霸王山莊

營業中

休息中

霸王山莊於二零零三年開業, 為顧客提供京、川、滬、杭等中國名菜其自家創製之麵霸王及點心霸王兩款系列食品更是獨一無二呢度差不多有20年歷史,今日下午茶有優惠 58蚊一位,幾抵食!老重慶擔擔麵,四寶烤夫,凍黑豆腐 另收加一服務費豆,木耳,烤夫 豆脆口,烤夫係麵筋,吸了炒香既醬油味,濃香而口感軟綿綿帶點韌性係素食朋友都食得既小碟前菜黑豆漿夠香甜解辣老重慶擔擔麵非常火紅,味道好香好濃 個川味濃勁慢慢滲出黎,麵條唔會太淋身,白麵好吸湯又辣又惹味,加埋肉碎真正係一碗出色既擔擔麵消費$70尖沙咀漆咸道南67-71號安年大廈地下

霸王山莊於2003年開業, 集合京川滬杭等中國名菜。想當年屬於旅遊人氣熱點必食之選，還記得多年前訂位需要兩日前落call還真誇張。時至今日經過疫情洗禮過後仍堅守山莊重地，呢日就約左家人回顧經典名菜。北京烤鴨、小龍包及上海粗炒是每次食京川菜的必點，所以大家花多眼亂中Menu選擇而不選擇抵食嘅經濟套餐。=̶北京烤鴨全隻=̶ $398推介:⭐️⭐️⭐️⭐️⭐️招牌之選傳統北京填鴨同新款嘅北京片皮鴨分別之處，小編會區分為純鴨皮片及鴨皮連鴨肉之分，傳統經典主要為鴨皮連鴨肉呈上，蒸籠內每片麵皮圓紙相隔，我地掛住影相耐左，店員提醒要趁早食先好食啊😆青瓜、京蔥、填鴨醬份量有誠意，中間亦有唔少鴨肶鴨胸肉夠哂飽肚。=̶霸王小籠包=̶ $45推介:⭐️⭐️⭐️⭐️經典小籠包內裡多肉汁，外皮咬口薄身，整體正常合格。=̶醋香皮蛋豆腐=̶ $88推介:⭐️⭐️⭐️⭐️豆腐刀功值得一讚，醋香做汁底，加上木魚片片皮蛋，開胃前茶小食。=̶上海粗炒=̶ $95推介:⭐️⭐️⭐️正常嘅粗炒，肉絲椰菜份量滿意，油膩感屬於稍乾身嘅炒法，相對汁料會較少，對於愛重口味嘅小編唔算特別驚喜。=美味翡翠黃金蝦球(6隻)=̶ $158推介:⭐️⭐️⭐️⭐️⭐️必試6大隻黄金蛋黄蝦球，屬招牌菜一款，

與朋友難得出外晚餐，揀左一個大家都方便集合地方-尖沙咀，又鍾意京川滬菜，所以就成就今次美食之旅~叫左一個2人餐，包括有雞絲粉皮、雲吞雞、糖醋骨、片皮鴨、小籠包和蛋白炒飯店內唔多人用膳，環境舒適推介: 片皮鴨，例牌約有8件，有熱熱的皮包上，的確好味，而且唔多肥膏，食得安心D最後，某信用卡有折扣，抵食。讓我與朋友一起享受了一個開心晚上可惜掛住食同傾計，唔記得影相，或者好快又會去第2次

下午茶係我最鍾意嘅選擇，因為份量小D,平啲人又冇咁多😍今日行街見到張poster好似好抵喎咪入去試吓囉！當然係我嘅首選擔擔麵套餐啦！一開始就上咗個冰凍嘅黑豆漿，感覺好好味好新鮮！之後再上嘅就係小食糖醋排骨，口感有啲硬，味道都可以🙂之後就係到我最期待嘅重慶擔擔麵，我揀咗個幼麵！味道唔錯，係傳統嘅口味，辣度都可以接受☺️個餐只須$58，另加茶錢$5同加一，總共$69都幾抵呀😍

餐廳咁岩做緊信用卡優惠，埋單連埋茶錢同埋+1都唔洗500蚊就食到2人餐。2人餐有5個菜：雞絲粉皮、雲吞雞、糖醋骨、片皮鴨、小籠包。雖然價錢唔太貴，但食物質素無預期咁好🤔（因為聽聞幾好食）尤其係小籠包，皮雖然唔厚，但湯汁好少，少到好似食緊普通餃子咁🤦🏿‍♀️🤦🏿‍♀️比較印象深刻既係雲吞雞，唔咸，感覺無乜落好多味精，但都有鮮甜味道！其他食物就無咩特別，同出面一般酒樓既食物無咩分別。🧐🤔

今日同女朋友行過見到個午市套餐幾抵就入咗去食。。。一行到入去個門口完全冇人，企咗一陣先有人問我哋幾位，不過呢樣都唔太重要，因為我明白午市時間可能會比較忙，但佢啲食物質素真係令我後悔入咗去，估唔到一間老字號可以去到呢個地步🤦🏻‍♂️🤦🏻‍♂️我哋叫咗一個排骨擔擔面，一個紅燒牛筋腩麵同一籠小籠包。首先係個排骨擔擔麵，個湯底一味得個辣字，件排骨係硬到我以為佢生前係舉開鐵。。至於個紅燒牛筋腩麵，係完全清到一個點，除咗啲牛筋腩有少少花椒八角味，其餘麵菜湯都係完全冇味，仲要食得出啲牛腩上面有好多毛未清好，女朋友食咗一半已經唔想食🤦🏻‍♂️🤦🏻‍♂️最後小籠包都只係中規中矩，入邊得幾滴肉湯，完全唔似係一間老字號嘅出品💁🏻‍♂️如果俾我揀多次一定唔會再嚟呢度食，呢個故事教訓我哋唔好貪平就走入間餐廳度🙅🏻‍♂️

之前食開一間尖沙咀k11既霸王川莊，覺好水煮魚好食又過癮，今次就又想食片鴨，所以就試下霸王山莊，點知差一個字就真係差好遠，野食質素同環境都比川莊“地”好多。因為HSBC card有做套餐優惠，所以就選左套餐，野食份量多就多，但真係麻麻，應該冇下次。晚市信用卡套餐（2位） $523雞絲粉皮作為涼菜，唔凍已經麻麻地，粉皮過厚，麻醬花生醬味道夠，但太“杰”了，唔單止有啲難撈，食到咁上下都有啲啲漿口同膩 砂鍋雲吞雞(位）湯係比味精湯有誠意少少，雲吞味道OK, 雞就一般“鞋”，不過反正係湯料，唔太拎利食，就冇咩所謂黑醋小排骨算係全晚最好食，酸味夠，肉質都夠軟諗，只係略為有少少肥瘦不均北京烤鴨（例）基本上我都係為左烤鴨而叫set, 但真係一般，可以比酒樓更一般，面皮過厚，醬汁味道有少少怪，鴨肉同皮之間既肥膏冇片走，而樣係我食片鴨最怕的，有啲噁心乾貝蛋白炒飯份量超多，但味道係1，冇咩味，覺得只係驚唔夠餓而塞落個set到霸王小籠包一般貨仔，只係比叮叮多汁啲啲總括而言，我話抵食，只係基於而個價錢有咁多野食，出去食片鴨一般都唔平，所以而個價有咁多野食算抵，份量又大，但質素真係麻麻偏低，所以應該冇下次了

伏到爆 千其唔好去 叫咗五樣嘢 5樣野食都唔熱 全部似翻蒸 兩樣野都凍即 炸豬扒係淋既 擔擔面已經浸到發晒 炒年糕等左40分鐘先有 又係翻蒸 炸饅頭唔熱又唔脆 入面凍既 4舊水食啲感既野

🇭🇰霸王山莊·我本身係比門口嗰個二人餐吸引嘅 佢$366 有三個小食 片皮鴨 飯 同埋小籠包 超級豐富 不過我哋最後驚食唔晒 所以都係決定散嗌🤣🤣·北京烤鴨(半隻)$208佢呢度啲餅皮每一塊都係熱辣辣嘅 超級加分 而且佢比平時食開個啲細塊啲 所以唔會咁飽😌不過我覺得佢啲鴨偏瘦少少 所以食落油脂感無咁好 咁好咁🤭·霸王小籠包$45 l 春產雪花海蜇頭$88 l 蒜子上湯浸翡翠苗$92佢啲小籠包細細粒咁 勁可愛 不過我自己覺得佢個肉湯偏油膩少少 反而我覺得佢個海蜇頭超好食😋佢份量勁多 而且口感啱啱好 配少少麻油已經勁入味 之後佢個翡翠苗份量又係勁多 食極都仲有 而且佢個上湯味道岩岩好😎😎·#rbyeat#rby中菜#rby尖沙咀·📍尖沙咀漆咸道南67-71號安年大廈地下

烤麩: 略甜，是標準的味道，雖然正宗的四喜烤麩應該有: 笋，黄花，木耳，花生。這個則祇有 笋，木耳與毛豆。上海式担担麵: 我都唔知到底是否應該是這樣的。有點暧昧。有牛肉末，與花生酱。麵條 OK。算是幾好食。除了香片茶，還有凍飲提供。天氣熱，真是窩心的安排。我選了黑豆漿，過得去，但没甚麽豆味。以上三項，合成一份下午茶餐，＄58，茶位費 ＄5 ，再加一。我覺得不錯。這裡叫霸王山莊。每逢由尖東行路往彌敦道，都會看到這家店。已經有很多年。外面看，有點古怪，個名又土，一直没幫襯過。今天路過，留意到下午茶时段不算貴，於是就進去試試。原來主廳在裡面，在漆咸道看不到裡面，所以覺得它怪。呢間餐馆有點精神分裂。正價都算貴。特價時段又頗平。都唔知它想高檔還是低檔。而那些服務員阿姐，則似乎像游魂。有客人來了，經常不知所措。我看着，幾枱客都是這樣。

最近同朋友聚會，去左間老字號餐廳食飯，叫左出名醉雞，香濃有雞味，保持到水準北京填鴨，皮香有油脂，正常發揮黃金蝦球，蝦肉彈牙新鮮，咸蛋黃濃郁😋蜜汁火腿，味道不錯，只係個人麻麻地食包，覺得厚左少少紅油抄手，微辣惹味，皮薄，幾好食千層蘿蔔酥，這個有驚喜，好好鬆軟，蘿蔔甜甜鹹鹹，好好食，不過一定要趁熱食，因為朋友放到最後食，凍咗冇咁好食。本來都唔抱太大期望，點知食落又好唔錯，環境幾寧靜，適合幾個人輕鬆聚一聚😋😋下次想食上海野會再來

呢排一直都好想揾機會食片皮鴨，終於今個happy Friday 4人成團，朋友幫手book左尖沙咀老店霸王山莊。對上一次黎霸王山莊已經係幾年前既事，同樣都係食片皮鴨，印象係幾好味既。今日再食，水準依然！片皮鴨外皮香脆，油香味豐富，而且唔會片到太厚太多肉，恰到好處。另外佢既餅皮少少煙韌，亦唔會太厚，口感幾唔錯。食上海野一定要點小籠包，呢到既小籠包皮唔算厚，咬落佢肉汁豐富，肉既質地亦唔會好散，值得推介　呢味風味孜然羊一上到黎就勁濃孜然味，真係好似以前食孜然串燒咁濃味，不過驚喜既係佢食落又唔會太濃味，就算唔送飯就咁食都唔驚佢太咸。酸菜魚係我最愛食既菜式之一！呢到既酸菜魚真係勁大份，4個人都未必食得晒。最欣賞係佢一啲都唔孤寒，魚片厚肉得的好滑好鮮味，仲要份量都多，另外仲有唔少蒟蒻粉！至於個酸菜湯都幾好味，酸得黎夠晒麻香，亦唔會好辣。至於呢款冰糖小圓蹄，由於我已經食到好飽同本身唔食豬皮同肥肉，所以我只係食左小小瘦肉，感覺都幾淋同埋醃得幾入味。點左咁多肉，我地都有點番個上湯浸菜苗黎清清腸胃，菜苗幾清脆，都唔錯。Overall黎講，今晚都食到幾滿足，同埋佢地都算係keep 到水準，上菜又快，價錢同份

今晚喺尖沙咀行完街，同朋友好想食烤鴨，行到金馬倫道尾，見到有間上海菜，但感覺似茶餐廳，又無北京烤鴨，朋友最終都係話去返隔離霸王山莊，入到去，都幾多人，但帶位果位姐姐都比左張幾闊落嘅檯比我地2個人，我2人套餐，有例牌烤鴨，岩晒我地2個人，坐左一陣離遠見到烤好左隻鴨喺出面，我忍唔住走出去影相，隻鴨出黎好靚，見姐姐片完上檯，都唔錯，聞到鴨香味，食入口皮脆肉多汁，啱晒我地口味，宮保蝦球大大隻，啖啖肉，真係好好味！我地2個人最後食到好飽，下次一定帶埋屋企人黎食，到時可以嘆足成隻鴨

千層蔥油餅呢個都比我想像中有驚喜喎嚟到嘅時候有兩小塊，每1塊都開咗4分啱晒一家人分住食蔥油餅雖然咁大塊，但係非常厚身而且外皮真係做到千層嘅效果鬆化到一夾起外皮都會脆到散咗而且蔥香突出，唔會過分油膩霸王炒飯呢度除咗炒粉麵飯，都仲有炒年糕嗰類我哋嗌炒飯因為年糕怕太滯而且炒飯仲可以送賽螃蟹呢個飯嘅配料好多，炒到粒粒分明好乾身調味唔算特別多，不過可以食到每樣材料嘅味道我哋再叫咗干扁四季豆同樣炒到非常乾身，仲好有鑊氣手拍黃瓜拌木耳，醃料夠入味砂鍋雲吞雞有一人分，想過吓癮都唔會太大負擔整體餸菜中上，而且價錢唔貴除咗屋企人之外，仲好適合打工仔放工嚟聚餐

恢復左四人限聚令都一段日子四個人來講有咩正得過一齊食一隻片皮鴨位於尖沙咀嘅霸王山莊雖然唔算係一間傳統老店但係京川滬應有嘅菜式呢度都可以見到今次就等我分兩集同大家講吓唔同菜式啦北京烤鴨半隻燒鴨半隻夠晒四個人分㗎啦主要係食返鴨肉嘅質感唔油膩，冇肥膏，夠鴨肉香每人食咗幾件都唔會話太滯比較驚喜係蒸餅皮一塊紙竟然上下兩邊都有皮絕對唔會話食到最尾嗰幾件鴨就會冇晒黃金翡翠蝦球唔知幾時開始，突然間好興餸菜加鹹蛋黃但老實講，有時唔係全部餸都夾不過呢度嘅配搭唔單止好夾蝦球超級大粒，比鹹蛋黃滿滿包裹住蝦肉仲超彈牙，成件事好match連啲配菜嘅豆角都好好味，完全無渣賽螃蟹有冇人覺得呢個都係上海嘢必叫我自己真係好鍾意食蛋白蛋白唔會過熟，煮得啱啱好，好嫩加埋少少醋同埋好香蛋味嘅蛋黃又滑又香，啱晒用嚟送飯