餃子冰室

營業中

休息中

Dadum～又係我Yummy出動同大家評下野食啦～今次同大家黎到長洲食餃子！見到餐廳名都知道佢係專食餃子，不過估唔到佢冰室既意思係代表有埋雪花冰賣架><好有創意咁將兩道招牌菜融入店名haha～不過Yummy其實係個餃子控，所以一心過黎都係想試試餃子，所以一於大吃特吃！Yummy今次試左蒸韭菜餃、煎黑白土匪餃子同埋京蔥牛肉餃！當中大推蒸韭菜餃！佢地嘅蒸餃真係好有誠意，皮薄就唔洗講，餡其實就中規中矩，新鮮但唔算包得好飽滿，但係用左一個蒸籠仔去蒸！真係啱啱好蒸熟，但同時仍然保持肉汁，而且皮剛剛透，咬落仲有啲韌性添架！正！至於土匪黑白餃子其實就係雞肉餃子加土匪汁調味，幾得意既～至於京蔥牛肉餃好搞笑，由於調味太正宗太似平時啲京蔥羊肉，Yummy有啲傻傻分不清楚佢究竟係牛定係羊肉⋯⋯總括而言，如果你本身都鍾意食餃子，呢到既餃子選項都多，而且以新口味黎講，款款都幾好味，都值得一試！今次既食評就黎到呢到啦！下次見～

長洲可以話香港人疫情期間嘅世外桃源🍑！講到食方面😋，你哋又即刻諗起咩？🍡大魚蛋？定大排檔海鮮🦞🦐🦀？我就話哩間餃子冰室🥟喇！佢裡面嘅創新餃子口味，同埋以中式糖水製成嘅沙冰🍧，唔係度度都有！小妹胃容量有限，今次都係集中食🥟餃子算喇！哩款特色⚫️⚪️黑白土匪雞肉餃，好似食緊譚仔嘅土匪雞翼咁，超香孜然味！另外哩碟🤠印第安餃子同剛才嘅好似樣，但食落口帶微辣！ 而🥚鹹蛋黃金餃我要超級推介比大家，餃子外皮比好多咸蛋黃蓉包住，超香咸蛋味又唔會太咸。三款餃都係咬落超多肉汁滴出黎，食嘅時候要小心啲呀！逢係叫餐都會包一杯四季茶☕️🥤，可選室溫/凍，但唔知點解暖飲用膠杯，凍飲反而用瓷杯呢？🤣 叫特定套餐仲包一碗新鮮滾熱辣嘅酸辣湯🍵，用料十足，目測已經見到有木耳絲、豆腐粒、肉絲等等！雖然舖頭開🕓12:30nn，但早15分鐘已經有人龍，而且座位唔多，大家想食嘅可能要預時間啦～

專程為左土匪雞翼味既餃子而來🥟呢度既餃子仲可以逐隻叫，岩晒掃完街既我地口痕再食少少野～餃子上既孜然粉味好香，完全拿捏到譚仔雞翼既味道，餃子大大隻，味道又好食～大推

專程去到長洲， 梗係要搵定嘢食。 見到呢間餐廳嘅簡介已經好吸引😋唔信你去睇下（few moments later） 我哋等咗一陣坐低咗之後即刻叫咗一款特別嘅餃子。佢嘅鹹蛋黃係流心，加上有鹹香同埋甘香嘅蛋黃混合咗喺豬肉入面😈😈 真係食唔停口，好邪惡呀對女仔嚟講個餐加配四季春茶（個茶香都幾足）夏天入去飲凍嘅甘香怡人，冬天入去飲熱嘅，茶暖香四溢。難得入去，梗係試埋個 腐竹薏米沙冰， 唔詳細講（好似腐竹薏米糖水變咗沙冰）不過如果再去，我都會再叫㗎😃

每次入長洲都一定會去，自從第一次食過佢既鹹蛋黃煎餃之後就一試難忘❤️佢係有set咁叫會送杯野飲，我叫左6隻餃子加酸辣湯-$49（鹹蛋黃味另外加$4) （4.8/5）每一隻煎餃表面都充滿鹹蛋黃，每一口都有鹹蛋黃味，勁香口，外面煎得好脆，但入面都唔會乾，仍然保留肉汁。個餐仲有酸辣湯，正正常常。份量唔算好大碗。另外再叫左6隻煎韮菜豬肉餃子-$38(4/5)同樣地佢煎得好脆個表面，同樣做到外脆內軟既口感，一樣多肉汁，不過相對鹹蛋黃韮菜味就相對普通d，但都好好味。總結: 餃子冰室真係每次去長洲都會去，佢除左餃子仲有好多特色餃品，例如竹蓆茅根甘荀沙冰同腐竹雞蛋薏米沙冰。同埋鹹蛋黃煎餃真係唔會令人失望。

長洲話近吾近，話遠唔遠 ，唔會成日黎。相隔3年，再訪長洲的我一落船就黎左餃子冰室，12點半左右開門，每人最低消費35蚊。餃子嘅口味好特別，由於想試多啲唔同口味， 我哋就散叫，冇叫套餐， 因為套餐冇得雙拼。 我哋散叫咗四款餃子， 蒸嘅蔥爆牛肉餃同蜆肉芫茜餃， 炸嘅係黑白土匪餃同埋鹹蛋黃黃金餃。蒸嘅餃子用蒸籠上， 塊皮薄得嚟好有彈性。 而炸嘅亦都好好食， 各有特色， 但各款餃子都會有爆多肉汁，大家要小心熱到。另外叫左杯腐竹蛋花洋薏米沙冰，都好清甜因為仲有幾款餃子口味未試到， 所以我會再嚟食㗎

我哋去長洲食左呢間出名食餃子嘅餐廳 唔知好唔好食呢😚👅 餃子套餐（4隻餃子+酸辣湯）$42 我哋揀咗鹹蛋黃金餃（+$4） 係佢哋嘅招牌菜 上枱嘅時候都熱辣辣嘅😛外皮脆脆地 不過咬落嘅味道比較一般🧐鹹蛋嘅味道唔突出 亦都冇乜鹹蛋沙 同普通嘅餃子分別唔大 有少少失望🤫酸辣湯就略嫌唔夠酸同唔夠辣 濃味啲會更好同埋提提大家呢間餐廳嘅最低消費係每人$35 如果諗住好似平時掃街咁食嘅話就難啲啦🤫總括嚟講 呢間餐廳嘅質素麻麻🤭嚟到長洲唔使特別去試 😋 好味：6.26/10🤑 價錢：6.59/10🤗 服務：6.00/10😝 環境：7.43/10😚 衞生：7.22/10🤩 整體：6.37/10

個日我同朋友一齊去長洲，長洲開了很多新店，真係幾年無黎，對上一次都18/19年了，而架店鋪多了很多款，百花齊放。我地食了一間餃子店，有期間限定的蜆肉香茜餃，又有鹹蛋王白菜豬肉餃，價錢只是$40-$50之間，相當唔錯，但遊客眾多，周日需時等候。

願意特登搭船入長洲 其實只係為咗都好味又滿足嘅嘢 今日嚟到長洲果然令我滿載而歸😜第一站嚟到餃子冰室 呢間係比較新興嘅長洲特色餐廳 一落船我哋就即刻衝過嚟 因為擔心午餐時間要等好耐位 果然我哋都等咗30分鐘 店舖比想像中更細今次嗌左蔥爆牛肉餃 鹹蛋黃黃金餃前者要蒸嘅後者要煎嘅 應該係即叫即整既關係 兩樣餃子都等左一段時間 鹹蛋黃黃金餃 外型金黃 咬落酥脆 唔會含太多油 鹹蛋嘅存在感頗強 肉汁簡直爆出黎 我推介呢個！！❤️❤️蔥爆牛肉餃則比較普通 似一般茶樓食到嘅味道 而且餡料未夠飽滿 無乜驚喜👌🏻你到必定要試吓佢哋嘅打卡飲品沙冰 紅豆冰接觸得多 竹蔗茅根沙冰真係第一次 非常消暑解渴 而且飲極都仲有 如果路過唔入嚟食餃子的話 外買一杯應該都幾過癮👻👻

入嚟長洲之前都book mark咗好多餐廳/小店想試，呢間《餃子冰室》就係其中一間喇😝😝搭11:45分船入長洲，餃子冰室開下午12點，啱啱去到個陣，店員仲準備緊，時間就啱啱好，好快入座！呢度嘅裝修好有懷舊感，同餃子一樣好有特色🤎餐牌上有好多套餐，分別點左兩個套餐套餐F ( 8隻餃子+糖醋骨飯 ）$59餃子就選擇咗韮菜豬肉餃（蒸）餃子皮好薄，因為係即叫即做，所以上枱時熱辣辣，呢啲天氣食，好滋味呀！！食個陣要小心，因為入面好juicy, 韮菜豬肉餃好香口，配料分得平均，韮菜味唔會完全遮晒豬肉味👌🏻😎另外飯類就一般般，份量唔算好大碗，都係餃子較為岀色！套餐C (6隻餃子+ 黑醬油雞飯 ） $49黑白土匪餃（煎）餃子煎得好脆，同蒸餃一樣，呢個就要極小心食！！外面煎到熱辣辣外，入面都係超juicy, 黑白土匪餃反而無韭菜餃子，咁重口味，只食得岀淡淡既孜然粉味，但好欣賞佢煎得好脆，若果可以濃味啲啲會更好😋腐竹蛋薏米沙冰 ($28)本身自己都好鐘意食腐竹蛋糖水😂😂見到佢有呢個沙冰即刻叫嚟試吓，飲得岀係腐竹蛋糖水味，轉咗做沙冰感覺好特別～～好解渴，值得一試！

✨6隻餃子套餐 💰38 (黑白土匪雞肉餃+💰4)💫評分: 7.5/10📝6隻餃子配凍四季春茶（小），呢款餃子得煎餃無蒸餃，覺得似半煎炸嘅餃，餃子🥟熱辣辣脆卜卜，肉汁多到爆出黎，有土匪孜然粉味，入邊嘅免治雞肉實際上同豬肉唔算好大分別✨鹹蛋黃黃金餃 (4隻) 💰30 (散叫）💫評分: 7.2/10📝其實上面嗰款黑白土匪餃都可以散叫4隻(都係💰30)，餃子面頭有啲鹹蛋黃碎，入面有鹹蛋黃加豬肉，幾重口味，都係半煎炸同脆口，咬落爆汁🤤，不過食落有啲膩，最多食2隻🤣𝔾𝕠𝕘𝕚 𝕀𝕔𝕖 ℍ𝕠𝕦𝕤𝕖 餃子冰室📍長洲大新海傍路86號地下💫評分: 7.4/10💬Min Charge💰30 ，餐廳係一間小店，環境比較迫夾，餃子💰唔算貴，因為長洲實在太多嘢食所以平日入去食就試咗2款口味獨特嘅餃，蒸餃有埋個蒸籠都係另一道招牌菜，希望下次有機會再試， overall覺得值得一試，不過如果週末去就應該要排陣隊🤣#餃子冰室 #餃子 #餃子店 #GogiIceHouse #長洲美食 #餃子🥟 #長洲 #香港人加油 #懲罰黃店 #香港美食 #followforfollow #foodieblog #instadaily

餃子店嘅裝飾係香港嘅復古風，每張枱嘅醬油同牙籤都放喺一啲有復古風味嘅容器入邊，仲有個風扇仔開住比客人吹下風。第一次見到有餃子的味道係南乳豆卜選，當然要試一試。今次選咗要煎餃，餃子嘅南乳味好香濃，入邊嘅豬肉同豆卜，所有餡料都好新鮮，係一個創意十足又好味嘅餃子。鹹蛋黃金餃，餃子入邊嘅鹹蛋量絕對唔孤寒，有濃濃嘅鹹蛋味，配搭新鮮嘅豬肉，絕對係令人想一食再食嘅餃子，鍾意食鹹蛋嘅朋友絕對應該一試餐廳推出左季節限定嘅蜆肉芫荽餃，蜆肉嘅味道非常新鮮，配以芫荽嘅食法，其實都係第一次食，但係出奇地有驚喜，味道好夾，好味！是日飲品有四季春茶選擇，食完濃味嘅餃子，飲番杯清涼嘅茶，係一個唔錯嘅套餐選擇。

趁依家放暑假梗係去多啲地方玩！今次就帶你地來到長洲，呢間小店真係唔可以睇小，因為就算平日都長期有人喺店外排隊。即刻睇吓野食有啲咩特別：黑白土匪餃 （$49 6隻餃子+酸辣湯套餐）個外皮好脆，一咬開就瀉晒啲肉汁出嚟😅，相當juicy!食落有淡淡的孜然味，不過相對上冇咁重口味。味道係OK嘅！酸辣湯就係正常發揮，幾足料不過個人覺得辣左少少🤫鹹蛋黃黃金餃🥟 （$30/4隻）呢個絕對係值得一試!!!外皮鋪左啲鹹蛋黃碎，咬落去都係一樣爆哂汁🤭呢個就同土匪餃唔同，佢超濃味，所以食兩隻就會開始膩🤣建議呢個唔使試咁多隻雞絲粉皮 $39夏日炎炎梗係要食返啲凍野消暑🌞一上枱嘅時候見到超多麻醬同埋雞絲，好開胃，雞絲嫩滑，配埋青瓜絲可以解膩👍🏻🥒整體來講，呢到既煎餃真係幾出式，無論係味道同埋款式都比出面既餃子店特別👍🏻好想快啲再來試下佢地.既蒸餃， 有興趣嘅你地真係要預多少少時間來排隊👀，因為入面嘅座位唔多！不過都坐得幾舒服既😌食完主菜梗係要去食甜品🍰，大家記住留意我嘅下一個post，我會介紹另一間長洲好西🤪📍餃子冰室長洲大新海傍路86號地下#hkfood#hkfoodie#foodiehk#hkgirl#hk

長洲係咁多個離島入面最多野食既一個，特別係小吃，今次我去左試人氣餃子店 – 餃子冰室，一般餃子餡料得一款，就係韭菜豬肉，其他全部係比較創新既餃子餡，例如鹹蛋黃黃金餃、黑白土匪雞肉餃、五香芋頭臘腸餃、南乳豆卜餃等。大部份都可以揀蒸或者煎，仲係即叫即煮。全日餃子套餐可以揀一款指定餃子配飲品，飲品我地揀左四季春。黑白土匪雞肉餃係最多人點既，所以點都要試下，呢款得煎冇蒸。餃子上鋪左孜然粉同黑白芝麻，雞肉難做到牛肉豬肉咁juicy我都明既。煎餃係煎得好香脆，但食到第2粒已經覺得好熱氣，好彩有杯四季春。另一款係蔥爆牛肉餃，牛肉餃非常juicy，蔥味都好香，但因為入面出哂水，餃子皮就相對冇咁脆。

近年長洲的餐廳愈趨多元化🥳由大魚蛋和芒果糯米糍等小食進化到有不同主題的餐廳，有西式炸海鮮、芋圓和乳酪飲品等，今天來長洲遊玩就被餃子冰室吸引了我停住腳步去光顧一下😳 本身餃子加冰室已經是新奇配搭，但最吸引我是卻是他們的甜品 - 腐竹蛋洋薏米沙冰 ($25)，平常只會在港式甜品鋪享用的一碗糖水，現在竟然變成了沙冰，作為荳品控的我當然不能錯過🤤 餐廳的佈置復古，門面有點像時代冰室，內裏以綠色為主導🟢木桌椅也變得綠油油一片，檯面有不少可愛小擺設，例如舊式電話和小蒸籠等，牆紙用上紙皮石和水泥紋，帶點老風味。 除了沙冰外，套餐是餃子或配上油雞糖醋骨飯🍛十分特別。不過今天只是來淺嘗，就多選了6隻餃子餐($38)，從諸多特別餃子中看上了黑白土匪煎餃，是日飲品是四季春茶。 四季春茶用了大的奶茶咖啡有耳杯盛著，黑白土匪餃緊接著登場🥟孜然味道四散，上面灑滿炒香的黑白芝麻。本身擔心會好鹹，但食落調味剛剛好，一口咬下有爆汁，進食時千萬要小心，不然會燙到舌頭👅 沙冰壓軸出場🍧洋薏米佈在沙冰上面，奶白色的沙冰沒有香味透出，但只要輕輕一吸，帶著濃郁荳香的冰粒滑進嘴巴，還順帶著淡淡的蛋香味，令夏日熱辣辣的感覺全都被驅走