飲得杯落

營業中

休息中

不可一，不可再，難得想飲廢水，竟然買到間咁難飲，真係浪費哂D Quata，我下次會醒目食睇左食評先啦😭其實如果半糖、少糖係會令成杯野變得無味既話，餐廳真係好有責任堅持甜度啦…最起碼都提下個客掛，宜家咁多飲品店，間間甜度都唔同，真係鬼知咩😭🌟 招牌手打鴨屎香檸檬茶少糖｜就係普通茶餐廳既少糖檸檬茶咁，無乜特別，茶味不太出，檸檬皮有啲苦澀🌟 芝士巨峰提子微糖，少冰｜呢杯簡直令我想喊😭 我飲過第二間係用真水果做，所以我飲正常水果甜度都覺得夠，唔洗再加甜，呢間好明顯係用果味糖漿，少甜就少糖漿，完全唔知自己飲緊咩怪味水，奶蓋係偏甜，撈埋之後對杯野無幫助，飲左兩啖掉左🌟 芝士芒芒正常｜飲完兩杯好難飲既野之後，難得呢杯幾正常，夠味亦夠凍，但我真係唔會再幫襯了🏠店名：飲得杯落Drink a Lot🚘地址：元朗又新街38號恆富大廈地下14A號舖

叫左個香蕉煎餅底面都燶曬，都照出，夜媽媽係條街到冇睇清楚就拎走左，淋曬啲煉奶係面就當冇事，完全唔食得囉！等唔係問題，出啲咁樣的貨⋯⋯好過份囉上次啲珍珠個心係硬，唸住俾多次機會又中伏，已經唔係好唔好食嘅問題😅😅

叫左三杯野 $88 都唔係特別平黑糖珍珠鮮奶茶 鮮奶烏龍 芋泥啵啵厚仙奶頭兩杯完全冇一點茶既味道 一度懷疑落錯單最後芋泥啵啵 d 啵啵口感勁奇怪 唔知自己食緊咩結論 免費都唔會飲 🤣🤣🤣

開左冇幾耐試下新嘢。最簡單的珍珠奶綠：茶底正正常常，珍珠少重點係中間係硬 唔知未煮透定雪過⋯元朗嘢飲舖都好多咁樣好難搞窩希望越做越好啦雞蛋仔普普通通，得甜味唔特別脆，少少煙韌，廿蚊

見新開嘅舖頭，而且仲有元朗唔多見嘅鴨屎香檸茶，就諗住試下啦。一黎已經漏單，要我提下佢地先知原來整漏咗我果杯，算啦當佢地新開張唔熟。點知杯檸檬茶，飲落一啲甜味都無，以為自己嗌咗走甜咁樣，算啦我諗住自己黑仔。原本都無諗住寫食評，以為我嘅唔好彩係個別例子。點知睇openrice, 原來其他人都係咁，咁就一定要寫篇文出黎叫大家小心啲！

實在太差！無下次！上一次食咗香蕉餅，皮又厚又硬，麵粉味仲重過蕉味，個紙兜底漏晒練奶，店員一遞上我手我已經係一手都係，即刻問佢攞張紙或者膠袋墊一墊，佢竟然叫我俾咗$1 先有，問題我已經一手都係，嬲嬲地就即刻走，食完再用搓手液就算。上次我覺得有機會係個別事件，依家俾第二次機會佢啦，今次唔叫蕉餅，叫雞蛋仔。芝士雞蛋仔竟然只得甜味，毫無芝士味，太過份，食到嬲嬲地，唔想嘥嘢，不過都唔想難為自己，最後都係放棄，寧願唔食！柳橙茶完全無柳橙味椰果檸檬茶漏椰果極少寫食評，不過今次實在太嬲，未食過咁難食嘅嘢！

今次行過元朗，見到開咗間新店，而且有香蕉煎餅賣，所以就叫咗2樣野黎試下。招牌手打鴨屎香檸檬茶 會聽到佢哋真係手打啲檸檬茶，杯飲品叫咗少甜，但出到黎好似走糖咁，一啲甜味都冇，淨係得啲檸檬嘅酸味，而且冇乜鴨屎香嘅茶味，雖然茶底唔澀，但係茶味好淡，令到成杯茶淨係飲到酸味。榛子醬香蕉煎餅個香蕉煎餅餅底唔脆，好淋，而且成個餅底冇切到分開曬，最後連枝叉都斷埋都未分開啲煎餅，要成舊食。不過味道都ok嘅，有香蕉蓉嘅甜味。