養心亭

營業中

休息中

呢日又去荃灣, 順便試下呢間bookmark咗好耐，主打養生嘅雞湯米線。 self memo：青瓜有啲辣，食唔到辣嘅建議問佢拎杯凍茶先吃安全啲😂知呢度湯底出名，嗰日又想食好啲，就叫咗個鮑魚清雞湯米線。一上枱見佢啲湯咁滿好開心，不嬲我食湯麪都鍾意飲好多湯，佢個碗裝到95%滿咁，一定夠飲XD 循例第一啖試個湯先，哇雞味好濃 但又清清甜甜唔會好油，100分!!💯 鮑魚好彈牙，而且連埋濃濃嘅鮑汁放喺米線面，唔驚浸到無晒味。雞件好嫩滑，而且量好多，食極都仲有，我一個女仔最終都食唔晒成碗米線🙈 男仔食都夠飽，而且佢米線都幾多配料，有定番嘅枝竹，黑木耳，杞子（難怪湯底咁甜💞 至於朋友食嘅霸王雞飯+肉骨茶，霸王雞一樣咁嫩，但略嫌有啲肥。蔥蒜俾得好夠多，豉油都夠晒味，加埋好香～肉骨茶湯底比較濃郁，帶少少藥材香但唔會過火，排骨燉得入味，啲肉一咬就散開，so nice 衝住佢個真材實料嘅湯底，一定有下次！好啱想補下又怕熱氣嘅時候黎😋

平日喜歡幫襯唔同嘅小店，荃灣區食店眾多真係汰弱留強，呢間都經營了幾年，平日經過都全場滿座。上兩星期有機會試試，我同朋友都覺得好味，於是今日又再去🤗。🐓霸王雞飯，配肉骨茶$73🌕🌕🌕🌕🌕上枱驚訝幾大份，一碟雞、一大碗湯、細細碟青瓜。難得霸王雞嫩滑，有雞味，汁料又香口。肉骨茶連埋少少藥材、有豆卜、同星加坡食嘅差唔多。成個餐好滿足，呢個價錢平靚正！呢個餐仲可以配雞湯/藥膳湯，甘就$68。上次我食藥膳湯，不過冇影相，藥膳湯真係有黃芪、黨參之類🫨，香口補身。🐓蕃茄麻辣湯鮮雞米線$68🌕🌕🌕🌕🌗蕃茄湯好濃味，仲有三粒大大蕃茄🍅。雞件好多，而且keep到滑浖浖。麻辣味香，食到有麻椒，不過都幾辣，食唔到辣嘅朋友唔好嗌😆。唯一我嫌油左少少，稍膩，扣少少分。😅🐓古法藥膳雞湯米線$68🌕🌕🌕🌕🌕藥膳湯同霸王雞湯個湯一樣嘅，連埋部份藥材例如川芎黨參一齊上，保證真材實料，好香藥材味。鍾意飲藥材湯嘅唔好錯過！地鐵站過黎10分鐘到，真心推介。🤗#荃灣美食 #荃灣米線 #荃灣雞飯 #養心亭 #荃昌中心 #昌寧商場

前日（30-12-2024 Mon）同老公清埋呢年最後一日嘅年假，我哋晏晝就出去食飯，去邊喥食？老公話去沙咀道嘅Sukiya(https://www.openrice.com/zh/hongkong/r-sukiya-%E3%81%99%E3%81%8D%E5%AE%B6-%E8%8D%83%E7%81%A3-%E6%97%A5%E6%9C%AC%E8%8F%9C-r886700)，但前一晚喺山見至食咗好多牛，唔食喇。佢話去食過嘅十八梯（https://www.openrice.com/zh/hongkong/r-%E5%8D%81%E5%85%AB%E6%A2%AF-%E8%8D%83%E7%81%A3-%E5%B7%9D%E8%8F%9C-%E5%9B%9B%E5%B7%9D-%E6%8B%89%E9%BA%B5-r814058），上次食評係2024年1月11日刊登嘅呢篇：https://www.openrice.com/zh/hongkong/review/%E5%A5%BD%E5%91%B3-e5233350。但路過呢間，睇吓又好似OK咁，於是決定呢間，老公要特色豬手飯，配藥膳

終於有機會試養心亭 ，見佢唔係花膠就係藥膳肉骨茶，補身健康已經好吸引🤩，三個人叫咗每人一樣嘢試食，包括：1. 海鮮米線湯 $72蕃茄湯好濃，仲要有新鮮蕃茄喺裏面，真材實料唔係溝蕃茄湯水超級好，雖然海鮮主要係蝦同埋青口，其他都係丸，不過配搭超好相當唔錯。2. 嫩滑鮮雞湯 $63鮮雞嫩滑，雞湯濃郁，不錯不錯。3. 藥膳霸王雞飯 $68呢個係三個餐之中，最最讚既一個餐，雞當然一樣嫩滑，藥膳湯底相當足料，飲咗唔會覺得好燥，感覺身體啱啱好受得到，另外點解豉油特別好味。 註： 最後由於個雞豉油太好味，同埋佢有免費添加飯、麵、粉，所以我哋多加一碗飯再添食🤣 食完都覺得有啲誇張養心亭翻食指數：💛💛💛💛💛💛💛💛💛🤍

第一次到訪小店 鋪頭雖細 容納人數不多 但都keep住見到有食客捧場 咁岩我地吾洗等位就可以直接入座每位客人會附送養生熱菜/凍茶🍶 店員態度親切有禮 會主動問客人飲熱茶/凍茶之後就幫我地落單台式麻油雞酒配粉絲🥢雞肉鮮嫩 好多薑片🫚而且麻油同雞酒有啲濃烈 食完成身都暖暖地 有少少酒醉的感覺😳 另外仲添左一碗白飯🍚 成碗飯連湯清晒 滿足😌蕃茄麻辣湯海鮮粉絲🥢入面有(蝦🦐 青口,花枝丸,魚蛋,鵪鶉蛋🥚) 估吾到原來麻辣加蕃茄都幾夾 另外仲嗌左一份雙拼小食🥢 (麻辣汁牛栢葉+牛肚絲) 個汁幾惹味 整體食物質素幾好 而且性價比高 可以encore😋

每個餐必跟嘅雞湯好好飲 白蜆米線個量又好多 豬手飯都好好食小食鵝腸 豬耳果啲都好好食 豉油/麻辣都試過 味道都少啲喺出邊食到 調味好喜歡整體小店好抵食份量好足料 姐姐們都好nice

性價比小店麵食💛今日黎到荃灣搵食，揀左間未食過嘅湯麵店🍜佢地湯嘅種類繁多，選擇困難症嘅我都諗左好耐先決定食乜🤭⭐️蕃茄湯白蜆米線 $65先講啖湯，濃濃嘅蕃茄湯配上白蜆帶出啖啖鮮味，真係飲到一啖接一啖，鮮甜茄味足！而且白蜆嘅份量十足，食完蜆殼真係成座山咁高！⭐️雙拼麻辣汁小食（鵝腸配皮蛋） $23鵝腸食得出係新鮮鵝腸，唔係漂到得返爽口既鵝腸，值得一讚👍🏻反而皮蛋質素就一般般，而且比較硬身，有d失望，不過麻辣汁就幾惹味！

外賣藥膳醉雞湯銀針粉，外賣有九折夾埋$63少咗堂食嘅嘢飲同埋小食個酒係分開上，所以可以好明確咁樣講話呢一盒仔好多水，呢杯酒係冇酒味的但係個藥膳湯夠濃重藥材味，可以講話額外加冇稀釋嘅酒都足夠互相輝映嘅濃味雞嘅份量亦都非常慷慨，唔滑，但有雞味（你明就明，有好多地方都係滑但係無雞味）我覺得外賣返屋企，自己落啲料理黃酒白酒醉雞汁重口味啲係個好選擇至少我自己加咗落去會鹹啲而多啲層次，你知啦藥膳湯難做，加酒容易啲嘛

數一數二其中一間荃灣藥膳雞湯！而呢間舖頭分別會有藥膳雞湯😙同埋肉骨茶😉選擇整體呢度的確嘢食好好味😋會有無限回味的情況😋不過由於舖頭雖細，容納人數唔多，有機會都需要等位。凍茶、熱茶可以添飲。尤其是夜晚好多人，都會在晚上叫外賣。有機會經過荃灣不妨考慮吓啦😋

天氣凍冰冰想食啲熱嘢，見到有醉雞米線，又好似幾多人食緊，價錢又唔係好貴，所以就決定試吓。.叫咗個藥膳醉雞湯銀針粉，好少餐廳會有銀針粉，咁就試吓夾唔夾～ 食得雞湯湯粉就當然會飲埋個湯，連埋銀針粉一齊食食到好重嘅藥膳味，但係雞味或者酒味就唔夠濃。.啲雞亦都冇咩雞味或者酒味，略為失望。唔算好嚡，但都唔係好滑好嫩，只能夠講有好多雞，以數量取勝。不過送咗一個辣辣地嘅豉油，個雞點完會香啲，加返少少分.另外跟餐送咗個醃青瓜，都爽口味道正正常常。仲送咗杯熱茶，好似話係咩養生茶，飲落去的確係有少少類似紅棗或者桂圓味，好暖身。.整體嚟講，如果你想食好多雞嘅話，呢度絕對啱你，但係如果你想食重雞味或者酒味嘅醉雞，同區會有更加好嘅選擇。

今日試咗間新開嘅藥膳專門店，真係有驚喜嚟！先講個環境，清新寧靜，坐落度已經覺得好chill。一睇餐牌，選擇多到我眼花撩亂，最後決定點個古法藥膳雞湯米線，一嘗，即刻hit到我嘅心坎裏！湯嘅味道正宗，飲落去香濃得黎，嗰種草藥香好入味，暖笠笠好啱呢個天氣。雞肉份量都唔會氹你，滑嫩得嚟，同湯底咁夾，真係食下去停唔到口😋。附送嘅養生茶，當日係玫瑰花茶，輕輕地甜甜地，幾好飲。青瓜嗰陣辣味微微，crunchy嘅口感仲挺開胃。簡單講，呢度嘅食物質素同氣氛，真係一流。嗰個麻辣青瓜仔仲要加分，正！落區記得試吓啊，對身體有益嘅好野，又可以食得開心，仲想點？🥣🌿👍

台式麻油雞酒是一道令人垂涎的美食。雞肉鮮嫩多汁，搭配濃郁的麻油和香氣四溢的料酒，讓口感更豐富。麻油的香氣與酒的醇香相融合，令人回味無窮。而麻辣鵝腸則是一道風味獨特的小吃。鵝腸彈牙有嚼勁，辣椒的刺激與鵝腸的鮮香相互輝映，讓人愛不釋手。這兩道美食在口感和風味上都能給人帶來驚喜，不僅開胃還能滿足味蕾的需求。推薦給愛好辣味和濃郁風味的美食愛好者。

本人很喜歡藥膳，再加上天氣開始轉涼，更加需要進補一吓，去過幾間食藥膳嘅舖頭，呢間真係唔錯，之前食嘅都係較淡味，可能藥材份量唔夠多？又或者大家嘅用料唔一樣？今次試呢一間，材料十足，味道濃，真係覺得真材實料。今次叫咗一個古法藥膳雞湯，佢可以選擇配飯、銀針粉、米粉、米線及粉絲，真係好多選擇，我今次選擇配飯，當食物到來，已經聞到好大陣藥材味，第一當然要試吓啖湯，真係好好味，唔單只係湯好，連湯入邊嘅雞都有好多，相信有七八件。今次食完下次一定要再去

好耐無幫襯，望住餐牌，好多野都想食，最後都係揀番茄麻辣湯白蜆米線，因為上次食過好好味。今次食味道都保持水準，好好味，尤其係嗰兩舊蕃茄，個老細話係意大利罐頭蕃茄，唔怪得咁好味。兩位朋友就食藥膳雞米線及喇沙海鮮米線，都好味。

每逢落雨，天氣轉涼，路經呢度都會去食。之前食過古法藥膳雞湯，霸王雞飯，台式麻油雞酒，今次就試古法藥膳醉雞湯。古法藥膳醉雞湯$65配銀針粉 濃濃嘅藥材味，淡淡嘅酒香，不過雞就冇霸王雞咁滑，有啲咬勁。酒味冇台式麻油雞酒咁濃烈，但今次都唔敢飲晒碗湯，因為飲到一半面都紅晒🫢。銀針粉好滑，滑到筷子都夾唔起😆。台式麻油雞酒除左酒味濃烈，麻油味都勁重，不過湯面就油好多，係冬天補身良品，食完勁暖，反而今日食古法藥膳醉雞湯就冇暖笠笠嘅感覺。