤肉豆腐鍋有少少失望既 因為會覺得佢略厭普通 個湯低好似冇乜味 金菇唔多 反而肥牛好足 食肉獸都岩食 但同蕃茄個個比 有啲失色💔💔Overall 黎講60蚊係旺角食韓國鍋飯真心平 加上星期六日都係呢個價 質素同價錢都成正比 都算係窮丁之選

哩間旺角小店我一直有支持開，都已經幫襯左好幾年。我最鍾情嘅係《泡菜烤肉豆腐鍋》，泡菜湯底味道香濃獨特，酸酸辣辣，好好送飯。而且材料豐富，有泡菜，烤肉，滑滑豆腐，水蛋，韓國魚片，粉絲浸住泡菜湯食尤其好味！食完一定好滿足。另外我朋友叫左《泡菜炒牛肉鐵板飯》，哩個我自己都食過幾次，好惹味的！上臺時炸炸聲勁香，味道好正，又香又辣，d汁撈飯一流！牛肉粒分量都好多，口感十足！哩度除左泡菜湯鍋，泡菜炒牛肉鐵板都好正啊！另外試左《韓風一口雞》，好香好脆口，一口一啖剛剛好！哩間小店疫情期間依然人流不絕，必有其優勝之處！值得繼續支持！

食之前無睇評語係我錯突然好想食韓國野又肚餓見有位就入左去最中意食水冷麵食過無數水冷麵既我呢個水冷麵史上最廢完全唔係正宗果隻麵求其一個麵凍既就話係水冷麵😑咁我求其係屋企用米線落啲醋唔通又叫水冷麵咩🙄炸醬麵無乜點 算擺得落口牛仔骨係cheap既質素 但又唔係特別平 都要 $150 $150可食到更好質素 唔值餃子無乜點但個皮好硬的成餐飯無一樣野有韓國既風味我都唔知食左啲乜🤢可能食石鍋燒會好啲畢竟人地個名叫石鍋燒但已經唔會再試了唔洗錢都唔會再去🤢🤢

✨個日原本想去旺角食蛋包飯，但搵極都搵唔到😌所以決定周圍梯吓最後就揀吓有咩食算😁最後就揀咗呢間好似都幾多人既韓式餐廳✨❤️店內都好多選擇而且價錢親民 性價比高👍🤤傳統韓國石鍋飯🤩有得揀要腩肉、雞肉或者牛肉粒🤤而我就揀咗蒜蓉牛肉粒，好大粒份量都幾多吓🤭有d飽 而且有小小似食pepper lunch感覺🤣一上檯滋滋聲咁😳超級熱🔥要好小心 整體味道都唔錯🤤👍性比價👏💯! #lky旺角 #lky韓式📍旺角通菜街21號地舖

點咗個傳統炒肉石鍋飯有個細粟米湯 ，加杯冰紅茶都等咗起碼25分鐘 都有啲耐 但啲炒肉唔知係咪隔離地中海餐廳 啲kababs. 用唔曬用來做炒肉 啲肉又乾又燶又苦然後啲蘿蔔絲又苦 真係好難食 好難食 好難食啲肉掂都冇掂過 Foodcourt 都好食過佢你要食就千祈唔好嗌炒肉石鍋飯 無好結果😉仲要lunch set 51蚊

行到攰攰地， 放下小王子， 同皇上拍拖行展覽後， 去旺角搵野食。 好耐都無食過韓國野， 咪試下尼間。 叫一個二人餐。（比散叫抵食少少） $179+10%牛肉鐵扒， 整體份量都大， 牛肉唔太老石頭鍋飯燒得ok, 有飯焦， 正😝， 雞肉食落滑身， 整體份量都ok 不過尼個炸雞就真心唔推介， 有一種莫名其妙的咬口， 非常硬， 亦是等了好耐新鮮炸的，但竟然一d 都唔脆😨😨小食方面，咬口都可以接受， 但賣相一般

朋友推薦所以入黎吃，明明有兩張空檯，個男侍應就係點都唔俾人入，搞到大家都企係出面熱辣辣。💩💩先黎兩碗湯，芡粉+味精+冬瓜（？）+蛋的混合物。味道幾好吃。點左兩杯熱飲，隻杯好明顯冇洗過，因為我見到好多好多白色嘅污跡痴係杯內部，同我d奶茶融為一體。呢度唔記得影相，唔信可以自己親身試下。滿懷期望咁點左炸醬麵同豆腐鍋。結果，炸醬麵係酸！係酸！係酸！我從來冇食過酸嘅炸醬麵。但係皆因我對炸醬麵嘅認知好少，食得一兩次，再加上同行嘅人話唔似變壞嘅酸，就冇叫侍應換，結果吃完幾個鐘就開始唔舒服。如果有人吃到炸醬麵酸酸地一定要換！一定要換！唔好好似我咁我地仲點左佢嘅豆腐鍋，係幾咁鮮、幾咁好吃，個湯好好飲。但因為炸醬麵個陰影，我都未必再去。