韓正屋韓國料理 (海壩街)

營業中

休息中

依間韓國小店主要做街坊生意 裝飾比較樸實 不過價錢合理 自己同埋朋友都食過好幾次 疫情期間就買外賣支持下 我地兩個嗌咗個二人套餐C $220可以簡兩款小菜（涼拌韓國海帶&泡菜炒蓮藕）海帶好開胃 份量都好多蓮藕略嫌唔太爽 帶泡菜汁既辣勁石頭傳統雜錦牛肉飯有隻半熟蛋 牛肉 木耳絲 芽菜 菠菜 甘荀絲 翠肉瓜絲 牛肉好夠味 勁豐富 又比較健康 辣醬另上 鐘意食辣既人一定要落 撈埋一齊勁惹味☺️鐵板燒牛仔骨🐮食左好多次 次次都覺得好好食 牛仔骨好多塊 份量好足 雖然外賣就無得好似堂食咁用鐵板上發出滋滋聲同可以保持有熱度 少左風味 但味道一啲都不減 我諗用左水果蔬菜做醃製 牛仔骨味道甜甜 肉質軟腍多肉 好易離骨 同碗白飯一齊食真絕配～～海鮮純豆腐湯微辣 豆腐幾夠滑 海鮮都幾多 有蝦有蜆肉有魷魚 好足料 仲有一隻流心蛋 湯飯開胃易入口檸檬茶係水準之上 夠甜夠茶味😆

疫情好轉了一點，政府放寬晚飯堂食時間後，我和朋友忍不住星期天出外吃一餐晚飯，很久沒吃韓餐所以來到荃灣海壩街的「韓正屋」。我們點了二人套餐C，有鐵板燒牛仔骨，海鮮純豆腐湯，石鍋傳統雜錦飯，奉送前菜、白飯及飲品。「 鐵板燒牛仔骨」大大塊，牛肉味香濃惹味，啖啖肉，送飯一流。「海鮮純豆腐湯」湯底香辣，豆腐很滑，還是蜆肉的鮮甜。「石鍋傳統雜錦飯」選了豬肉，蔬菜十分多，飯量也不少，混了韓式辣醬後相當美味。有多款韓式前菜選擇，我們選了芽菜同泡菜，味道也很不錯。飲品方面， 蜂蜜紅棗茶及蜂蜜生薑茶都很有韓式風味。

呢排晚市都無得係街食飯 相信好多返工一族都好似我咁 習慣左買外賣返屋企食了😂住荃灣既我都叫做多嘢食選擇呢日我就買左韓正屋既二人套餐 因為夜晚唔會食得太多既關係 我同屋企人三個食都很可以！份量好足夠呢~.呢個二人套餐有2款前菜 3款主食 2款飲品前菜揀左菠菜同韓國海帶 2款都好食 尤其係海帶 酸酸地好開胃主食係鐵板燒牛肉 石頭傳統雜錦豬肉飯同人參雞湯雞湯係成隻雞係度 切開入面仲有糯米飯 紅棗 栗子🌰白果 等等個湯好鮮甜 人參味岩岩好 唔會太咸鐵板燒同石頭飯都可以揀牛肉/豬肉/雞肉就算唔食牛既人都唔洗擔心。鐵板燒牛肉就算拎到返屋企都唔韌 相信堂食食既話會更正 好多牛肉👍🏻非常足料.石頭飯舖滿荳芽 蘿蔔絲 雲耳絲 雜菜 蛋等等底下既飯同豬肉已經炒好入曬味 我地只需要mix勻所有材料就食得❤️雖然石頭飯應該熱到滾食既 不過外賣食都唔錯可以同屋企人share 慢慢食😍.

肺炎疫情下,，好耐無得旅行為左一解思鄉情切，就決定朝早睇韓片晏就食韓野，享受一下好似反左鄉下咁今日就來左荃灣試下呢間韓正屋，我地就叫左一個二人餐有鐵板牛仔骨，海鮮豆腐湯同一個石頭鍋飯，有自選2個前菜仲包2杯飲品叫左杯蜂蜜蘋果茶🍎有粒粒果肉同杯好養生嘅蜂蜜紅棗茶個石頭鍋飯，可以揀雞/牛/豬我地叫左雞🐥上菜嘅時候個鍋仲係好熱飯中間仲有一隻半熟太陽蛋，配菜有芽菜，翠玉瓜，紅蘿蔔，豬肉同埋菠菜我地都唔太食得辣，所以就辣醬落左小小都好夠🌶🌶🌶🌶海鮮豆腐湯就偏辣，但用來撈飯就岩岩好而個牛仔骨就十分之適個燶骨人士因為牛仔骨並不是太靭，十分客易咬開😍

今天晚上不想煮飯，在福來邨附近發現這家韓正屋韓國料理，就外賣自取回家慢慢食。餐廳有不同的韓國菜選擇，有豬肉、牛肉、海鮮等，另外亦有近年大熱的韓式炸雞及各式主食，亦有多款二人/四人套餐。今晚就試了一個二人A餐。前菜兩款前菜選擇了涼拌芽菜及泡菜蓮藕，芽菜油而不膩，而蓮藕香辣開胃。韓式煎泡菜餅這客泡菜煎餅是比較偏韓式家庭風的做法，不像太多數韓式餐廳做得薄脆，這個煎餅外層香脆而內裡十分厚實，厚厚的泡菜作為餡料，酸香爽脆，韓味十足。炆牛肋骨煲份量極之巨大，像面盆般大的外賣碗內共有三大件牛肋骨，湯底不但十分和味而且層次豐富細緻，純粹天然真味，而牛肋骨炆煮軟嫩入味，肥瘦相間的牛肋肉酥香腴美芳縈齒頰，令人回味。石頭傳統雜錦豬肉飯韓式的石頭拌飯，雖然因外賣而沒有熱烘烘的石頭香氣，但將米飯、配料和韓式醬汁拌好，醬汁特別醇厚，鹹香、酸甜、辛辣三味平衡，每一啖都滋味豐美，也有口感與味道變化不一的驚喜。韓國柚子菜/蜂蜜紅棗菜跟餐亦奉送飲品，純粹天然果酸果香，蜜味比一般的糖醋美妙得多，酸甜適口，腴而不膩，是夏日佳饌。

韓式料理三曲之二親民價，唔洗等位，吸引同P爺踏上韓國料理三步曲，上次傳統韓燒之夜是首步曲，今次是第二集，地點是荃灣海壩街，冷門位置，嚴格來說是街坊小店，開業已6年多，食品同質素已得到食客的肯定。點舖面積不大，枱子約15張，但多數也不用等位，實在太正。服務員態度ok, 下單快靚正食品是最熱門的菜式，部隊火鍋，石頭飯，拉麵，便當飯等，配以肉類主題，豬，牛，雞，相信男士女士也滿意。大家可試海帶冷盤，鮮甜香，非常驚喜整體滿意，價位良心，食到飽飽也是$200左右，好食，抵食，長期有位，是最大賣點

叫咗5樣野啦 啲嘢食都ok 價錢方便都ok 但係係服務態度方面就真係一般啦 本身好開心係同媽咪同男朋友提前慶祝母親節點知...入面嘅服務態度真係搞唔掂。有待改善雖然依家疫情冇咩個案。但係都唔應該將啲刀叉放喺啲食物上面囉 重點係刀叉乾唔乾淨🤦🏼‍♀️

第一次來這間韓式街坊小店，朋友說這小店在荃灣民生區原來已經開了多年了。食物還挺不錯。泡菜餃子豆腐湯：一向鐘愛泡菜滑豆腐湯，這個湯可以任意配搭餃子、豬肉、牛肉等等。韓正屋的泡菜餃子豆腐湯的酸道和濃道都是我喜歡的，大愛。韓式壽司：不太道地，有點乾，沒有了傳統韓式飯捲上的麻油味。韓式泡菜煎餅：不過不失韓式炸雞：味道不錯、雞肉嫰滑，不過倒像港式炸雞，不太是韓式。整體不錯，性價比高，會再來吃泡菜滑豆腐湯。

放左工想食下辣野最後貢左入呢間韓正屋~ 作為閒時既晚餐我地唔係叫左好多野，要左一份芝士拉絲辣炒年糕、一份炸雞同一個迷你部隊鍋配飯。迷你部隊鍋料都唔少有午餐肉、司華力腸、脆皮腸、金菇、豆腐、泡菜等，湯底小辣配飯好正。張烈推薦韓式炸雞。48蚊6件大大粒性價比好高， 每粒雞新鮮炸好香口點埋醬汁不得了~ 仲要係冇骨既，可以安心大大啖啃落去～拉絲芝士年糕都多芝士，年糕份量唔少，仲有魚角同魚蛋，又係配飯一流。辣炒年糕加芝士呢個配搭好好，香口又唔會太膩。今餐加埋食左150，韓國野嚟講算好抵食，肚餓不妨試試～

星期六晚路德圍冇曬車位 兜左個圈去海壩街先有位泊見隔離呢間韓正屋唔駛等位就諗住試吓啦其實韓國嘢好難唔好食唔知係我唔識嗌丫定係真係唔好彩🇰🇷水冷麵啲牛肉。。。硬到咬唔爛麵質還可以 但係個汁又太酸🇰🇷見到依碟野我呆左會唔會有人可以解釋下點解kimbap要點豉油😱🇰🇷人蔘雞湯 個雞勁乾柴入面都有糯米 有疑似人蔘同紅棗咁但係個湯完全冇人蔘味 得個鹹字雞肉又係硬過石頭我最鍾意食人蔘雞湯平時可以一個人食晒成隻今次 我真係認輸唔想浪費食物 所以用個湯撈白飯食但係啲雞肉真係食唔到了朋友話杯奶茶都好麻麻地唉 價錢係平 但係...

最近係荃灣不斷搵食，發現左一條食街，餐廳午餐價錢around HK$50-$60呢間餐廳都有唔少餐可以揀，我叫左個R2 set，有一碗蒜茸海帶湯，一杯免費熱飲，一個石頭鍋飯。個石頭鍋飯上菜嘅時候仲係好熱辣辣，可以聽到「炸炸聲」，飯中間仲有一隻半熟太陽蛋，配菜有芽菜，翠玉瓜，紅蘿蔔，豬肉同埋菠菜。辣醬另上。雖然有咁多配菜，但係除左豬肉，全部都冇味，我自己本身都唔係重口味嘅人，真係食唔出有咩味。而辣醬方面，又係一啲味都冇。值得一贊的是，飯焦好食

#韓式料理 #石頭鍋飯 好少可平時對食無要求既朋友都俾差評「唔好食」😔明明openrice 既評價幾好石頭芝士香辣豬肉飯 $65跟海帶湯✔️上枱果時個石頭鍋都幾熱辣辣既，個鍋睇得出有d歷史🙈✔️韓式辣醬另上幾好，有d人唔食得辣就落少d, 我就落晒全碟辣醬都唔覺得辣✔️芝士雖無張圖咁多，但都收貨既.✖️可惜既係落晒成碗醬，撈得勁勻都無用，味道好明顯同出面食既有差，豬肉味道亦都唔夠，同埋又嚡又乾😔板燒飯泡菜炒豬腩肉(無影相) $46😔原來呢個無海帶湯✖️上枱果時都無果種想夾佢果碟既衝動✖️朋友食呢個，唔知有幾難食，但連佢都話難食就肯定.... 🔹老實講佢唔貴，不過如果真係想食韓國野，🙈我寧願俾貴少少食其他餐廳======================#foodreview_junjunjunko#hkfood_荃灣#junjunscore3/10

一年前四處尋找韓式美食，呢間試過我記憶之中係好滿意嘅，但今次真係有少少失望 先叫一個韓式海鮮雜錦烏冬，嚟到嘅時候我差不多淨係見到湯， 最特別之處就係佢四五隻蝦都未解凍黐埋一嚿，個湯底做充滿雪櫃味同腥味 之後再點一個韓式牛肉年糕湯拉麵，牛肉夠曬韌成碗麵同漿糊冇分別， 湯底嘅味道唔使講一個字淡， 最後點咗個韓式海鮮煎餅， 佢嘅特色就係粉夠多海鮮夠曬少，成餐飯最好味就係罐雪碧，本來我寫食評從來都唔想批評人， 但今餐飯實在太唔好味， 我只係覺得可惜一間好味嘅飯店 點解會有咁大嘅轉變， 希望今次嘅批評 會提點到佢哋下次再去嘅時候可以食返我上年嘅味道！

呢排實在好想食泡菜鍋，荃灣韓國野大多都係韓燒同炸雞🍗，但甘岩俾我搵到呢間🤗👏🏻，所以就拉埋老公去試下喇去到門口，逼就逼左小小囉，同埋得兩個位簡，一係坐門口，一係坐近廚房果張，甘我地簡左後者，除左有個staff係甘dum碗黎發洩情緒造成噪音污染之外都冇咩特別野，「香港人：你有壓力，我有壓力，明既」😂入返正題，老公簡左芝士牛肉石頭鍋飯，我要左泡菜豆腐豬肉鍋，同埋要左個辣炒年糕，首先講講個石頭鍋飯先，芝士都做到拉絲效果但唔係拉到好長，還好啦，唔係特別好食然後到我既泡菜豆腐豬肉鍋，講到底我都係為左佢而黎，入面有兩三塊泡菜，金菇，豬肉（都幾鞋），豆腐，ummm....冇太大驚喜，中規中矩啦，辣少少咸少少會好d,個人比較重口味😂然後就到年糕出場，冇芝麻喺面未至於扣至負分吧！完全係韌到食緊橡筋d friend🌚都幾難食🤭，辣炒年糕講真都幾難整得難食，好似係，🤦🏻‍♀️睇佢個樣就正正常常，果然_不可貌相呀下😂😂總括黎講，可以一試但唔洗食多次🥰🤤🤤係幾平😀😀，埋單都係$280，出tst韓國街點止呢個價，不過一分錢一分貨喎🙃

上次係荃灣海壩街食完日式菜，就見到附近呢間既韓國菜，價錢平、啲相既賣相好吸引，所以尋日就特登去食啦～去到唔洗等位之餘， 仲冇乜人，坐得好舒服，上菜亦都好快。見到有二人餐好平，但係因為想食唔同款既野，所以都係分開嗌啦！迷你部隊鍋 $59迷你部隊鍋係用泡菜湯底，再配以腸仔、午餐肉、 金菇等等。 泡菜湯底唔夠辣，反而酸味較重， 但係我自己鍾意食酸嘢所以我就覺得唔會錯，但係朋友就覺得酸味太重。韓式豬肉湯年糕 $49豬肉湯年糕係用泡菜加豬肉熬成嘅湯底，豬肉都吸收左泡菜湯嘅味道，好香口！ 就算係麵粉做成、無味嘅年糕配合埋呢個湯都好香好好食！韓式炸雞 $48炸雞睇得出係即炸嘅，端出嚟嘅時候熱辣辣，令人流晒口水。 而且雞肉嫩滑，但係缺點就係雞皮唔太脆！以呢個價錢嚟講，食到一餐呢個份量同質素嘅韓國嘢食真係好抵！