雲津美食

營業中

休息中

招牌炸壽司（6件）幾特別，好脆好食👍雞髀配大紅豆冰餐👍雞髀內脆內軟有汁，紅豆冰大杯有紙隔唔會漏抵讚，但味濃𝓓更好煎釀三寶（4件）豉油甜醬太多，好咸炸奶皇包一個特別👍幾好食招牌碗仔翅見唔到紅色醋，但食到醋味，料多𝓓更好*外賣𝓪𝓹𝓹𝓼送屋企

食物都尚算可以，但營業時間經常提早，專程揸車黎，1點42分到都無嘢賣，真掃興朋友介紹仲話呢間入面啲人服務態度好好好有禮貌添！但個女人雖然態度未算好差，但一啲都唔好係好好態度嘅感覺！

突然間想食煎釀三寶，唔係好多香港嘅小食店有得賣，上網睇雲津小食有煎釀三寶賣，所以特意過去。小食店下午4:30開始營業，專賣好多唔同煎炸嘅小食。比較有特別嘅係炸壽司，普通嘅炸燒賣、炸雞髀都有得買。目標為本，揀咗煎釀三寶$10蚊4件。包括兩件茄子，一件青椒同埋一件紅腸。可惜沒有炸魚蛋同埋炸豆腐。煎釀三寶現炸熱辣辣，但係比較多油。加上豉油，味道尚算可以。煎釀三寶每粒都算大件，所以$10 四粒呢個質素可以話係冇投訴。

雲津美食📍粉嶺聯和墟和隆街34號地舖味道：😋😋😋😋😋😋😋😋環境：🎑🎑🎑🎑🎑服務：😏😏😏😏😏😏😏😏🍣招牌炸壽司 💰20/6壽司表面炸得好香脆，但完全唔濃，入口有微微嘅飯焦香，中層又保留到飯粒的煙韌口感，非常好味，中間係腸仔餡，配上甜豉油零舍惹味。🐤招牌香辣雞翼尖💰20雞翼尖煮得夠入味，食落帶點微辣同酒香，非常惹味😜😜小食店營業至凌晨2時，住喺粉嶺上水嘅朋友要食宵夜就唔好錯過啦💓💓#香港美食 #美食推薦 #美食日記 #粉嶺#聯和墟#小食#宵夜#美食推介#街坊小食#炸物# 影相#打卡#相機先食##hongkongfood #Hk snack#wan chun snack#雲津美食#hongkongfoodie #美食 #推薦美食

隔左一排無食，見到加左價，不過都唔係好大升幅，仲可以接受，但希望keep到水準😋.炸壽司味道無變，但個醬汁好似轉左，結左又咸左🤔.酸辣粉味道ok, 但唔知點解成碗野好多黑色一粒粒，係黑椒定鑊屎

我問過店員有冇燒賣魚蛋兩溝，佢話有，咁我要第一份，等咗10分鐘，俾咗一份碗仔翅我，其實魚蛋燒賣同碗仔翅叫法都唔同啦，點會俾咗一份碗仔翅啊？😭第一次幫襯，好失望😭

差唔多一星期食兩次嘅宵夜，真係太好食，成日都會約班friend一齊買來食🤤 不過有時都會等好耐，同埋有機會執漏嘢一定要check清楚。麻辣雞翼尖‼️必食‼️美味指數爆分雞翼尖辣辣哋，易入口，而且唔會好難lun骨。炸壽司都要食🤤 壽司用嚟炸，本身以為會好奇怪，點知好好食好香口，再加上我有啲甜豉油喺度，超正。酸辣粉🍜酸辣薯粉，超平超抵食，只係20幾蚊，仲有唔同嘅辣度可以選擇，薯粉煙煙韌韌，唔會林曬。

以前住粉嶺嘅時候會經常幫襯住元朗好幾年都會久唔久特登去買經過今日之後見到舖面完全唔同人之後唔會再去幫襯以前收銀姐姐好精神好正能量現在眼見嘅人已經全唔同曬感覺食物質素同份量完全係兩回事我買左以下幾樣野以前：1原味炸燒賣會有椒鹽味2蜜糖炸燒賣成粒都會有蜜糖包裹3魷魚鬚肉質鮮嫩唔腥粗身4炸壽司會有醬汁響面5炸帶子冇雪味6魚肉生菜生菜滿碗7酸辣紅薯粉鹹辣口味8雞軟骨外面酥脆裏面嫩脆而且有調味粉響面現在：1原味炸燒賣真係原味2蜜糖炸燒賣太求其唔係粒粒有蜜糖味3魷魚鬚縮水水不特止，韌腥有種化學醃肉味4真係純粹炸壽司冇醬汁響面5炸帶子咬落口係鬆散而且有雪味6魚肉生菜未開蓋見到裏面有啲黃黃哋以為畀錯嘢，打開後食落口竟然有咖哩味，生菜半碗都冇7酸辣紅薯粉酸甜鹹口味，配菜肉碎好似冇調味8雞軟骨係炸到好脆但係純粹係炸漿脆口裏面係乾爭爭而且冇左芝士薯波嚕

雲津真係開左好多年啦，由我小學就開到依家，難得既係佢地味就如一，都係保持到水準，同埋佢地開到好夜，有時突然肚餓都可以去買黎食我最鐘意食呢度既炸壽司，炸洋蔥圈，雞翼包飯，台灣腸，墨魚咀同埋紅豆冰同埋呢度每次都會幫你翻炸一下，唔會偷懶首先炸壽司，唔會炸得太過火，都唔會太油，仲會食到壽司本身既軟燸，略嫌醬汁太濃味，如果係辣粉可能會好D洋蔥圈有買大舊，好滿足，唔好太油就Ok啦特別要表揚既係燒墨魚咀，次次都好大粒，唔會偷工減料，抵食

雲津美食🍢🍡📍 粉嶺聯和墟和隆街34號地舖★★★★★★★★★★★★★★★★★★★★★ 以前住係粉嶺既時候，已經 經常幫襯呢間小店，除咗好食之外，夜晚仲開得夜， 唔怕放工之後會冇野食😂 呢間鋪頭最出名就係炸壽司🍣，係即叫即炸，所以落單後都需要等⋯⋯🥲另外佢地個炸芝士條同埋蜜糖炸燒賣都一樣好出名🥳，不過想食既朋友仔，記住佢地係夜晚先開鋪。🌟脆脆雞 $15 份食落口好似食緊鹽酥雞咁， 不過係冇左d 鹽， 都唔錯既。🌟 蜜糖炸燒賣 $9 / 5粒其實都幾特別既， 不過個人覺得炸燒賣 會有d 奇怪咁😂🌟 招牌炸壽司 $18 / 6件呢個要推介呀🤤， 我比較鐘意外脆內軟a既感覺，雖然只係得飯同腸仔， 但口感都仍然唔錯👍🏻🌟 招牌麻辣米線 $23呢個係得d 米線同肉碎，唔飽肚既😂，不過味道係ok。🌟 红豆珍珠牛奶 $17🌟 水蜜桃紅茶 $17飲品就一般般，可以唔洗試。整體推介指數：❤️❤️❤️🤍🤍★★★★★★★★★★★★★★★★★★★★★

台式炸雞扒 $16之前 我俾咗個負評佢因為嚿雞扒細咗之餘仲要係無調味粉 食緊嚿無味炸雞扒咁嗰時係晏晝四點幾五點買今晚個宵夜 再試返買來食炸雞扒嘅味道(有調味粉) 同size都回歸啦 回復正常唔厚粉 雞扒炸得好Juicy招牌麻辣米線 $23米線超冧 唔啱我口味我鍾意食硬身米線佢個麻辣湯底 係有麻辣嘅感覺都偏辣 但個湯底唔夠濃似麻辣加水 肉碎份量亦都唔多試咗一次 唔會再買佢哋開到凌晨兩點 主打炸小食12點幾最旺場 好多食物熊速遞出現所以都要等佢一段時間唔想等太耐 可以打去落單先

聯和墟出名嘅小食店， 每次行過都有人等緊，D野食仲係即叫即炸🍤🍢其中炸壽司腸仔 同 炸燒賣 係必食架！！招牌小食： 炸壽司 - 有腸仔 同 蟹柳 兩種口味, 🍣表面脆口，食落口感煙韌 又 甜甜地😋😋😋P.s 最近先發現原來可以打電話落定單， 咁就唔洗係門口等拉， 勁方便👍🏻👍🏻

無食一排 估唔到細咗一半有多都唔緊要 但係。。之前食開 係有調味粉以前宵夜成日都買黎食今日夜晚7:30 見冇咩人排隊同好耐冇食 咁就order一塊店員 係唔記得咗要落調味粉？定係心急出單而漏咗呢？定係你哋改咗個煮食方法想健康啲 唔落調味粉?今次呢塊 咩調味粉都冇純粹 只係一舊炸雞扒 好失望早兩個月嘅水準去咗邊度🙄之前食過好多次 真係好好食今次個水準 實在同之前相差太遠唉 夜媽媽下次肚餓 想食宵夜的話仲幫唔幫襯你好。。。個紙袋真係好乾淨 冇調味粉㗎

炸壽司呢樣係破我三觀嘅食物，我每次stone咗都會食。大家要試試！唔講咁多，今晚買返幾份，一於smoke爆佢，慢慢品嚐。不過大家唔好買炸蟹柳味道OK口感麻麻Shout out wun chun

聯和墟有很多美食小店，雲津是其中一間，主要售賣炸物，雲津的炸物，的確令人回味無窮。有炸壽司、炸燒賣，我最愛就是她的炸雞髀，性價比非常高。$18 炸雞髀有時門口會排滿長長的人龍，不過可以電話下單。新鮮即炸，是次等候時間約10分鍾，雞髀大大隻，新鮮炸起熱辣辣，外皮脆雞肉嫩，油温和時間掌握得恰到好處，雞肉有醃味，唯一要彈就係顏色愈來愈深色，可能油舊了，影響了視覺，會覺得較膿。但價錢依然便宜，味道保持到水準。老闆娘的服務態度也非常有禮，值得一讚。