雲桂香米線專門店

營業中

休息中

一行二人食晏時間嚟咗銅鑼灣鵝頸橋附近，周圍食肆都好多人，就隨意入咗呢間《雲桂香》。餐廳入邊滿滿都係客人，好彩侍應都安排到兩個座位俾我哋。餐牌圖文並茂，都算清晰，有好多種配搭。我叫咗個魚腐港式米線 ($33)，雖然話係胡椒湯底，不過湯底嘅胡椒味比較淡，魚腐就爽身彈牙，米線份量都幾多，整碗粉清清地味道都唔錯。朋友叫咗個豬大腸小鍋米線 ($36)，豬大腸酸酸甜甜夠腍滑夠入味，湯底亦都好滋味，讚！整體嚟講，呢兩碗米線嘅味道都唔錯，份量亦足，呢個價錢喺銅鑼灣來講算係好抵食。