餃子冰室

營業中

休息中

我從未試過假日去長洲玩樂是如此的寧靜...當日11:00上快船,船上多數都係銀髮一族,周圍都好少人,好多鋪頭都無開門...落船後先去行山,之後2:00多就去搵食我有差唔多1年無去過長洲,都唔知呢1年多開左呢間鋪頭都接近市中心同碼頭,都有十幾人圍住餐廳門口等外賣同等位堂食我地最後都要等左差唔多廿幾分鐘先有位...懷舊小店總是特別吸引一眾年輕人去幫襯,牆上的食物圖片都好吸睛, 睇見都流晒口水我地試左其他食家也一致推介的 黑白土匪煎餃 及 蜆肉芫荽蒸餃 套餐係一款飯 / 主菜跟一杯飲品~跟餐送四季春茶淡淡的青香,常溫, 茶杯都好懷舊,有特色,不斷影相打卡久等的蜆肉芫荽蒸餃來到了~有2大籠,一睇就知道蒸餃皮好薄,餡好多,真係CP值好高呀~好新鮮的蜆肉同豬肉,呢款真係清清地又好特別~個皮有d煙韌~相當唔錯呀!!旁邊的調味料器皿也是很有特色~ 好可愛食到中途黑白土匪煎餃就到了~金黃色的脆皮,好惹味,肉汁好多,真係食完一口就會接住想食第二口~滿滿的黑芝麻和白芝麻~餡料唔會好咸,咸度岩岩好不過要小心熱燙~加左$12配左杯特飲,比想像中好細杯...其實只係四季春茶加左少少荔枝粒同埋爆爆珠...真係唔太特

入得嚟長洲就梗係要食好西，搭船嗰陣除咗瞓覺之外最好嘅消磨時間方法就係睇一陣要食咩😂經過我千挑萬選，就決定試下依間餃子冰室～🤍C餐。蜆肉芫茜餃配糖醋骨飯🤍💵$52我就係俾佢依個芫茜餃吸引咗所以嚟試！依個餐包6隻餃子，一個飯同一包紙包飲品/四季春茶～芫茜餃係原盤蒸籠上，每三隻一籠～餃子皮係綠色嘅帶少少透明，食落去煙煙韌韌咁，又少少似薄版粉果皮，應該有用到澄麵落去整🤔我覺成舊餃子塞晒落口食最好食，煙韌嘅餃子皮配上濃濃嘅芫茜香同鹹香嘅蜆肉，咬開餃子皮，啲鹹鮮嘅湯汁會喺口腔裡面爆發，好食😋至於個糖醋骨飯，我個人比較一般～雖然都燜得好腍下，但係豬肉肉質偏鞋同埋對於我嚟講都係油咗啲，唔係幾啱我口味🤭🧡C餐。家鄉肉餅餃配黑醬油雞飯🧡💵$52依個比較似一般豬肉餃，但係會包咗2粒我估係沙葛嘅粒粒，食落去好爽甜，都一樣充滿肉汁～🥰依份就揀咗配黑醬油雞飯，好濃郁嘅醬油味，都幾香口，雞肉亦唔會過鞋，如果喺兩款飯裡面揀，我會建議揀雞飯～💜竹蔗茅根甘荀沙冰💜💵$33除咗餃子之外，依度嘅沙冰都係店舖嘅招牌～主打將一啲中式糖水變成沙冰～今次就試咗依款竹蔗茅根，飲落十分清甜，而且真係好透心涼，天氣熱飲一流，唯一無咁好係份

黎到長洲 有咁多好野食 食啲咩最好？呢日黎長洲散心 經過呢間專賣餃子既新式冰室 身為餃子控既我忍唔住入去試試🤣🤣見到呢間小店有賣好多唔同新式口味既餃子 款款睇落都幾吸引我今次揀咗炸土匪餃子 幾香口惹味 帶有孜然味 幾似tamjai隻土匪雞翼🤣🤣🤣幾新奇下次黎我應該會想試下其他口味既蒸餃🥰😍

又嚟介紹啲可以坐喺度食嘅餐廳，呢間冰室好多特別嘅餃子，都係自創㗎～咁啱嗰個時段冇乜人，唔使排隊就入到去，裝修好有懷舊嘅feel，但係每一個座位都好細，逼蝌蚪咁樣😳為咗拎到客人手上嘅食物係熱辣辣嘅，所以全部嘅嘢食都係即叫即整，值得一讚👍🏻蜆肉芫荽餃（🌟78.89/100）💲32/4隻 呢隻餃子淨係可以蒸嘅，每一粒都好大粒，有半隻手掌心咁大😲咬開一半會見到原粒嘅蜆肉喺入面，但係冇乜蜆肉味，芫荽味都冇乜，不過如果全粒拍嘅話，就會食到好重蜆肉鮮味🙊黑白土匪餃（🌟77.44/100）💲33/4隻以半煎炸嘅形式製造，所以成個外皮都好脆，入邊係豬肉餡嚟嘅，面頭灑滿咗黑白芝麻和孜然粉，首先會聞到孜然嘅香味，然後食到脆卜卜嘅外皮，但係豬肉餡就正正常常嘅味道，變相左整體唔太突出🙃五香芋頭臘腸餃（🌟86.62/100）💲31/4隻呢一款係期間限定嚟嘅，小編就揀咗煎，五香同芋頭味好重，芋頭好香好綿，但係就食唔到臘腸味☹️，雖然係咁，但係好似食緊煲仔飯☺️面脆卜卜嘅底就好似飯焦🙊鹹蛋黃金餃（🌟98.99）💲31/4隻呢一款餃子只限煎，小編係咁多款餃子之中最鍾意食呢隻🤤面頭鋪滿鹹蛋黃，十分邪惡，每一款都煎得好脆，呢一

愉快的一天入到長洲，吃了這個餃子冰室，都容易搵同埋覺得性價比高價錢又好合理餃子有好多唔同口味，其中有個黃金口味好鍾意食，其實係用鹹蛋黃整非常香口好特別❤️煎餃外邊脆啲汁都好Juice❤️有一個餐,有飲品，有餃子，同埋可以揀一個飯，揀咗糖醋骨飯,覺得份量啱啱好唔會太大碟，仲可以試埋其他口味嘅餃子，如果下次再去長洲一定會再來食。❤️❤️❤️店員都好有禮貌,like！💋💋💋仲有好多款口味嘅餃子未試

長洲必食餃子店😋呢間絕對係可以encore!!!好味又有特色😍每款餃子可以揀煎餃或者蒸餃 仲有好多特色餃子款式🥟我中意😚我覺得價錢唔算貴但都唔算平🤔🌈黑白土匪煎餃 $33呢個一定要食！鍾意食譚仔土匪雞翼嘅朋友必食😍首先 我覺得已經唔係煎餃 係炸餃子🤩呢個特色餃子冇得揀蒸㗎～餃子煎炸到硬脆硬脆 三面金黃🤩上面有孜然粉同黑白芝麻 好香口🥰一咬落去 肉汁爆滿 好正 裏面係雞肉 相比豬肉就冇咁香 但配重口味既外皮就啱啱好！唔洗點醬～🌈蜆肉芫荽蒸餃 $33係芫荽😚我見到芫荽餃就揀左呢個😝雖然我覺得芫荽味唔夠重 但好有蜆肉鮮味😍蜆肉份量都多而且好新鮮 同芫荽都幾match 好味呢！唯一既係我覺得蒸餃皮有少少乾 而且煙韌🤭🌈蔥爆牛肉蒸餃 $29哈哈呢個係因為每人最低消費$35 我地又食唔落其他大份既野 野飲又係另一間買左 飲唔落個冰啦 所以叫左樣普普通通既蒸餃 通常最普通既野先係最難整 我覺得呢個冇咩特別 正正常常 呢個要點醋😂———————————————整體評分👅好味🧡🧡🧡🧡🧡抵食💜💜💜💜再戰率💛💛💛💛

🔸蜆肉芫茜餃（蒸餃）皮薄多餡🥟 食落覺得每隻餃蜆肉嘅份量都唔同，有啲咬落啖啖蜆肉，有啲就得一兩隻蜆😂 豬肉餡好多汁，芫茜足料夠香口🥰 值得推介💯🔸五香芋頭臘腸餃（煎餃）芋頭好粉好似芋泥🥰 夾埋臘腸真係勁香勁濃💯 食落唔太油膩又唔怕滯👍🏻 如果再煎耐啲脆啲會好食啲👍🏻🔸糖醋骨飯糖醋骨好好食，個汁撈飯一流😂🔸麻油白雲雞中翼我哋揀咗凍雞翼🐥 雞翼大隻厚肉又入味👍🏻🔸酸辣湯好淡，唔夠酸都唔夠辣，唔推介大家飲😂😂🔸無糖四季春跟餐附近嘅茶飲🍵 甘香可口👍🏻📍#餃子冰室 (#長洲美食)長洲大新海傍路86號地下

✰ 餃 子 冰 室 🥟 ✰老老豆豆都唔知幾多年冇入過去長洲，一直其實都好想入嚟行吓食吓野但係呢個嚟到實在太多太多遊客😳令人好卻步今日落雨少左好多人入嚟，比左個好寧靜好舒服既感覺我🤭🤭🤭又再一次令我愛上返呢度...一入黎是但行左一邊，沿途就已經見到呢間餃子冰室排晒隊，原來大家都係等佢開門！其實本身都有諗過今日食呢間，估唔到一開波就試到佢先😌😌😌呢度嘅招牌一定係鹹蛋黃黃金餃 & 黑白土肥餃因為有鹹蛋黃關係所以食落去會比較濕潤，不過外皮炸得好酥脆，就算影咗相一段時間都唔會太林身雖然餃子係炸過，不過食落去依然好多肉汁，鹹蛋黃味都比我想像中豐富，不過食得多都會膩，好在另外叫咗份酸蘿蔔解解膩💕黑白土匪餃子入邊係雞肉，聞落去好香土匪未，不過食落去味道唔算十分強烈，不過口感一樣咁Juice，而且好鍾意佢哋個餃子皮，炸得乾身😋😋😋兩隻餃子比較推介鹹蛋黃黃金餃🥟

呢間位於長洲既餃子專門店bookmark已久💛一直都好想試個腐竹蛋洋薏米沙冰同煎餃 餃子食落都幾surprise 皮吾厚 食落香脆 一咬落去就會爆肉汁 十分Juicy😍而店舖位置不大 假日等候位置需時⏳-✨鹹蛋黃黃金餃 (4隻 $31 )呢個最推薦！吾邪惡吾食😈鹹蛋味好香濃 除左餃子身有鹹蛋黃醬之外 仲灑上粒粒鹹蛋黃 認真足料✨ 黑白土匪雞肉餃 (4隻 $31 )一上枱已經聞到好香孜然味 食落就無太大驚喜 如果雞肉餡都有醃埋味 就會更惹味🧐✨腐竹蛋洋薏米沙冰 ($28)呢個味道既沙冰第一次見 完全係將腐竹糖水變左做沙冰 味道都一模一樣 真係原汁原味😍飲落好解渴 沙冰面頭仲有啲薏米 增加咬感 幾特別🥰✨竹蔗茅根甘荀沙冰 ($28)呢杯亦都係原汁原味 好解渴🤤味道吾會太甜

//< 餃子冰室 >長洲除咗食海鮮，新年都多咗好多唔同嘅餐廳🍴今次小編同友人就嚟試吓呢一度嘅餃子冰室😈————————————- 黑白土匪餃 10隻 $59 +$6 -黑白土匪餃🥟真係有啲平時土匪雞翼嘅味道，裏面用嘅都係雞肉🤣 味道主要係來自孜然粉～ 呢款餃子比較似炸餃多過煎，比起另一款濃味😀————————————- 惹味咖喱薯仔餃 10隻 $59 -呢款餃子無上面挺身，似係煎多d~ 但係比較油膩同埋扁身，唔係漲卜卜爆滿既餃子🥟 食落口都係稍為偏油，但係裡面係充滿汁既😆 咖喱味道唔濃，會食到稍為淋淋地既薯仔🥔整體一般，唔算突出～————————————- 腐竹薏米沙冰 $28 -呢個其實就係將腐竹糖水整成冰沙🥰 飲落去冰涼冰涼，唔會好大冰粒，亦唔會太甜😊 熱辣辣飲番杯好寫意～————————————- 四季春茶 -呢個係本身套餐包既～ 茶味🍵唔算濃，飲到淡淡四季春茶味道而已😚————————————評分：7/10地址：長洲大新海傍路84號A鋪營業時間：12:15-10:00

入到長洲，一定要搵啲美食先算不枉此行。見IG同媒體都推介餃子冰室，一於去試下～未開門已經有唔少人係外面等，就知道值得期待。今次叫左個set，6隻餃子+酸辣湯+黑醬油雞飯（$59），要煎餃另外加1蚊。餃子口味眾多，我揀左獨創南乳豆卜餃😍南乳豆卜餃煎得唔算好燶，我個人覺得岩岩好，入口好juicy，餃皮都唔會硬。如果可以再重啲南乳味就更好😛黑醬油雞飯都幾大碗架，醬油係碗底，一定要撈勻先好食，雞肉唔鞋，夠嫩，值得一讚👍🏻酸辣湯份量都好足，湯入面都有好多配料，有木耳、筍，豆腐等等，飲落都夠酸，幾醒神😄本身想食個甜品，試下個紅棗桃膠沙冰，但係食完個餐已經好～飽～😂有機會再試

今日放假特登嚟長洲搵嘢食，第一站係餃子冰室，裡面有很多特式餃子。試左個限量嘅印第安餃39/5隻全部餃子都係即煎，好好味，多汁無得輸。當然唔少得咸蛋黃黃金餃，同樣出色，流沙嘅汁口感豐富。

難得黎長洲就梗係黎試下主打餃子既餐廳—餃子冰室。一早就決定要試呢度好出名既黑白土匪餃，咁就揀左套餐一號（6隻餃子+飲品），揀黑白土匪餃就要加$4，飲品就揀左四季春，另外再加左蒸4隻韮菜豬肉餃黑白土匪餃睇落好吸引，但係食落就一般般。比較重口味過咸，而且入面肉餡比較爛好似肉醬咁，唔係太鐘意呢種口感。而且唔似煎似炸既感覺，比較多油添。反而蒸既韮菜豬肉餃好食，皮很薄，韮菜好新鮮同埋係食到豬肉既質感。而且一咬落去係會爆汁，推薦比大家試！！

員工態度差：唔知係未多野做，排隊嘅時候D對答已經係忟忟憎憎，鍾意排就排唔排就由佢果D。D野未食完，就一野收走左佢。佢係有問“食完未？”但係收左果下先問囉...執枱時D醬汁殘渣亂飛，我朋友個袋同條褲都俾D醬汁整污糟（個員工係知道佢自己甩手），望左一眼就走左，一句唔好意思或者對唔住都無。到走果D因為我地人多，留一人俾錢，其他人行出去先，個員工好大聲咁話我地唔俾錢就走人，係同呢位員工對質時，老闆就走出黎兇我地，完全係無理，講野無point， 盲撐個員工。個老闆唔知成件事嘅內容，仲話我地鬧佢員工，不停咁兇我地。所以大家如果唔怕俾人用醬汁淋，可以考慮食呢間野

上個月黎完，試左餃子冰室餃子之後，念念不忙，係市區ge餃子冇做得甘好味，於是終於係除夕日專程入黎食餃子，仲要係等佢開門，因為吾想等位XD我地完全冇留肚食長洲其他美食。同男朋友仔一次過叫左6款餃子。首推鹹蛋黃煎餃， 我覺得真係超好食， 首先熱辣辣，個皮炸得好脆， 然後仲有超好味鹹蛋黃流沙喺出面， 但一咬開啲肉汁都係會必出嚟，好完美。另外叫左土匪雞煎餃， 同埋印第安煎餃。 印第安煎餃有5隻，微辣，味道幾特別，可以一試。除咗煎餃， 我哋仲叫咗三款蒸餃， 首推芫荽蜆肉餃，芫荽味都幾出，仲有蜆肉ge鮮味， 蒸餃皮薄彈牙，一樣爆汁。 另外叫咗南乳豆卜餃同埋 五香芋頭臘腸餃。味道好新穎，芋頭都多，可以試一次，但我就麻麻。飲品叫左杯竹蔗茅根甘筍沙冰，味道清甜，解下熱氣都好總括黎講，都係，食過翻吾到轉頭!