韓脈 (帝國中心)

營業中

休息中

Rotating Pot Pork Belly BBQ🍖$288 週六午市二人套餐，呢個真係抵食😛套餐有250g五花腩🐷 可以揀牛胸肉大醬湯或者純豆腐辣湯🍲 仲包埋白飯或者炒飯🍚 全程有店員幫手即場烤，唔使自己郁手😏啲五花腩肥瘦啱啱好🍖放上轉盤度慢慢轉住咁烤😛睇住啲肉喺轉盤上面「滋滋」聲跳舞💃🏻油脂香氣撲鼻，香到隔離枱都望過嚟🙆🏻‍♂️烤到外皮少少焦脆，入口又嫩滑🤗跟手用生菜包住，加啲蒜片同韓式醬😏一大啖塞入口，超滿足😍烤完肉再落炒飯配料🍚店員會過嚟幫手落泡菜、辣醬、紫菜😝用返啲烤肉精華即場炒飯😌飯粒沾滿豬油香😊仲有少少脆卜卜嘅飯焦😇咁嘅食法先夠地道😘另外亦試咗牛胸肉大醬湯🍲湯底濃郁得嚟唔會死鹹☺️大醬嘅豆香好出，仲帶少少甜味😊飲落好順喉，牛胸肉份量亦夠足🐮最正係個湯keep住滾住上，熱辣辣咁飲😎特別係食完烤肉之後飲一啖😛即刻解膩又暖胃🤗HANMAT Marinated Soy Sauce Crab with Rice🦀$250 跟住試咗季節限定嘅醬油蟹😚蟹肉醃得入味，醬油鹹香帶甜😝蟹膏濃郁，撈埋熱辣辣嘅白飯一齊食，鮮味爆棚🤩蟹肉質地滑溜，一啖飯一啖蟹，簡直係絕配🥰Beef Bulg

今次同朋友去尖沙咀東呢間韓燒店，環境真係好舒服～坐位闊落，燈光柔和，最鍾意佢個抽風系統夠靜音，食完都唔會成身油煙味呢！ 醬油蟹超級好食佢哋嘅Rotating Pork Belly油脂分布好靚，放上轉盤烤到微微金黃，外皮脆脆哋，咬落去「咔嚓」一聲，肉汁即刻湧出嚟～點少少醬油漬，甜甜哋好開胃！ 牛胸肉大醬湯既湯底濃郁但唔會太鹹，牛肉煮得軟淋，仲有嫩滑豆腐同翠綠蔥花，飲完成身暖笠笠，好適合最近涼涼哋嘅天氣～ 烤魷魚原隻上枱好有氣勢！師傅切咗花刀，烤完捲起身好靚～口感彈牙得嚟帶點焦香，點少少檸檬汁更加鮮味！ 葡萄汁 & 梨汁兩款果汁都好清新，尤其梨汁清甜解膩，仲飲到少少果肉，好適合配烤肉～

Saturday lunch Special for 2✡️ Pork Belly BBQ ～ 今次唔係韓燒係侍應當住我地面對炒豬花腩呀！ 佢炒好五花腩後我好似平時咁拎生蒜生菜加d 泡菜包住食，幾重口感好滋味。✡️ 牛胸肉大醬湯 ～ 大醬湯味道濃郁連同蔥和牛胸肉一齊品嚐，口感層次分明。✡️ 泡菜炒飯 ～ 侍應當面炒新鮮滾熱辣，買幾件五花腩一齊食仲正。另加✡️ 醬油蟹＆牛油飯免費 ～ 終於學韓妹咁必哂d 蟹膏蟹肉出來拌飯食， 蟹肉帶醬油的咸鮮味而蟹膏就味道濃厚。✡️ 燒豬肉（單品）～ 豬肉用左好多配菜一同炒，味道帶點小辣配飯都一流。✡️ 牛肉石鍋拌飯 ～ 鍾意食飯焦嘅唔可以錯過， 最底層脆卜卜嘅飯焦拌勻面層的所有材料一同吃多重口感正喎。

星期六限定嘅五花腩二人餐真係好抵食全程有店員幫手燒仲有旋轉炒鍋自動炒飯炒肉完全可以躺平嚟食🥩 五花腩二人餐｜▫️ 250g厚切五花腩｜燒到脆卜卜夾生菜食 ▫️ 牛胸肉大醬湯｜豆腐同牛肉煮到入味 飲完成身暖笠笠 ▫️ 泡菜炒飯｜旋轉炒鍋即場炒 泡菜紫菜好香口真係抵食到喊！250g五花腩切得啱啱好油花分佈均勻喺旋轉炒鍋燒到金黃香脆 肉汁鎖得實實而且全程由職員代燒食客完全解放雙手淨係負責食同影靚相！🦀 醬油蟹套餐爆膏程度誇張 鮮甜濃郁一啖下去滿口蟹香配上白飯簡直係一流蟹肉嫩滑 醬汁微鹹帶甜 食到停唔到！

同朋友去尖沙咀食韓國嘢韓餐，呢間餐廳環境幾舒服，韓式裝修地方夠闊落，牆上仲貼住啲韓星相😆店員先上咗幾碟小菜，樣樣都幾好食😋今日試咗佢哋既五花腩套餐，店員會將啲肉放喺旋轉鍋度整，全程唔使自己動手😍韓燒五花腩，啲肉燒到外皮少少脆，肥瘦啱啱好，包住生菜再加塊蒜片一齊食，真係好正，完全唔會膩！ 跟住飲咗個牛胸肉大醬湯，個湯好濃郁，勁足料！飲完成個身暖笠笠。 最驚喜係個醬油蟹配紫菜飯，啲蟹肉好鮮甜，醃得唔會太鹹，撈埋紫菜飯一齊食，勁滿足！ 最後仲食埋個泡菜炒飯，個飯係用五花腩既油炒，香氣十足加埋泡菜酸酸辣辣，超級惹味！

好味 #晚餐 分享 韓國料理一家特色的韓國店，是韓國人主理的，非常正宗，店內裝潢氣氛感覺亦好似去了韓國咁😁落單後，便送上6款前菜，有沙律生菜，泡菜，芽菜，豆腐乾，鵪鶉蛋，酸蘿蔔，其實呢間店的前菜也算多了，有驚喜，好開心😁~醬油蟹1件 250醬油蟹，叫了1隻，好多蟹膏，鮮橙紅色，靚到呢👍🥰，我將蟹蓋和身上的全部蟹膏和一些醬油汁放在紫菜飯內，撈勻成拌飯，每啖飯都有香濃的蟹膏，醬油，好正啊😁而蟹肉質又鮮美，認真回味😋隱藏食法醬油蟹送的紫菜飯大大碗，我分了一半出來，放入了部份前菜，芽菜，泡菜和豆腐乾，撈勻成韓國泡菜伴飯，好好味😁~醱酵鮑魚人參雞湯148熱騰騰上桌，有半隻雞，糯米飯，和一隻鮑魚，雖然雞骨已淋哂，雞肉仍然好嫩滑唔鞋口，鮑魚很彈牙，糯米吸收了雞湯和人蔘的精華，軟糯好味，整個湯好清甜，客人可隨意加些配備的鹽，增加鮮味人參雞湯是傳統韓國美食也必食😋~甜酸炸雞190~炒牛肉粉絲118~可樂20加一服務799/2人韓脈Hanmat Korean BBQ Restaurant 尖東帝國中心UG樓43號店

經過帝國中心，諗住搵間餐廳食。就見到呢間韓國餐廳， 星期六lunch仲有lunch set。所以就嗌咗一隻醬油蟹，同埋一個炒五花腩套餐。見到好多人都嗌佢哋嘅熱鍋炒嘅五花腩，所以決定試一試。五花腩入口即化，肉汁豐富，唔算太肥醬油蟹新鮮又甜，而且醬油蟹都好大隻！香港唔多地方食到好食嘅醬油蟹，呢間的確唔錯嘅👍🏻大醬湯濃郁而鮮美，泡菜炒飯都好香。重要嘅係價錢實惠，仲有套餐優惠，之後有機會會想要試吓食韓牛，見到佢哋嘅寒流都係三百幾蚊

韓脈 Han Mat 係間我幾鐘意嘅韓國菜餐廳，裝修好有韓式居酒屋 feel， 位置寬敞，餐廳好慷慨，送六款前菜😍，同埋每枱有一份韓式蛋餅都係送嘅🍳🐄特級牛肋骨：係嫩滑高質嘅牛肋骨😍，超大條和厚肉，店員會幫手燒和剪開，燒完都好juicy🤤，仲意嘅可以加啲蒜片上去一齊燒，再香口d，真係好好食。👅牛舌：大塊而且肉質靚，爽口彈牙！🦀醬油蟹(配牛油飯)：🦀即叫即開，夠晒新鮮！好多鮮味嘅蟹膏💛，加埋落充滿紫菜嘅牛油飯好好食！

好一段時間無過黎尖東呢邊蒲，之前經常系呢邊吃喝玩樂，一過到黎好多回憶返晒黎，今日黎帝國中心"韓脈"食韓國菜。▪️Rotating Pot Pork Belly BBQ, 好好奇系咩做法，原來系將五花肉🐖放落滾筒煲自轉甘炒，又幾得意喎，都系第一次見，有別於以往放系鐵板上面燒。五花肉炒熟之後就將配料洋蔥，蒜頭，粟米仔再炒，最後再加泡菜，白飯落去一齊炒，好惹味呀！▪️純豆腐辣湯，吾系得豆腐甘簡單架，入面有好多配料，有蜆，魷魚，菜粒，等等。。豆腐超級滑。▪️醬油蟹🦀，之前睇韓劇成日見人食得好滋味，今日第一次試，原來真系好鮮甜，再將啲蟹膏加入啲紫菜飯一齊食，真系無得輸。🤩😜

週末過嚟尖東呢邊買嘢，順便食我最鍾意嘅醬油蟹😋韓脈之前嚟過，地方就腳，就喺帝國中心地下高層。上次印象好深刻，醬油蟹特別鮮甜。呢度啲店員個個都好Nice。牛胸肉大醬湯成鍋湯好足料，滿窩都係牛肉同豆腐。大醬湯湯底令到豆腐好入味。牛肉都好嫩滑一啲都唔嚡。五花肉 配泡菜炒飯首先將五花肉擺入自動翻炒機中，炒熟咗之後就可以夾生菜點醬食，仲可以因應個人喜好加入生蒜辣椒。全程由店員喺你面前操作，聞落好香。剩返煲裏面嘅豬油會加入白飯、泡菜、洋蔥、紫菜。估唔到呢個配搭啲炒飯出奇地香。😍醬油蟹 配紫菜飯醬油蟹真係每次嚟都會必點，蟹膏好鮮甜。蟹肉嫩滑。拆咗肉之後仲可以撈落附送嘅紫菜飯裏面一齊食。超正。

朋友喺外國返嚟揀咗間喺尖沙咀嘅正宗韓國菜聚下舊見餐廳星期六有個特別Set 就叫嚟食下ღSaturday Day Lunch Special for 2 有五花腩肉250g跟一個飯/炒飯同一個湯（牛胸肉大醬湯/純豆腐辣湯）店員即場用翻轉炒鍋炒五花腩肉，香噴噴😌油脂滿滿，勁吸睛～-五花腩肉肥瘦相間，食落軟嫩，口感豐潤多汁，再將炒飯同泡菜落炒鍋炒，飯粒索滿炒香咗嘅五花腩肉汁，好香口-牛胸肉大醬湯，上枱熱辣辣～湯頭濃郁醇厚，牛胸肉肉質鮮嫩，配菜仲有豆腐，洋蔥🧅韭菜，非常豐富另外仲叫咗醬油蟹同醬油蝦，醃過後食落軟滑，醬油蟹脂膏肥滿，好鮮美😋醬油蝦同樣味道甜甜鹹鹹，好滋味❗️

今日嚟到尖沙咀嘅韓脈，體驗佢哋嘅招牌旋轉烤肉！今次就等我親身嚟試吓，睇吓係咪真係咁特別！ 👇環境氣氛 ✨餐廳位於帝國中心UG層，雖然地方唔算好大，但係裝修充滿韓國風味，營造出一種溫馨舒適嘅用餐氛圍。創意烹調方法 👍韓脈最令人眼前一亮嘅就係佢哋嘅烹調方法！佢哋採用特製嘅旋轉煮食爐，中間嘅攪拌器不停咁轉動，令到啲肉同飯受熱均勻，唔會黐底，仲可以避免油煙四濺。呢個設計真係好有創意，亦都令到食物更加美味！今次我哋叫咗個星期六二人午餐特價 ($288)，包括旋轉烤肉、泡菜豆腐湯同埋炒飯。旋轉烤肉:五花肉嘅油脂分布均勻，用旋轉煮食爐烤出嚟，外脆內嫩，肉汁豐富，加上特製嘅醬汁，真係令人回味無窮！泡菜豆腐湯:湯底香辣濃郁，豆腐滑嫩可口，配料豐富，非常開胃！炒飯:炒飯粒粒分明，鑊氣十足，配上烤肉嘅肉汁，簡直係完美嘅配搭！另外，我哋仲加咗個醬油蟹 ($250) 同埋煎餃子 ($108)。醬油蟹:醬油蟹非常新鮮，蟹膏鮮甜，令人食指大動！煎餃子:煎餃子皮薄餡靚，煎得金黃香脆，係一道唔錯嘅小食！服務態度 💯服務員態度親切友善，非常有禮貌，上菜速度亦都好快，令人有賓至如歸嘅感覺。

喺尖沙咀睇完醫生想令自己開心啲除咗食甜品就係食醬！油！蟹！前菜7款： 蘿蔔、泡菜、沙律菜、豆芽、茄子、鵪鶉蛋（幾入味）～ 🍳仲有鉄板蛋添！每次嚟到都必定要點一隻 🦀 《 醬油蟹 💲250/隻 》跟紫菜牛油飯 🍚醬油蟹肥美，連個殼都有好多肉～牛油飯有滿滿嘅鮮紫菜鋪面伴生雞蛋將啲蟹肉加醬油撈飯好正～ （ BBQ 配料 會附有生菜籃～ ）🐟《 鰻魚 💲198 》 海鰻口感嫩腍，配有三款醬油～ 🐷《 豬頸肉 150g 💲150 》厚身爽口，蘸埋韓式辣醬包菜食好減膩又惹味～🐔《 醱酵鮑魚人蔘雞湯 💲148 》鮑魚嫩腍，雞肚釀嘅飯好綿，湯濃鮮甜又夠熱～ 🍊 最後仲有生果～好多人嚟慶生～

媽媽話有啲掛住醬油蟹見最近呢間幾多人推介，價錢又唔貴，位置又好當然要叫 醬油蟹 （$250）仲包埋碗紫菜飯架！隻蟹勁多膏架！ 而醬油唔太咸，帶甜甜地 😆 咸甜咸甜勁好食，又突出左蟹既鮮味 而啲膏，送飯食真係一流呀 😍😍 勁鮮甜🤤🤤🤤另外佢仲有個新出既rotating pot 炒豬五花肉 （$288/星期六lunch限定）呢個係個2人餐黎架分別有一份五花肉，一個湯 （我哋揀左牛胸肉大醬湯），同炒飯！個湯有勁多牛肉！好足料 （其實真係料多過湯🤣🤣） 五花肉有職員幫手，用個轉轉鍋炒 😆坐喺度等食就得炒完五花肉，就會幫你炒埋個飯，有豬油炒到勁香 🤤 食到好飽都想繼續食呢個餐其實都幾正 🤓 可以再encore

尖東帝國中心一樓嘅韓脈，由韓國人主理，連侍應都係韓國人，已經食過唔知幾多次，最鍾意佢哋豐富嘅前菜，同埋每道餸嘅份量都好大！💝❤️醬油蟹蟹肉經過醬油、蒜、薑等醃漬，蟹黃綿密，蟹肉滑嫩如果凍，適合拌飯或單吃，冷食更顯清涼鮮美❤️燒五花肉表面烤至金黃酥脆，帶有微微焦糖與炭燒氣息。肉質肥而不膩：肥瘦肉層次分明，入口先是脆皮嚼感，隨後脂肪融化，釋放肉汁和甜味。搭配大蒜、生菜、辣醬，泡菜，青椒絲享用！❤️韓式牛胸肉大醬湯帶有濃郁的豆香和微微的鹹味，類似味噌，牛肉燉煮後釋放出濃郁的肉香，脂肪融化在湯中，加上大蔥絲和豆腐，帶來豐潤的口感