露營生活

營業中

休息中

今晚在「露營生活」享用了一個悠閒自在的露營體驗。餐廳內設有有露營枱椅及燒烤爐，亮麗燈光，更有户外帳幕及燒烤爐等設置，一派露營風。餐牌有，及三款套餐選。賞月及夜空均可追加極上和牛。更有薵喜燒，燒肉，涮涮鍋三種食法可選擇。枱上放置一個圓形烤爐，旁邊由兩個半圓形環拼合，上面盛著前菜，刺身及炸物等。擺設得甚有心思。［觀星 ］套餐刺身，前菜及炸物各三點季節野菜宮崎和牛四款北海道黑䐁肉飯/麵，甜品及飲品前菜有海蜇，椰菜，牛蒡，泡菜及洋葱刺身有三文魚，油甘魚及螺片，每款都鮮味十足有口感。炸物有蝦，肉丸及魷鱼，連同秋葵，地瓜等天婦羅都新鮮即做，相常脆口。宮崎和牛雪花油脂均匀，入口融化，香味十足。黑豚肉梅及腩肉較有口感，肉味香濃最後再送上麵豉湯烏冬，甜品和柚子蜜。今晚還有live band 即場演唱懐舊歌曲，渡過非常滿足的一個「露營」夜。

我一向都係齋睇食評，今次第一次登記一餐寫食評，就係想讚露營生活！本身上網睇完啲食評，都驚係伏伏地，點知超出我預期。首先店員服務態度很好，我帶住狗狗，好有禮物地叫我抱起佢，或行第二個門口，免得影響其他食客。跟住去到戶外座位，今晚天氣一流，涼涼哋，喺正sogo對面都唔算嘈，仲有好有節日氣氛嘅Halloween 佈置同音樂。睇餐牌，飲品食品有好多選擇，任飲任食。一開始上有個打咭前菜盤，前菜都好有誠意，係專業日式店品質，唔係超市買嗰啲，到魚生刺身，好新鮮，品質唔錯。仲有天婦羅，都炸得好好食，唔係個皮淋晒嗰啲，係即炸。其實都已少少飽，再上日本和牛同豬俾你燒，啲牛脷一啲都唔韌，係真A5和牛，真係超乎我想像。主食要咗個紫菜飯加溫泉蛋，放埋塊和牛落去一齊食，正係超正！其實已經好飽，佢問要唔要甜品，諗住佢話雪糕，我就唔會食，點知有幾款點甜選擇。有奶凍，有水信玄餅，仲有蕨餅…咁我就忍唔住食咗呢幾樣，全部都有誠意的。成晚都感覺良好，真係服務好，食物好！最緊要係我隻狗狗都好enjoy! 不過我都失策，唔記得幫佢着片，所以佢要全程坐凳。不過就算着咗片，都最好問吓其他食客介唔介有隻狗喺度周圍行。我喺度寫食評，真心

個人很喜歡這家餐廳，因為午餐選擇非常多＇又好味，價錢又合理。知道主廚小野先生開始加入omakase lunch menu, 即刻約友人過嚟一試。非常有驚喜，食物質素高，全部都係季節當食嘅新鮮日本食材，加上小野先生功力，用一個非常合理價錢，食到高級omakase. 最可惜是很多人也不知這家餐廳提供日本菜，只是以為一間燒烤餐廳。埋沒了小野先生的㕑藝。亦欠缺宣傳，沒有人知道這個omakase menu.

朋友介紹銅鑼灣一間以露營為主題的日本餐廳「露營生活」。餐廳在黃金廣場4樓全層，地方很大，分室內和戶外兩部份，戶外部份也不小，佈置了很多萬聖節裝飾，充滿節日氣氛。室內也擺設得如野外般以配合露營主題。半躺的沙灘椅特別讓人放鬆，今晚剛好有歌手在現場唱歌，躺在椅上一邊享用美食，一邊欣賞悅耳的英文懷舊金曲，真寫意。餐廳推介“廚師發辦”，分「觀星」、「賞月」、「夜空」三種，可選燒肉、壽喜燒、涮涮鍋。我選了「觀星」燒肉。店員首先奉上“刺身”、“前菜”、“炸物”等，在燒烤爐旁圍成一圈，加上精心擺設，色彩艷麗，視覺效果特別好。“刺身三點”：三文魚、油甘魚、蚌，新鮮爽口，味道鮮美。“前菜三點”：豆腐、泡菜、天婦羅（秋葵、冬菇、薯餅、番薯），天婦羅香脆可口。“季節野菜”：牛蒡、蘿蔔絲、青瓜絲、洋蔥絲，清新的配菜，有錦上添花的感覺。“炸物”：炸肉丸、炸蝦、炸魷魚，炸得甘香酥脆，但仍能保持裏面肉質的鮮味。“黑豚肉”：腩肉、梅頭肉“宮崎和牛四款”：內側後腿肉、西冷、後腰背肉、牛小排燒肉肉質上乘。和牛肉腍軟中帶爽口，肥美多汁；黑豚肉則有豬肉的甘香，口感也極佳。配上特色燒肉醬，份外惹味。韓式紫菜飯，珍珠米飯上面蓋滿紫

趁天氣秋涼今晚帶好友到銅鑼灣感受露營感覺，整間餐廳裝潢走露營風格，邊燒肉邊chill住享受，唔需要大包小包上山，真的非常適合我倆。日本和牛放題套餐非常吸引，有齊刺身、炸物等，我倆選擇了賞月套餐。最吸睛一定是圓形木盤，木盤上一半放上炸物而另一半放上前菜、刺身，炸物入口酥脆，前菜最喜歡酸酸甜甜的海蜇，爽脆又有咬口，刺身全部都非常新鮮，味道鮮甜。最期待的宮崎和牛都已經送上，套餐包了宮崎和牛五款，分別有宮崎肉眼、宫崎西冷、宫崎牛腹腩、宮崎牛小排、宮崎內側後退肉，還有一款特別推薦和牛「京都姬牛」，餐牌還提供出世紙証明產地來源，超期待。要數最喜歡一定是京都姬牛，入口即溶，口感綿滑，油脂豐富，肉味香甜。宮崎肉眼肉質特別嫩滑，最適合用作和牛燒肉，有豐富及絕佳的脂肪紋理，口感清爽不油膩。宫崎牛小排前胸肋骨部位，油脂豐富，肉質柔嫩鮮甜，筋膜少，最適合簡單香煎後，點上少許鹽進食，品嚐入口即化與香濃的美味。豚肉、雞肉宮崎地雞都非常好吃，肉質爽嫩彈牙，鮮味十足。豚肉燒到外層煎香，入口鮮甜。最後配上清爽烏冬，可以解去和牛的油膩感。店家原來還有提供omakase ,下次可以跟好友試試看。

之前來食過都不錯的日式居酒屋餐廳，今次原來推出了幾個套餐是無限時任食和牛、刺身、炸物等等，由最基本是《觀星》$488、《嘗月》$688、《夜空》$1088等三個套餐，嘗月同夜空都可以任食靚和牛，《夜空》就多了海鮮，到最後我同朋友揀左中間果款套款，淨食和牛追加多幾次已經抵哂。聽店員講十月份逢星期四五六有halloween音樂祭，可以一邊聽歌一邊食燒肉。【炸物、前菜】炸物方面，有南瓜、冬菇、秋葵、吉列蝦等等，炸物不會油膩又脆身。【刺身】刺身又五款選擇，有三文魚、甜蝦、帶子、三文魚腩、北寄貝等，每款刺身都非常新鮮又鮮甜。【京都黑毛姬牛】姬牛一來到非常吸引，精美的大理石紋，其口感如絲般融化【宮崎和牛五款】宮崎牛是一種口感緊緻滑順，霜降均勻散佈在其間，因此儘管脂肪豐富，口感卻清爽不油膩肉眼：咁多之中，肉眼是最肉質柔嫩，牛味濃郁，雪花脂分佈平均。牛腹腩：這部分的肉脂肪含量較高，肉質鮮嫩多汁，所以比較油膩。牛小排：油花適中，放上網燒散發出濃郁的牛香味。內側後腿肉：油花平均，肉味突出，是我最愛之一。西冷：是和牛後腰脊肉，近臀部的部分，肉味最濃，油花分佈均勻，入口即溶。【黑豚腩肉、梅頭】黑豚腩肉：油脂分

整體感覺還不錯，但也有一些小缺點。首先，我們享用了前菜、刺身和炸物，這些都是任食的，味道不錯，讓人開胃。接下來，可以選擇燒肉或涮涮鍋，這裡的牛肉是特色之一。值得注意的是，某些價位對牛肉的供應有限制，而其他價位則可以任食。我個人不太喜歡牛肉，只吃了兩塊（非常大一塊），就覺得開始有點膩，這樣的情況讓我覺得不太值。不過，如果你是牛肉愛好者，這裡的放題絕對能讓你回本，因為牛肉的品質確實很高，適合喜歡燒肉的人士。整個放題從5點半開始，直到餐廳關門都可以食用，這點非常好，讓我們可以慢慢享受。不過，總體來說，對於不吃牛肉的人來說，可能會覺得選擇有限。總結來說，「露營生活」的放題餐適合喜歡燒肉和牛肉的朋友，但如果你對牛肉不感興趣，可能不會覺得這個價位特別划算。下次我會考慮選擇其他菜式！

🧡❤️💛露營燒和牛🔥有冇試過露營燒和牛？😆今次嚟到銅鑼灣露營燒宮崎和牛🏕️一入到餐廳真係有種露營感覺🥰以露營為主題嘅餐廳真係好少見，依度又大又溫馨，喺到燒肉肉都幾寫意！❣️賞月套餐❣️ $688/位依個套餐有刺身、前菜、炸物、野菜、豚肉、雞肉、宮崎和牛、推薦和牛、飯/麵、甜品、飲品，真係超豐富！上菜嘅時候好surprise😳用圓盤上，圍住嗰燒爐特別有feel！圓盤上就係有刺身、前菜、炸物、野菜！🩷刺身🩷有三文魚、北寄貝、帶子、吞拿魚腩等等😍最岀色緊係吞拿魚腩啦！吞拿魚腩油香又嫩！🧡炸物🧡有蝦蝦天婦羅🍤、炸魷魚🦑，配上餐廳特製醬汁，解膩又好食！❤️宮崎和牛❤️主角係宮崎和牛🤤五款和牛部分各有特色！宮崎和牛肉眼，肉味濃又易入口！宮崎和牛腹腩口感豐盈，入口會有好香和牛味！🥩燒嘅時候要注意時間同埋控制火候🤣因為和牛好搶火㗎！💜豚肉💜想食豚肉依度都有！黑豚梅頭同埋黑豚腩肉你哋鍾意食咩呢？黑豚梅頭啱晒鍾意肉感嘅朋友仔啦！🐽🤍壽喜燒🤍燒肉肉都唔夠？一於食埋壽喜燒！和牛壽喜燒又香又誘人，最後加入蔬菜🥬吸埋湯底精華！🖤飯/麵🖤食燒肉又點可以冇紫菜飯㗎？依度嘅紫菜飯同埋烏冬都好正！🍜💛甜品💛甜品係卷蛋，忌廉體軟滑細膩

想不到於銅鑼灣這個大廈林立的地方都可以體驗露營⛺️餐廳以露營為主題，有室內及室外，還有live band，整個氛圍都很chill🎸最近還有日藉廚師提供阿媽家姐，相信氣氛一定更加chill🍶🌕賞月放題 $688* 燒肉/壽喜燒/涮涮鍋 三選一* 刺身五點（挪威三文魚、冰見鰤魚、北海道北寄貝、北海道帆立貝、甜蝦）* 炸物（吉列炸蠔、天婦羅炸蝦、炸墨魚咀）* 海蜇伴青瓜絲、韓式泡菜、三款季節前菜一上菜已經很有氣勢，圓形的擺盤令人眼花撩亂，每款都想立即品嘗。🥩宮崎A4和牛5款款式很豐富，可以一次過品嘗不同的牛部位。分別有：肉眼、西冷、牛腹腩、内側後腿肉、牛小排還有極上宮崎A4和牛。當中牛腹腩誠意推介，入口即化！西冷牛味較濃，很滿足！而京都姬和牛不用多說，油花豐富，牛味香濃。🐖🐔話明是放題，當然還有其他食物。分別有紫菜飯、豬、雞等等。🍧甜品方面，款式選擇亦不少，分別有水信玄餅、雜莓奶凍、及蛋糕。每款都不太甜，是不錯得甜品。

同朋友去咗銅鑼灣呢間露營嘅餐廳，餐廳嘅設計就好似去咗露營一樣，圍住個爐日式燒烤，就好似去咗營火晚會一樣🫶🏻$688 賞月Tasting menu🦐刺身五點 - 有甜蝦、三文魚、北寄貝、油甘魚同埋帆立貝，全部都新鮮🫶🏻🥗前菜五點 - 有泡菜、牛蒡、木瓜絲、海蜇、豆腐🍤炸物 - 有炸蝦、炸蠔、炸冬菇、炸番薯、炸南瓜、炸秋葵，炸醬夠薄裏面夠軟熟🥰🥬季節野菜🐖豚肉、鷄肉 🐂宮崎和牛五款 - 有牛肩胛、牛小排、內側後腿肉、宮崎肉眼、宮崎西冷，全部都顏色粉嫩，油脂比例均勻👍🏻🐂特別推薦和牛 - 係日本京都姬牛，超大塊，顏色粉嫩入口即溶❤️🍚飯/麵 🍮甜品 - 甜品都有好多唔同嘅選擇🧃飲品 - 有好多款梳打同埋果汁汁可以揀佢哋嘅食物擺盤超靚呀，店員會放一個圈圈圍住個爐，上面已經有晒前菜、刺身、炸物等等，同朋友嚟打卡真係一流👍🏻 而且所有食物飲品都係無限refill 㗎❤️星期六日仲有人會表演唱歌㗎，真係好有氣氛🥰

今日去咗銅鑼灣一間露營主題餐廳，主打刺身同和牛放題，非常期待。餐廳環境好有特色，以露營為主題，現實嚟講露營都係一件麻煩的事，在冷氣地方能夠感受露營氣氛，實在太爽了。按價位有唔同套餐可揀，我哋揀左觀星套餐。加錢可轉壽喜燒或鍋物。燒肉種類齊全有豬、牛、雞，重點推介當然係和牛，可揀宮崎西冷、宮崎赤身肉、日本宮崎特選和牛。鷄、豚肉有十勝豚肉，北海道黑豚腩肉片、梅花肉、柚子胡椒赤雞腿肉等。刺身北海道北寄貝，三文魚都好新鮮。前菜海蜇伴青瓜絲、韓式泡菜、季節前菜。炸物吉列蝦、吉列蠔、唐揚魷魚鬚，新鮮炸起熱辣辣。季節野菜選擇都不少例如有極濃豆腐、冬菇、金菇、牛油什菌、粟米、新鮮菠蘿等嫌唔夠飽，仲可以食埋紫菜飯或稻庭烏冬，質素唔錯。甜品種類好多好豐富，質素高好有特色。當中有北海道梳乎厘卷 ，黃豆厥餅，乳酪奶凍，水信玄餅等。飲品大大杯，揀咗巨峰提子和白桃梳打。非常滿足的一餐。

個晚我哋兩個人本身book左6pm入座，不過我哋最後早到左半小時，5:30pm就入座，侍應生都好友善完全冇黑面，一坐底就可以揀下有咩食，職員都好有耐性介紹有咩餐，佢哋主要有三個餐 - 分別係 觀星 賞月 夜空，我哋初初揀左觀星，不過經職員再解答左每位加多少少可以試度一款特色A4和牛，我哋就二話不說揀左賞月，另外加左一個人啤酒任飲。因為個時人流都唔多，我哋就輪流係間餐廳週圍行下打下卡影下啲佈置。真心覺得佈置係有心絲咖同餐廳名字好夾。野食方面種類好多，初初會上兩至三輪野食燒肉咖，初期上咗兩個半環咖拼盤- 包含左凍前菜 刺身 同 一堆天婦羅，兩個環合體變左一個圓環上枱好靚，打卡一流！另外有跟qr code可以掃code再冇限時encore order再食自己喜歡咖嘢食，任飲啤酒就我覺得好抵，因為印象中有4款手工啤另外有青島同另外一款本地… 如果有一大班人一齊去食應該幾正。甜品都有六至七款，全部都唔錯，最鍾意個奶凍同玄餅，好好味！另外最後值得一提就係有live music，見到有個外國人吹笛表演，好好聽！

餐廳別出心裁咁將室內裝修成營地一樣，係鬧市中可以一邊賞月邊享受營營既氣氛。唔鍾意露營既話仲餐廳仲有日本主廚主理既omakase，可以慢慢嘆，現在仲有現場樂隊表演🌕賞月放題（$688）食物質素同選擇都相當豐富。首先送2個大木盤合格成一個買圈，上面擺滿刺身、前菜同炸物拼盤。刺身鮮甜，前菜開胃，炸物香口，食完都飽左一半～🐂重頭戲當然係各式各樣既和牛。宮崎和牛五款套餐的肉眼、西冷、牛小排等部位，油花分佈均勻，肉質軟嫩。而餐廳特選既京都姬和牛油花更為豐富，牛味濃郁，令人回味無窮。除左和牛，店內亦提供豚肉、雞肉等其他選擇，滿足不同客人既口味。🧁甜品方面，個人推薦水信玄餅同雜莓奶凍，2款都好出色，為呢餐劃上完美句號

就嚟去到秋天，又係個露營嘅好時間啦。😆逢親去露營最期待嘅除咗就係欣賞大自然景色同埋日出日落之外更重要就係點樣煮得一手正嘅嘢食。😋除咗有碳水嘢之外，而家仲興起燒肉。露營都要食吓好嘢補充吓野外生活嘅所需要體力。😛如果冇咁多架撐嘅話喺銅鑼灣仲開咗一間露營🏕️主題嘅餐廳完全可以俾大家感受一下露營嘅氣氛同埋感覺， 😌順便仲可以嘆吓$688 賞月套餐，仲有和牛可以食添😋呢個套餐就包含咗宮崎和牛五款，🥩其中就有宮崎肉眼（大大片嘅肉眼非常鮮紅嘅顏色再配上線條分明嘅油脂紋燒起上嚟特別香，而且油香四射，越食越上癮）🥩之後仲有宫崎西冷（設成薄片之後呈現霜降嘅感覺、粉嫩嘅顏色同埋細緻嘅油脂紋肉味更加濃郁）🥩另外仲有宫崎赤身肉（最飽滿嘅肉感同埋比較瘦少少，但係同樣都係非常嫩）🥩以及仲有本日特選宫崎和牛二款，而本日精選就有牛小排同埋牛腹腩，🥩每一個部位所感受到嘅就係有好大嘅唔同，但係最簡單嘅食材當然就係要用最原始嘅做法咁樣原汁原味就係最享受🥩另外圍住個爐亦都會有一圈前小食同埋刺身等，❤️‍🔥符合晒露營食嘢嗰陣時都係要為埋一齊聚住。🔥佢哋嘅天婦羅主要都係有南瓜同埋蝦，而且寫起上嚟熱辣辣炸粉亦都炸得相當嘅脆同埋薄完全好少

話說之前睇一個YouTuber介紹呢間露營生活，咁就想中秋正日9月17日同家人做節嚟食下靚嘢，坐下聽下音樂，所以就經OpenRice預約咗今日晚市嚟呢度試吓，但無諗過會遭到咁嘅對待，好失望。一坐低店員就話可以介紹一下今日嘅餐牌，分別有三個價錢$488、$688及$1088。咁本身一直諗住試吓就算同埋我哋屋企人都係唔食太多肉，所以就揀個最平嘅試吓。點不知個店員不停地sell，仲要因為知道我哋係叫最平嘅套餐，所以即時黑面對我哋，態度即180度轉變（要強調係高高瘦瘦，著全黑色衫，戴黑色帽，心口戴住個佛牌嘅男店員，照觀察佢應該係負責Sell套餐嘅，每一個客人坐低佢都會即時拎個餐牌嚟Sell嘅嗰個店員），而且佢嘅推銷手法真係非常之差劣，可以媲美推銷健身plan嘅sales⋯而且明顯地佢哋對叫$688以上set嘅客人特別好服務態度，例如係佢會主動介紹唔同嘅海鮮種類、食物種類同埋會幫埋手燒嘢食，相反全程對我哋就黑口黑面。我覺得既然咁介意客人叫$488平套餐，不如索性取消咗去，又或者可能統一或set一個高嘅定價就算啦⋯擺得出嚟餐牌都預咗唔同客人有唔同食法就會叫唔同價錢，何必咁樣對待客人呢？未去過嘅，我