雲桂香米線專門店

營業中

休息中

Having lived in hk for more than 2 yeara i had my first restaurant fight here. It looks like a fast food restaurant but it was slow. I asked if my dish was coming soon (Because my hubby and kid were coming to pick me up), a waitress glared at me for about ten second as if i was a criminal. my family arrived before the food was served. This is what really shocked me: they told me anyone sitting in this place must spend 30 dollars minimum. But my family had eaten already, they just had to stay her

又好耐都未嚟過雲南米線度食今日一個人食晚餐所以就快快手嚟到呢度食雲南米線🍜叫咗個蘿蔔雞翼熱伴米線 呢度啲蘿蔔好好食好大嚿同埋好鍾意食呢度嘅雞😂😂😂 但係都覺得冇以前咁好食

落左單坐左4個字先入單 即係我要等多4個字先有得食？Lunch係人多 但唔需要等4個字先入到我張單！唔係每個人都食2個鐘lunch黎你度坐8個字等1碗麵 已經唔係第一次 食個飯都咁勞氣收錢果個無時無刻無表情 眼尾都唔望一下唔好話同我講多謝 我黎食麵唔係要服務 但佢地態度真係過份怠慢 我好似黎乞佢飯食咁

新年出街真係好難搵野食原本同朋友諗住係銅鑼灣搵車仔面食點知好多間都未啟市！前成日聽人講雲桂香好食就一於試下！入當時去個陣唔算人多，有卡位坐 🤘🏻1人1碗粉 可以揀自己中意食啲咩 唔夠再加小食😂酸辣米線+豬頸肉+雲吞雲吞好好味😋重慶酸辣粉+肥牛+豬大腸朋人話味道啱晒佢好味 冬天食一流🤣炸春卷 脆卜卜 好香口 下次應該會encore後黎食晏時段 突然一大班人入黎店員叫我地坐同一邊比人搭枱 所以快手食完就走🙈

今日返學放飯時同朋友冇地方好去，有個就提議去銅鑼灣佢屋企附近有間餐廳幾推薦，幾好食嘅，食米線嘅。反正唔知食咩好，就跟佢啦。就去咗呢間雲桂香米線專門店。其實呢間都幾受歡迎，我哋一入坐慢慢就開始又係咁有好多白領同自由行嘅人入嚟。我就叫咗個重慶酸辣粉加肥牛，中辣，凍奶茶。我啲frds叫嘅就唔講啦，佢哋都唔比我影相。酸辣粉真心好好食，就算係中辣都未至於頂唔順，不過酸係夠嘅，辣度下次可以升級到大辣。個薯粉都好滑好韌，正呀！個肥牛就普通咗啲啦，香係好香嘅，不過就硬咗啲，比較有咬勁，唔夠軟熟。成個粉總體嚟講係值得推薦嘅，驚辣嘅人可以叫少辣。

我有時經過都食呢一間米線，睇著佢轉餐牌、轉制服&加價!但我都照食!因為鍾意佢酸酸地嘅湯底!味道很好!選咗豬紅魚腐米線同樣湯底好味!~如果芫荽可以比我落多D 就好!我提議落芫荽葉會好啲!葉軟易食&味道濃啲~另外叫咗一碟口水雞初頭問侍應大哥會唔會好辣，佢話唔會~甘我就信佢啦!睇相都好吸引!也以為辣度同譚仔3哥個種口水雞差不多!口水雞一到，大家一放入口冇耐!!辣到噴火!個咀紅晒!味道是好食!好辣人士強烈推介!我估侍應大哥味覺功力深厚! 佢應該在想: 少年你太年輕啦! 但我要用湯浸一下去除辣度才食到~ ( 很辣呀!)整體不錯呀!

今次係第一次食雲貴香嘅米線，本來以為同其他米線店差唔多，普普通通，唔係太大期望，點知好有驚喜。我叫左個小鍋酸辣米線配豬頸肉加墨魚丸。個酸辣湯底有好多肉碎，味道係酸辣並重，食過幾間其他米線舖嘅酸辣湯底，好多時都係辣味蓋過曬酸味，所以覺得呢個湯底好o岩鍾意食酸野嘅我。配菜方面，D豬頸肉幾大件，而且係預先醃過味兼先燒過，食落好香脆，好好食！相比起豬頸肉，個墨魚丸就唔係太特別，但個口感都幾彈牙。整體來講，我覺得雲桂香係咁多連鎖米線舖之中最好食嘅一間，尤其個酸辣湯底好正。

今日係銅鑼灣返完工，同朋友二人黎到雲貴香米線專門店食個晚餐。朋友試左個蟲草花雞肉湯米線🍜，感覺非常清甜養生。而我就鍾意酸辣米線既，點左雲南小窩米線，材料非常豐富，有雞絲，冬菇、木耳、春卷等。滿意的一餐，下次會再試其他湯底。

今日行完街同三個朋友去食 之前係觀塘食完覺得幾好食所以就提議去食啦 跟住上黎四碗米線都冇味 得個辣字 四個成年人連一半都食唔到 都冇乜嘢 咁咪唔食 埋單走人 跟著搭地鐵返屋企 去到旺角地鐵站就黎料 我同其中一個fd攪肚痛 頂唔順 落咗地鐵去廁所 屙完一輪就痾水 跟著另一個fd就忍到去九龍灣先去 以後唔會黎食 太唔衛生了 仲有60個字 仲有50個字 仲有40個字 😒😟😕🙁☹️😣😖😫😩😢😭😤😡😡😡😡😡😡😡😨😨

一行二人食晏時間嚟咗銅鑼灣鵝頸橋附近，周圍食肆都好多人，就隨意入咗呢間《雲桂香》。餐廳入邊滿滿都係客人，好彩侍應都安排到兩個座位俾我哋。餐牌圖文並茂，都算清晰，有好多種配搭。我叫咗個魚腐港式米線 ($33)，雖然話係胡椒湯底，不過湯底嘅胡椒味比較淡，魚腐就爽身彈牙，米線份量都幾多，整碗粉清清地味道都唔錯。朋友叫咗個豬大腸小鍋米線 ($36)，豬大腸酸酸甜甜夠腍滑夠入味，湯底亦都好滋味，讚！整體嚟講，呢兩碗米線嘅味道都唔錯，份量亦足，呢個價錢喺銅鑼灣來講算係好抵食。

一向都好鍾意雲桂香既湯底呢日放學都唔知食咩好就去左CWB到食雲桂香啦叫左小辣既小鍋米線湯底入面都有好多配料包括酸菜、芽菜、莞茜等料就叫左豬軟骨有D煮得唔好既豬軟骨係會煮到好硬今次就煮得幾淋身 米線亦都有掛湯能力仲會煙煙UNUN不過可能佢湯底其實都落左唔少味精所以食完就會好口渴 

秋意起很想暖笠笠既吃米線所以特地來到這裏今天選擇了炸醬腩肉芝心丸米線 酸辣小辣水準還是以前工作時常吃的味道還是偏少少咸 因為剛剛秋天的關係喉嚨有點痛所以叫了這杯菊花蜜 時間剛剛好

自從上一次食左金西南米線之後，就對雲桂香米線心掛掛。今日，終於搵到機會過黎食返碗米線。lunch time 12:00左右黎到，位就唔係好洗點等，好快就入得去食。是日選擇：豬紅豬大腸豬腩肉米線走酸菜走韭菜加多個口水雞。豬紅整得好入味。豬大腸唔算肥而且又洗得乾淨，抵讚。不過豬腩肉就馬馬地，無咩味，上次食都唔係禁🤔。米線煮得岩岩好，有時好怕熟得仔或者生得仔。口水雞就無咩味，米線專門果然都係食米線好喇😂，下次小食食炸春卷好過。

去了歐洲10多天，每天也是和乾爭爭的麵包結伴。在外地特別掛念香港的湯麵。香港實在是美食天堂，各款各樣，不同國家的美食任君選擇，為不生厭。今天和旅伴吃了銅鑼灣的雲桂香，間中也會吃的食店，價錢不貴，但比起計譚仔南記優勝之處是，座位舒服多了，可以坐下慢慢細味旅行的一點一滴。今次吃了豬大腸、豬軟骨港式米線小辣$40，配料有韭菜、腐皮、芽菜，友人不愛酸菜，所以第一次點了這。香港獨有的味道，很快就吃光了，友人就覺得偏咸。炸春卷$24，是必點的小吃，很香口，炸得剛好。醬伴皮旦$24，比其他店有點不同，雲桂香這個皮蛋有酒味，很新鮮的口感。最後來一杯港式凍檸茶，簡單一頓飯已經很滿足。

如果要說雲南米線的連鎖店，相信大家一定會想起Ｘ仔。但其實雲桂香亦都頗出名，亦有人會認為雲桂香更加好食。碰巧返工附工有一間雲桂香，就一於去試一下。這間分店位於銅鑼灣駱克道，其實即是鵝頸橋旁邊的，所以都容易找到。平日的LUNCH時間人流都不少，所以可能要等一等。與同事仨人行，可能早到的關係，等了數分鐘便有位置。入座後馬上看餐牌，雖然心中都有想吃的配料，不過還是要循例看一看吧。看完後，都是例牌吧。小鍋米線配兩款配料，我就選了魚腐和腩肉，湯底要小小小辣好了，以免食到身水身汗。魚腐、腩肉小鍋米線（小小小辣）來到之後，其實看起來都是差不多，都是連鎖店的雲南米線吧。試一口，湯底還可以，因為不選辣的話就會沒了辣肉碎，好像會蝕了一樣，所以都要選辣湯。這裡的腩肉食落不錯，都幾大塊的，而且都有腩肉味，對比起Ｘ仔這裡的腩肉是較為好食！但是魚腐就較為求其，沒有魚味，隨便炸了一舊野出來一樣。幸好佢小鍋米線有些辣肉醉，令到碗米線吸引一點。所以，我覺得其實與X仔米線差不多。未至於更加出色。