雲桂香米線專門店

營業中

休息中

今日開始轉到銅鑼灣返工，開心🤴🏻接放工，正愁唔知食咩又唔想食咁貴，之前食過荃灣嘅‘雲桂香’越食越差😒😒！經過呢間‘雲桂香’裝修好靚，有少少古色古香，咁就吸引左入去🤗🤗菜單上多左荃灣店一款米線‘港式米線’麻辣少辣+蝦卷+魚腐！$45好好味！湯味好濃郁！麻辣味唔太嗆辣，飲落喉嚨好順滑，好易入口☺️☺️蝦卷、魚腐正常！米線份量勁多🙂🙂‘蟲草花雞湯米線‘$51飲落有酒香味，應該係花雕醉雞，幾特別！雞件有四塊，幾有彈性唔柴😆😆小食‘台灣蛋餃’$24呢個小食非常有驚喜，外皮好脆，感覺似食緊薯片，咬開裡面嘅肉塊又唔會好乾，做到色香味俱全🥟仲要一碟有8隻好低食呀！🥰🥰如果荃灣都做到咁好質數就好啦😁😁

今日出去銅鑼灣經過雲桂香，見到終於都裝修好，好耐冇食過喇，一於入去試下裝修後味道如何，踏入去鋪頭依舊人頭湧湧，等左陣就有位，裝修完果然係舒服，冷氣又夠凍，乾淨企理。今次點左清湯小窩米線，招牌腩肉，墨魚丸，同豆卜 … 湯底清甜，米線軟硬適中，招牌腩肉不失水準，精髓在於辣辣地肥瘦適中，至於墨魚丸爽口彈牙，重中之重就梗係豆卜，吸收曬湯嘅精華，軟綿綿又有咬口，如果韭菜份量可以多啲就好喇，跟餐叫咗杯凍檸茶少甜少冰都只係8蚊，經濟又夠飽啱啱好。

Without any lunch plan, I just found somewhere nearby to have a simple lunch on my own. Their menu was simple and clear and you could choose noodles/toppings to make your favourite combo.蟲草花鷄湯水晶粉 at $51This 蟲草花鷄湯水晶粉 sounded super healthy so I couldn't help but try it out. It had a 酒味雞湯底 with cordyceps flower 蟲草花, chicken and lettuce. It was a must-try for foodies who like chicken soup. You would love thehuge bowl of chicken soup which came together with zigzag-shape crystal noodles as the noodle

早幾年前經常都會嚟一間雲南米線店食腩肉炸醬米線仲要叫埋大辣！今日買完啲你想食嘅呢一次已經發覺呢間店鋪已經裝修咗同以前好唔一樣！而家呢間米線店比較奢華！我都係鍾意以前古色古香平平凡凡嘅米線店多啲帶咗個算禮拜肉有啲失望雖然蒜泥睇到佢金黃色咋得好似好靚咁但係食落口冇乜蒜泥嘅香味 而且份量都唔係好多30幾歲$40一碟孫儷八肉吧肉包住左青瓜其實份量可能真係得薄薄地嘅片雲南米線就不過不失啦但係我覺得之前好味啲食完之後有啲失望

好耐之前已好想去食"魚米"嘅黃花魚米線，可惜多年來如果去都冇食過，加上而家覺得呢間"魚米"D 嘢好求其，所以吾想再去.....今日又係出動睇防疫用品，早餐後冇食過嘢，都係時候醫肚，想起想食車仔麵類等粉麵嘅湯食，不過冇心水，見到有魚食嘅米線店所以入去試下...同姪女二人一起，我要海鱸魚米線，佢要普通米線，加個魚肉春卷....個海鱸魚炸得香脆，熱辣辣，我覺得好好食，又啖啖肉，反而米線質地腍左一D...但整體OK，而魚肉春卷，凍左D冇想像中咁好味.....因為疫情關係，又都成4點幾，所以吾算多客，服務一般....

次次埋單收銀員都黑口黑面！ ！語氣又吾好，講句野都吾耐煩，服務態度超差！有時叫外賣呢樣又吾得，果樣又聽吾清楚，總之就好似欠左佢咁！！！麻煩你地跟進下果位姐姐既問題

我諗好多香港人都好鍾意食米線 而香港亦都有好多唔同嘅連鎖米線店 已其中一間比較出名嘅雲貴香都開咗喺銅鑼灣 見係新開嘅關係 就抽一日去食佢嘅價錢比一般嘅米線店貴 平均消費都可能要50以上 但係選擇就唔係太多 我果次食嗰個雞係凍嘅 呢個就正正常常 感覺好似好養生 😂 但係分量亦都係一個問題 成日都覺得食得唔飽 而果日都有呢個問題 就係食得唔係太飽😗 但係又要成五十幾蚊😗 應該冇下次啦🌝🌝🌝食返碟頭飯先😂😂😂😂 起碼會食得好飽

響銅鑼灣做完恤衫，行吓行吓，大少話不如響一度食個快嘅晚飯。其實我好少食小鍋米線，因為成日都覺得好大鍋，食唔晒。打開餐牌發現有我最愛嘅紅薯粉，即刻精神為之一振。大少揀咗小辣小窩米線，配三個餸有雞絲，雞翼同豆腐卜。我見到大少碗麵好大碗亦都有好多雞絲同配菜。大少叫嘅食物比較正路，都冇乜機會出錯，亦都冇乜話好食唔好食。味道普普通通囉。我就揀咗唔辣紅薯粉扣底，配豬潤同墨魚頭。紅薯粉就好煙煙韌韌，我超鍾意食。不過個豬潤就比較遜色，好林一啲都唔爽。雖然係簡單嘅一餐但係有大少陪我食紅薯粉，已經變得不簡單。

懶開有條路，食開個期會追住食，所以最近既星期六午餐/下午茶都會去食!本人係anti個兩兄弟既，一來因為我食酸辣，二黎佢呢個湯真係好似會上癮咁架! 個期食開突然無得食會好掛住佢架! 而呢個癮我亦已經成功地傳染我男人，有時星期六諗唔到，佢會話，“我知你鍾意/想食，不如就米線啦！”明明係佢自己癮起🤭我通常叫中辣，因為會balance到，但大辣就cover左個酸味，又唔係死辣既... 但就... 都係中啦XD 男人就通常叫小辣然後偷我幾羹湯，佢唔係唔食得，只係佢會爆汗，所以囉...餸就好隨心，不過總會叫豬紅蘿蔔，然後睇個日心情再share!而佢小食中既皮蛋又係幾好食，佢雖然係麻辣，但唔會只有麻而唔香，所以肚餓既話，我地就會加點呢個小食，而如果我地食下午茶，通常個晚都可以唔洗食XD兩餸 $45三餸 $60皮蛋 $24

🍜發覺自從食過雲桂香之後，就冇再去食譚仔喇🤭每次都係叫雲桂米線$58💁🏻‍♀️因為會有齊晒腩肉、雞絲、魚肉春卷、鮮竹龍蝦卷、雲耳、腐竹、冬菇、酸菜等等，係多料到每次都食唔晒嫁🙈所以最近食就會開始同同事叫一個雲桂一個淨米，然後再對分啲餸咁就啱啱好😛

呢晚得 #小秘書 一個食飯，諗住 #簡簡單單 食碗 #米線 就返屋企。經過「雲桂香」見裡面都幾多人，應該唔差掛😏淨係一個 #湯米線 原來已經要$31，對我嚟講... 有少少surprise，不過我都唔會因為咁，而要刻薄自己唔加餸😅 我要咗 #腩肉 + #豬大腸，走 #酸菜、走 #牙菜，再加罐 #可樂，承惠$55。等咗十分鐘，#腩肉大腸湯米線 終於到。第一啖入口已經覺得 #腩肉 有啲咸，之後再食埋 #米線 + #湯，一樣好咸😖 我仲聽到對面枱個客投訴緊問點解碗米線可以咁酸（心諗好在我走酸啫）。總體嚟講，湯底溫度夠熱，外表睇嚟唔差，可惜味道太咸，唔係我口味囉🥢

一個人既米線，叫左豬頸肉，肥腸同肥牛👍🏻👍🏻餸都係其次，仲緊要係個湯底夠曬濃郁，如果食得辣，叫辣啲仲加好食🤤🤤每次都會叫小食，今次叫左個蒜尼白肉，仲係小麻辣🤤啲蒜其實可以同埋啲米線一齊食，如果你鍾意既話🤤正

是晚收工，與副局長聯袂至銅鑼灣，途經一黃色牌米線專門店，遂與副局長入內。一入店內，但覺店內客似雲來，員工頗為忙碌，神色不善。本局長與副局長坐下後，良久無員工協助下單，本局長只好手持餐牌步出走廊，只見員工收碗的收碗，收錢的收錢，無人理會本局長。佇立一會，終有一員工與本局長四目交投，連忙揮手示意下單。本局長點墨丸龍蝦春卷薯粉，副局長點炸醬大腸水晶粉，加一炸春卷同分。食物不過不失，春卷香脆，薯粉可以唔咁稔。而副局長之炸醬過咸，本局長親嚐一口，只想立時飲水止咸。此時發生一小插曲，突然有人狂拍本局長膊頭，抬頭一看，只見一員工目無表情示意要從本局長身後走過，本局長隨即將椅子拉前，心中大為不悅。何解你唔同本局長講，要狂拍本局長膊頭？幸好今晚時值周一，無賽馬及六合彩。頓時想起巴士阿叔有云：「你冇需要你拍我膊頭呀？」最後結賬走人，員工目無表情收錢，總括而言，食物質素一般，員工態度麻麻，全線黑口黑面，未知是否受近日本市政治事件影響心情。

本人覺得雲桂香好食過譚仔。首先碗米線較熱，湯底夠濃味，配菜都比較多。我今次就叫左豬軟骨和墨魚丸，大辣，如果喜歡食辣的朋友，可以叫中辣或者大辣。😋😋😋豬軟骨好淋，好好味！墨魚丸都有四粒，都算多。米線唔會太淋，同湯食一流！

我放lunch打算自己去試下呢間嘢。當時裡面唔算多人，仲有好多位。入到去無人理我，所以我就自己搵位坐，坐咗張四人枱。然後有兩個客人坐單對單既座位食完走。其中一個女服務員叫我坐去單對單既座位。咁好啦，我就坐，本身以為係有其他客人需要坐，但原來無人入嚟。咁算啦，正當我睇個menu，有個男既入咗嚟，然後果位女服務員叫佢坐我對面。但明明咁多位，當時又唔係特別多人，點解要逼客人搭枱？然後個男好無奈坐咗我對面。最大問題係，個單對單座位好宅，張枱仲好細，食嘢既時候一定好唔舒服！太逼啦！如果係張四人枱同果個男既搭枱還可以，起碼鬆動d，張枱又大D。但點講都好，無特別理由都唔應該指點客人去邊張枱！然後我問另一個服務員：「無其他位啦？」佢話無啦，要搭枱。我真係火都嚟！仲問要唔要同隔離張四人枱兩個客人搭枱⋯⋯之後果個女服務員仲要態度極差大大聲講：「宜家繁忙時間要搭枱！」繁忙時間？一個人都無入嚟啵？！仲要好多其他位！我見到佢個樣係好唔爽，好似係我錯咁，仲要怒視我！所以我就話：「咁我唔食啦！」然後我就充滿怒火衝咗出去。