餃掂手工餃子雲吞專門店

龍鳳松茸雙煎餃，有黑松露同埋白松露兩樣，再加埋豬肉，簡直係高級嘅配搭，煎餃每一隻都非常香脆，做得非常香，而且每一隻都可以做到金黃色，重點係每一隻餃子都有焦邊，而且餃子食落去非常香脆，咬落去到juicy到爆，真係好推薦俾大家！壽喜燒牛肉餃（大碗）湯顧名思義餐廳係用日本壽喜燒嘅方式去加入呢一個餃子嘅元素，餐廳係用大蔥同埋牛肉主要組成，牛肉嘅味道配上大蔥非常襯托，而且咬落去味道非常有口感，成個口感非常特別係我第一次用壽喜燒味道再加埋餃子，好似有mix and match嘅口感，再加埋本身餐廳比嘅湯，每一次去呢一間餐廳佢嘅湯我都會飲晒，原汁原味絕對冇任何味精，非常出色，所以呢個價錢嚟講都唔算真係太貴，有個湯飲又有餃子食，簡直係完美！呢個餃子好似日式餃子嘅感覺，鍾意食嘅朋友絕對唔可以錯過！蜜餞雞翼，由於怕太飽嘅關係，我哋只係叫咗3隻，價錢亦都唔需要太貴，只係需要$25，呢個價錢小食嚟講，絕對可以一試，食落去第一啖係有甜甜哋嘅口感，而且雞翼即叫即煎，熱辣辣，其實都非常好食，作為小食嚟講，呢一個質素真係唔差，雞翼亦都醃得非常入味，肉質亦都okay, 絕對唔會鬆散，鍾意食雞翼嘅朋友都可以試吓！蜂蜜檸檬

趁住復活節假期留港消費😆放假同朋友仔去咗銅鑼灣行街，順便食埋晚飯，揀咗銅鑼灣分店「餃掂手工餃子雲吞專門店」，呢間餃子店我之前喺太子食過覺得味道不錯，主打十幾款不同口味嘅餃子同鮮魚湯底，鍾意食餃子嘅人一定要黎試下😋龍鳳松茸雙煎餃鎮店之寶黑、白松露煎餃🉐所有餃子都係即叫即煎，每粒都係全人工包製，確保材料新鮮皮薄餡靚👍🏻煎餃皮薄香脆豬肉餡料非堂飽滿，入口充滿黑白松露嘅香味與豬肉鮮味互相融合，香氣，每粒餃子都充滿肉汁，鮮味又香口，配搭店家自家制嘅菜脯辣椒油，裡面加入咗豆鼓粒鮮香辣味更為提升，推介👍🏻粟米豬肉湯餃（跟狀元九鼎湯）我地另外點咗碗湯餃，記得一定要飲埋個湯😋湯底絕無味精，以粉葛、鯪魚、鯽魚、排骨、紅棗同紅蘿蔔等滋補食材熬製，鮮甜潤喉，加上清甜鮮美嘅粟米豬肉湯餃，絕配👍🏻湯餃一樣皮薄料多，粒粒都非常飽滿，豬肉鮮嫩嘅口感配搭爽甜嘅粟米粒，令口感更加豐富四川涼麵麵質彈牙爽口，加上辣椒油、花生碎、香蔥同芝麻醬，各種味道互相融合，香辣惹味山楂雪梨水蜂蜜檸檬薏米水店家自家制嘅兩款飲品，真材實料微甜，雪梨水味道酸酸甜甜可以減低膩感，薏米水清甜解渴，兩者配搭餃子都非常合適📍餃掂手工餃子雲吞專門店 (銅

夜晚係銅鑼灣睇完戲都8點幾 突然心血來潮想食餃子 好彩發現餃掂仲未閂 之前食過太子分店 今次嚟到銅鑼灣發現座位幾闊落 呢度除咗有湯餃同煎餃仲可以買生餃子自己返屋企煮龍鳳松茸雙煎餃 (8隻) 雖然呢款餃嘅價錢比起其他貴 但係食完覺得價錢同質素係成正比呢款係黑松露同白松露嘅豬肉餃各四隻 一入口已經有好濃嘅松露味 松茸嘅份量都唔少 黑松露控表示一定要試呢款!!! 韭菜豬肉煎餃 (7隻) 基本上每次食餃子我都會嗌韭菜豬肉 呢度韭菜同豬肉嘅比例好均勻 入口好紮實 上湯松茸時蔬一到咗夜晚就想食返d菜 菜心食落幾新鮮 日本龍鳳蛋 (2隻)溏心蛋再配上黑白松露醬 第一次食呢個組合幾得意飲品方面就叫咗維他檸檬茶同蜂蜜檸檬薏米食咗咁多濃味野飲返枝蜂蜜檸檬薏米水潤下喉 飲落唔會太甜仲有好多薏米係底

叫咗壽喜燒牛肉餃，九頂狀元湯，個湯冇味精，正，但個餃唔知食緊咩。芫荽豬肉餃，餡滑皮剛好，好味。黃金皮蛋，好膠。涼麵都好一般咁囉。聞名不如。。。。應該冇下次了。。。。

今天女兒於此店午膳,並點了豬肉餃,食時即發現餃子尚未煮熟見並到紅肉,服務員其後用筷子搓開每只餃子看見紅肉並說可繼續食, 還說食後若然不舒服及看醫生後，才可回來投诉這是極之不文明的服務及管理素質!

這家是朋友推薦的 她說很懷念湯餃的狀元九鼎湯底 所以我們便一起來吃了😋它有很多分店 銅鑼灣這間環境較寬敞舒適 也沒有限時🙌🏻➸雙拼湯餃 (大白菜豬肉x雲耳椰菜豬肉）| 7隻$49 | 9/10經典款式～ 雲耳椰菜口感更豐富！加上檯邊的辣菜脯轉換口味也不錯➸龍鳯松茸雙灼餃（跟狀元九鼎湯）| 8隻$92 | 8.5/10這款是黑松露豬肉和白松露豬肉的餃子雖然一看價錢覺得偏貴 但黑松露控見到還是想試一下！黑松露味道較突出 白松露款式的話就菇本身的味道更突出如果跟朋友分享著吃的話性價比不錯呢🤤

平時都會在家包餃子，但有些口味的餃子還是外出吃會較方便。餃掂手工餃子雲吞專門店 是一間賣手工餃子的餐廳。而且會有湯餃或是煎餃兩種可以選擇，或是買生餃子回家才煮也可以。另外若是喜歡吃辣，亦有菜脯辣椒醬和四川辣椒醬提供。🥟芫茜豬肉湯餃 (10隻)湯底是狀元九鼎湯，味道清淡，但有喝到淡淡的粉葛味。餃子真的好大隻，餡料也是塞滿滿。不過芫茜味不算特別重，反而是豬肉的肉汁較為鮮一點。🥟龍鳳松茸雙煎餃 (HKD 98/8隻)煎得很香脆，上桌即吃的話會超燙口。同樣都是很大隻。有四隻黑松露，四隻白松露。明顯前者較濃味，我食第2隻已想放棄。相對白松露香濃得來較容易入口。🥛豆漿 (HKD 12/杯)是無糖的，都有喝到微微的豆香。

係附近返工，間唔中都會去呢間食lunch,本身好鐘意食餃子，所以多數都會食餃子麵，而家個湯底越來越淡某某又油倒咗醬油都救唔返個種無無味，仲要份量越來越少，由以前正常$55有6粒餃子➕麵食到而家下午茶餐$38幾條麵+3粒餃子🥟，以前正常常食完係剛剛好噶分量，下午茶係本身唔係好肚餓情況先夠，但而家連$55噶正常餐都越來越少麵得幾條麵完全食完都唔飽，食完要再食其它野先夠！以前都唔係咁！今次最後一次食，唔會再幫襯！：

多數我喺OpenRice打得都係一啲讚嘅餐廳😞今次係我唯一一次打劣評嘅餐廳其實我已經唔係第一次食依間餐廳我覺得佢食材幾好，同埋幾好食但係我食完今次之後我以後都唔會去食因為入到去就點餐等咗半個小時都未等到自己嘅餐 🕐因為我趕時間，我就想睇吓佢仲有幾耐，想去快啲上餐點知個員工就同我講「有排等，等唔到就唔好食啦！」我覺得我俾錢黎消費，但係我而家係買難受，所以唔會再有下次去食1）應該一早同我哋講要等耐啲2）唔應該咁樣嘅服務態度3）樓面同廚房不停鬧交只係想安安定定咁食個晚飯都唔得 👎

要食餃子🥟要食酸辣雲耳🌶️要食涼皮 要飲靚湯🍲要平 💸要好食🤤又或者前嗰晚飲酒過多😵‍💫😵‍💫好需要飲番個辣湯醒神救命🫣真係真心餃掂一定會搞得你掂😏😏呢啲都係個人經驗個人認為嘅😆🥹

有時生活忙碌，簡單而美味嘅一餐，唔單止可以令人暫時忘記煩瑣嘅公事，更可以令自己有所慰藉。 今日放工之後，係銅鑼灣遊走之間，無意中見到餃掂手工餃子雲吞專門店。即時喚起我細個時候屋企人最鍾意係屋企自己包水餃嘅回億。  反正未食飯，就入去食餃子填一填肚。  韮菜豬肉餃-煎餃子 (10隻) ($60) 韮菜豬肉係一個無得輸嘅組合。而呢到嘅餃子皮煎到好脆，食落香口唔油膩。好味！ 重慶鮮肉雲吞 (18隻) ($50) 呢碗鮮肉雲吞湯底係麻辣湯，食落皮薄肉鮮，如果冬天食，應該會更加暖胃。 凍蜂蜜檸檬薏米水($28) 食完咁濃味嘅煎餃同重慶鮮肉雲吞，一定要叫返支蜂蜜檸檬薏米水解一解渴。薏米水唔係太甜,適合健康人士。 有時簡簡單單又一餐，做人最緊要開心。 

已經黎左好多次每次都帶唔同朋友黎試今日又係帶朋友黎試左從未食過既芝士餃子&元貝餃子芝士味好特別👍🏼好好食反而元貝冇麥特別如果唔喜歡芹菜就唔好嗌暫時食過最好食係芝士餃、韭菜餃、粟米餃呢間繼續成為我嘅飯堂

🍊 餐廳名稱：餃掂手工餃子雲吞專門店 🐝 味道：7.5/10環境：7/10整體分數：7.5/10/💰人均：$50-100———————————————————經過銅鑼灣，諗住搵下有冇平價小小既餐廳。就搵到呢間餃掂的餃子店，一遇比下機會佢。湯餃方面皮既厚度適中，芫荽味好濃郁！而且都大大隻，幾飽肚。🍊小編覺得個湯都好好飲，鮮甜唔會過鹹。而🐝小編就更喜歡佢地煎餃，皮脆肉嫩，配搭小小辣醬個麻香感好惹味。但雞絲粉皮就覺得好失色，味道唔突出，略為普通。但整體而言，依間野可以食下如果想食餃子又係附近的話～ 貼心既係，佢地提供有免費酸蘿蔔，辣得黎酸酸甜甜，很爽脆！正！———————————————————🗺️ 銅鑼灣景隆街19號地舖 🔍#FlavorforToday銅鑼灣🚆 港鐵銅鑼灣站 D4 出口, 步行約2分鐘#銅鑼灣#銅鑼灣食好西#hkfoodies#hkfoodie#foodieshk#foodiehk#hkfoodblog#hkigfood#hkig#hkiger#hkfoodlover#hkfood#hkfoodblogger#hkfoodporn#hkfoodstagram#hkfoodi

餃掂啲嘢食到幾掂🤰今次兩個人食嗌咗：🥟韭菜豬肉、粟米豬肉雙拼湯餃 4/5狀元九鼎湯幾重魚味，飲得出冇味精，不過有啲淡感覺好健康😹湯餃正常size，餡料幾飽滿，唔會太濃味啱啱好🥟龍鳳松茸雙煎餃 3/5Truffle fans的我梗係有嗌呢個黑白松露煎餃，啱啱煎好熱辣辣，一咬落去幾香松露味，仲有少少湯汁，可惜松茸粒唔夠多，性價比唔太高🌶️四川涼麵 5/5涼麵有驚喜！好多花生粒加麻醬同埋辣油好香口，同埋啲麵有咬口，又掛汁，可以一個人清晒另外一提，醬料方面，菜脯辣油幾香幾惹味，推薦！🍹嘢飲正常發揮唔推介了～

鋪頭賣點係無味精湯，但係無味精唔代表無味囉！成碗就係得一陣好淡好淡嘅粉葛味，一開始飲嗰啖都還好。根住食一啖餃子之後，再飲返個湯就真係晒鬼氣，根本同飲水無分別。我叫咗個芫茜豬肉餃，味道唔算好差，有少少甜味。不過佢嗰種"甜"一食就知道係落左好多糖去撈d肉而得出黎嘅甜，絕對唔係新鮮豬肉味嘅甜。價錢就唔算貴，$50有7隻。不過銅鑼灣呢間就好明顯係食租金多過食餃子。總結一句，唔好信openrice d食評！