雲南啊老表黑山羊湯鍋米綫 (觀塘工業中心) (已搬遷) 新店位置

朋友想食米線，又唔想幫襯連鎖式集團，上網見最近的這一間啊老表個名又幾特別，所以帶佢過來食下午茶。米線有分大細碗，細食的朋友建議可以揀細碗，因為份量跟平時外面正常的份量差不多，大碗應該夠兩個人分量。另外除了米線，還有公仔麵、油麵、粗麵及米粉等，可以多一個選擇。蒜泥白肉白肉切到薄薄一片，蒜味十足，不會有點油膩。韮菜水餃水餃比平時的略細，但外皮落及煙韌，韮菜餡料新鮮而且有肉汁，絕對要試。豬大腸油麵豬大腸中間洗得很乾淨，而且大部份油膏已去除，油麵爽口，不過湯底較清淡。牛腩湯米線牛腩炆得很腍，全部切到大小適中，入口都唔切點咬，很香牛肉味，而湯底就應該係燉過羊肉，所以有陣羊肉騷香而且非常清甜，冬天進補時間食就確係正。

多次經過觀塘工業中心，下面這間食羊肉米線的店舖，門面比雖然對大街，但每次經過都覺得很神秘，今次決定入去一試。牛羊雙拼米線既然是羊肉店，不得不試一試羊肉啦，羊肉是瘦肉不連皮，肉質嫩腍，我自己覺得騷味在可接受範圍內，但朋友因為不吃羊，所以覺得比較騷，而牛脖就炆得入味又腍，米線爽彈，湯底比較清，有羊肉的清甜。豬頸肉米線豬頸肉爽口，切成薄薄一片，豬骨湯底都比較清，加點菜甫增添點點辣香。涼伴青瓜青瓜爽脆，而且帶點醋酸味，非常開胃。雞翼朋友不吃辣，所以叫了不辣版，雞翼比較一般。

今日去朋友位於觀塘嘅showroom參觀，順便等埋朋友一齊食飯。想簡簡單單食碗米線，但x仔米線又食到有啲悶。問朋友附近有乜特色米線食，朋友就話附近有間羊肉雲南米線，羊肉米線又真係幾特別一於試吓。既然主打羊肉米線就叫一個羊肉酸辣大碗，另外叫咗口水雞同麻辣豬耳同朋友分享。大碗份量真係非常巨大，$58好抵食！可樂放喺隔離，突然之間覺得好迷你！湯底係豬骨湯底，加咗羊肉之後幾香，酸辣味係由添加嘅酸菜同辣椒而來，酸香不嗆！羊肉份量都幾多，有皮嘅位同瘦肉都有。羊肉煮得夠淋，肉味濃之餘，保留點點香羶，鍾意食羊肉嘅朋友一定滿意。口水雞雖然其貌不揚，但味道夠麻辣！豬耳份量比其他餐廳大，做得夠爽脆，唔錯！總括嚟講呢間餐廳嘅米線風味幾傳統，羊肉米線又少見，下次又來食過先。

雲南啊老表黑羊湯鍋米線，一直都覺得個名好特別，特別在10次有10次都叫唔岀佢個名😂黎到當然要試下羊肉米線 ($45/ 細碗) 牛肉睇落細細塊，其實份量唔少，係個碗太大😂 羊肉食落有少量羶味，但食得岀都幾鮮~ 食落較冧。 牛腩米線 ($36/ 細碗) 牛腩食落幾冧，唔會話食落好韌。我覺得呢度既米線都唔錯，好滑好彈牙。呢度米線既湯都幾清淡，所以好多人會另外叫小食。今次試咗口水雞 ($30) 同麻辣豬耳 ($23) 個辣好正！帶小小麻，怕太辣浸下落啲湯度再食都唔會話冇味。

我係米線迷，更係一試米線店都必點酸辣! 因為本身不吃羊肉怕騷，所以早留意到這間米線都潛意識忽視! 直到昨天看到好幾篇食評都不錯，所以把心一橫採在熱辣辣的太陽底下摸著飢腸轆轆小肚腩來膜拜它! 輪了一遍餐牌瞄+四面墻身廣告，最後點了: 牛腩湯酸辣米線，還詢問了會不會有牛腩，她說有! 結果，她落單打左羊肉比我，我一見嚇死馬上找店員說我不食羊要改牛....私以為敏捷如我秒速應對扭轉乾坤...點知入口一試，牛腩是對的，酸辣湯底...・_・? 我不憤再試多三啖，點解都係完全無酸無辣既感覺? 再次追問才知道店員給了個清湯，好彩唔係我味覺有問題之餘又好惱，果刻好想罵街鬧人，但係因為已經食過幾啖唔好意思要求換，就默默低頭打算食埋它算! 可是我內心一點都不想沉默我好討厭清湯，討厭清湯，討厭òᆺó好討厭清湯。最後個店員自知理虧放左一小碟類似梅酸菜既野比我仲講明係酸辣! 我倒落個湯到分別不大囉! 最重要碟野放落去搞到我個湯唔夠熱，再倒埋個另碟上既＋餸豬肉，湯底完全凍嗮！食開湯粉麵米最憎唔係高溫湯上台。老實講，它個湯係唔錯，就算怕騷的我都接受到，可惜米線除了放蔥完全無其他該有既配料，感覺只是塞米線入口好寡...

我一向都係羊肉控 平時食嘅大部分都係羊腩煲或者係放題入面嘅羊架 有時係幾好食嘅 但係有啲舖頭嘅羊唔知係唔新鮮定係用料一般 冇乜羊肉嘅口感同味道 所以今日就嚟咗呢間特色鋪頭 試下佢哋聲稱嘅黑草羊啦美味口水雞 有啲麻辣嘅味道 但係麻味多過辣味  非常之香口 連我呢啲唔係好食得辣嘅人都可以食到舐舐脷 而且雞肉好嫩滑 雞味亦都好濃郁 值得一讚 相信雞肉喺麻辣汁入面醃製上嚟都應該有一段時間 所以非常之入味 正呀黑草羊米線 呢個黑草羊米線可以話係呢一間鋪頭入面嘅招牌菜 大大碗米線浸咗喺濃濃嘅米線上湯入面 而且羊肉非常之有羊味 唔同出面食羊腩煲嗰啲 冇乜羊味 呢度嘅羊佢聲稱係用山水去煮嘅黑草羊 所以食落肥而不膩 肥膏亦都好甘香 羊肉煙韌得嚟又易咬 口感非常之一流 建議大家叫帶皮嘅羊肉 因為皮先係羊肉味道嘅精髓 我鍾意食羊肉嘅蘇味 所以就一定係叫帶皮嘅羊肉啦

呢度嘅羊肉麵有分中碗同埋大碗。中碗夠一個大食男士食飽，大碗就夠2個正常食量既女仔食飽。佢用嘅羊肉應該係羊腩嚟嘅，唔係一般出邊食到羊肉片咁。未食米線之前先食佢一啖湯，超香羊味，唔會蘇，係羊味！唔知係咪d蔥起到作用，完全係做到鮮甜美味！如果唔係飽到食唔落嘅話，我都好想可以飲多d佢個湯。羊腩超級滑！羊味濃！以佢嘅米線都做得好好，雖然冇得叫米爽，但係其實根本都唔需要叫，因為佢本身就已經夠爽口，當然係完全熟透左嘅。

記得呢間舖頭幾年前瘋魔米線間，當時仲未有好多咩雲南、四川米線，好多雜誌或者網上媒體都有介紹，個陣去幫襯要等位事隔幾年，佢嘅舖位裝修已經唔同咗，當年一個細舖位，大家坐到好逼近乎身貼身，而家成間舖好闊落，位同位之間仲有空間，亦有大枱細枱啱哂唔同嘅人嚟食牆上面掛住羊肉嘅介紹，同埋一啲羊嘅照片水餃米線（白菜餡）突然心血來潮想食下水餃就叫咗，湯底係清而不膩嘅豬骨湯，米線質地正常，少少咬口，水餃同麵嘅份量足夠，甚至一個女仔未必食得哂羊肉大碗呢個真係好大碗，可以睇到我用隻手掌同佢比較。食羊肉個陣酥味其實好重要，因為鍾意想羊肉就覺得愈酥愈吸引，呢到陣酥味好適中，唔會誇張到未食過嘅人接受唔到，但鍾意食羊肉嘅會ok😋美味口水雞有時食口水雞會食到熱嘅，但其實凍到先啱！好彩呢到係凍食，雞肉肉質結實唔會太韌，汁嘅味道主要係酸酸地，忍唔住撈埋落啲麵到食😛涼拌青瓜同樣係冷盤，每一塊青瓜已經吸咗啲汁，食落除咗爽脆之外仲好入味，頂瓜瓜！當晚滂沱大雨，由地鐵站行去嘅路有好多水潭，但都不乏佢嘅擁躉，不斷有情侶、一家大細、一班朋友嚟幫襯，只有有實力嘅餐廳先做到

我平時都幾中意食米線不過成日食連鎖店都有少少悶A先生就話帶我食新米線 呢間餐廳個名好搞笑不過一睇就知主打係羊肉，不過都有唔係羊嘅選擇，所以唔食羊嘅都值得一試佢既米線。大約就係呢d餐牌 我見大部分人都係叫米線另外仲比我發現到有我最中意食既前菜 拍青$20瓜 仲可以吾辣！青瓜新鮮爽口，酸酸地，好開胃我就叫牛腩湯窩米線 細碗$36 本身因爲好肚餓諗住叫大碗 店主就提我就女仔食細碗都夠 結果細碗都好大牛腩有d脂肪 肉好嫩 好香豬骨湯底好吸收到精華 豬骨香好重米線都好彈牙 yummy 仲有叫避香塘麻辣雞翼$22做小食幾掋叫，辣就吾係好辣，不過麻香好重，個皮煎得好脆，十分惹味😋A先生叫既係羊肉飯$48 都幾大碗架 我試左少少 個湯底幾鮮甜 又有啲生菜食下 羊肉冇咩蘇味！而且幾嫩嘢飲我哋就分別要左擰樂同奶茶

識我的都知道我係一個米線fans，呢間「雲南啊老表黑羊湯鍋米綫 」都已經唔係第一次食了，以前會去觀塘廣場入面個嗰間...仲記得當時係細舖，依家搬左去觀塘工業中心一期地下不得止仲開了分店，老表你真的很棒喔！呢間店舖門面很大但偏偏很容易走過龍...同行四人但真的四人都錯過了，門面不夠好顯眼！位置大概在觀塘泳池對面...未去過既就要留意清楚了...免得又走過龍呢！放午餐時間每個人都想找間快靚正既食所以我們一點多到就真係坐無虛席！等了一會先入到！餐牌上明顯是米線做主打, 其次有飯,特色小食及飲品選擇，但基本個個都會叫米線的！呢度既米線食過都知個份量真係真係真係好大碗！雖然我點了👉🏻細碗但好努力加慢慢先可以食得晒，免做浪費鬼...兩個人share其實都未嚐唔係一件好事呢雙拼牛腩羊肉酸辣湯米線 ＄38主打係羊但又想食牛呢個岩晒我！配麻辣湯米線相信會更加開胃！湯底採用中國青島黑草羊，所以羊肉味濃，再加秘製香料熬足 3小時，每啖都是精華所在。都係問店員先知！整體羊肉比牛腩味道出眾，牛羊亦肥瘦適中，羊肉皮爽肉嫩，充滿彈性，滿是羊香！牛腩就軟軟腍腍，帶點皮脂，吃起來嫩滑，兩樣都沒有失望呢！麻辣味道就一般了

《#雲南啊老表黑羊湯鍋米綫》#觀塘📍觀塘觀塘道472-484號觀塘工業中心一期地下D舖-🔹牛肉拼牛腩米線 $38/細碗 飲品+$7呢個細碗已經勁多 食完真係飽到一個點我見有其他人食大碗😦個碗真係好巨型 絕對夠2位女士食 大碗都係$48咋-上菜速度係極快 話咁快就有得食啦湯底有清湯同酸辣揀 今次揀左清湯我平時唔食羊肉 好怕羶 但呢個又唔羶喎羊肉切得比較薄身 所以都幾嫩幾淋嫁另外我仲拼左牛腩 幾入味同淋身 我覺得唔錯👍🏻成碗野無論米線定係肉 我都覺得好多😂-同枱有人買左幾打生餃子🤔咁應該幾好味 下次可以試埋餃子🥟再試埋酸辣湯-byT: 7.5/10

幾時都話係觀塘番工真係唔怕冇野食😈同事之前食過呢間，平平地又飽肚，今次就帶左我地黎食～👉🏿✨豬肉米線 Hkd 36 💸📌一黎到係有啲清既，諗住佢啲豬肉會係豬肉片咁，點知係有啲似腩肉咁👀又估佢唔到喎～湯底唔會話好淡，可以再自己加辣椒😈同事就叫左個雞肉米線，個人非常推薦雞肉，好嫩滑呢！👉🏿✨美味口水雞 Hkd 30 💸📌呢個得喎！超級惹味但又唔會辣到你食唔到，雞肉同樣都係好滑，加左辣就更加好食，好想食多兩舊😍👉🏿✨涼拌青瓜 Hkd 20 💸📌係幾開胃既飯前小菜，又夠爽脆，正！

呢間係呢頭附近返工嘅友人介紹, 係少數有得食羊肉米線嘅食店, 一於試下餐牌上除左提供米線外, 仲有飯選擇, 亦有特色小食及飲品水餃酸辣米線 ($36/細), 細碗份量都唔細呀, 叫左雙拼水餃, 分別有白菜及韮菜餡, 加埋8隻!  湯底叫酸辣, 加左D酸菜但味道唔太酸, 更唔覺辣味, 反而帶點羊肉味水餃似係來貨, 肉比菜多, 調味得適宜; 米線份量亦夠晒, 下次食可以叫少粉線, 以免做大嘥鬼~友人"好"羊但又想食牛, 好在呢度有得雙拼, 就叫左呢碗牛羊雙拼清湯米線 ($38/細), 份量又係咁大碗!  清湯味道幾清甜, 洒上青蔥更多一點香味!羊肉同牛肉放在一碗, 肉眼並唔容易分辨; 但一食就有羊肉香味, 羊肉帶瘦無半點脂肪及皮, 食得健康; 而牛肉口感有少少嚼口, 肉味亦幾出!  而米線軟硬度亦適中, 呷一口清湯, 食一啖米線都唔錯!小食呢度都幾多樣化, 特意叫左呢客涼伴土豆絲 ($18), 切得粗幼不一, 食起上黎都有爽脆感覺, 味道帶點微辣, 幾令人開胃口!另一款小食係呢碟自製豬手 ($25), 豬手已煮至"骨肉分離", 豬手皮口感腍滑, 而肉亦都係腍晒, 無需用力已可食晒成隻豬手,

好耐冇黎呢度食羊肉米線喇！呢間餐廳由佢係觀塘廣場到而家我地一直都有幫襯開，價錢一直相宜，質素又高。平日都有不少食客。一人點了一碗羊肉米線，一大一細。（$58/$45）米線軟韌，份量十足。羊肉味道鮮甜，不會太韌。湯底清甜，唔會太鹹。小食點了拍青瓜$20及白菜水餃$29（可選韮菜）🥟青瓜爽甜，配上已調較好的醬汁及醋，格外開胃。水餃是一口大小，味道清新，吃到淡淡的唐芹香，肉汁豐富，不覺油膩，很適合係炎熱的夏天食。飲品跟餐（+$7）點了凍檸茶及凍蜂蜜，檸茶紅茶底香。凍蜂蜜則甜度恰好，很解渴。係觀塘想食平靚正既你，一定要來呀！

上星期我地去左佐敦行街，行完國貨公司，就去左寶靈街，一黎可以係鐵皮屋度逛狂逛，二黎又可以揾下有咩啱食，行下行下，見到呢間老表黑山羊，米線係大部分香港人嘅飛彿，但食黎食去都係麻辣、酸辣，好無新意姐而呢度主打羊湯肉米線，又真係未試過喎，一於試下先內在環境同典型米線鋪差唔多，係比較簡樸嘅除左主角羊肉湯米線之外，佢仲有豬骨湯米線，無論食羊愛好者，定係唔鐘意食羊嘅，呢度都滿足到哂除咗米線，小食都有不少選擇，而且價錢偏平，絕對係經濟之選我就當然要食羊肉米線，仲要食大碗添，上枱嘅時候真係嚇左一跳，成個臉盆咁大碗，都係講梗$60。而味道方面，真係很不錯，羊湯底味道香濃而不羶，仲帶啲清甜羊肉外表雖然望落鞋鞋地，但食落係兩回事，羊肉新鮮鬆軟，羊味濃以呢個價錢真係好👌🏼而我朋友就叫左碗豬骨濃湯雞肉米線，湯底係同樣的清甜濃郁，大碗$48堅扺又正我哋另外仲叫咗兩個小食，第一個係口水雞,估唔到以＄30嘅價錢，可以食到咁嫩滑嘅雞，而口水汁調味十分好，小小辣得來又充滿着四川風味，幾好而第二個小食係麻辣豬耳，豬耳爽脆，正啊估唔到以呢個價錢，可以食到咁好味嘅樣湯肉米線，黑山羊老表，果然好嘢，要俾個like呢度