雲桂香米線專門店

營業中

休息中

由於這店裝潢後，相信會坐得舒服一點，既獨自一人，就試試。不想太肉，所以叫了什麼龍蝦卷和雲吞小鍋米線。一來，看上去味道應該不錯的。翻一下，感覺不到米線。認真食下去，真的覺得食芽菜多囉⋯⋯龍蝦卷碎上，加埋有一條半啩。雲吞就兩大粒，但不是我想的那種，皮是厚厚的，只有菜和肉碎，我認為這是餃子🤔⋯⋯不過，我又唔覺得職員態度差，只得兩個人落單同收碗及傳菜🙄，這樣語氣可能急一點，但不是差，是理解的。

真係會上癮今晚又突然之間癮起, 係時候要食辣喇!! 雲桂香我間唔中都要食下, 大埔呢間仲要裝修左, 靚咗闊落左, 食都食得舒服啲! 酸辣小窩米線真係好開胃, 夠辣夠酸, 好惹味!! 配料都好新鮮, 我哋想叫多款小食食吓, 揀咗口水雞, 個人來講, 我覺得唔夠辣, 可以辣多少少, 更加惹味! 另外, 佢哋冷氣開到超大, 開頭未開始食嘢, 真係凍到起晒雞皮, 食完辣之後就好少少, 但都係偏凍, 我見到隔離枱嘅女仔都凍到縮埋一舊🙈餐廳留意一下就更好了

大埔廣場開返雲貴香，間舖好似大左好多，但係啲服務態度衰到不得了，一到九點半行入去就話隔離嗰邊收,叫啲客坐出面，入面大嗰邊就唔俾人坐，咁不如收九點半啦，坐喺出邊近門口位冷氣機又滴水,裝修完仲衰

2人行食碗米線先～依間嘢有好多分店～今次又去大埔分店先～通常長期要排隊嘅～今次竟然唔洗等位直接入座叫咗2碗小鍋米線微辣加多杯凍阿華田微辣豬頸肉小鍋米線～小鍋米線有：芽菜、韮菜、肉碎、芫茜、葱花、雪菜～豬頸肉軟淋淋夠入味～一片一片薄切有咬口小辣豬軟骨小鍋米線～二大塊豬軟骨炆得好淋～一咬即散唔痴牙～加上酸辣湯底好嘢味～平時半碗飯量嘅我～竟然一口氣食晒成碗凍阿華田半杯冰有D過份囉～味道一如以往嘅阿華田味道冇唔同

米線連鎖店一街都係雲貴香譚仔我都食過第二間分店雲貴香都冇咁差唔知點解大埔呢間咁差之前都食過幾次 服務都差（米線可以有咩服務！？ 但就係落單 比餐具 收錢啲咁少既位都做得差 你話幾出色）今日打電話嚟外賣自取短短5分鐘對話都可以感受到態度極之惡劣我買個米線姐 好似我得罪你咁問多兩句就以後唔會再食呢間雲貴香最衰大埔冇咗間譚仔 以後情願食其他米線都唔食你呢間服務態度差到咁 之前單新聞我都唔信而家就覺得真係一間點嘅面店 就養到點嘅員工早日快啲執左佢！！！！！！！開過間好啲既算！

突然想食酸辣野, 大埔真係唔算多選擇, 哈哈~ 我去黎去去都係呢間!餐廳唔算大, 不過座位好多, 繁忙時間好多時都坐滿人🤭我今日唔夠中午12點黎到, 真係鬆動好多, 而且算幾乾淨四正, 呢個係我成日黎嘅原因!我叫左酸辣小鍋米線, 小小小辣, 因為近來皮膚麻麻地, 都唔敢食太刺激🙈 有肉燥, 酸菜, 不過我走曬蔥及芽菜! 湯底一如以往出色, 小小麻辣, 酸度剛剛好, 真係令人食上癮!呢度嘅姐姐態度都唔錯, 抵讚! 下次繼續encore! )

好耐冇黎呢到食 嗌野個陣吾記得講details 之後個姐姐佢態度勁差咁講:’仲有呢? 之後我話要杯凍可立克 之後佢:仲有呢？姐系咩 又吾講你要咩辣 又吾講你要加乜料’ 跟住我話sorry吾記得左,我吾要加料 之後佢系到用judge我既態度仲要勁大聲咁講: 下 你乜都吾加？我明白做生意緊想efficient d同客人嗌多d 但佢態度真系勁差

一向鍾意食米線， 配菜夠多， 又可以自選餸菜 ，一碗大大碗，又搞掂一餐 小鍋米線配菜有芽菜，酸菜，韭菜，蔥，芫茜 。湯底可以揀酸辣，麻辣，揀辣湯底再加 豬肉碎。 如果揀清湯就冇豬肉碎了。叫咗一個肥牛小鍋米線，一個豬頸肉小鍋米線 ，都係要清湯，湯底好夠味，但食到咁上下覺得略為多咗少少酸菜， 我諗如果食麻辣或者酸辣，酸菜係可以中和啲辣味， 但係如果食清湯 ，下次最好叫少酸菜 。肥牛都係一般般，豬頸肉幾爽 。一碗米線有肉有咁多配菜

對雲桂香又係另外一種同譚仔一樣嘅情意結完全係兩種感覺嚟嘅譚仔就食麻辣底雲貴香就食酸辣各有特色譚仔分湯冇問題因為佢本來就唔係一齊煮嘅車仔麵咁樣雲桂香最好就唔好分湯反正薯粉又唔怕淋，會入味同埋香好多我平時一向就叫開勁辣而雲桂香勁辣都比較油我自己又唔係好怕多油所以無乜所謂最緊要夠辣呢度食，一定要叫蘿蔔同冬菇蘿蔔夠甜冇渣冬菇炆得入味又夠厚身我自己就鍾意叫細薯粉，因為掛湯d雖然佢冇平時薯粉咁滑嘟嘟不過咁先至食到佢個湯夠辣架嘛佢啲豬皮同豬軟骨都唔錯豬皮夠化豬軟骨都夠淋同入味不過依家就唔送外賣要自己落去拎丶方以前咁方便我呢啲懶鬼

我一向都鍾意食雲貴香嘅湯底多個三哥，鍾意佢酸辣得黎成碗湯都有顏色，又可以揀多酸菜唔使特別加錢都有一兩個月冇去食啦！點知今次加班返到屋企，去食成碗米，線變晒樣成碗湯好稀唔夠味道，好彩都仲keep住有啲肉碎食。但我最失望係啲米線，好淋一啲都唔彈牙，以前唔係咁架，最好食係米線個喎，越來越冇咬口因為食得好唔滿足，所以叫多碟皮蛋，好似＄20多啲，點知失望加失望。皮蛋冇乜香味，如果食三哥個靈魂就係個汁到，你個皮蛋竟然用蔥油，唔知想點唯獨豆漿無變

除了譚仔外，第二間常吃的米線就是雲貴香。是次叫了腩肉腐竹小窩米線（小辣）！我覺得這裏最好吃的，是腩肉！半肥瘦豬肉，不會韌，更有一點點入口即溶的感覺，不錯！湯底酸酸辣辣的，非常開胃！而且份量頗多的，整個下午也不用再吃零食了。

有時落site行完一輪見肚餓都鍾意食碗米線, 貪佢夠方便夠快又夠飽！如果天口熱我就鍾意食涼拌米線，近幾日好鬼凍我就梗係要熱湯啦！食完成個人都暖晒我自己就鍾意小辣多酸，小小辣就食得出湯底嘅先甜惹味，加多啲酸更加可以刺激過辣味出嚟！加埋鹹檸七更加係我最鍾意嘅麻甩食法

雲貴香好出名，中午入去食飯落大雨真係冇乜人，兩個人已經可以坐4人卡位啦。雞翼, 芝士丸.價錢係每個餸咁樣計，若叫得多餸就越貴。薯粉質感好彈牙，圓軲轆咁樣。雞翼嘅質感都比較鞋，唔覺得佢好味。老水入味但質感唔算好。芝士丸係攞貨料，正正常常啦。湯底都算可以，酸辣適中，小刺激！不過整體又唔覺得特別出色，算是正常質素。

好耐沒吃過米線，這天來到了大埔找米線吃，本來想去譚仔米線，見門口大排長龍，於是去了另一間。之前吃過雲桂香的其他分店，這次第一次來大埔的分店，剛剛過了人潮所以剛好找到張兩人檯。點了一碗重慶酸辣粉和酸辣小鍋米線，加了炸醬、雲吞、牛𦟌、豬紅，還點了一客麻辣口水雞。重慶酸辣粉很足料，有很多花生、炸菜，紅薯粉彈牙，中辣的辣度剛好，炸醬帶點辣，雲吞是菜肉雲吞，很滋味。酸辣米線建議點小辣，不然酸味會被辣遮蓋了。米線有點腍，湯底尚可帶酸。麻辣口水雞雞肉嫩滑，有少許麻辣味，雞皮也是香脆爽口的。

哩間米線係我最鍾意食既米線專門店，味道夠濃因為本人太鍾意食味道濃既食物又有芫茜👍👍差不多多每星期放工或者下午都會去食。不過近哩一排去食好似質素下降左好多咁。加左價，份量少左！本身碗麵比原加左2蚊，之後所有餸比原價加左1蚊其實我覺得加價唔係大問題，最大問題係加左價份量又少左，如果份量正常冇加冇減都可以接受，但衣家唔係所以以後都會少d去！之前一碗我都食唔哂，但衣家食一碗都唔夠食！餸既份量都少左