餃掂快線

天氣太熱，唔想食飯，喺地鐵站一出嚟就見到呢一間店，就入去試吓啦，估唔到超多驚喜😍😍✨香煎軟心芝士餃✨ 餃子皮煎到金黃香脆，賣相好吸引。吃落去帶少少焦香口感，芝士餡流心軟嫩且濃郁，融合咗粟米🌽嘅香甜同豬肉的鮮味，鹹甜得嚟層次感爆燈。雖然係煎餃，但完全唔覺得膩，反而每一啖都好滿足，令人一試難忘！ ✨龍鳳松茸湯餃✨ 呢款湯餃用咗奢華嘅黑白松露點綴，松茸味道濃郁香氣四溢😍。薄皮包著多汁餡料，一咬落去係滿滿嘅鮮美同松露香，湯底「狀元九鼎湯」非常用心熬製，潤澤滋補，唔單止香甜，仲帶嚟補氣健脾嘅功效，啱晒坐低慢慢飲。 ✨蜂蜜檸檬薏米水✨ 有檸檬嘅清新酸甜，但又有蜂蜜嘅潤澤甘甜，搭配埋豐富嘅薏米，清潤又唔單調。飲落舒服滋潤，唔會太甜👍🏻👍🏻非常適合解膩同去水腫，係一杯飲完心情都會靚嘅健康飲品。 ✨山楂雪梨水✨ 酸酸甜甜，好開胃，飲落去清爽又順喉。無論係食前或食後飲都非常啱胃，清新解膩，仲有淡淡嘅果香點綴，係一款令人回味無窮嘅自家製天然飲品。 創新且味道出眾，仲有清新養生飲品，係餃子迷嘅必試之選！想睇更多介紹，馬上Follow我啦😁。…查看更多

本身係餃子愛好者嘅我，平時都會周圍去食餃子，餃掂快線一直都出名同多分店，不過今次係第一次食，之後應該會成日食!!荔枝角分店係吧枱設計，岩曬I人可以靜靜享受一定一定要食個自家制酸蘿蔔!!!!酸酸甜甜，勁爽口，配餃子食一流，枱面可以無限自取!!🥢龍鳳松茸煎雙餃金黃色餃皮煎到香脆，邊位微微焦香，好吸引。餃子個肚脹卜卜，睇得出料都幾足。咬開一半，裡面餡料豐富，啖啖都食到松茸獨有嘅木香味，層次感好強。餃子底部仲有啲焦香脆邊，食落有驚喜🥢雙拼湯餃- 大白菜+芫茜大白菜餃子餡多，菜味清甜，咬落去湯汁滲曬出嚟，鮮味自然芫茜餃就啱晒芫茜控，芫茜香味濃郁但唔會搶味，配埋豬肉餡好夾。餃皮薄身、滑溜，掛湯一流🍹自家制山楂雪梨水淡淡果香，山楂帶微酸，雪梨清甜，入口舒服，唔會過甜🍹蜜糖薏米水薏米水色澤奶白，杯底見到啲薏米粒。飲落去有淡淡穀香味，薏米煲得夠腍，唔會有渣口，蜜糖味清甜不膩…查看更多

今日係荔枝角做完瑜伽，係地鐵站D2出口見到呢間餃子店，面門幾乾淨企理，仲要係門口已經聞到好香既肉味，忍唔住入左去。香煎軟心芝士餃餃子既外皮煎到金黃酥脆，睇落好有食慾，內餡係粟米豬肉加左芝士，餃子好足料，食落多左陣濃郁芝士既奶香味，比起一般既粟米豬肉餃更勝一籌，食多幾隻都唔會覺得膩。 蜜餞雞翼蜜餞雞翼口味甜中帶鹹，雞翼好軟嫩，已經煮到骨肉分離，一啖一隻雞翼冇難道。回味手拍青瓜青瓜食落清新爽口，搭配左蒜蓉、醋、醬油同辣椒，辣道大概係小辣，容易入口，食肉食多左，可以平衡返。凍蜂蜜檸檬薏米水酸甜清新，淡淡既蜂蜜甜味，飲完覺得好舒服，好養生既感覺。另外想讚佢地既酸蘿蔔，係免費任食。酸酸甜甜嘅蘿蔔忍唔住會一啖接一啖咁食，完全停唔到落嚟，幾解膩！@MAPHK2021#nomnomdumpling #荔枝角昌隆工業大廈📍餃掂快線 (荔枝角)荔枝角長義街10號昌隆工業大廈地下3A2號舖…查看更多

收工過左D2行下,想餃子就入黎依間,叫個龍鳳松茸雙煎餃,韭菜餃,灼大滿貫素餃同埋蜂蜜檸檬薏米水。個龍鳳煎餃，底煎得金黃香脆，啱啱好有鍋氣，皮薄薄又煙韌，一啖咬落去啪啪聲,啱晒我鍾意嗰種外脆內嫩�食感。而韭菜煎餃皮係青青地,賣相好靚又有特色。煎得唔算太過火，但一樣有焦香邊，韭菜味好衝好香，咬落去啲菜汁爆晒出嚟，超級鮮甜。仲有嗰似花生醬混芝麻醬嘅特製醬，估計係專門配韭菜餃嘅，沾一沾即刻提升香味十倍。個灼大滿貫素餃真係靚到發光,睇個賣相已經贏晒,素餃排得整整齊齊，皮薄得透光，仲見到入面滿滿嘅橙色南瓜、綠色椰菜花、香菇粒同埋其他雜菜餡，色彩超級豐富，一睇就知食得好健康。最正係佢哋灼得啱啱好，皮晶瑩滑溜，仲有少少彈牙感，咬落去好爽口,加埋個汁岩岩好，食落係有香菇係裡面，帶少少甜味同鮮味，完全唔會單調。最後呢支蜂蜜檸檬薏米水真係神級配搭,入面薏米粒煮到軟淋淋、夠晒腍，仲粒粒分明，飲落去好有口感,淡淡嘅薏米香味，唔會太甜膩，蜂蜜同檸檬比例調得啱啱好,有明顯嘅檸檬清香同微酸，蜂蜜又夠潤喉，飲落去即刻覺得成個人都清爽晒。…查看更多

呢餐食得真係幾滿足，啲嘢食既味道同質感都幾有層次。首先講香煎軟心芝士餃，外皮煎得脆卜卜，入面啲芝士流心得嚟又唔會太膩，咬落去好香濃，啱晒鍾意芝士既人。不過呢個餃仔都幾邪惡。至於芫茜餃，湯底清甜，配埋啲餃仲有少少芫茜既香味，整體感覺好清新，無嗰種過濃嘅芫茜味，反而幾平衡。蜜餞雞翼係甜甜地嘅口味，蜜餞煮得好入味，雞翼肉質嫩滑，唔會太乾，啱啱用嚟開胃。蔥味酸辣雲耳比較驚喜，酸辣味道啱啱好，唔會太刺激，雲耳啲口感爽口彈牙，配埋蔥味幾醒胃。飲品方面，冷豆漿好順滑，冇嗰種假假嘅豆味；蜂蜜檸檬薏米水清甜解渴，薏米味突出；至於自家制山楂雪梨同凍小吊梨茶，雪梨果味好天然，飲完喉嚨舒服。總括嚟講，呢餐食物既質素唔錯，適合鍾意清新同特別口味嘅人！但價錢稍微偏高咗啲，如果再平少少就完美啦！…查看更多