雲峰茶餐廳

營業中

休息中

雲峰工作中都要食，已經下午茶時間，呢間茶餐廳門口可以泊車，入內普通茶餐廳格局，我哋坐近門口圓枱，下午茶選擇都幾多！落單後食物好快到！沙嗲肥牛炒烏冬（$32）賣相幾好，肥牛片有條韌邊，一般，烏冬兜埋沙嗲醬嫩滑，幾彈牙，洋蔥芽菜爽口！唔會過鹹！ok!失敗在肥牛！熱檸茶：隻瓦杯上印咗大大隻店名，茶底濃又唔澀！茶餐廳水準！椒鹽豬扒飯（$41）同事食，但豬扒太厚，炸唔透，有兩件最大嘅個心係粉紅色，佢唔敢食！可樂：同事飲！生炸雞髀沙律（$31）同事食凍檸茶：同事飲XO醬乾炒豬頸肉公仔麵（$32）同事食熱華田：同事飲店員爽手，落單、收錢一腳踢茶餐廳下午茶正常廁所雖然要男女一格，幾殘舊，唔算迫，又幾乾淨，有廁紙提供！加分！

返工途中經常經過這裡，所以有時星期日都會係度吃下午茶，這裡是家庭經營小店，大部分都是自己人，有兩個看來好似兩姊妹，一個收錢一個待應，個待應態度最差，寫錯收費單，你提佢，佢仲要黑面。之至於食物方面就不過不失，一般茶餐廳貨色

今早去了《雲峰茶餐廳》食個早餐，可能今天的體力勞動較多，真是幾肚餓，一口氣order兩份早餐，先有鮑魚火腿通粉+腸仔煎蛋及牛油厚多士，包一杯熱飲例如咖啡或茶等…就是$26，牛油厚多士晤夠熱有點太乾身，牛油落得少， 鮑魚火腿通粉份量都好足，但個湯底好鹹，店員聽到我講都馬上給我杯熱水加入湯底，服務真是好有效率又細心，真是估晤到服務真是那麼體貼。腸仔煎蛋方面，條腸仔是凍，個煎蛋都煎得好靚，保留蛋黃有流心!飲品是熱鴛鴦，咖啡跟茶比例都好平衡，不過嫌晤夠熱!另一份早餐是花生醬西多士，同樣問題，牛油份量俾得少，不過是即叫即炸，都真是香噴噴又脆香，中間塗滿花生醬，先加入一些糖漿塗抹平衡，再切成小塊放入口，好甜美又有花生醬的香滑，脆口又不會太油，真是不錯。熱奶茶都好夠熱，茶香一般有點澀口又苦!整體上食物水準有好有壞，不過最讚服務真是好有效率又細心， 其後我要永求要多杯熱滾水，都好快送上枱!

說到最常去的茶餐廳，通常是距離居所最近的一間。這間位於欣榮花園對面，北帝街的小店，雲峰茶餐廳，其貌不揚，亦沒甚特色可言，只是一間普通的茶餐廳。偏偏我家與它距離相近，造就我經常來吃早餐。不遠處的翠華，早餐要三十多元，隔離的大伙頭，價錢有拍得住翠華之勢，不過他們的早餐，炒蛋可以免費升級加芝士，偶然會去捧場。雲峰的港式早餐，不論是甚麼組合，一律＄24，你要出前一丁，加＄4，凍飲加＄2。煎太陽蛋還算煎得靚仔，用甚麼蛋也不用去深究，配白麵包是見慣見熟的組合。奶茶水準不俗，當然遠不及當打時代的鑽石冰室，或早前去過的麗香園。五香肉丁配公仔麵，自己煮都得，成本不用幾個錢，為何還要比錢人賺？答案很簡單，我懶。

一聽個名就知道係那一個新樓盤的位置吧. 奶茶, 味道適中, 茶味與奶味剛好, 夠滑.沙嗲牛肉麵, 麵身十分彈口, 煮得時間剛剛好, 牛肉無被醃粉醃得太過, 唯欠沙嗲味.午餐肉煎蛋多士, 不夠誠意, 午餐肉表面還有很多油, 是凍的, 邊位已經硬化, 煎蛋太熟, 多士尚可, 厚身, 但半塊.