更多
2025-03-13
0 瀏覽
呢間米線舖雖然佢嘅位置比較隔涉,但係無論係lunch Time定係夜晚都經常排長龍,同埋入面都比較細,所以排隊都要一段時間。麻辣湯底望落唔會好多油,一上枱已經聞到陣麻辣香味。食麵第一啖一定係飲湯先,飲落有啲鮮味,唔會話飲完好口渴,麻同辣嘅比例都幾好(食過幾次 每次都係叫BB辣 但係佢嘅辣度有啲飄忽)另外都試咗胡椒湯,應該係就咁清湯加咗胡椒去煮,飲得出鮮甜同埋好重胡椒香味。呢間嘅米線偏幼身,入口彈牙,唔會偏硬偏淋,幾啱我心水。餸方面推介豬大腸 麻辣腩肉同埋蘿蔔,豬大腸洗得乾淨冇臭味,滷水滷到入晒味。麻辣腩肉肥瘦啱啱好 麻辣味幾香,係薄咗少少。蘿蔔清甜冇渣夠淋,十分推介。
麻辣湯底望落唔會好多油,一上枱已經聞到陣麻辣香味。食麵第一啖一定係飲湯先,飲落有啲鮮味,唔會話飲完好口渴,麻同辣嘅比例都幾好(食過幾次 每次都係叫BB辣 但係佢嘅辣度有啲飄忽)
另外都試咗胡椒湯,應該係就咁清湯加咗胡椒去煮,飲得出鮮甜同埋好重胡椒香味。呢間嘅米線偏幼身,入口彈牙,唔會偏硬偏淋,幾啱我心水。餸方面推介豬大腸 麻辣腩肉同埋蘿蔔,豬大腸洗得乾淨冇臭味,滷水滷到入晒味。麻辣腩肉肥瘦啱啱好 麻辣味幾香,係薄咗少少。蘿蔔清甜冇渣夠淋,十分推介。
張貼