靠得住粥麵小館 (德福廣場2期)

營業中

休息中

晚飯時間到達門口、剛好有位、咸員幫我量過體溫便安排入座、我order左及底粥同咸肉粽、5分鐘左右就有得食😋　質素仍然很高、粥底綿滑、及第料非常新鮮。至於咸肉粽、有一小件腩肉、有綠豆、有咸蛋、味道剛好、我自己習慣係點糖、覺得點豉油太鹹喇～ 牛頭角九龍灣冇咩粥店選擇、而家有靠得住真係好呀！今晚人流都算多呀！其實佢仲有好多選擇架、以前喺第二間鋪食過有芽菜雞、雖然呢間冇、但佢就有白灼豬腰同鯪魚球。粥以外、佢仲有小菜同雲吞牛腩粉麵、我下次要再黎品嚐下先

因為胃脹氣 ，食唔落嘢，所以想 搵個地方食粥。 打開openrice地圖， 最近嘅都係 德福商場 二期。我去嘅時候大概十二點三，未算好多人， 不過侍應安排我坐埋一邊嘅雙人位， 佢話食飯時間， 要坐迫啲 。由於 唔肚餓， 我淨係叫咗一碗生菜鯪魚滑粥。 計落都等咗 差不多15至20分鐘， 周圍都好多人， 之後我碗粥都到啦。食落個粥底係幾 軟綿嘅， 雖然味道清清地， 但至少冇乜味精， 食完碗粥都唔使勁飲水。生菜同埋鯪魚滑， 都係質素以上的。住喺德福同埋淘大嘅朋友真係有福

今晚近近地過左德福既靠得住開餐，原先黎既目的係諗住食粥，但係見到隔離檯叫既蒸鱔好吸引吓，咁又改變主意叫一份加多一份蒸魚腩套餐。豉汁蒸鱔球，一碟六大件，豆豉夾葱花，托出真鮮味。鱔球先係進行去骨步驟，再用豆卜墊底承托着，鳝肉受熱時緊縮令其抓緊豆卜形成半孤形態，頂層既豆豉爆開後散發出惹味豉汁，大大件美味可口。套餐配菜飯感覺較為健康，一口菜飯再加一口鱔肉，越食越開胃。每一啖都係肥厚既肉，魚油豐沃，入口脆彈。

今日帶媽去九龍灣展貿中心睇完嘢後，就坐返車去德福廣場食晏。咁啱2點鐘靠得住就已經有下午茶餐，於是我哋各叫咗個茶餐。一個皮蛋瘦肉粥+混醬腸粉，另一個就雞粥+銀芽炒麵，分別都係$39（另加一）。大約等咗五分鐘就有得食，下午茶嘅份量都唔少，粥底好味，雞肉都好滑，不過皮蛋瘦肉粥嘅瘦肉就略為鹹咗啲，而腸粉都夠滑好食，炒麵就比較油。原本叫兩杯熱意米水，點知又話無哂，於是就叫個主管俾兩杯熱水，點知都要叫兩次至有，仲有態度如果改善下，生客都會食得開心啲。總结：食物水準都可以，下午茶餐就真係算抵食嘅，不過服務就一般啦！

由於腸胃炎要食清d 所以㨂左食粥叫左肉丸鯇魚腩粥鯇魚煮的時間剛好鯇魚幾滑但係豬肉丸 就出事 落左好多味精 即刻要問阿姐拎水飲點知個粥底仲衰，又係落左大量味精搞到非常咁難食咁樣質素收五十幾蚊真係離哂譜

突然想食清淡野食，開open rice 搜尋附近食市—靠得住。行到門口，一隊正等候座位的客人，心想呢間鋪人氣也唔錯。排咗十分鐘，就見店員黎叫名，可能會是一個人的原故，店員便叫我入座。看著桌面的午餐菜單，平均一個太約七十多，這區是中位價格。我選了皮蛋瘦肉粥。不一會兒，店員已揣著熱騰騰的粥上來，粥底好綿，入口鹽味適中，肉丝很細，每一口都有肉香味，皮蛋切得一小塊，容易入口。配上菜心，營養又健康。不愧為粥麵專家，整頓下來，唯價格偏貴。

今日lunch唔想食啲太濃味嘅嘢，所以嚟咗間有得食粥嘅地方呢到食物款式都唔小，咁我地就叫咗碗珍珠蠔仔粥同叫咗梅菜扣肉菜飯先講下碗粥先，碗粥煲得都算香綿軟熟，食落好暖胃，不過個人就覺得佢啲米碎得滯，口感爭啲啲而且食完只係啱啱好夠飽蠔仔好滑，雖然細細隻但蠔味都好夠濃，而且份量都好足下，唔錯 總括嚟講係一道好啱暖胃而且幾好食嘅菜嚟梅菜扣肉係朋友叫，本身我諗住食得清淡一啲但見道菜整得咁靚就忍唔住試左塊扣肉炆得好腍好香，肥瘦比例好perfect真係幾好食

之前來食過幾次。回頭是因為地食物唔錯，尤其喜爱白鳝鱼粥。但每次感觉这里的人服务态度很差，面無表情，速度緩慢，經營不善。今天，又被冷落了，在門口站了3分鐘沒人見到。叫人落單，個伙計裝沒聽到走了。叫了蘋果茶，茶壺漂亮，水不夠熱... 無心情下，肉餅飯都覺得麻麻。食物再好，沒有人情味的餐廳不幫襯了。

1. 心肝寶貝粥（＄69)呢碗粥超足料，有鮮甜嘅魚湯粥底🐟仲有超爽口嘅豬膶同北海道刺身級帶子，成個粥底更鮮甜，絕對明白點解係鎮店三寶之一彤樂評分：10/102. 蝦球雞粥🐥（＄71)另一款我鍾意食嘅係蝦球雞粥，蝦球大隻又彈牙，而雞肉大塊又滑，同粥好夾，雞粥更吸引😍彤樂評分：9.5/103. 爽脆鯇魚皮（全熟）（＄49)另一款鎮店三寶就係新鮮嘅鯇魚皮，平時我都唔特別食蒸魚皮，但呢款經灼熟再冰鎮，真係超級爽脆，點少少辣椒豉油，完全係必點呀！彤樂評分：9/104. 靠得住鹹肉粽（＄32)最後一款鎮店三寶就係鹹肉粽，特別唔同之處係粽有淡淡嘅荷葉香味，而入面又有好多綠豆，半肥瘦豬肉，食落更鹹香😋彤樂評分：8/10

因為身體不適，附近無咩選擇，只能近近地食碗粥，見呢間米之蓮推介，剛好唔洗排隊就入去試下，一坐低見menu都知唔平，唯有硬食。簡簡單單叫咗皮蛋瘦肉粥配混醬腸粉，一來到好自然用匙更攪下感覺好稀，皮蛋又少，瘦肉好似魷魚絲咁幼，如果以粥水標準來講算合格，腸粉份量都好少而且好幼，適合輕食人士。病病地胃口唔好，呢餐只能當充飢，要求不能太高，價錢和份量方面靠唔住，午餐都要收加一心裡有點不爽味道來講只係好普通服務麻麻，好多粥店份量配料好足但都唔洗咁貴。

上次同男朋友去黃大仙個間靠得住食，他一直都好掛住個杏汁豬肺湯，所以提意今晚收工去食，點知原來每間分店都有些不同，德福分店係冇湯賣架！店舖不大，但座位之間都唔會太迫。粥類選擇多，好多款都想試！咸肉粽先來一個靠得住之寶，咸肉粽！隻粽好香，而且都多綠豆，有一整個咸蛋，小小肥豬肉，包得好結實，2個人share食剛剛好。白鱔球粥（餐，$92）粥底超級綿，又夠味，完全唔洗再加調味。最驚喜係白鱔，平時食開嘅白鱔肉質較嫩滑，呢個白鱔口感竟然係爽脆架！真係好好味，真心推介白鱔粥！！白灼黑牛柏葉（餐，$92）欣賞靠得住用黑牛柏葉，因為沒漂過，比較健康。切得較幼細，食落就唔韌，但就唔爽口。爽脆鯇魚皮再來散叫一個靠得住之寶，魚皮！真係好爽脆，本身都有點麻油和蔥香，再點少少辣椒豉油，好味！呢個質素對得起呢個價錢啦！以粥店來説，係比一般的偏貴，但貴得有道理，唔會因為拎左米芝蓮是是旦旦交貨，單純一個粥底已經感受到係用心去煮，食完都唔會口渴。

仲話米芝蓮推介🤷🏻‍♂️叫左個淨雲吞＆油菜(生菜），食食下點解咁＂銀＂，lur出來發現豬肉未熟，即刻叫waiter來，佢幫我換左，唔記得影底罪狀，好在仲有條未熟既黏左係牙，碟生菜通常落蠔油，佢竟然俾腐乳🤷🏻‍♂️唉😪唔怪得，靠得住，豬乸會上樹

之前成日聽我媽講同老豆去九龍灣食泥鯭粥，原來就係指呢間米芝連推薦嘅靠得住。我媽話下午茶會抵d，每樣野會大概平十幾蚊。我係lunch時段去，但其實都抵食，三個人食左百四蚊。先講講個混醬腸粉，果然係米芝連推薦，同街邊食果d冇得比！已經好耐冇食過咁滑嘅腸粉。醬料係自助式的，一定要加甜醬。主角泥鯭粥入面放左兩條泥鯭，真材實料，好鮮味。我諗泥鯭同粥應該係分開整，因為泥鯭肉仲未散開，可以成條夾上黎食，好滋味！

今日再來九龍灣德福廣場，因為掛住靠得住的泥鯭粥、混醬腸粉、咸肉粽⋯😍😍今天來到靠得住，剛好有位，我地点左2⃣️個午餐一個是原条泥鯭粥配混醬腸粉、另外一个是原條泥鯭粥配咸肉粽。先讲讲粥的材料，它是用泥鯭魚浓湯來煲粥，再后放上兩条原条泥鯭魚，再放䓤花真是絕配，毎一口充滿魚的鮮味，軟綿綿的粥再加少許陳皮更突出泥鯭魚的鮮甜咸肉粽一样做得甘出色，咸蛋黃是流油起沙的，咸咸的五花腩加上濃濃的五香粉再配上綠豆的清香和糯米的軟糯，好好味呀！連混醬腸粉都做到好好，雖然是簡單一碗，腸粉做到軟滑，配合混醬好合衬絕對是靠得住！，

又來到九龍灣午飯介紹！食飯時間，德福廣場每一個地方都好多人！不過好彩商場入邊餐廳算多，所以人流都可以分散今次同同事就揀咗靠得住嚟食，諗住試吓佢個牛腩撈麵好唔好食牛腩撈麵配紅油餃子牛腩煮得好淋，而且索晒滷水汁嘅味道，不過個汁唔夠多，個撈麵唔太夠汁撈另外紅油餃子夠辣！而且餃子皮薄，入面既蝦都好彈牙，好食！豬手配菜飯同事食菜飯，夠晒健康豬手蚊得好入味，而且夠淋，輕輕一推已經可以將啲肉拆出黎，不過就有少少肥