韓屋

營業中

休息中

尖沙咀金巴利道及金巴利街有好多韓國餐廳，見呢間特別多人排隊。餐廳只有湯，拌飯及餃子三大類別，選擇唔算多，呢幾日咁凍就點個湯同石鍋拌飯暖下啦。① 雪濃湯 $148雪濃湯用牛骨，牛肉，洋蔥熬煮而成。味道飲落較為清淡，同平時食開偏濃味的韓菜有截然不同的感覺，朋友話響韓國飲都係呢個味道，牛肉好腍。② 炒豬肉石鍋芝士拌飯 $138賣相好豐富，見到有好多配料，有菠菜，菇，蘿蔔，芽菜，瓜，紫菜等，加埋個醬一邊撈就見到有豬肉片，以及芝士拌勻紅米飯的拉絲效果，食到邊位仲有飯焦，正！③ 帝皇蟹膏蟹肉煎餃子 $88煎餃子幾香脆可口而不覺油膩，可惜唔係好食到蟹味。見到隔離枱叫蒸餃，大大隻響個蒸籠仲吸引，不過已經飽飽地，唯有留返下次再黎先食！

呢一晚同朋友食飯 朋友建議去食韓國餐🇰🇷我地就揀左位於尖沙咀既 韓屋📍-這家都係位於尖沙咀的韓國街小店💡食物方面，這間主要是湯飯同餃子為主🥣🥟我地點了牛排骨湯 加配韓國紅米飯🍚好暖胃呀! 同埋味精唔會好重，好順口✔️入面除左肉仲有少少粉絲，建議加紅米飯就會飽D😆-餃子方面，我地都點了幾款好試首先點左醬牛小排餃子（5隻）有紮實的餡料，食得出有牛肉，唔錯不過價錢就偏貴❗️-另外，我地再點左好大隻既餃子王同泡菜餃子王🥟呢個係巨大隻餃子，味道正常 就真係好大隻'-飲品我地點左韓國蜜桃梳打同韓國果肉果汁（蜜桃）🍑正常發揮!-唔錯既韓國小店，價錢合理不過環境同空間的確比較少⚠️呢點要留意‼️

本人第一次到店，因屋企人曾經試過，介紹我們到店嘗試。先講食物質素，非常一般，沒有特別。我想反映的是服務，女店員態度非常非常差，完全沒有辦法接受。我們一開始點餐詢問了人蔘雞湯有沒有跟飯，她說沒有，要另外加點。因當天我們不是太餓，想著看看份量才決定要不要加飯。人蔘雞到了，我們決定加一碗白飯，女店員回應沒有白飯，我們便覺得奇怪，再追問下她說只有紅米飯…….. 其實點解一開始不能解釋清楚？跟住還用極差的態度說：咁你而家加唔加？之後我同屋企人都非常氣憤，這位女店員還說：你可以而家離開，我可以唔收你錢。這是什麼態度？？？趕客嗎？？？我從未試過去一間餐廳會有咁嘅服務！！真的十分過份。如果可以給負分，這間餐廳一定是負分。

呢間韓國餐廳嘅環境同食物都好有家嘅感覺雖然冇炸雞食，但係有好多唔同味道嘅餃子有煎餃，又有蒸餃，仲有唔同味道嘅湯☺️☺️☺️🤎炒豬肉拌飯🐷🍚有超級多配料，有芽菜、蘿蔔、菇、菠菜、紫菜仲有豬肉本身我唔係好食辣，但係加埋佢個辣醬非常夾仲唔會太辣添，越食越香越好味😋😋😋🤎特大餃子煎餅🥟呢個餃子好得意，係扁咗又大嘅餃子個樣就好似煎餅咁，個皮有少少脆入面就有豬肉碎、粉絲、韭菜😚😚😚🤎帝皇蟹膏蟹肉煎餃子🦀🥟同樣都有韭菜豬肉，粉絲不過就再加埋蟹膏同埋蟹肉好多餡料，好豐富🤩🤩🤩🤎韓國果肉果汁(桃味)好似粒粒橙汁咁入面有好多果肉好甜，好好味🤤🤤🤤🤎柚子味燒酒🍶食韓國嘢梗係要飲燒酒今次柚子味燒酒都幾夾🤭🤭🤭

🥟🇰🇷🍲定價過高韓國菜▫️設加一▫️前菜只有一小碟泡菜蘿蔔🆗餃子王 / 泡菜餃子王 - $18@1餃子雖然比平時食嗰啲大隻，但係都唔算係超級大。用迷你蒸籠一粒一籠甘上，係幾好睇。雖然都足料，但價錢黎講都幾貴，加埋一要20幾蚊一隻餃子。原味就是韭菜餃，泡菜味較辣較香口。🆗牛膝骨湯 -$148飯同麵都要加錢，所以冇叫了。湯應該冇味精，飲完夜晚唔會口渴。牛筋煮得好腍，似係淆左好耐，除了幾件牛筋，就只有一堆葱，性價比吾太高。🆗帝皇蟹膏蟹肉煎餃子 - $88/5隻🆗醬牛小排蒸餃子 - $88/5隻叫咗一款蒸餃一款煎餃，兩款都唔平，連埋加一差唔多要$20@，但係餃子唔大隻，同普通港式餃子店$4隻嘅差唔多，煎餃子個皮幾脆，入面嘅肉整到好碎，一pat野甘，有味但冇咩口感，其實都幾似超市買一袋嗰啲韓式餃子。🥢吾係難食，但性價比低，呢間嘢應該冇下次

尖沙咀屹立不倒嘅韓式小店🇰🇷好耐之前同朋友食過餐廳座位唔多 記住預先訂位星期六門口大排長龍～食物分量足夠 兩個人都唔係好食得晒🤤💰人均$400@2🍚🧀炒豬肉石鍋芝士拌飯 $128有齊各種配料 石鍋保持飯嘅溫度熱辣辣非常正😍 仲有啲飯焦🐔人蔘雞湯 $168原隻人蔘雞 非常滑嫩 落足料‼️天氣凍飲返碗傳統湯品 非常滋潤食到底仲有粥底 可以填下肚～🥟泡菜餃子 $18@1比想像中大隻🤤餃子可以散叫 裡面餡料豐富有齊粉絲、紅蘿蔔絲等等

說到韓國菜🇰🇷多數也會想起燒烤🔥炸雞🍗醬油蟹🦀其實他們的餃子🥟及人蔘雞🐣也是非常美味😃這間韓式小屋，主打傳統韓式人參雞🥘多種藥材與嫩雞熬出的美味具有高度營養價值雞湯熬製3小時以上，湯頭濃郁層次豐富雞肉柔軟嫩滑，入口即化🤤冬季進補最適合😙燒得發燙的石鍋飯🍚 加上特製的辣椒醬，辣中帶甜🌶️撈埋醬牛肉🥩及拉絲芝士🧀快速攪拌🍴香氣十足，白飯也變成焦黃的鍋巴😍韓式餃子好大隻，皮薄煙靭，入面充滿美味嘅豬肉餡料，非常飽滿，蟹肉煎餃顏色金黃，香脆可口，蟹膏味道甘香，蟹肉鮮甜美味😋

呢間喺韓國街嘅小店開左都好幾年 間唔中都見到有人排隊等位 加上店面粉紅色夠搶眼 就同朋友試試 原來係主打家庭式健康料理 同一般重口味嘅韓國菜唔同 🍲泡菜湯所有湯都可以加配紫米飯或者蕎麥麵 非常健康 呢款有齊泡菜 芽菜 豆腐 少量豬肉 飲落微辣幾開胃 泡菜依然幾爽口 標榜無味精 食完又真係唔口渇 🍛炒豬肉拌飯足料大碟 配料都係蔬菜絲+肉+紫菜+韓式甜辣醬之類 特別嘅係用紫米飯 健康之餘 米飯更有口感同更香 🥟餃子王非常大粒 用個mini蒸籠載住好得意 餃子外皮好煙靱 肉餡係豬肉粉絲 飽滿好味 有原味同泡菜味 兩款都好食

尖沙咀韓國街充斥大大小小嘅韓式餐廳,大部份不是炸雞就是燒烤. 當中「韓屋」卻別樹一格,主打煮出零味精,零防腐劑韓式住家熱湯及家常菜.食過依餐飯完全打破一貫韓國油膩,重口味感覺.清淡而健康韓菜反而更有新鮮感～🔸蔘雞湯($168)將雞填入人蔘,大棗,板粟,松子仁,糯米,大蒜等食材,經長時間熬煮而成.人蔘香氣與雞肉融合,鮮甜滋潤,暖笠笠🔸醬炒豬肉芝士石鍋拌飯($138)石鍋用上紫米飯,口感煙韌更健康,底部略帶飯焦.配料相當豐富,大部分為蔬菜,菇菌類,加上醬炒豬肉質亦軟腍.攪拌時,芝士做出拉絲效果.雖然有別於一般重口味感覺,但反而挺喜歡～🔸餃子王($18)🔸泡菜餃子王($18)最招牌籠仔餃子王,皮薄餡多.餡料有豬肉,韮菜及粉絲.入口綿滑,菜份量多,食落更健康而泡菜口味更添多點泡菜酸甜

依間韓國餐廳廚師係韓國人，所以食物主要都係平時韓國人常吃的家常菜，而且標榜係冇落味精🙈🙈講到咁梗係要試吓啦餃子湯 $148 推薦指數🗯️：🌟🌟🌟🌟有五隻飽滿大隻的餃子，每一隻都超級足料，不過皮就厚咗少少，但係可以接受的程度；湯底一開始飲落去比較清淡，慢慢紫菜嘅味道滲出，會變濃味啲，但絕對唔係鹹係大人小朋友都會鍾意嘅味道，而且能配飯（+$20）還是素麵（+$25）都好適合，或者就咁食都已經好滿足雪濃湯 $148 推薦指數🗯️：🌟🌟🌟🌟聞落好普通，但一飲落就發現，個湯全部都係精華，牛肉味超濃！而且係清甜那種，就算一下子飲完都唔會需要飲水嗰種；湯入面嘅牛肉食落都好嫰，最重要嘅係一定要泡飯一齊食！等行吸收晒湯再食，真係超級滿足🤤泡菜餃子王 $18（隻） 推薦指數🗯️：🌟🌟🌟🌟份量的確比普通餃子大隻好多，而且個皮薄皮好多，但係唔知係咪我放耐咗先食，所以個皮有點乾，但係餡料豐富，而且泡菜味辣辣哋好惹味，所以整體都不錯✨整體來講，湯應該真係冇落味精去烹製，因為我食完冇飲水都唔覺口乾，價錢收費都算合適，可以一試

韓屋呢間韓式小店相信大家都唔陌生，係長期人氣小店，之前👧🏻都同朋友食過幾鐘意！今次就帶埋👦🏻一齊食！(提提大家最好訂定位)🌟醬炒牛肉石鍋芝士拌飯店員會協助拌勻拌飯，混入甜辣醬後唔會太搶味，加入海量既芝士🧀就可以無限拉芝，味道亦相當濃郁。拌飯配料有紫菜、紅蘿蔔🥕、大荳芽、翠玉瓜等，而飯底就用上紅米，石鍋🪨夠烤得熱，飯帶焦香。不論味道、口感、顏色🌈都相當豐富。🌟人參雞湯冬天緊係要飲熱湯暖下胃，餐廳提供唔少湯品，而👦🏻👧🏻就揀咗最傳統既人參雞湯。雞肉即使煮得好耐都唔鞋口，硬骨頭都煮到淋曬！雞肉內釀入糯米飯🍚，黏黏地好軟身。湯內亦有不少人參夠曬回甘。🌟煎醬牛小排餃子相信餃子係半煎炸，皮脆內餡幾重牛肉味又Juciy💦！🌟餃子皇蒸餃相比煎餃🥟既餃子皮更煙韌，皮薄餡靚！一隻餃子皇基本上有手掌心✋咁大，釀有菜肉+粉絲。

店名/Shop Name：韓屋地址/ Adresss: 尖沙咀金巴利道69-71A號美園大廈地舖種類/Type：韓式／晚餐推介/Recommend：SAMGYETANG蔘雞湯人均價錢：$150/人店舖環境: 裝修簡潔明亮的小店交通:尖沙咀地鐵站D出口行7分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️食物口味:⭐️⭐️⭐️⭐️SAMGYETANG蔘雞湯⭐️⭐️⭐️⭐️⭐️&168人蔘雞湯用石鍋盛載，上枱時熱辣辣，材料十足，見到全隻雞和人蔘，人蔘味濃郁，飲料之後身體感到很暖和，雞中間有糯米蓮子，口感更為豐富gunmandu （5）韓式煎餃子⭐️⭐️⭐️⭐️$78煎餃子上枱要立即食，外皮脆卜卜，內裏有粉絲蔬菜和肉，不用點任何醬料已經非常好味mandu（5）蒸餃子⭐️⭐️⭐️⭐️⭐️$78蒸餃子外皮煙靭，餡料豐富，每一口都滿滿的幸福感#韓屋 #尖沙咀 #蒸餃子 #蔘雞湯 #韓式煎餃子 #SAMGYETANG # mandu # gunmandu

再訪高質素知名韓國餐廳💖 餐廳氣氛熱鬧，環境乾淨企理，坐得舒服～食物方面主打養生湯品，另外有各款熱石鍋拌飯、韓式蒸餃及煎餃🥣 店員服務態度很好～晚市二人消費：$397 🫧包括一服務費🫧💖💖💖食評💖💖💖 點完餐後店員會上免費前菜: 韓式醃蘿蔔，口感爽脆，味道微辣 非常開胃蔘雞湯 $168必食！十分香濃的雞湯🤩 用原隻嫩雞熬製而成，十分足料🤤 肉質非常軟腍，雞肉包裹著糯米及人蔘，好滋補，口感味道一流😚牛膝骨湯 $148有驚喜👍🏻 湯底鮮甜 不會鹹，大量牛膝軟骨，滿滿的膠原蛋白，嫩滑彈牙 口感一流💯 紅米飯 +$20推薦加飯倒入湯吃，好味又飽肚☺️韓國果肉果汁（梨） $25好清甜，含有豐富果肉，好好飲~

未開始食已經成肚氣，點解Book左8點，都可以唔留坐比人，咁Book黎做咩？早到左5Mins，見到有位，以為已經留左位比8點已Book桌人士，姐係我，點點點知，個職員無啦啦比左另一人入左去坐，之後同職員講Book左8點，佢先恍然大悟咁，叫我等等？咩話等等？我Book左桌仲要我等，係咩一回事，如果Book桌都要得，咁就唔洗Book，直接排隊啦!真係非常有問題，之後點食都冇用，我味道已經比依個咁差既服務影響曬

💪🏻 醬炒牛肉拌飯 ($118)拌飯嘅配料非常豐富，當中有牛肉、紅蘿蔔、菠菜、芽菜、紫菜等，最特別嘅係佢嘅飯係用紅米、紫米為主，非常有營養😋 亦都較低升糖指數！另外，拌飯嘅味道都十分出色🤤 雖然係紅米，但煮得啱啱好，唔會太硬又唔會濕。而且拌飯嘅甜醬都好香甜，食晒成碗飯都好滿足🥰💪🏻 蔘雞湯 ($168)呢個蔘雞湯都好足料，有差唔多一隻春雞嘅份量，而且啲雞肉（甚至連雞骨）都煮得好淋，好綿，入口即化嘅感覺😋 湯底都有幾支人蔘，令湯底有健人蔘香味！另外，湯底都有米粥，令到個湯更飽滿。💪🏻 蒸餃子 ($78)餃子餡係韭菜豬肉，韭菜味香濃。而且餃子皮都薄！味道：8.5/10性價比：7/10 食住瘦指數：💪🏻💪🏻💪🏻/5