霸王山莊

營業中

休息中

6月8日片皮鴨值得一試朋友們忽然不約而同嚷著想吃片皮鴨，由於事出突然，好幾間主打吃片皮鴨的店都預訂滿了，幸好還能透過OpenRice 訂座服務訂了這間尖沙咀分店，貪其地點就腳方便！炎熱夏日，點了水晶肴肉及醉雞作開胃冷盤，小小的一碟清爽可口，眾人極速的消滅掉了。這裡是一隻片皮鴨的份 ，份量十足，每片都皮肉平均的。荷葉餅皮夠薄，每塊皮都有牛油紙相隔，容易拿取出來。把鴨片配上佐料（京葱/青瓜/韮王），加上一小茶匙的海鮮醬，捲上柔軟的餅皮，一口吃下，那種美味叫人直接伸筷，預備吃第二塊片皮鴨。旁邊的乾煸四季豆非常惹味，微辣且吃到豆的甜味，下飯一流。糖醋松子魚，適合想吃魚但又怕魚剌的懶人，炸得金黃，澆上了甜酸的醬汁。小籠湯包皮薄多汁，沾上陳醋吃，滋味倍增。炸饅頭一口一件的，味道沒什麼特別的。士多啤梨桂花糕，士多啤梨味完全掩蓋了桂花香味，完全不覺在吃桂花糕呢。

Love the 小籠包。上海炒年糕就麻麻。雖然有 Upload 食物圖片上網有免費高力豆沙優惠但就無upload到但朋友想食結果都order左。野食 okay, service okay.

係尖沙咀行街又諗唔到食咩，朋友話去食霸王山莊～好似好耐冇聽過依個名🤣🙈原來佢有set lunch, 一個麵、配小食同飲品，都幾豐富！叫咗一個炸豬扒麵、配蒸餃、凍黑豆漿😌麵嘅湯底好清淡下，但比我想像中好味😬，有時唔想食太濃味既野🙈 炸豬扒都唔錯！👍🏻蒸餃好大隻！！抵食😎

今日母親節屋企個母親話要食霸王山莊，兩兄弟就梗係即刻訂位！打去果陣有問要唔要訂鴨！最後冇訂，但去到都可以叫到！水晶淆肉，冇乜味 😤 如果唔係個醋！應該食唔到！雞絲粉皮，其實我發覺食呢碟野，真係食花生醬！呢個應該係全晚最好食入面 top 3 🤣🤣🤣欖菜豬肉碎四季豆，呢個都係 Top 3，佢炒得幾好！個底冇油！好好餸飯！小籠包，個豬肉好似冇醃味咁！又係食醋！😤回鍋肉，最好味係呢個！個椰菜同個豬肉都好野味 👍🏻👍🏻👍🏻個烤鴨...又係冇味！全靠個醬！個配菜幾好！有菠羅/哈蜜瓜/青瓜！但除左菠蘿有應有既味外...其他都 🤦🏼‍♀️我地仲加左生菜包！一鴨兩食！因為有紅羅白...我就冇食喇🙈呢個係全晚最差！都真係想捉個廚出黎食哂佢！我叫既係奶油津白！咁當然你用娃娃菜冇問題！但係都要熟先得架！生到呢！仲要個菜又係冇味架...🤦🏼‍♀️🤦🏼‍♀️🤦🏼‍♀️

因為屋企人想食片皮鴨，但係美中鴨子北京樓個類食片皮鴨既地方都試過哂，所以就提議不如試下霸王山莊啦，反正平時都食得多佢個抵食既下午茶，就去左試下個晚市鮮魚羹飲落幾酸，醋味都幾大陣，但本身係無跟醋既，唔鍾意醋既人可能麻麻乾煸四季豆通常呢個餸都會好辣，送飯好惹味，不過唔知係咪為左迎合香港人口味，又唔算係特別辣，但係又唔會完全走左辣，平時食唔到辣既人一定食到鳳梨魚塊呢個薄餅好香口，值得一試！黃金蝦球好好味不過屋企人略嫌個蛋黃稀左啲，可以再濃啲風沙雞又係另一樣好惹味既餸，雞既皮夠哂脆雞肉都好嫩，食哂啲雞側邊啲料仲可以拎黎送飯重頭戲-片皮鴨皮夠哂薄，個鴨都好好食，整體黎講好過某啲食片皮鴨既中菜廳總括黎講，我覺得呢到既師傅煮啲野都好好食，但係侍應既服務就非常唔好，仲睇緊既menu係都話要拎走，仲出到聲話驚我地整污糟，總之成餐飯都要睇個侍應面色

媽媽放假同佢一齊出咗尖沙咀行街，行到餓諗起呢間中菜好似有下午茶套餐就入去一試。下晝三點幾仍然滿座，用餐期間不斷見到遊客入座，依我所見大部分都係為咗片皮鴨而黎🤔套餐大部分都包一款小食同豆漿，價錢都唔過$60😈 就算唔想飲豆漿都仲有柚子蜜同木瓜雪耳揀。我哋叫咗上海炒年糕、青菜嫰雞煨麵，配雞絲粉皮、蘿蔔絲酥餅。一開始以為小菜份量會好細，誰不知係正常portion。兩個人淨係食完啲年糕同麵都已經夠飽😂

周六晚行過見有位就入去吃。吃到一半，太太帶著女兒去完洗手間回坐位先安排女兒坐好時，後邊走過的男性傳菜侍應一手就把我太太推開自己繼續去傳菜。大人小孩都危險，因為背著他，不知發生什麼事。那侍應一點悔意都冇就走咗去。後來經理過來道歉也破壞了吃飯的心情。食物基本沒什麼味道。比以前做的差了好多好多。瑤柱蛋白炒飯好多油，有些瑤柱硬到要吐出來，嫩雞煨麵只有幾粒雞肉，淡淡的，上海粗炒卻又非常鹹。這家店以後都不會再光顧！

7:56pm落嘅單，話要等20分鐘，ok無問題。等到35分鐘8:30pm忍唔住問又話整緊，再過10分鐘再問又話漏咗單，叫退錢又淨係話唔好意思就快有。最後8:48pm先收到個外賣。到底係你公司個system問題定人手制度有問題？我等到差不多9點其實都唔洗食你地大把選擇大把餐廳有位啦，洗鬼叫你外賣。仲有質素越來越唔得，月頭母親生日飯個片皮鴨啲肉細過以前，個皮又唔脆仲要似擺耐咗開始皺。宋嫂魚羹酸到就快以為飲緊酸辣湯。黃金蝦球鹹到醃親嘴唇。以前一個月堂食或外賣都幫襯幾次，以後去南小館無咁嬲。

今日同母親慶祝生日，老人家都鍾意食啲中式野，於是就揀咗呢間京川菜。一坐入去，店員嘅服務態度都非常好，好快就幫我地安排左座位同埋比茶我哋飲。我哋總共叫咗六個小菜三個點心，上菜速度都非常快。然而食物質素食咗一般般，這間川菜其實價錢都算偏貴，但味道都令我有少少失望。首先擔擔麵方面，小小辣味都冇，而且花生味都唔夠濃，好似食緊一個好清淡嘅湯麵。另外我哋亦都叫咗銀絲卷，今年你好似真係好難搵到好味嘅銀絲卷，霸王山莊嘅銀絲卷中間亦都係黐埋一舊，沒有條條分明。上湯娃娃菜方便，不夠入果，好似食緊白烚菜咁。反而小籠包非常唔錯，皮薄多汁，而且唔會穿。 去到最後服務員好好，幫我地影相，仲影咗好多張，整體服務非常好！

今次來到尖沙咀的“霸王山莊”，介紹下美味主打“片皮鴨”，新鮮出爐香噴噴，皮脆肉厚，色澤鮮美，唔肥唔瘦，剛剛好，食指大動! 😘壓軸出場的有“花雕醉雞”，花雕香撲鼻，雞肉很嫩，份量十足。😎

片皮鴨訂檯時侍應已講20:30會上菜，結果期待左等左45分鐘先到，仲要大失所望完全唔係果回事囉，一上檯就知肯定無全隻，另外鴨皮連鴨肉嘅所謂片皮鴨我第一次食囉，其他餸都係一般，但價錢一啲都唔平，肯肯定無下次😤

自從沙田的霸王山莊結業後，已有多年沒幫襯這店了. 這天與朋友參觀博物館後，來到附近的霸王山莊吃下午茶~ 餐廳用餐環境幾光猛，座位都幾多. 山莊麵套餐$52，包括: 自選麵食、小食&飲品，都幾抵食~ 上海豬柳排湯麵 我們同樣選了豬柳排湯麵，豬排是分上的，而且是即炸，炸粉薄薄一層，仍帶有肉汁，幾好吃; 至於麵條都好有咬口，唯獨湯底偏鹹一點. 皇家蘿蔔絲酥餅 蘿蔔絲酥餅酥化不油膩，內裡蘿蔔絲清甜美味，個人很喜歡. 雪耳木瓜 除了飲品外，也可選雪耳木瓜糖水. 熱度足夠且甜度適中，相當滋潤. 吃過如此豐富的下午茶，連晚飯都吃不下，實在抵吃. 尖沙咀漆咸道南67-71號安年大廈地下 27231003

早前霸王山莊裝修，所以都幾個月無食。之前一直都覺得佢啲麵食幾吾錯，所以今次都系諗住黎食麵既。但我就無叫到午餐set，因為啲小食吾系咁感興趣，單叫左碗酸辣湯麵同一份皇家蘿蔔絲酥餅。可能下午比較忙，舉左好多次手先比人注意到我大約等5分鐘左右啦，酸辣湯麵就到手啦。其實我之前已經有食過，感覺系吾錯既。上到枱發現份量比以前少左，食落味道麵麻麻。個酸辣湯都還可以，但系啲麵系吾掛湯既，食落系無味既比以前水準差很多。而皇家蘿蔔絲酥餅就要等得比較耐，大約15-20分鐘左右，上到枱仲系熱辣辣，應該即炸我記得之前食好似吾系既野樣，不過而家好得意但系味道都仲系好好食！！！我應該下次都會叫，雖然有啲貴

豬柳排骨湯麵（黑金剛麵）+肴肉豬柳方面：炸得唔錯，唔會皮肉分離，皮唔會炸得太硬，入口質感剛剛好，肉唔會太咸，雖然冇乜肥膏，但食落唔會好乾身，keep到肉汁，炸得幾好湯麵方面：落單時時見到有“黑金剛”呢個option，一問之下原來係紅薯粉，即刻叫黎試下。點知中左伏，個所謂紅薯粉好膠，唔係講笑，真係似食緊膠，唔止望落似塑膠條，仲勁彈牙，冇乜味，食左兩啖頂唔順，感覺自己食緊中國製黑心食品咁，所以放棄左食佢。肴肉方面：可以做到入口溶化，唔會好似蒟蒻咁硬到扔得死人，唔太咸，不過肉與肉之間既肉汁明顯整得唔夠，鮮肉味亦都不足小籠包（38蚊4隻）唯一可以讚就係，唔咸，皮薄，薄得黎唔會穿。個餡……連小籠包基本既薑都完全唔落，零鮮肉味，舊肉完全冇口感，入口即溶……難食……其實52蚊個下午茶，食到呢個質素，都算唔錯，服務就認真麻麻，食物質素都係一般……可以一試嘅，不過唔好太高期望

路過肚餓，為食成狂的小人很自然的叫了一客下午茶餐……😁擔擔麵加春卷，本乃吾之所欲也。誰知霸王不再霸王，今竟純似羔羊，這個下午茶餐味道一點都不夠霸，發揮不出來。擔擔麵的湯竟淡似開水，麻味辣味椒味俱不夠濃，紅色辣油徒具虛形，辣度過低，僅僅可以嚇怕一眾拒辣朋友們而已。麵條太軟，入口糊化掉，非小人鍾愛。春卷更是不堪至極，不夠熱度之餘更是硬邦邦的，餡卻又是濕黏黏的，不知放了多久。吃完這個下午茶餐，唯一的好處就是不會想吃別的東西，飢餓感自然消逝。