韓泰太

營業中

休息中

朋友介紹，周日遠赴流浮山，喜遇新寵，韓泰太的極品味美窯燒雞，製作認真，特式地在瓦缸中窯燒，香草之辛香四溢，皮脆肉嫩，肉汁保持，調味醬汁出色，雞胸肉也沾滿醬料不嚡口。這家店位於深灣路，沿着地圖找不難，附近有不少流浮山海鮮老店。韓泰太自成一角，門口及附近可以泊車。露天座位不少，適合大群人燒烤，我們二人內進有冷氣的飯廳，風味不及戶外，但就非常舒適，枱中央有爐頭燒烤。晚上供應任食韓泰燒套餐，每位$278，仲送埋雞，我們兩人一只雞當然意猶未盡！供應最受歡迎嘅肉類，例如西冷、牛舌、牛板腱、豬頸肉、五花腩、蜆、素菜等，特色是可以選擇韓、泰或BBQ式調味，皆做得唔錯，沒有坊間偏鹹的弊病，汽水咖啡茶任飲。吃得又飽又滿意的一餐，真心推薦，值得再訪。

從前來流浮山就被這幢藍白色🩵🤍的建築物所吸引了，外牆畫的壁畫有點神話故事風，而且室內外滿佈燈飾好有氣氛～✨🥰記得在離開香港之前被這裡的西餐洗版，現在就被韓燒洗版，😂這晚終於來到這裡放縱一下，🥳這裡有室內外的用餐位置，室內用的是電磁爐、室外用的是炭爐，這晚有點冷，本身想坐到室內去，但店員強烈建議坐室外會吃得更有feel～❤️在寒冷的天氣襯托下，炭爐更顯溫暖，😳這裡採用自助取食物（$288任食任飲包燒雞）的方式，有雞翼、豬頸肉、芝士腸、海鮮類如蜆等，好多都是已醃製好的肉類，如果不喜歡吃味道濃的朋友，可能就不太對味了～👅可惜蔬菜類的選擇比較少，只有菜肉瓜和生菜，如果多一點就好了～🤗我喜歡燒得剛好香焦的豬頸肉，用生菜🥬包著吃，特別滋味！😋流浮山藍白屋的另一特色是即叫即製的燒雞，一上枱，燒得金黃色的雞隻香噴噴，店員會幫忙切雞，雞皮脆卜卜，雞肉多汁嫩滑，記住要趁熱食～～🫶🏻Info店名：韓泰太 (元朗)地址：元朗流浮山深灣路238號地舖

今日專誠嚟到流浮山食人氣正宗窯雞🐔😍 $288食足120分鐘窯雞+韓燒🤩場地佈置非常有氣氛，打卡一流❤️ 仲有大瓦缸即場燒雞，睇住窯雞熱辣辣起爐好有食慾🍗 隻雞燒得外脆內軟，雞皮非常脆，完全冇多餘油脂，而雞肉好多汁，唔需要任何醬汁都夠晒入味🤤除咗窯雞，仲有好多款燒烤肉類，蔬菜類同海鮮類任食。我最鍾意豬頸肉、五花腩、錫紙白蜆、燒菠蘿🍍飲品類除咗比較少有嘅支裝汽水，仲有好多款罐裝同紙包飲品。不過最推介都係自家製泰式青檸冰😍 雪糕櫃有多款雪糕雪條選擇，有啲款式仲係兒時回憶，記得食多兩件🙈☀️午市時段 12pm-6pm（90分鐘）成人$168/ 小童$118🌙晚市時段 6pm-10pm（2小時）成人$288/ 小童$148雪糕汽水任飲任食/免加一/窯雞任食

餐廳主打烤肉放題, 連名物流浮山窯雞, 都係任食,佢地既窯雞真係必試, 全部即叫即烤, 真係超好味😋 另外仲有多款肉品、海鮮、飲品等, 環境有露天同室內, 即使夏天都唔洗怕熱, 仲提供埋免費泊車! 韓泰太炭燒 $228/位 （假日午市）🍽️ 流浮山窯雞呢個真係必食之選, 餐廳放置咗2個大瓦缸嚟即製窯雞, 用上新鮮雞肉同荔枝炭去烤, 每隻都燒至金黃色, 雞肉皮薄香脆,肉質十級嫩滑, 仲非常juicy, 我將雞肉蘸返流出嚟既雞汁, 雞既油香味同肉香味係口中同時爆發, 超級好食! 🍽️ 自助區肉品方面有牛扒、牛仔骨、豬五花、豬頸肉、雞軟骨、雞翼等, 肉質唔錯亦都醃得夠入味. 海鮮方面有大蝦、金銀蒜焗白蜆、魷魚等, 白蜆都算大粒亦都非常新鮮.另外仲有啲丸類、香腸、蔬菜同菠蘿. 推薦佢地既貢丸, 味道唔錯. 坐低時餐廳會準備一款韓式蘸醬比你配烤肉, 味道小小甜辣, 蘸咗之後會更惹味！🍽️ 甜品 ｜飲品餐廳亦有提供雪糕任食, 當日所見就有Dreyer’s同阿波羅. 飲品方面除咗自助區有汽水、竹蓆茅根等, 亦可以係qr度落單檸茶、奶茶、鴛鴦等, 都幾多選擇.順帶一讚當日餐廳員工都好nice好有禮貌, 仲幫

嗰日我地坐出面，其實唔係好熱嘅，因為有風扇，但係抽煙可以做得更好，我地嗰日每個人都係流住淚食嘢╮⁠(⁠╯⁠_⁠╰⁠)⁠╭窯雞我哋等咗個半鐘先有，老闆話係漏咗單，但係中間我哋催過好多次，啲店員好似懶理咁，好失望，最後嚟到時我哋已經食飽

我在FB看到有人介绍这间韓燒好正，我就決定同friend去试下…其实同BBQ無乜太大差别，只係唔駛用叉燒⋯⋯我地坐低䤞看到個網係reuse 的（覺得唔太干淨，但算啦，火燒过后該可以吧 😌食物就用Q R code点的，但好多野SOLD OUT真的有点失望，好彩隻燒雞令我地开心番，因为系全場最好食😋個人認為每人＄328任食2小时唔太抵，唯一可讚就是隻雞及服务態度很不錯

~ 晚市120分鐘放題$278(免加一)🍖之前食過一次覺得幾正😋，而且上次冇book到位坐唔到室外搞到成日都想試多次😝。今次就預早book咗室外位😎，同埋問清楚泊車優惠(吸飛去隔離停車場有半價)，不過其實我哋夜晚去對面都有錶位泊到🚗。坐出面果然有氣氛好多😚，天氣涼涼地幾舒服。一段時間冇黎都唔同咗好多🤔，依家一坐低會上咗一碟食物，生菜🥬同韓式辣醬先，之後可以再自己係電話再落單📲。而窯雞係即到整燒🔥，所以都要等一段時間⏳，大家就可以食住韓燒先。建議如果決心食幾隻嘅話，要一去到就同店員講定會好d😌。除咗氣氛之外，我覺得用炭火燒都惹味好多，特別係雞軟骨，牛扒等嘅肉類🥩。出乎意外地燒燒賣都好好食😆。肉類仲有三隻唔同口味，可以根據自己喜好選擇。仲有小食同錫紙焗類可以選擇🙂‍↕️。飲品同雪糕都係可以出去自己拎，飲品種類都幾多🧃。而雪糕會間唔中轉下😗，第一次食有Häagen-Dazs，今次就係Dryers，仲有伯爵茶同開心果呢啲特別口味添😜。

流浮山有一間人氣好高既韓燒放題，仲有佢哋好出名嘅窯雞！到咗流浮山迴旋處就見到😍最打卡位當然係佢哋既藍色小屋啦🤓餐廳有室外同埋室內，店員好貼心咁安排我哋坐室內位置，仲安排BB櫈，室內係以電爐為主，佈置比較華麗；室外就好似露營咁以炭爐為主🌟呢度空間感十足，而且Pet-friendly同埋有免費泊車服務，好適合朋友同埋家人聚會。食物種類都有好多選擇，其中包括有牛舌、牛板腱、牛仔骨、西冷、五花腩卷、厚切豬頸肉、雞翼、丸類、司華力腸、鳳梨同埋菜類🍍小朋友最愛食粟米🌽蒜蓉雜菇，真係超級香呀😍我地都encore左唔少🤓用手機QR CODE落單好方便，上菜都好快速✨我哋專誠嚟試嘅窯雞🐔果然冇令我地失望，原隻上抵食呀❤️餐廳用秘製嘅方法醃製，利用炭燒放入特式瓦缸烤焗，香料滲入雞皮同埋雞肉，啖啖肉又嫩滑滴哂油咁超Juicy😆雞皮烤得金黃又脆！食得出師傅製作好認真，果然係餐廳招牌😍甜品仲有任食Häagen-Dazs同埋Dreyer’s雪糕！汽水係玻璃樽超有童年回憶😆餐廳店員都好nice，老闆仲同小朋友玩😝今次我哋係食晚市「太君御燒」120分鐘成人$278/小童$148！汽水任飲，食物甜品窯雞任食，仲免加一收費

上星期同朋友一行6人訂位光顧，限時120mins，$278/位，一張枱6人得一個韓式爐，用掃碼點餐，肉類有bbq味、泰式、韓式選擇，當中都係相同嘅六款肉類選擇，記得當中有雞扒、豬腩，西冷、牛仔骨、牛肋、牛肩胛，一如既往每樣點啲，點知嚟到只係得兩大盤嘅牛仔骨，其餘叫嘅肉乜嘢都冇，千幾蚊就淨係食牛仔骨好啦開始燒，啲肉無論你叫乜嘢味都係得一種味道就係甜….甜到好似食緊甜品咁，根本就食唔到，仲要其中有啲係變咗酸，然後點咗啲蝦，但就梅到不堪，大家完全唔知食咗啲乜嘢，途中叫侍應加多一位，問可唔可以加多個爐，或者加錢加多個爐，個侍應回答冇喎，唔book位冇位添喎，我門口仲有20幾人等緊入枱冇人得閒招呼你喎，只會加張凳俾你㗎咋態度幾咁唔優做於是個朋友唔食就走左呢間餐廳仲話有一個賣點，就係任食窰雞，六個人比一隻你食完一隻先一隻，好啦，咁我食第一隻先啦，啲雞又係梅嘅唔使咬冇牙都食到啊，俾咁多錢做廣告宣傳，但係所有嘢無論服務、食物質素、味道都係勁差，成班朋友一致裁定就算請都唔會再去難食難食難食差差差

上星期去咗流浮山食咗120分鐘任食韓燒同燒雞。門口個招牌好大好搶眼。當日天氣有D曬，坐室外嘅話，感覺會有D熱。。價錢每位係$278，幾抵食！其實星期六日食90分鐘都夠時間，而且每位$168更加抵食。。筆者住喺沙田區，咁啱入元朗探朋友，所以先入元朗流浮山食韓燒。餐廳嘅位置略為有少少偏僻。。。可以揀坐室內或者室外位置，筆者揀咗坐室內。當晚餐廳都頗為爆場，入座率約有八成。。汽水都係任飲，唔洗就住就住，而且雪得好冰凍好GUR喉。。免費提供嘅食材包括有海蝦、豬腩肉、蔬菜等。。仲有魷魚、冬菇等。。仲有雪糕同甜筒任食，所以筆者一口氣食咗三條。。韓泰太窯雞 (流浮山)📍地址:流浮山深灣路238號

入元朗探完朋友，跟住同另一班朋友入流浮山食放題。$328一位，我哋book咗晚上8:00。大概夜晚7:45就去到泊低架車準備入座。我哋都未落單，佢就執咗個拼盤俾我哋，啲肉就真係普通過唔普通。亦都唔想曬太多筆墨去形容。嘢飲櫃同埋甜品都冇refill， Apps裏便好多嘢都售罄咗最搞笑係點牛肉餅同墨魚餅，佢最後來感竟然係牛丸同埋墨魚條，真係O咗嘴。不過講返重點係衝着隻窯雞嚟嘅，呢個都係無限量，不過我哋三個人就唔會浪費食物。叫完一隻食完先至再叫一隻。最後三個人食咗兩隻。第一隻外皮過火咗少少，第二隻燒到超金黃。不過兩隻嘅肉質都超出色，個皮脆脆的同炸子雞完全係兩回事。國際殼裏便啲醃料唔算太重味，但係啲rosemary再落咗好多超香勁鍾意。同埋隻雞一撕開個雞髀之後啲雞油同埋啲肉汁漏晒出嚟如果有麵包沾來吃都好癲下。講開今晚勁凍雪櫃淨係得返汽水，紙包茶都得兩包，最後要落水吧，沖熱檸水保暖。事次用餐為自費，該食評味道評分只係給予燒窯雞。

窯雞大大隻，皮脆、肉嫩多汁，好正👍其他食品正常唔錯蝦、蜆唔算好大隻，但係一啲都唔細隻，食物種類都算係咁上下環境乾淨企理，值得一試飲品、雪糕任食，汽水仲要係支裝汽水👍

好耐之前見過啲間希臘艾神神話屋，今日終於都嚟到打卡啦！除咗環境好靚，啲度有間超正既即烤秘製窯雞同炭火燒烤任食，可以無限encore 原隻窯雞，雪糕、汽水、港式茶飲等任飲任食，仲要全日免收加一，性價比極高。喺天水圍西鐵站外面搭K65巴士約20分鐘車程就到。午餐90分鐘燒烤放題＄ 價錢：成人＄168/位，小童＄118/位推介：任食即叫即燒窯雞兩大個瓦缸即場炭燒，熱辣辣出爐，雞皮燒到超薄脆脹卜卜，肉質非常嫩滑。重點係可以任叫！！韓泰港式炭火 BBQ放題呢度用荔枝炭燒烤，燒出嚟既肉帶有微微既炭香味，正。食物種類繁多，牛板腱、牛舌、西冷、雞翼、五花腩卷、厚切豬柳、厚切豬頸肉等等。配菜方面分別有丸類、芝士腸、鳳梨、南瓜、翠肉瓜、冬菇等，仲有錫箔紙蒜蓉自蜆同牛油野菌！雪糕都係任食，特別推薦開心果甜筒。$168 有咁多嘢食，真心推薦同朋友、屋企人一齊去食餐飽。

今日放假一家大細專登揸車入嚟嘗試一下，本身我地全家對食雞都有點要求的，結果冇失望隻燒雞太好食加上佢原隻上要自行處理，忘記影相😿其他肉類食物不過不失，另外小朋友110cm以下都免費。一個開心的午餐。雪糕任食小朋友超開心，有位置比小朋友走動，不過對出係馬路都要睇實D。有少量免費泊車位。坐位有室外及室內。

一直鍾情於燒窯雞，終於俾我搵到間，可以坐喺度慢慢食，除左食雞之外，重可以食埋燒烤，價錢都好抵6:00前$168食90分鐘6:00後$278食120分鐘同埋佢地係玻璃樽裝既汽水🥤任飲吾嬲餐廳環境舒適打卡就岩曬了，一班朋友嚟聚會都好適合外面泊車好方便，勁多位置燒窯雞色澤情金黃飽滿，雞肉肉質嫩滑，一口咬下去爆多肉汁，而且窯燒雞好入味、怪唔得門口要排隊果然名不虛傳另外燒肉款式都幾多，重有3個味道選擇，個人認為牛仔骨好食甜品方便有雪糕🍦Dreyer’s都有，抵讚