餃掂快線

營業中

休息中

餃掂分店遍佈全港，餃子款式選擇多，除左傳統味道，仲會不定時推出新口味，啱晒鍾意試新野既香港人。蔥味酸辣雲耳：酸辣味道平均，又唔會蓋過食材本身既味道，而且非常適合作為開胃前菜。黃金原味皮蛋：皮蛋外形晶瑩剔透，蛋黃呈流心狀，入口很creamy，蛋香十足。四川涼皮：辣度可以揀大中小辣，辣味調配得宜，入口先感覺到辣味，跟住舌頭就慢慢有麻既感覺，加埋花生碎，食得過癮。香煎軟心芝士煎餃(7隻) ：餃子皮煎得香脆，餡料加入左三種唔同口感既芝士，包括車打芝士、巴馬臣芝士、mozzarella，芝士味道濃郁，層次感好豐富，芝士控不要錯過。雙拼湯餃(10隻)：我哋分別揀左大白菜和雲耳椰菜，餡料脹卜卜，一口咬下去，肉汁就爆出來，肉質鮮嫩，食得好滋味。山楂雪梨水：餐廳自家製飲品，味道天然，生津解渴。蜜檸薏米水：十分清甜滋潤。總結，餃子每日新鮮製造，份量十足，質素有保證。

之前喺荔枝角做瑜伽經過地鐵站附近已經留意到呢一間🥟手工餃子雲吞專門店-餃掂快線，可惜上次嚟係晚市時間，門口已經排咗一條長長人龍，就唯有轉場😆今次係星期六飲下午茶時段可以即刻入，就梗係要即刻試吓啦小店採取自助模式，落單後等叫號再自取拎餐👍🏻堂食仲可以任食自家製新鮮醃酸蘿蔔添🤭真心大推，食落去酸酸地既開胃又解膩👍🏻餃子專門店有別於其他店舖，哩到嘅餡料係比較少見嘅🤤🤤我哋兩個人就分別揀咗兩款餃子一齊share😎至尊松茸豬肉餃 - 大 $128餃子可以揀中或者大size，仲可以揀湯餃或者煎餃，我哋兩個人就揀咗12隻大size嘅煎餃🥟，隨餐仲會附送狀元九鼎湯，飲落真係有住家湯嘅味道，每日新鮮熬製絕無味精，口味偏淡，反而突出魚湯天然嘅鮮味，亦都因為新鮮，所以唔需要過多調味已經超級鮮甜👍🏻至尊松茸豬肉餃一粒超級大，皮薄餡多，食落去啖啖肉，而且全部都係瘦肉，唔係肥豬肉，絕無欺場，記得要加埋黑松露醬一齊食，松露松茸味double up ❤️❤️餃子湯麵 $57 / 6隻哩款性價比超級高，$57 有6隻餃子🥟仲連埋個麵😲有成7款餃子露以揀，我地就+$8揀咗元貝豬肉餃，元貝天然嘅鹹鮮味加埋豬肉同芹菜嘅味道又幾合

昨晚放工跟朋友一齊起附近覓食呢間餃掂起正地鐵站隔離好方便仲要起正D2 對面食完去行街消化都好方便點咗四樣食物試吓王牌至尊松茸豬肉餃（湯）10隻松茸味好突出餃子皮薄豬肉唔嚡口配上黑松露醬好香濃好食湯餃個湯係狀元九鼎湯飲起嚟好似住家湯水完全冇味精但好鮮味元貝豬肉餃 （煎）10隻呢個煎餃好好食煎得好乾身唔油膩元貝個鮮味好正點賣辣菜脯醬一齊食停唔到口四川涼皮涼皮整得好Q彈辣到適中份量都好多蔥味酸辣雲耳雲耳好爽口好入味酸酸辣辣好開胃整體四款菜式都好好食個葉蘿蔔好爽甜又酸味味好解膩下次再嚟👍

在荔枝角D2 Place逛街，肚子餓了，下午茶就夫間簡單的吃，這店在 D2 對面，店面不大，簡單乾淨，點了招牌鮮蝦水餃試試。上桌時熱氣還在，餃子皮薄而有彈性，咬下去能感覺到蝦肉的鮮甜，湯底清而不淡，喝起來挺舒服。還試了煎餃，底煎得金黃酥脆，內餡豬肉混著韮菜，香氣十足，沾點醋和辣醬更對味。份量不算多，但對小食量的人來說剛好。店裡環境熱鬧，座位稍擠，中午人多時要等一會，但服務員態度親切，點餐後上菜也快。整體來說，這裡的餃子沒什麼花俏，但味道實在，像家常菜一樣親切。如果你在荔枝角想吃點熱乎乎的小吃，這裡是不錯的選擇，特別是餃子控應該會喜歡。

餃掂開咗外賣版🤩🤩以後食餃掂都好方便🥳軟心芝士煎餃外皮煎到金黃香脆，一咬落去，芝士鹹香濃郁，啖啖都係幸福感。餃子皮薄得來唔散，內餡除咗芝士仲有肉香，粟米中和返所有味道，配搭一流！😙黑白松露湯餃（推推推！）黑白松露湯餃，湯餃皮薄餡嫩，內餡有黑松露同白松露同肉末，咬開嗰陣松露味更突出，松露味唔會太濃，但夠晒低調奢華，好味！湯底清而不膩，加咗粉葛，帶點甘甜同軟糯口感，再配上松露嘅獨特香氣，飲落暖胃又暖心。🤩麻辣皮蛋皮蛋嫩滑，配上麻辣醬汁，辣得夠喉但唔會搶咗皮蛋嘅風頭。醬汁仲有少少花椒麻香，食落舌尖麻麻地，好刺激又過癮。食落好開胃，令人忍唔住多食幾啖，鍾意辣嘅朋友一定要試！😍😍蜜餞雞翼蜜餞雞翼嘅甜味唔會食甜，蜜餞味好天然。雞翼烤到外皮焦香，蜜餞醬甜中帶酸，滲入雞肉，咬落juicy到不得了，食完真係有啲唔夠喉，所以最後嗌多咗一份😜😜蜂蜜檸檬薏米水飲品係蜂蜜檸檬薏米水，清新又解膩。薏米又有少少咬口同穀物香，飲落成個口腔都爽晒。🤤🤤🤤

有好朋友極力推薦梗係要同大家開心share「餃掂快線」，交通方便，係MTR荔枝角站D2出口，行幾分鐘就到，店內地方簡潔整齊乾淨，好有快餐店模式，亦使用環保即棄餐具，而且運作簡單，流程暢順。雖然有標誌，顯示要自行取餐，但服務員都好樂意協助及安排。餐牌食物嘅選擇都多，有手工餃子、雙拼餃子、手工雲吞及麵食、前菜小食、飲品，仲有加購飲品優惠，凡購買一碗餃子7隻就可加購$12-$16嘅凍熱飲品，還有可以外賣湯餃子、煎餃子，更可以外賣生餃子返屋企煮食。這間餃店仲有多種調味製品同禮品可以買，有松茸醬、四川辣椒醬、菜脯豆豉醬、野生松茸凍乾禮盒、原樽新鮮酸蘿蔔，賣相都不錯，仲好受歡迎，尤其係個菜脯豆豉醬同四川辣椒醬，無論係配餃子、雲吞、麵食都係絕配，價錢又合理，又大眾化，絕對美味。就選咗有湯餃子同煎餃子來食，仲叫埋餃子麵同飲品。1）龍鳳松茸湯餃（黑白松露）每一粒龍鳳松茸豬肉餃都係白裡透紅，有可口嘅香氣，黑白松露嘅松露味好香濃，配上狀元九鼎湯，真係一流，這種湯原來有多種功效，可提升免疫力、滋潤腸道、溫腎益氣、養顏保健，仲有粉葛、鯪魚、赤小豆，味道更清甜，真係好好飲。2）軟心芝士煎餃餃子係即叫即煎，而且煎到

去荔枝角做完運動之後想喺附近搵少少嘢食就見到餃掂快線 舖頭用自助模式 點餐比錢後自助取餐 啱晒想好快咁搞掂一餐嘅人去食 而且好快就煮好餃子 趕時間或叫外賣嘅人都好啱喺度食見到有龍鳳松茸餃好似係招牌 幾特別咁就叫咗一份煎餃 煎得好靚 外表金黃色咬落好脆 新鮮煎好好夠熱 每隻餃子都好飽滿好大粒 食落有淡淡的松茸味唔會太搶 另外仲叫咗份麻辣松花皮蛋 醬汁唔會太辣 皮蛋糖心餡 蜂蜜檸檬薏米唔會太甜味道夠晒天然感覺好健康 減走餃子嘅油膩感

原來呢間餃子喺荔枝角都有分店！咁遲先發現 真係我嘅錯🥲早幾年次次都要專登去深水埗食！因為真係好鍾意佢嘅松露餃+濃濃嘅魚湯～今日見到 0懸念，即刻坐低入去食！！強烈介紹大家一定要食龍鳳松肉餃！食到黑松露嘅味道！豬肉嘅味道好鮮甜～每一啖擺落口 都比松露味包圍着～松露餃仲會包一碗魚湯！！呢碗魚湯絕對係精華！每一啖都有魚魚嘅味道清清地 食完重口味嘅餃子 清下口都好正黃金皮蛋 配上自家製嘅四川辣醬！味覺👅享受身為湯怪嘅我 叫Extra加多碗湯😁可想而知係幾好飲😂😂見有素餃 第一次試 味道都係松露餃出色！最尾叫埋一杯暖胃廢水😂😂完美結束一日！

因為太鍾意食餃子，喺唔同地區都食過呢間嘅分店🫢原來荔枝角有餃掂快線，主打外賣，亦有枱凳堂食，快靚正🥟🍲👍🏻喺附近做嘢落嚟買外賣啱晒！今日食咗龍鳳松茸煎餃，好香嘅松茸同松露味，比湯餃更惹味！韭菜豬肉餃湯麵，估唔到湯底咁清甜，麵底都好好食👍🏻平時趕時間用嚟做lunch都好正！韭菜豬肉餃好清甜，同濃味嘅龍鳳松茸煎餃有強烈對比。放工時間都唔少人嚟，好快食完就走，所以都好快有位。質素係唔錯嘅。

大家好今晚去了餃掂快線食野之前己經有食過 呢度係食餃子出名既今次就係試下香煎軟心芝士餃 這個餃子有豬肉粟米 同埋車打芝士因為係煎餃每一啖都有己經溶化既芝士既味道有一種中西交壁既感覺除了軟心芝士餃我仲點了韭菜餃子麵 韭菜餃就係好傳統 有韭菜同埋豬肉麵就係好正常既上海麵另外餃子仲有兩款辣椒醬同埋醋四川辣醬同埋菜圃辣椒醬調下味飲品點了自家制山楂雪梨水雖然係用類似裝咖啡既紙杯裝但其實都係好傳統既飲品同埋都幾開胃同消滯

餃掂 港九新界都有分店食過好多次係會重覆去既餃子店今次去左荔枝角分店 好近地鐵站座位係高櫈腳短者表示坐得唔太舒服好在係軟皮櫈 patpat唔洗受罪所有餐具都用即棄餐具 紙/木餐枱放左幾款醬料 可以自行調味仲有前菜醃製品任食 大愛蘿蔔❤️餐廳係自助形式取餐及餐後清理🥟至尊松茸豬肉煎餃 (8隻) $86煎餃唔會太油 餃子皮脆脆地餃子餡係豬肉撈左切粒既松茸🥟龍鳳松茸雙湯餃 (12隻) $138餃子餡同前者相似全個底部多加左一層黑/白松露醬個人鐘意黑松露餃 味道比較濃郁由於用左紙碟餐具 餃子皮容易痴住而破裂🥣湯餃會跟？狀元九鼎湯住家湯的感覺 重蘋果味🍺熱蜂蜜檸檬薏米水 一杯 $20重蜂蜜味 幾好飲紙杯設計方便飲用仲印有本店卡通公仔 好可愛

🔹️餃掂快線🔹️🧀香煎軟心芝士餃 ($58/7隻)因為芝士餃子 引誘左我入黎試下香煎系列 餃子皮唔係好薄 表皮煎到好脆口成粒餃子充滿 滿滿既芝士 芝士控表示好滿足加入粟米粒增加口感之外 又可以減低油膩感🍄‍🟫至尊松茸豬肉餃湯餃 ($80/8隻)至尊松茸豬肉餃 粒粒都好飽滿湯反而偏清淡左小小 但配餃子還好店內仲有自家製既酸蘿蔔可以食好清爽解膩呀！真係好推薦食！📍餃掂快線長義街10號昌隆工業大廈地下3A2號舖

今日同2個朋友上完瑜伽堂，覺得餓餓地食埋野先返去。行經間好多人排隊嘅飽店，隔離就有呢間餃掂快線，餃子有分湯餃或煎餃，湯底係自家靚湯，感覺健康，就入去試下。佢呢到有幾款出面少有嘅口味，例如至尊松茸豬肉，龍鳳松茸餃（黑白松露）同野生松茸素餃等，都好吸引。餃子數量都可以選擇（由7至12隻不等）我地試左至尊松茸煎餃，另外再揀咗啲經典口味，韭菜豬肉湯餃同埋芫荽豬肉湯配麵餃。飲品就揀左薏米水夠健康；呢到竟然有賣咖啡，朋友揀左個香椰拿鐵。佢餃子即點即製所以都要少少時間去等，不過美食係值得等。首先係湯餃準備好先，餃子好足料，而且餡料好新鮮，韮菜香特別香濃，係新鮮韮菜先有咁嘅效果，加埋豬肉餡嫩嫩，食起嚟仲係好嫩有肉汁。皮又唔會太厚，岩岩好，滑溜好食。芫荽豬肉餃搭湯麵同樣滋味，佢個湯底微微酸酸，食落開胃，麵條份量多，配湯同埋餃子一齊真係好正。芫荽餃子都好味道，芫荽味夠香，新鮮製作先可以，見廚房職員即場包製，夠晒fresh。煎餃等左陣都準備好，外皮煎得香脆，金黃色，少少焦香位置特別好味。松茸味道做餃子好好味，餃子皮包住，一咬落去特別香，同樣係餡料好足，女仔其實食好幾隻都飽，不過真係好味道！另外都要一讚佢嘅湯

之前都有食過佢其他分店，不過呢間就叫餃掂快線，入到去就變成咗自助模式，自己搵位然之後俾錢等嗌號碼就可以食啦！至尊松茸豬肉餃 $120 12隻餃子嘅皮真係好薄，咬開大家都睇到入邊係啖啖都係肉而且唔係肥肉！就咁食覺得有少少淡，不過配埋佢比嗰個醬就啱啱好！呢個醬簡直係令到成個餃子昇華咗去另外一個程度！個醬超級香，令到個餃子聞落好惹味12隻對我嚟講有少少多，不過又真係幾好食！所以最後我都係成功食晒12隻唯獨美中不足就係個紙碟會黐住啲餃子皮，不過冇計啦因為而家要走膠。蜂蜜檸檬薏米水 $28 因為呢幾日天氣比較潮濕，所以我就想試吓佢個薏米水順便去濕。飲落酸酸甜甜咁都幾好飲，而且個底都幾多薏米。配煎餃仲可以清清熱

今個星期六唔使返工朋友約我去荔枝角lunch，揀咗一間荔枝角地鐵站d出口地面就會見到嘅餃子專門店🥟舖頭名寫明快線所以呢度係快餐自助形式，自己搵座位，落完單就等叫no. 自己取餐，座位係酒吧枱，但枱櫈有點高坐得一啲都唔舒服！好多款特式餃子 🥟 熱豆漿係獨立叫，杯身圖案可愛且大杯，入口唔甜，只係$15杯貴咗啲；而朋友加$16 要白桃烏龍純茶。首先叫咗餃子麵🥟餃子款擇壽喜燒牛肉餃+$8 ，餃子麵個湯底飲落有少少酸，似加左醋咁，麵質幼滑，份量多，可惜次次一夾壽喜燒餃子就穿咗嚕，所以唔知原本裡面係咪多汁。另外再揀🥟 野生松茸素餃 （煎餃子7隻）皮薄大粒而且煎得好靚，完全唔會夾到散，餡料勁多菜好健康，松茸味好濃，好食👍