首爾石鍋燒

營業中

休息中

同朋友旺角睇戲前搵野食，行到通菜街見到個招牌幾醒目，其實這間店以往都行經幾次，一直想試，野食款式唔少，價格相宜，於是今次入去試下。點餐時同店員講我其中一個朋友不能食辣，店員推薦左D完全唔辣，同埋一D可以好少辣的菜式。我和一個朋友點左韓式烤肉拌飯，另一個朋友點左年糕烤肉豆腐鍋，兩個小食，韓風一口雞，海鮮蔥餅。韓式烤肉拌飯，不是石頭鍋拌飯，這間店也有石頭鍋拌飯，雖然石頭鍋拌飯有飯焦好香，但天時熱，我想試試這個用韓國不鏽鋼大碗的食法。有驚喜，烤肉是店家秘製豬肉，有一種說不出的特殊香味，配菜有青瓜，粟米，韓國粉絲，木魚絲等，清新爽口，好啱夏天食。值得一提是個汁，酸酸甜甜，好開胃。我朋友的年糕烤肉豆腐鍋，我試了少少，湯底鮮甜香辣，年糕好煙韌。韓風一口雞，其實是炸雞，是冇骨的炸雞，切得大小剛好一口一塊，故此叫一口雞，它不是那種脆的炸雞，是軟綿綿的，好不好就見仁見智，我同朋友都覺得唔錯，它軟得黎乾爽，且香口，值得一試。海鮮蔥餅，以前去韓國都有食蔥餅，這個蔥餅不是像傳統那樣整棵蔥放進去，而是用蔥段，咁我覺得冇話邊樣一定好，我覺得這個還不錯原因是煎得好香，蛋香，蔥，蝦，加埋個汁都配搭得唔錯，對於我哋三個

泡菜烤肉豆腐鍋個鍋滾熱辣，上台時都還是滾住，考有feel，這個真是必食推介，湯底鮮甜香辣，我很喜歡吃辣的東西，卻不可以太辣，這個辣度比較適中，應該是店家做出取捨的，我認為這個辣度對於大多數香港人應該是適合的，如果喜歡更加辣，可以要求大辣。泡菜酸辣提升味覺層次，有清爽的感覺，豆腐好嫩滑，秘制烤肉好香，還要一些配菜，如蛋，粟米，名門卷，菜等，整個配搭相當不錯，配上白飯好正。加杯凍檸茶，一流！之前朋友推介，試過一次之後我自己有時都會帶朋友過來，特別是沒有胃口吃飯時都會想食這個泡菜烤肉豆腐鍋，因為好醒胃，想起都食慾大增。

疫情後甚少出街食飯，今晚約左friend係旺角，於是就黎這裡。已不是第一次幫襯，之前旺角返工久唔久都會過黎食。叫左泡菜鐵板牛肋骨，上台時熱辣辣，還有咋咋聲，牛肋骨好嫩滑，配上炒過的泡菜聞到味都已經流口水，辣度適中，啱我，送飯好好味。另一個是韓風一口雞，內軟外脆，加埋酸酸甜甜的醬汁，一口一塊，送啤酒確實唔錯。炒粉絲，唔同普通中式粉絲，這種粉絲粗好多，有D似薯粉，食落比一般粉絲更有口感。蔥餅，這個蔥餅賣相雖然一般，但食落外皮甘香酥脆，裡面軟綿綿，值得一提是個餅汁好醒胃野味，有驚喜。經營咁多年還保持良好食物味道，價錢合理，值得推薦。

I came here with my friend two days ago after shopping in Mongkok.  She suggested visiting this shop because Kimchi is her comfort food.  We ordered Kimchi hot pot, Kimchi dumplings, and Kimchi fried rice with shrimp.We like Kimchi dumplings the most.  It is because the favour is very good and well cooked.  The skin of the dumplings is crispy  and not oily, and the ingredients inside taste so good.  It is a bit spicy, with a well combination of kimchi, pork, veggies and vermicelli.The Kimchi sou

而家疫情放緩咗，我哋啲同事都出返嚟食lunch . 一星期有三日都去首爾食。一直首爾都係我哋同事嘅飯堂，因為呢到的秘制豆腐鍋真係好食，出邊韓國餐廳好少食到呢種口味。今日照舊食泡菜餃子烤肉豆腐鍋呢個泡菜餃子烤肉豆腐鍋係我嘅至愛。個餃子裏面有泡菜，辣辣地幾特別！另外鍋裏面仲有烤肉豆腐，菜，同埋粉絲。要粉絲就會跟個白飯。粉絲同白飯都係精華，點解呢，因為粉絲吸晒湯嘅味道，鍋裏面嘅湯送飯真係一流！泡菜餃子呢度嘅午餐仲要送一碗餐湯，一杯嘢飲！加特飲柚子蜜都只係加$5！真心抵～個湯送飯真係一流，一不小心就飲晒性價比高，所以我哋成班同事每週起碼嚟三天，不過有時好爆塲會冇位，中午12點前去到就穩陣。

話說成日嚟呢間餐廳都要排長龍，今日6:00pm有位。超開心。 見佢有幾款石鍋飯同豆腐鍋都係必食。 今日試新嘢，豬腩片石鍋飯。朋友就話要食泡菜豬腩片辛辣麵。.首先個石鍋飯大概10分鐘就到，嚟到嘅時候已經覺得好香。。 哇！！攪拌嘅時候仲有吱吱渣渣聲，好正好似自己炒咁，醬汁係重點！ 令到個石鍋飯好好惹味，豬腩片煎得肥美香口，怕唔怕肥就見仁見智，不過肥美就係邪惡，亦都係呢到最好食嘅石鍋飯！最好食嘅石鍋飯-豬腩片好多飯焦朋友嘅泡菜豬腩片辛辣麵我問朋友辛辣麵做乜唔喺屋企煮，佢話呢度嘅辛辣麵跟泡菜豬腩片真係正，呢度啲泡菜好似好食過出面，整體系唔錯。

首爾石鍋燒（Mong Kok)經過旺角想食間韓國嘢🇰🇷 見呢間暗暗地 氣氛好似唔錯 不過食落就。。🤧🤧⌖ 韓式伴飯（烤肉）🐷🥒🌽🍚💰$65🤔伴飯搭配上有少少奇怪 面頭係青瓜片、粟米、青瓜絲、肉鬆、木魚同埋烤肉 要落曬隔離嘅辣汁一齊撈先夠味 識落好明顯係欠缺韓式拌飯嘅麻油味🤒 主角烤肉好老身 整體好一般🤐⌖ 韓風一口雞 🐔💰$42賣相幾好 不過食落就好乾身 凍少少會更加硬 隔離配嘅茄醬🥫都唔太夾 唔推薦🤒🤒⌖ 炒年糕💰$58失望嘅炒年糕🥴 年糕同啲汁完全係分離嘅感覺 味道真係唔太夾 完全唔似韓式炒年糕嘅味道🤥🤥⌖ 泡菜烤肉蔥餅 🌮💰$58賣相一般般 食落有少少脆邊位 食到有蟹柳、粟米、泡菜同埋烤肉🤨 就咁食會比較淡口 要配埋個韓式醬會惹味啲😗😗⌖ 凍紅棗蜜 🍹💰$10少見啲嘅飲品 味道OK 幾滋補嘅感覺🤫🤫⌖ 凍蘆薈茶 🍹💰$20諗住蘆薈茶會幾特別 點知。。 係平時買到嘅蘆薈泉水🥲🥲 會飲到蘆薈粒 不過小編覺得係超甜 要溝水先飲得落😬⌖ 附送前菜🍴💰$0落單完之後侍應就會俾哩碟前菜 係豆芽同埋泡菜 味道正常 泡菜偏酸小小🤏☻ 回頭指數：5.5/ 10#Fatshit_ami #Dinne

好耐冇嚟旺角了。好多舖頭都轉晒。依家首爾石鍋燒依然喺通菜街屹立不倒👍今日同朋友嚟食。我叫咗最有名的「蕃茄泡菜烤肉豆腐鍋」。石鍋上，好吸引。蕃茄配泡菜配搭一流。又酸又辣湯底好正，湯底送飯一流！鍋入邊的食物豐富。有蛋有豆腐有烤肉有韓國魚片。鍾意食泡菜嘅朋友不要錯過！朋友叫咗泡菜大蝦炒飯。因為朋友唔可以食太辣，所以佢叫咗小辣。小辣即係少啲泡菜。店員攞出來的時候已經聞到好香的炒飯味道。似係即叫即炒。我見啲大蝦都有五六隻，都好大隻下。呢間餐廳食物價錢唔貴，性價比高，難怪做咗咁多年依然有捧場客！

今日母親節 ，下晝出嚟旺角買禮物 。行到咁上下，好肚餓，咁啱經過女人街， 好多餐廳選擇 。唔知食咩好 ， 見到呢間餐廳感覺ok就入去試下 。。。好想食頭鍋飯 ，唔知邊隻好。。。有傳統石石頭鍋飯， 又有泡菜石頭鍋飯，豬腩片石頭鍋飯 ，金菇肥牛石頭鍋飯， 芝士石鍋飯。 咁多款都想試下。。問咗侍應有咩推介， 最後揀咗芝士石頭鍋飯 。個鍋飯有幾多配菜， 有啲免治牛肉 ，跟芝士 味道濃， 幾好食。 食到底真係有脆脆嘅飯焦喎。 飲品有半價錢 。整體嚟講都ok， 侍應好有禮貌，加分。

一入到去，冇比餐牌，仲要我提，前後連埋我都係2張枱，仲有一枱似係屋企人黎食，我見個女仔掃完我電話之後坐埋去一齊食。叫咗炸醬麵，勁普通，唔值69+7，自己買一包整仲好食個佢，0服務都可以收服務費，唔會再食。真比錢買難食同難受。

成日聽到隔離team啲同事話去女人街食韓國野好抵，就上openrice睇下啦，睇落似係呢間。真係抵嘅，五六十蚊茶餐廳價，可以過下韓國癮。我叫左泡菜烤肉豆腐鍋，加5蚊轉左跟烏冬。落完單就俾左個冇乜味嘅韓國芽菜小食，多少少麻油就好喇。上枱時個鍋好熱辣辣，烏冬夠晒彈牙，湯底唔會太辣但有泡菜味酸酸辣辣好開胃，肉有少少焦香，豆腐係盒裝豆腐滑捋捋，成窩都滿嘅好豐富。正唔正宗唔重要，好味就夠，60蚊嚟講係抵食嘅。

今次係高質平民下午茶！係門口已經聽到韓文歌，而且假期下午餐時間 間中都會有人排下隊，但好快就入得😋食野緊係要熱辣辣先好食，平時食烏冬都係碗上🍜，但呢個係石鍋上架個烏冬！ 泡菜石鍋烏冬 T05!! T05!! T05!! 🍲🍲 都只係40蚊!!! 唔好睇佢平平地，但好足料架 有🍅+🌽+🐷+滑豆腐+好食烏冬(並不是十蚊3個酸嘅烏冬) 咁凍嘅天氣食啲熱辣辣嘅野真心暖哂，而且個湯底係好濃，每次食都會飲哂啲湯，凍飲都係 +$2 成餐飯都係$42蚊，真心抵食🥳🥳🥳值得狗衝指數：🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️

每個星期六我哋都會去首爾食呢個番茄泡菜烏冬。。一個下午茶40零蚊，唔使加錢仲包埋飲品！真心抵食呢個番茄泡菜烏冬有三大塊蕃茄，豆腐，同埋好好味嘅泡菜！！泡菜酸酸辣辣非常惹味呢！識食就係梗係飲埋佢啖湯，因為湯底好濃郁，連個烏冬都吸了濃湯嘅味道。。呢個下午茶真係非常吸引，出邊好多餐廳飲品要加幾蚊，但呢度係包免費熱飲!! 不過個烏冬滾住上都幾熱， 我通常都會揀杯凍檸茶或者凍奶茶，都只係加$2！！＄42蚊真心抵食，所以我哋每個星期六都會由將軍澳專程搭車過嚟食有時都會幾多人要排隊等一陣。。

喺旺角呢頭返工, 平時中午就嚟呢度食lunch!午市套餐都幾抵除咗午餐之外，另外包一碗餐湯以及一杯飲品餐湯粟米蛋花豆腐湯。看似普通的一碗湯，味道還是不錯的今天中午叫了個芝士泡菜部隊鍋。食部隊鍋當然是辛辣麵的愛好者呢！ 部隊鍋除了辛辣麵以外，還有泡菜，香腸，午餐肉，粟米, 泡菜餃子和雞蛋，十分豐富。。還有在辛辣麵之上還有芝士芝士跟辛辣麵口感10分夾。。yumyum午市套餐免費有飲品, 叫了冰紅茶*凍就$2* 剛好平和了熱辣辣的食物我地經常都黎, 呢到幾多人..早d 12点零就有位. 遲了好多時都要等枱...

呢間店係我一去旺角又想食韓國嘢一定會考慮嘅一間餐廳而每次食我都係一定會叫泡菜烤肉豆腐鍋配飯呢個真係性價比高到離譜特別午市配湯同熱飲又平又大碗食到巨飽當然大食嘅朋友們就應該唔夠個鍋入邊有蛋，粉絲，泡菜，烤肉，魚糕味道咸淡適中湯入邊嘅泡菜就算煲過都仲有好濃嘅味道唔會淡到似烚白菜呢個鍋真係超級下飯真係好鐘意食我地仲有叫一個石鍋飯呢個就有少少細碗但加埋辣醬撈埋一齊甜甜辣辣幾唔錯但我最失望就係韓風一口雞一口就真係一口即叫即炸熱辣辣肉質都唔柴但唔知韓喺邊都真係幾普通最後有啲可惜就係環境真係好細好逼真係肥少少都坐唔到入去而且環境好暗有總唔太乾淨嘅感覺但總括而言小店好難要求咁高而佢嘅味道令我忽略咗佢嘅小瑕疵很讚！！！