雲津美食

今日嚟到粉嶺度探朋友 泊車經過呢一間小食店見到好多人落單 一間咁細嘅店竟然有極多地道小食 實在太邪惡 後尾聽朋友講原來呢間店開到凌晨兩點 係粉嶺友宵夜精選🌚🍣 炸壽司店舖嘅招牌 香腸餡既壽司攞去炸 外脆內軟 再配上特別嘅醬汁 又新奇又好食🍗 炸雞髀即炸既雞髀熱辣辣 個size比手掌還大！炸得金黃酥脆 味道似鹽酥雞 肉質鮮嫩多汁！🍯 蜜糖炸燒賣傳統燒賣裹上蜜糖漿油炸完外皮變得甜脆 蜜糖既甜與燒賣既鹹意外地夾 食完一粒又一粒🌶️ 香辣雞翼尖煮到極致軟嫩既雞翼尖 入口即化！蒜蓉同辣椒味 越吃越上癮～係完美既下酒菜！☕ 凍炭燒咖啡炭香陣陣既咖啡冰涼順口 苦甜平衡得剛好 又解膩又提神 同炸物簡直是天作之合！雲津美食 (粉嶺)粉嶺聯和墟和隆街34號地舖…查看更多

順路一試聯和墟港式平價炸物小店 根本就係宵夜之選🤤Menu好多選擇 心大心細唔知揀咩好 店員熱心推介咗小店招牌 ✨墨魚嘴 ✨炸壽司 1️⃣蜜糖炸燒賣 $11/5粒炸燒賣就成日食 蜜糖真係第一次食 甜甜地原來好夾 另有一番風味 如果燒賣本體口感再好d就perfect! 2️⃣炸魷魚鬚 $18/半份個屁好脆 食落索索聲 大大條 好過癮 調味適中 熱氣之選 送啤酒就啱曬啦3️⃣招牌墨魚咀 $17 ✨冇推介錯 入口爽口 調味好香口忍唔住一粒接住一粒 4️⃣蜜糖蕃薯仔✨MVP!! 係可以代替甜品嘅小食~ 私心勁中意食呢個 口感軟糯 甜而不膩5️⃣炸雞軟骨$17軟骨爽口 調味適宜 一定要趁熱食6️⃣經典紅豆冰粒粒紅豆 建議攪勻再飲 口感豐富 但係甜咗啲啲🤣呢邊嘅社區比較安靜 小店主要都係做外賣 見唔少都係附近街坊過嚟幫襯買宵夜 炸物主食包羅萬有 真係要慢慢試先試得曬🤣店員嘅態度服務都好好 好有禮貌 超warm~…查看更多

作為北區街坊，經常在聯和墟搵嘢食，唔少得既當然係聯和墟名物之一「雲津美食」😙炸燒賣外脆內嫩，咬落去啖啖肉香；加上蜜糖🍯 正到飛起😘甜又得 咸又得😏炸壽司🍣創意十足，炸完依然保持壽司🍣的香味唔會太油。配上醬油 更係食唔停口！香辣雞翼尖辣得啱啱好，香口惹味，啱晒鍾意食辣嘅朋友。百香果乳酸飲品酸酸甜甜，飲完好清新，啱晒配炸物。店舖細細但選擇多，店員有禮又親切，唔想等咁耐仲可以電話☎️落定單，絕對係放工或週末掃街的好選擇！…查看更多

深夜時分番到聯和墟覺得好肚餓好想食宵夜但唔係好多舖頭仲有開第一時間臨起愈夜愈旺既雲津舖頭細細但賣既野食都幾多種類叫左最出名既炸壽司 大大件有6粒 啲飯炸到脆卜卜入面包住舊腸仔 （佢唔係主角，成舊咬亦都唔係好食到佢既存在）面頭搽咗類似燒汁既醬好邪惡但好惹味炸蜜糖燒賣滿滿蜜糖包裹住而且一樣炸到脆卜卜食到停唔到雞軟骨一如以往既味道 無咩特別略嫌份量少左啲總結係3樣都好好食為何深夜總是餓簡直係宵夜首選…查看更多

粉嶺聯和墟隱世美食！炸物控必衝嘅街坊小店🍤 今日專程入粉嶺聯和墟覓食，間街坊小店真係冇令人失望！一坐低即刻瘋狂掃單，樣樣都想試，結果全部清碟，真係扶牆出🤣 首先要讚嘅係酥炸魷魚鬚🦑！外皮脆到咬落「卡嚓」聲，入面啲魷魚仲好彈牙，完全唔會韌，灑少少鹽粉已經夠晒味，送酒一流！ 然後個巨型炸雞髀真係嚇親！大過個手掌，炸得金黃香脆，一刀切開仲有肉汁流出，雞肉嫩滑到唔信🤤 炸豬扒都好有水準，粉漿好薄，咬落好鬆化，肉質好腍，唔會乾柴！ 港式靈魂菜式一樣出色✨ 生菜魚肉好足料，魚肉滑溜溜，生菜好爽脆，個湯鮮得嚟好清甜，飲晒成碗都唔會覺得鹹。燒賣粒粒飽滿，咬落彈牙，蘸少少豉油辣椒，簡直係童年味道！最後追加嘅炸雞粒外脆內嫩，蒜香味好出，一粒接一粒停唔到口！ 呢類街坊小店最正係夠晒人情味，食物又平靚正，完全係港式滋味嘅代表🇭🇰 …查看更多