風 (已結業)

今次嚟到，叫咗叉燒拉麵加一客小食，一口芝士。一口芝士先上枱， size大過一口，熱辣辣，很好味。叉燒拉麵上枱，大大的三片叉燒很吸引，味道也很好，感覺同其他日式叉燒不同；熏蛋很入味，湯底清甜。一定會再來吃。…查看更多

呢度本身係做車仔麵,轉左做拉麵店走日式風格,環境唔大,店面細細,水準唔錯今日過左黎試拉麵加小食餃子拉麵份量都幾大碗 有半隻醬油蛋,4片叉燒,配料有粟米粒同木耳絲仲有2-3件滷得好入味又甜既清湯蘿蔔麵身幾彈牙,個湯底係豚骨濃湯,入口都幾順滑,濃而不油膩風格做完野過黎食呢碗,真係9成飽,份量真係幾足料整體水準唔錯 拉麵$66 ,餃子$15共消費$147筲箕灣東大街4-10號東寶大廈地下3A號舖#東大街美食 #小店 #拉麵…查看更多

無意中遇見嘅街坊拉麵店，超抵食但做到九月尾咋，要食就快啲去排吓隊喇😢自從街坊們知道做到九月尾之後，呢間小店都做到踢晒腳，要嚟嘅話要畀啲耐性食物等耐少少啊🤏🏻巨輪叉燒拉麵$68巨輪叉燒面嗰層火炙過，燶燶地加超香油脂味，個厚度控制得好好所以滿足得嚟唔會覺得好「漏」😌拉麵本身已經配咗紫菜少少菜粟米同埋糖心蛋半隻，如果有咩唔記得同老闆講呀。雞扒拉麵$68 （兩塊梅頭叉燒+$15）見到呢個拉麵嘅價錢完全冇諗過去雞扒會係咁大塊嘅，加上面頭嘅沙律醬同埋燒汁食落甜甜地，而且塊雞扒都好嫩滑，老闆仲透露咗少少佢哋醃雞扒嘅秘訣畀我哋聽💛 梅頭叉燒冇巨輪叉燒咁肥美，但都做得好好唔會好乾，如果怕肥叫梅頭比較啱啲👍🏻日式餃子3隻 $15幾鍾意佢嘅餃子係用三隻為一客，因為好多拉麵店嘅餃子都係五隻一客，如果一個人食嘅話就會嫌太多。章魚燒3粒 $15當日嚟嘅時候晚市非常忙碌，章魚燒係第一樣上碟嘅食物，因為實在係好肚餓所以覺得特別好味🤣…查看更多

嚟過好幾次，終於試到傳說中的巨輪。巨輪：看賣相已經很正，入口即溶，湯底清甜，飲埋啲湯晚上都唔覺得口渴😋多吃一個牛肉薯餅，夠飽啦！一定會再來試食其他小食和豬扒。…查看更多

之前呢間店做車仔麵既時候就食過一次，同老闆傾計先知佢一心係想做日式野，E+終於俾佢做到啦，變左日式拉麵佢拉麵有好幾款，老闆話巨輪係肥叉燒，咁要食梗係食肥架啦呢個巨輪真係不得了，如果鍾意食肥腩肉真係一流，肉質唔會鞋口，加少少燒過既味，中間有一丁點軟骨，重要有少少厚度，好有口感湯底係屬於濃厚既湯，但食完又唔會好口乾麵就中規中矩，唔係好特別跟住叫左一堆小食有驚喜既bb羊架唔會超大陣穌味，熟既程度岩岩好，一啲都唔un,超好食!!!一口和牛價錢睇上去係有少少咁多多貴但一分錢一分貨，靚既肉係值呢個價，入口之後油脂既香味。。會好想食飯可惜佢地未有飯既menu美中不足就係多左兩粒鹽，靚牛我覺得少啲啲鹽，牛既香味會更出炸物小食沖撐下場面味道唔差，但都唔算十分特別想平平地，除左碗麵又有啲野夾下既話，炸物都可以一試既…查看更多

第一次去東大街食lunch,估唔到有間咁正ga拉麵店，環境好日本風，雖然細細間地方唔大，坐位寬敞好舒服唔會好迫直得讚湯底一流夠濃夠香真材實料唔似出面D湯底味道，價$平民化，簡直D人講ga平，靚，正…查看更多

話說今日同心心媽媽趕時間去染頭髮, 打算响筲箕灣附近是旦食少少就算。行到東大街街尾, 就見到呢間風。 睇完出面個牌, 因為心心媽媽同我都係食肉獸咁就梗係揀咗叉燒拉麵。心心媽媽要梅花肉叉燒, 我要巨輪叉燒 心心媽媽order嘅梅花肉叉燒嚟先。心心媽媽一飲個湯就問我覺唔覺個湯啲味好熟悉。我試咗之後就覺得佢啲湯係行清爽路線。但真係太似出前一丁嘅猪骨湯味。而且啲拉面太淋有少少鹼水味。 梅花肉叉燒偏瘦, 但都淋嘅同味道係唔錯嘅。半隻糖心蛋就very good啦。糖心有做到, 又醃到入味。之後到我嘅巨輪叉燒拉麵嚟到啦, 湯,面, 糖心蛋都同梅花肉叉燒拉麵係一樣嘅就唔重複啦, 而唔同嘅係巨輪叉燒拉麵係配木耳絲, 梅花肉叉燒係配海帶。無特別又唔係主角就唔特別講。巨輪叉燒有驚喜, 又夠肥又夠香, 表面有稍為燒咗下。 之後重加咗支奶茶, 純粹個人口味, 奶味太重, 茶味唔夠出, 而且太甜。 店員服務好好, 成程係咁問我哋對食物有咩意見。味道唔一定係最好, 始終呢樣嘢關乎個人口味, 但誠意搭夠。睇得出佢哋好有heart。所以都推薦嚟食。最後先知原來可以轉烏冬, 下次試下烏冬…查看更多

住在東大街，差不多所有的新舊食肆我都吃過。今日中午來了新開的風日式拉麵，竟然有點久遺了的驚喜。我叫了臣輪拉麵，老公叫了梅花拉麵。前者令人驚喜。以為自己去咗日本。略燒了的豬肉，味道剛剛好，有少少baby fat, 偏偏又不太濃or salty. 塊豬肉好像想說話！六十幾蚊可以吃到這種質素。生活可以好幸福。lunch 還可加$10-20 吃小食。我們兩人叫了章魚燒，和炸一口芝士，仲有日式餃子。我不嬲唔鍾意食章魚燒。但這個好林，沙律醬好好味。打破咗我一向對章魚燒的定性。一口芝士真係好好味。佢哋話用咗三種芝士。detail detail detail. 用心就做得好。原來而家晚市佢哋仲有做居酒屋款式仲多。希望下次和老公拍拖嚟呢度試吓啦！好似幾平咁！…查看更多

平時都中意幫襯小店，因為唔中意果種"連鎖味",今日行經東大街，見到呢間店個裝修幾有特色，就去試一試，係好食既。今次試左個牛腩牛筋大腸河粉，個河粉無乜特別，但啲餸就食得出係用心去整，味道好入味，同埋用料我認為都算食過既中上級。另外我我發覺佢地個辣醬食落好特別，應該佢地自己整，唔會死辣。食食下見到個雪櫃有支奶茶印住"風"字，原來佢地自家出，於是試埋，如果你中意冰鎮奶茶，呢支相信都岩，因為差唔多，都幾好飲。呢間店坐落個裝修坐落好舒服，無乜壓力，可以一試既香港人小店！…查看更多

見到東街有間新開張既特色車仔麵；滿心期望會有一間好味又價錢合理既車仔麵檔….見一個客人都冇；都諗住試試既心態；吾好食最多咪冇下次囉；點知食到一肚氣！我們二人是第一枱客人；點了一些簡單既餸…….. 點知等了20分鐘；店員才同你講冇呢樣；個樣…..！都吾緊要；一句吾好意思都吾會講☹️！再等多10分鐘未有再追；都係話你聽整緊；一點歉意都冇！最終一碗4餸車仔麵足足等左40分鐘；同樣….一句吾好意思都冇😔！平心而論；食物質素係ok 的！ 但未至於可以要人等40分鐘囉⋯⋯！一句到尾；冇下次囉！…查看更多

上次試咗牛筋，今次一心來吃炸豬扒，可惜賣晒，希望下次可以試到。店員建議吃雞扒。米線味道OK，有粟米和紫菜！雞扒外皮炸得很香脆，放耐咗個皮都係脆的。健康無糖凍咖啡！支持小店！…查看更多

朋友告訴我之前的九哥竟然關了，換來間車仔麵檔，朋友推介下於是去試一下，去到門口覺得似日本餐廳多過車仔麵，差點沒有進去，後來還是入去試吓。.當晚同其中一個老細合伙人Nick傾，原來佢哋想做到有香港特式的日式居酒屋，怪不得似日本🇯🇵餐廳多過車仔麵。.🎈餐牌👇店名是風，所以餐牌選擇也是香港的風球同標誌，1號波、3號波同10號波等。👇亦有是日套餐.我本來是落了是日套餐，方便啲唔使諗。.一邊等，一邊欣賞下餐廳內的日式擺設，年青侍應見我影相，就行埋嚟多謝我咁欣賞佢嘅心機傑作佈置。.👇貼滿日本海報和標貼，有齊不同時令。.傾開我就問佢是否老闆，原來佢有拍檔合伙人，一個主廚，而呢位對外的叫Nick，仲專研究特製自己奶茶同咖啡。因為都夜，我怕飲咖啡會瞓唔到，於是要了奶茶。個奶茶一入口就明顯覺得同一般奶茶不同，味道比較特別，一陣隱隱的香濃茶味，甜度亦適中，細細枝又好飲，好似飲幾啖就好快飲晒。因為真係好飲，我問老闆咖啡又點，佢都讚，我忍唔住最衰怕瞓唔著，佢話好多客都鍾意個咖啡，會夜晚買完放雪櫃第二朝飲，我話咁都得，結果心思思都買左支返屋企，第二朝的確保得住味道，都係好飲，比奶茶甜左的的多，都推介。😊.老闆又推介T1號波  (日式叉燒拼流心蛋), 佢話呢個通常到夜晚時已賣晒。我話我已經叫左是日套餐，佢話其實未整，問我試唔試，咁我就信佢，改了叫T1號波。麵我選配拉麵，再加了老闆推介的豬大腸。.🎈食物.T1號波(日式叉燒拼流心蛋) $38  配拉麵 (+$12) 加豬大腸 (+$14) 重點係塊叉燒，我本身不喜好日式叉燒，但真係要大讚呢塊叉燒.特點係塊叉燒係煎香左，完全將平平無奇的一塊叉燒完全好似升左好多級，香口，好正💖😋我係第一次覺得日式叉燒都有可取之處。.大腸亦好味，口感可以，亦洗得乾淨。本來我想揀烏冬，老闆話拉麵比較配，於是要了拉麵，係配，不過我比較喜歡烏冬。碗麵仲配有粟米粒同紫菜。一般都係得半隻流心蛋，呢碗有全隻，而且味道啱啱好，唔會太鹹。相中可見大腸洗得乾淨。🎈總結✅最讚係奶茶同咖啡✅一號波亦是推介之選，特點是叉燒煎香好味✅小店用心製作食物、店內擺設…查看更多

我係車仔麵fan屎，有新開車仔麵梗係要試喇。第一眼看到店內裝飾，感覺頗用心思，全都是日本招財貓做主題，身為貓奴的我忍不住問店主哥哥在那裏購買，他說是去日本旅行時逐漸儲下來的。今天試了牛腩墨丸豬紅油麵雖然是很普通的食物湯底都沒有其他特別，應該是清清的雞湯?因為我加了他們的自制辣汁，不太喝得出來，但還是覺得咸淡適中。最重要是麵質很合我口味，麵很彈牙!!!這點很多店舖都做不好牛腩夠柔軟不太肥，沒有過度調味豬紅脆嫩墨丸就略為細粒可能剛開業未能應付太多飲品款式，暫時只有咖啡奶茶和樽裝飲品，新鮮檸檬茶是沒有的，但聽聞冰奶茶是皇牌，不過當日無走甜嘅我就無要到。最後年輕店主還過來問我對食物滿意否!!!感覺到很用心，所以很好吃，沒誇張湯底，沒昂貴材料，就是車仔麵的精粹!!希望水準能繼續。仲有樣野要讚，就係佢知自己舖頭細，無位比多張櫈女仕擺袋，就喺枱邊整個掛勾，真係好細心!!…查看更多

話說早排係東大街搵野食啦,見到呢間新開既小店車仔麵近街尾位置,#風車仔麵 #港式車仔麵  兩個人一人一碗叫左幾款配料黎試下,湯底做得幾夠味,配料亦做得幾好精緻化既車仔麵,而且又係曾經既同業,支持一下!味道唔錯,服務態度都好,老闆仲好識食,專家！花膠米粉，佢幫我有預先剪開上，減肥一樣可以食得好～另外佢個炸雞翼好香口，脆嫩，出色！蘿蔔夠甜，牛腩夠大件，亦燉煮得入味鬆軟#風kaze #港式風味 #車仔麵專門店   筲箕灣 #筲箕灣美食 #東大街 4-10號東寶大廈地下3A號舖…查看更多

很少吃車仔麵，見到網上食評很好，走去試吓😊店舖細細，很整潔👍小哥哥很有禮，知道我想食牛腩和牛筋，主動推介點樣食最經濟😊➕咗豬紅和響鈴😋送飲品，加$5可飲豆漿，小哥哥主動幫忙開蓋和揭去膠掩，👍加分😊牛腩牛筋炆得很淋👍牛腩汁湯底很好味😋唔會飲完有口渴的感覺。下次會再嚟試其他食物😊…查看更多