餃子冰室

營業中

休息中

【長洲第一站：餃子冰室🌟】我發覺我嘅生活係離唔開餃子😂😂屋企會包餃子食 連入到去長洲第一時間都要食餃子🥳✌️餐廳門口裝修似懷舊冰室 都自家研發左家鄉肉餅餃 南乳豆卜餃等等款式嘅餃子 好有港式風味！💛小店空間有限 大部份都係二人座位 要預留時間排隊😗.👉🏻黑白土匪煎餃x8隻+酸辣湯 ($59)相對譚仔米線土匪雞翼 冇咁重口味😬餃子外皮脆卟卟 鋪左大量孜然粉係面咬開都幾juicy😛有比較清淡嘅雞肉餡料酸辣湯有少少過酸 同辣平衡到會更好.👉🏻芫荽蜆肉蒸餃x6隻 ($43)夏天熱辣辣食蒸餃 易入口感覺舒服啲😙好中意蒸餃個外皮 整得好煙韌(´▽｀)芫荽味道温和 配粒粒蜆肉新鮮都幾夾.👉🏻麻油白雲雞中翼x5隻 ($35)雞中翼食落凍凍地 幾開胃可以一試 👻肉質都嫩身 不過就比較難同骨分離.👉🏻四季春茶(跟餐)茶味味道幾青香 飲茶可以解膩～————📍餃子冰室 (長洲)@gogi_icehouse 長洲大新海傍路86號地下#food #foodie #hongkong #hkig #foodphotography #changchau #長洲美食 #餃子冰室 #餃子控

長洲不嬲都多美食，好似魚蛋、糯米糍呢D都已經出晒名~今次我專登試下其他野食 ，去左食餃子~呢間餃子既餡料好特別，同平時食開既韮菜、白菜唔同，我地總共叫左3款餃子試~🥟黑白土匪餃土匪雞翼食得多，但土匪餃就真係未試過~煎餃同土匪雞翼一樣煎到好香口，表層仲有黑白芝麻同孜然粉~無諗過原來孜然粉同餃子一樣咁夾，入面仲好juicy，大分有驚喜~🥟獨創南乳豆卜餃呢個我地叫左蒸餃，因為想樣樣都試下~餡料係充滿南乳香既豆卜，無諗過豆卜做餃子餡都可以，加上南乳好惹味，不過略嫌有少少鹹🥟鹹蛋黃黃金餃呢個餃子超級香口同邪惡，餃子皮被鹹蛋黃包住晒，好香脆，每一啖都有鹹蛋黃香！不得了！鐘意食餃子，有想有D新意， 一定要去試下啦~

長洲在疫情期間每個周末都淪陷，所以這次選在平日出遊，捨棄平凡無聊的海鮮餐，改吃新奇有趣的餃子。。店內環境。既然改名為冰室，自然要有冰室的樣子，舊花紋磁磚和黑白淡奶似乎是基本配置。座位有點窄，大約只有五至六枱，假日建議等開門，平日到訪可以試一試運氣。牆上有圖文並茂的餐點推介，設計懷舊之中帶點玩味。—————我們點了甚麼？。芋頭臘腸蒸餃。。黑白土匪雞肉煎餃。。印第安餃。。鹹蛋黃黃金餃。。白雲雞翼。餃子可以跟餐配飲品，免費送四季春茶或各式紙包飲品。跟餐餃子有4隻、6隻、8隻之分，一共有9款常規口味，亦能配上酸辣湯、雞扒飯等，能按照食量選擇適合的配搭。另外，能以優惠價加配小食，我們就加了白雲雞翼。—————。黑白土匪雞肉煎餃。所有餃子都可以選擇蒸餃或煎餃，店家大部份的餡料配搭似乎都比較適合香脆的煎餃，土匪雞翼若配蒸餃太奇怪了吧。與其說這是煎餃，不如説是炸餃子，360度零死角都非常香脆，惹味香口，略油膩但不至於會吃滯。雞肉餡加了孜然和五香粉，上碟前灑上黑白芝麻，還原度高。。鹹蛋黃黃金餃。有一刻考慮要不要裝健康選蒸餃，幸好沒有，只有外脆內多汁才配得上邪惡的鹹蛋黃。尤其是店家在煎好後再裹上一層起沙鹹

呢間長洲嘅餃子店人氣好高 見好多人都特登嚟食😋有啲口味都幾特別 有香港特色之餘 平時又好少會食到👀煎餃同蒸餃都各有特色 幾高質 價錢又唔貴 值得一試🙌🏻餃子全部即叫即整 上枱時熱辣辣 食嘅時候要小心嘴仔🔥.📌六隻餃子套餐 $38鹹蛋黃黃金餃🥚餃子面頭灑滿鹹蛋黃碎 入面係鹹蛋黃再加豬肉餡 鹹香味十足 幾惹味 重口味朋友可以試下呢款💛雖然佢寫係煎餃 但似係半煎炸🤣餃子外皮超級脆口🤩咬落去個豬肉餡爆汁 個鹹蛋醬沙沙地🤤不過食落有啲油膩🙈.蔥爆牛肉餃🐮食完個邪惡嘅煎餃 食番個相對上清淡啲嘅蒸餃😝平時好少見到蒸餃 仲要有埋個蒸籠 勁可愛🥳餃子皮好薄 口感幾煙韌😗最驚喜係佢包住好多湯汁喺入面 勁juicy‼️有啲似小籠包🤣食落京蔥味好香 牛肉味都幾濃 肉質唔乾唔鞋🥰點埋個醋 成個味昇華咗💯

時隔五年沒來長洲 發現開了很多間美食！(●’◡’●)ﾉ 有非常多的款式都很獨特創新 有芋頭臘腸餃、咖哩薯仔餃等等都很吸引!!! 不過我們不太餓所以就先點其中兩樣試試。▪️獨創南乳豆卜餃餐配飲品($𝟯𝟴/𝟲隻)餃子煎得十分香脆 皮薄多汁帶煙韌南乳味很突出 內餡豆卜很掛汁～調味恰到好處 很中式的味道略嫌豬肉碎好多肥膏 不過真的很香口🙊沒想到兩者的配搭新奇之餘又很夾!!!!▪️鹹蛋黃黃金煎餃($𝟯𝟬/𝟰隻)比上款的煎得更香脆 再淋上金沙鹹蛋黃一口咬下立刻爆汁 加上啖啖鹹蛋黃絕對是最超~級~邪~惡的餃子!!!!內餡是較瘦的豬肉碎 所以不會太膩價錢略貴了一點 不過也很推薦～

上網查長洲美食，網上推介呢一間，去到店舖細細，只得幾張枱。但睇完menu，又真係幾吸引，所以即使已兩點，都照等！排咗大約半個鐘就有位，入面做為真係非常窄，大部份二人枱, 得一張4人枱餃子款式幾特別，我見識少，真係未試過，好有新鮮感！  價錢都唔算貴, 算抵食   室內掛著幾塊板，都好有趣！ 獨創南乳豆卜餃 - 真係有南乳味，good ! 五香芋頭臘腸餃 - 芋頭味好香，臘腸味反而不算太出，但都好好好好食！惹味咖哩薯仔餃 - 真係有咖哩薯仔喺入面，幾得喎！家鄉肉餅餃 - 呢個都好味, 不過就無話好特別黑白土匪餃子 - 好鄉土匪味，好似去咗三哥度咁，大家都覺得好掂！鹹蛋黃黃金餃 - 面頭有鹹蛋黃碎， 入面都有鹹蛋黃同豬肉， 好好味呀！結論呢間值得推介，點六款, 六款都好味！ 但坐位真係太狹窄， 等位都等得好耐，嘢飲又係等得耐！ 但價錢相宜，仍然值得一試！

其實去咁多次長洲，次次食嘅嘢都差唔多，今次就試吓其他嘢，呢一間係因為有個朋友食過之後，叫我去試吓，咁我當然試吓新嘢啦。我星期六去嘅，到呢間冰室大約2點幾，等第二張枱就到我哋，都係等咗十分鐘左右，都唔會好耐。佢有唔同數量嘅套餐可以叫，但堂食最低消費$30，大家要留意呀，如果想幾個朋友食，想留少少肚食其他野的話，就可能要外賣好啲喇。-套餐A (6隻餃子)原隻鮮蝦菠菜餃餃子皮薄，而且餡料都多，蝦肉都爽口彈牙，餃子唔會添加過多調味料，清清地，食餃子餡料的鮮味，我自己幾喜歡蒸餃。-套餐 D (6隻餃子 + 酸辣湯)鹹蛋黃黃金餃 (只限煎)-四季春茶加大 +$4餃子表面都充滿一粒粒鹹蛋黃粒，邪惡得來又夠惹味，內裡就係普通的豬肉餡料，雖然係煎餃但內裡仍然做到好juicy，但鹹蛋黃嘅味道就只係表面有，我自己覺得如果餡料都有少少鹹蛋黃可能更正，因為即叫即整，上枱時仲好熱辣辣，食嘅時候要小心爆汁呀，至於酸辣湯就辣度適中，我自己幾喜歡呢個辣度，但材料就唔夠多，但整體都可以。跟餐送四季春茶我哋都係叫凍四季春茶，但味道比較清淡，如果茶味濃一點可能會更好。

黎到長洲就搵啲特別既野食，見到依間餃子都幾多人推介就黎咗試。因為唔係好肚餓既關係，淨係叫咗兩款餃子，但唔夠最低消費$30，所以再叫多咗杯飲品。南乳豆卜餃 $25/4件，好有南乳味，不過同餃子唔係好夾，小編都朋友都覺得一般般。咸蛋黃黃金餃 $30/4隻，咸蛋黃順粹係外面既皮到有，煎黃金餃所以個皮都幾乾，麻麻地。好采佢入面個豬肉餡夠鮮甜，食落好似鍋貼。額外叫多咗個紅豆奶茶，原本見到圖個紅豆冰好吸引，以為紅豆奶茶係換椰汁做奶茶，原來唔係，無咩特別.3.

長洲除左食大魚蛋、芒果糯米糍、海鮮，宜家仲有特色餃子食啦，餃子控既我當然要去試下啦呢間餃子冰室感覺有d似香港懷舊冰室，最特別係佢有d特別既餃子口味，出面都未必食到，好似五香芋頭臘腸餃，獨創南乳豆卜餃，惹味咖喱薯仔餃，家鄉肉餅餃，鹹蛋黃黃金餃等等五香芋頭臘腸餃臘腸平時食煲仔飯，糕就食得多，但臘腸係餃子出現就真係第一次揀了煎餃，綿綿既芋頭蓉同甘香既臘腸味道好夾，雖然煎餃較油膩，但無諗過會咁好食祛濕薏米檸檬水呢杯薏米檸檬水解油膩就岩晒，非常解渴因為係長洲已經食左好多野，入到黎都係想食少少試下，奈何店內設有⚠️每人最低消費$30⚠️叫4隻$28，要焗叫多杯飲品，我真係飽到不行了

平時食開餃子嘅大家，係咪已經食厭咗冬菇雞肉、韭菜豬肉餃呢啲大路嘅款式？今次介紹呢間餃子專門店，主打特色餃子，好似將大家平時食開嘅土匪雞翼加落餃子入邊。店主係土生土長嘅長洲人，雖然冇餐飲經驗，但發覺長洲冇專賣餃子嘅舖頭就開咗。一開始為咗研究新口味，每日朝早八點就開始備料，忙到夜晚11點先完，每款餃子都係自家研製同不斷試出黎，直到而家店舖提供10款餃子，比較有香港特色平時食唔到嘅好似家鄉肉餅餃、南乳豆卜餃、鹹蛋黃黃金餃等。餐廳以傳統冰室作為設計藍本，加上舊式地磚同埋有香港特色嘅掛畫同標語牌，令到鋪頭充滿懷舊氣氛。不過環境唔算寬敞，人多時會坐得比較迫。-1️⃣ 酸辣湯 跟餐 4隻餃子+ 酸辣湯💰41（👅: 7/10）兩個人食就咁叫兩個六隻餃子唔夠飽，所以就叫咗呢個餐，有四隻餃子架一酸辣湯。酸辣湯唔算辣，辣味會比酸味重，飲落比較普通，我覺得酸味同辣味唔夠重，但呢個份量加餃子會食到飽，天氣熱嘅時候食會出汗。嘢飲叫咗四季春茶，飲有淡淡的茶味，加上天氣幾熱，飲落好冰涼。-2️⃣ 鹹蛋黃黃金餃 💰38（👅: 8.5/10）特別餃子得煎餃無蒸餃，實際係半煎炸既餃。餃子食落好脆口，尤其係餃子邊煎到好香脆。咬落會

當初見到「餃子冰室」名就被佢吸引咗餃子黎黎去去都係韮菜豬肉、白菜豬肉等等點知望一望餐牌 先發現原來餃子嘅世界好大😲!!平時至愛嘅土匪雞翼、咸蛋黃薯片都變咗做餃子仲有住家餸咖喱薯仔、家鄉肉餅、南乳豆卜再特別啲 仲有每日限量嘅印第安餃添❤️🔖 黑白土匪餃(只限煎)食落有驚喜 將餃子煎脆再係灑上孜然粉 再加幾粒黑白芝麻做點綴 成件事更加香口😋但用咗雞肉做餡料口感無豬肉咁正( ･᷄ὢ･᷅ )🔖 惹味咖喱薯仔餃咖喱薯仔本身已經炆得夠腍夠入味 蒸咗後咖喱味更加香溢 如果有機會小編會再食!🔖鹹蛋黃黃金餃(只限煎)一上碟嘅時候 真係香到哇哇聲😍將起沙嘅鹹蛋黃醬淋係餃子上面 超邪惡～不過食落味道無乜 同期望有啲落差

閒日入左去長洲慢遊唔想食海鮮，魚旦，豆沙餅既野。上openrice揾到餃子冰室，就來試一下。本身我們都鍾意吃餃子的。午巿有套餐，係幾抵食既。不過我唔記得左價錢，又冇影到餐牌。小小既店舖，裝修傢俬都好特式。餐具都好有風格。2杯餐飲，1杯係跟餐既茶，清香解暑。另1杯加錢點的係桃膠飲品，唔太甜，都好好飲。平時d餃子店都有酸蘿蔔任食，呢度要加錢。因為我太愛吃酸蘿蔔，就叫左一碟試下。睇佢清清地，但原來好夠味，但又唔會醃到好咸好酸，蘿蔔仲爽脆，會係一粒接一粒咁食唔停口。第1個餐係煎韮菜餃＋酸辣湯＋黑醬油雞飯韮菜餃，大大隻，餡料都好足夠。煎餃夠香口。酸辣湯，小小碗，熱辣辣。夠酸辣，但料有d碎濕濕。不能用正宗來比較，但小店都做得不錯。黑醬油雞飯，跟餐都係小碗。唔錯，可以試到多款野食。其實都係老抽煮雞肉飯，這個沒太大特別，一般。另一個餐點左10隻既黑白土匪餃好香既孜然粉，但感覺應該唔係煎餃，似炸餃子。入面都有好香既孜然味配上雞肉。我略為嫌佢太燶，整體都好食，味道都好夾。上菜都好快全場最有驚喜係佢個辣椒醬，好香好惹味，配餃子一流。我諗食左佢地半盅都有。真係唔好意思。哈哈哈哈

難得小島開了特色小店，當然要支持吓。依間餃子店裝潢以港式為題，選用香港舊式餐廳嘅風味。食物總類以飯食及餃子為主。餃子款式多及口味夠地道。每次吃一定會選擇臘腸芋頭餃子，正，好入味。一定要煎餃做法再加上佢地特製嘅辣醬，真係好好好味囉。。。第2款一定要吃南乳豆卜餃，味道濃郁。可以叫蒸我亦試左佢嘅黃金餃，都好正。但會比較膩啲飯食我覺得一般。飲品方面，我會推介特濃奶茶紅豆冰。。。正正正下次會試埋佢嘅竹庶沙冰。。。期待下一次新野喔

難得星期二放假打算入長洲好好休息下 臨搭船先發現原來好多舖頭都係星期二休息😭好擔心冇好西食既時候 搵到間餃子冰室😍岩哂我地呢啲餃子控～一去到睇餐牌就見到有好多款組合 咁我地就果斷決定一個係淨餃 一個係跟酸辣湯試試- 6隻餃子 鹹蛋黃黃金餃 $38 + $4黎到個陣已經聞到好香既鹹蛋黃味 不過第一眼覺得個皮好似炸到好硬 試食左一啖！就發現個皮一啲都唔硬 仲要裡面都爆哂汁 好juicy!!!! 而外面既鹹蛋黃都好香 同餃子都好match 係值得一試既款👍🏻- 黑白土匪餃 + 酸辣湯 $49 + $4睇張相就會覺得好似得個"黑"字🤣其實佢個黑白係指餃子上面既黑白芝麻 除左芝麻之外 呢款餃子有好多孜然粉係上面 個陣味同譚仔土匪真係一樣！試食左呢個餃 就會覺得裡面既餡同上面個款好似 只係外面既調味唔同左我覺得要睇下自己仲唔仲意孜然粉既味道 相比下 我就會覺得鹹蛋黃值得試多啲了～～

🇭🇰餃子冰室Gogi Ice House🥟最近都多人講位於長洲既餃子冰室🥟大家都話難忘 👩🏻就黎試下舖入邊位置唔算多 但都有卡位裝潢都行舊式復古路線 係幾靚的😚🥟鹹蛋黃黃金餃(💰$41/6隻連四季春套餐)重口味朋友可以試下呢款外皮較油膩 入邊豬肉餡🐽幾好食Juicy到會爆汁 要小心啲食鹹蛋黃起沙on top 加係餃子 幾惹味不過油膩得黎 相對鹹蛋味冇相像上咁濃🤏🏻🥟黑白土匪雞肉餃(💰$65/10隻連四季春套餐)用左孜然粉同黑白芝麻調味聞落同譚仔土匪雞翼一樣咁香😻入邊雞肉餡就冇豬肉餡咁好食 普通左少少食落都唔會有土匪雞翼咁濃味-整體黎講比較鐘意鹹蛋味豬肉餡🐖較出色因為似炸餃 要注意係熱食會辣親👄放涼一陣外皮又會變腍另外兩款既調味再濃D 就正啦店員無抹到枱 要自己黎😂😂款式幾特別 但味道相對普通 沒有到非食不可