順酸辣粉

營業中

休息中

發覺原來好多屯門朋友仔都唔識「順記」，真係好唔識貨！順記主打酸辣粉，亦有撈米線、菜飯等等。我個人就最中意食「腩肉肥牛麻辣撈米線小辣」，次次都食到停唔到口亦因為次次見到都忍唔住口即刻食晒，所以影唔到相其次係雞扒菜飯，雞扒炸得好脆，有少少咖喱味，好得意，亦好抵食！想試既朋友不仿試下跟我叫啦

抓緊假期的尾巴，相約朋友品嚐麻辣米線。正路會去另一間知名米線鋪，但今次想試下未食過的鋪頭，所以揀咗順記。今日係首日要Scan QR code入鋪，店員話可以登記資料的，大家可以自行考慮邊個方式適合自己。有米線，有飯選擇，其實款式尚算全面。牛柏葉韭菜餃米線白色牛柏葉味道正常，同外面食到既分別不大，而$9 兩粒韭菜餃感覺偏貴，食落又唔太突出。我覺得最滿意係湯底夠濃味、夠重口味，少少辣已經feel到幾辣，加埋肉碎，口感唔錯！

今日叫咗外賣食，依間野選擇好多 除咗平時可以揀餸嘅米線同埋好多種唔同嘅湯底之外，仲有飯同菜飯可以選擇，選擇夠晒多元化👍🏻👍🏻嗌左幾次我都覺得豬扒菜飯（$45)比較吸引🤩豬扒有炸過，外面炸皮唔太厚，亦都唔會太粉，值得讚賞。另外豬扒份量超級多而且豬扒厚身，食落啖啖肉，好正😋另外叫主食會配送一個小食，係店舖自己整嘅辣味配菜，配菜種類成日會轉，種類都算多。小菜多數有兩三款菜，例如青瓜、土豆絲、螺旋藻、豆卜、木耳等等。但我覺得最好食都係醃青瓜👍🏻，青瓜爽脆而且夠辣。以呢個價錢來講真係一啲都唔算貴，如果叫凍飲都係加$4-6，真係好抵，已無限encore😆😆

🌸#girlsfoodies屯門#girlsfoodies粉麵 🌸​【💛 #GF_List 】​🉑：外賣自取 ​| mamaeat⭐評分: 8/10 ​———————————————​天氣凍咗就想食熱麵🤤終於試到順酸辣粉，溫馨提示， @mamaeat_hk 都有得嗌㗎！有菜飯有湯麵有拌麵，仲有早餐供應😍——————————————————
​▪️招牌酸辣粉 ($29 + $17 炸雞扒 + $8 凍飲)​▪️三寶飯 ($47 + $4 凍飲 )​​湯粉配餸 $6 起 ，作為貪心嘅人緊係有大食大，豪啲嗌最貴嘅配菜！炸雞扒超大塊超厚肉，新鮮熱辣炸起，個炸皮咬落咔嚓一聲，似係以咖哩粉醃製，所以個皮都帶點棕黃色，呢隻味夾豬扒多過雞扒～但因為係即炸又juicy，所以都好好食！btw叫菜飯塊扒一樣大，但價錢平過叫麵～酸辣粉叫咗微辣、紅薯粉。肉碎唔係好硬/超肥嘅肉，反而係鬆化嘅肉粒，無豬羶味非常抵讚！配菜份量都好足，韮菜、芽菜、酸菜全部闊佬唔欺場～湯底微酸微辣，不過稍油。失望位係紅薯粉，浸得太淋，無咗好好咬嘅口感🥺​三寶飯賣相麻麻，大腸雞腎都入味，豬頸肉唔係炭燒而係滷水，無咗嗰種juicy/香嘅感覺，有

疫情關係， 相信好多人都要買外賣， 小弟當然都唔例外。果日忽然好食菜飯， 心念記得附近應該冇， 死左條心把啦。 點知經過呢架酸辣粉， 棟咗個牌出嚟話有排骨菜飯食。 頓時贏晒， 咩都唔念就叫呢間。 本身呢間鋪頭係食酸辣粉同埋米線， 仲有涼菜（ 即係咩麻辣木耳絲， 肚絲....）。 本身我比較小食呢間， 因為米線太多選擇， 同埋現在比較小食辣嘢（ 麻辣薯粉冇清湯㗎😑）， 所以真真係好小食。 但係今日佢呢個排骨菜飯， 簡直就是姣婆遇著脂粉客， 同我一拍即合， 忍都忍唔住。😅買左番屋企， 烚熟過菜心， 試試先。 Ok 喎， 排骨（ 厚身啲嘅豬扒）幾香口， 嫩滑有汁， 應該係炸熟嘅。 菜飯用小棠菜， 有啲上海菜飯嘅感覺。 總括而言， 冇咩期望睇下（ 因為人哋真係做酸辣粉架， 咪鬼咁高要求）, 但都有一啲驚喜嘅感覺。 😁

今次寫既係早餐。呢間餐廳出名食嘅係米線，但係其實佢嘅早餐都好值得推介。本人最鍾意食呢度嘅早餐，因為我唔鐘意食包，而佢套餐入邊冇餐包，非常之難得。今次揀左漢堡扒，薯餅同炒蛋。唔多餐廳可以同一時間揀薯餅同漢堡扒，熱辣辣上檯非常好味。炒蛋就比較老，如果嫩少少就更好。而亮點點喺沙嗲肥牛通粉度。因為佢用嘅係肥牛，而唔係鮮牛肉。用口好滑，絕對唔會覺得好硬，又容易入味。索晒沙爹味，非常吸引。沙爹味唔算好濃，但都夠味。$33抵食之選。

▷招牌三寶菜飯 $54▶胡椒豬骨湯麵 $29▷酸辣炸醬撈粉 $29▶夫妻肺片 $32▷三拼涼菜 $35以前成日都食嘅米線鋪，撈米線麻香辣俱全，自問食得辣嘅人真係要試下。除咗有得食酸辣米線之外，滷水三寶飯都好出色！睇下舊豬腩肉就知有幾fatfat，懶健康可以配個菜飯，飽到棒住個肚走。今次仲試咗新嘢：胡椒豬骨湯麵，湯底辣勁十足，配埋爽口嘅豬頸肉都唔使$30，呢款抵食到爆！另外兩款涼伴菜式都唔錯，辣得過癮又夠惹味，不知不覺食咗勁多舊🥵 愛辣人士可以mark低呢間🤪 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣順酸辣粉屯門青菱徑6號富麗大廈地下

今天出左去荃灣，之後諗住食完嘢先返屋企，係紅橋行下睇下有咩食先，見到這間酸辣麵好似幾吸引，仲有飯食既，佢既款式也幾多，小食，飯，麵分唔同湯底。三個不同湯底，豬骨湯底，叫了豆腐卜同白菜豬肉水餃，好豐富的樣子，有肉碎，幾片豬腩肉，花生，生菜，餃子兩隻好味道，麵係上海麵，爽又彈，正！！胡椒豬肚湯底，魚肉卷，牛展，有葱花，花生，生菜，拉麵，湯底好味，好香胡椒味，少少辣，牛展好香好淋好味，魚卷也好味。夠香同彈牙。酸辣湯底小辣，雞翼，魚角，湯底唔算好辣，好香的，雞翼夠晒入味，好多葱同韮菜，正！！

本身間野食酸辣粉，但又有菜飯可以揀就即管試下即叫即炸既豬扒，面頭既炸漿唔厚，而且仲有啲酥脆既感覺。豬扒醃既時間足夠，所以肉都夠哂味。菜飯就同上海鋪既可媲美，唔錯既選擇！

之前對順記的印象很差，因為有次去吃酸辣米線，它的湯底不酸也不辣，米線也是發水的那種，一夾即斷，而且又有點糊掉。幾年前我還是順記的fans，後來因質素每況愈下都幾乎不再吃。因跟朋友說起，他說上次吃很不錯，也沒我說那麼差，所以我也多給一次機會。今次我都沒有再點米線，改點了寬粉，跟上次一樣都是要了小辣，配菜點了水餃。來到發現很大碗，分量很足。的確今次終於有點回復水準了，湯底都能做回之前的酸辣湯底的味，寬粉很感動的是煙韌的那種，煮得剛剛好，很有嚼勁也很滑，吸了湯底的味，很不錯。水餃是我想吃的那種厚身餃子皮，餃子皮也是帶點煙韌，不是一咬即斷的那種，也沒有煮得很爛。餡是菜肉餡，算很足料，味道也很不錯。經過今次，我對順記也有點改觀了，這個寬粉會令我再想去光顧。

聽日過到嚟可能要呢邊，因為中午嘅時候食咗酸辣粉，所以今晚就唔食酸辣粉，選擇食飯為主，聽聞呢一度嘅三寶飯都唔錯，咁5分選擇，呢度個Menu入邊都有成10幾廿款菜式俾我哋去揀，任君選擇，對於我呢啲平民來講真係大飽口福！特別係我真係唔識得太過多嘢，都會同其他人share一齊食，一個人能分析，都幾好架！好啦廢話就唔多講就講下我今日叫咗啲咩啦！今次我就叫咗個辣腩肉、牛展、豬脷嘅飯辣藍玉肥得來大有甘香，牛展亦都切得好厚， 豬脷亦都炆得好琳！整體來講都唔錯㗎！不過今日嘅飯就唔知點解會爛咗少少，但我覺得都唔錯嘅！

突然想食米線，本身想去隔離既米線小店，但由於攞住好多野，唔方便入去食，就去呢間坐得比較舒服同寬落既店開餐～～呢間店除左食酸辣粉外，仲有菜飯小食等。成日冇食野，我叫左個酸辣湯底開開胃，選左蘿蔔同辣腩肉米線🍜上菜都好快，叫左小辣湯底，有不少酸菜同肉碎，感覺足料。先試湯，酸味十足，但略嫌酸味多過辣味，冇左辣味既香，飲多兩啖湯覺得咸左少少，如果酸辣平衡一點會好些。而蘿蔔有三大件都算合理，但一咬下去覺得唔夠軟，煮得唔夠耐，食食下有少少渣，亦吸唔到湯既味道，如果蘿蔔能吸到湯汁會惹味些～而腩肉肥左少少，肥膏多過肉，而質感亦硬左d，食落口唔夠軟，感覺較乾，反而肉碎同酸菜配米線食落味道更突出，整體食物感覺一般～～

我呢一個微信空最鍾意就係品嚐下唔同米線譜嘅招牌米線，今次過到嚟呢一度，就係要試吓佢係咪真材實料！事關好多人都話佢呢一間真係好過譚仔嗰啲多多聲㗎 ！而且亦都比較正宗！咁我今日就過嚟睇吓佢係咪有咁勁！過到嚟呢一度老闆就二話不說介紹我食佢嘅酸辣撈米線，而我真係對事物情有獨鍾架！咁我就叫咗個辣腩肉同埋肉碎。不到3分鐘就到咗啦！放喺枱面就已經聞到香濃嘅酸辣味！亦都看到老闆好有心思放咗好多芫荽俾我！我食落去嘩一聲！因為佢真係做得好出色！一來米線唔諗，亦都好彈牙！二來辣腩肉炆得好琳！三來佢嘅酸辣味亦都係好正宗嘅！

今日過咗嚟呢邊食米線，令一間係我最喜歡食嘅米線，我亦都揀咗個我平時最鍾意食嘅酸辣米線，你老板今日亦都好好俾我加多啲孫同埋加多啲芫荽，再配上注意，食落真係好過癮啦！對於我呢啲芫荽紅來講真係多多都唔夠㗎 ！特別係我亦都鍾意佢會俾咗一支豆漿囉，而且有得揀黑同白，黑豆漿亦都係我最喜歡嘅豆漿，事關佢唔單止武清益新，亦都對頭髮但由於真係太凍啊，我食咗一大半左右就俾咗我男朋友食咗佢啦，我男朋友都真係幾勁架咩都幫我清晒！

今日女友出咗差，我呢一個小獨立又唔想走得太遠，於是去咗叫咗一個外賣過嚟食，我其實鍾意食啲嫲嫲嘅飯腳，於是我叫咗呢個細寶飯裏面有：牛展、豬耳、雞蛋、豬大腸，再配上香濃嘅醬汁，識落非常之過癮，加上佢嘅飯都煮得幾香園，我一食再食食完覺得好興奮！因為牛展真係keep得好出色好薄，而且亦都問得好爽，佢嘅豬大腸亦都冇事喺裏面而且炆得好琳好鬆軟！對於我呢一個我要食四寶飯嘅人來講呢一個價錢仲要送咗杯豆漿，都只不過係40多元，出到去外面真係試唔到呢一個價錢架！