靠得住粥麵小館 (黃大仙中心北館)

營業中

休息中

又一個收工的晚上，相約男友到黃大仙，苦惱多時也決定不到吃哪一家餐廳，最終選擇了有小菜、粥粉麵的「靠得住粥麵小廚」，晚市需加一但免茶芥，蘋果茶啖啖蘋果清香；以黃大仙中心來說，價格合理-白灼豬腰豬潤 $58豬腰豬潤皆厚切，豬腰軟滑有豬腰獨特的味道，腥味已被去掉大部份：豬潤鬆軟綿滑，沒有異味，加上芽菜、薑蔥、花生及特製豉油，還不錯-淨鳳城水餃 $48共 5 粒，外皮略厚，湯頭略帶鹼水味道；蝦肉鮮味微爽，木耳爽脆，配搭豬肉及大地魚粉，表現平穩-黃金魚腐魚湯浸時蔬 $88以砂鍋盛載，泥爐保持熱度，加分！湯頭清甜帶蝦籽味道，魚腐軟滑帶淡淡的魚香；娃娃菜鮮嫩吸湯，是一道健康的菜式-鮮磨腰果露 $12 (外帶)腰果露面鋪上腰果，盡顯誠意；濃稠的質感，吃到腰果的甜香，甜度剛好

「靠得住」的「心肝寶貝粥」真係好正，有好多件豬膶及帶子，每當我牙齒有問題或想輕食嘅時候一定會嚟呢度食，呢度啲粥一向有水準，呢款就係我嘅至愛，皆因猪膶够嫩滑，帶子有鮮味，所以選擇食材是相當重要的，貴一點也是值得的😋

適逢春節假期，周圍食肆都休息，發現靠得住居然有開，於是決定來個午餐歎個茶午餐~~東江鹽焗雞(四分一隻)配香米白飯 $74加蘋果红茶(每壺) +$10鹽焗雞味道稍為略咸，雞肉偏瘦但算滑，蘋果茶帶有微微蘋果香，整體不過不失。

在香港吃粥粉面，不但是廣東人的基本簡吃，更是最便宜的餐食。由於現時很多商場內的店成本效高，所以成本低的餐食如粥粉面的很少機會會開店。靠得住就是現在在商場的店鋪，成本高而引致餐吃也高了不少，店內提供的粉面粥46元可算是不離譜。可惜，吃这种簡吃食品看不價格不太值。沒辦法，附近已找不到想吃的云吞面了，誰知道，靠得住呈上的雲吞面，湯和面是分開上的，湯從壼內在客人面前倒出，令你明白餐廳對食的講究，令面條保持彈性美味，不致被湯泡著。就這一下，心里便感到贵的部分值了。不錯！

收銀員服務超不堪，問多一句晦氣回答。我不清楚買餸有一碗飯跟，只係多口問多句，就不耐煩大聲講“有㗎”，使唔使咁呢？花了168.00外賣，雖然唔算多錢，但亦冇理由受啲咁嘅氣。

以前嘅靠得住係靠得住嘅，而家係十萬個靠唔住！冇一樣嘢好食全部上枱嘅食物都只係暖，應該係廚房準備晒擺喺度，然後攞出嚟😡$32混醬腸粉，簡直係混帳！唔熱都算，仲係超難食！雲吞麵啲面係林到阿婆冇牙都食得。最離譜係乾炒牛河收$88係微暖，冇味！啲炒飯離譜到一啲味都冇可能啲鹽好貴，未至凍冰冰，但係只係暖暖地😡總言之，真係一定唔可以再去！浪費錢都算浪費咗自己個胃空間！一間食肆最重要係食物嘅質素，連最基本嘅事情都做唔到，倒不如快啲關門!

坐低唔知要自己素描落單，叫人寫嘢望到手指指下枱面先知用QR,落單，想要杯水，原來要自己攞，一碟水餃撈麵加一碗及弟粥，都壹佰壹拾八元,平貴都好，都係自己想食，但咁嘅服務都加一服務費，覺得唔合理，加一服務費係咪比厨房㗎？請問

老實講呢間餐廳嘅嘢一啲都唔平，但我覺得啲粥底係唔錯嘅，佢啲粥係好食嘅，除咗食粥，上次嚟到呢度叫咗碗杏汁燉白肺湯，真材實料，有湯料，而且唔係度度都有得飲，可以一試。

這店那位中年男待應對客人說話太冇禮貌！不尊重客人般、難為這樣服務態度也可拿米芝蓮如果我是遊客就會話香港餐廳的不是了。基本上食物本身也可以的。只不過有這樣的待應、下次我都係選其他食店。

未曾見過咁樣既飯餸都要收客人$72蚊，仲要話係米芝蓮餐廳，不知所謂仲衰過隔夜餸，離晒譜㗎！咁樣既飯餸都夠膽收人哋$72⋯⋯難怪佢日日無生意！真心希望不知所謂嘅餐廳快D執笠，換過第二間餐廳

餐廳食物比較貴，真心貴，但佢嘅粥好好食普通粥已經係用魚湯整，所以都唔錯，但雞粥先係佢精華所在，啲雞油溶入湯到，變得十分香甜，好好味不過佢啲粥一上嚟都好熱至於其他野好唔好食？建議食下午茶，比較平

4月6日為慶祝靚媽開始放復活節長假，揾食肥華特登約佢收工後，到呢間位於黃大仙北館，榮獲米芝蓮一星嘅食店，飲下午茶，肥華對今日所點嘅兩個特價雲吞麵配白灼腰潤和水餃麵配白灼鮮牛肉，下午茶食品味道都非常滿意，加上價錢合理，環境舒適，侍應姐姐對客服務態度稱心，再加一壹可以俾你慢慢品茗嘅香片茶，以咁嘅消費，令肥華和靚媽，享受到一個悠閒寫意嘅下午茶，可說物有所值，以今餐水準味評價，米芝蓮並冇俾錯星給呢間食店，而此店亦真係靠得住👍👍👍

上個禮拜三去靠得住下午茶依家越嚟越貴食物質素都係一般家人點咗魚片粥腸粉魚片粥食到後來好似水咁同埋好重味精腸粉同街邊檔冇分別~我自己食水餃麵同埋炒豉油王炒麵~水餃麵係可以嘅有四粒大水餃但係面質都係一般另外豉油王炒麵都幾油！下午茶時段都冇乜人

要乜無乜，有嘅又難食。仲有個叫幸福男既在 Youtube 上推介 手作煎釀豆腐又鹹，客家黃酒煮雞又無（服務員話已經無咗好耐），真係不知所謂。中伏。此店應該改名做 靠唔住。一定唔會再來！

其中一位何姓男經理，態度十分惡劣，無禮貌，惡言相向客人，食一次就想投訴一次，收錢及招待客人一樣咁差，請提供靠得住總公司電話！平心而論食物質素不錯，其他員工也很好！