雞煲

營業中

休息中

晚上7點幾嚟到西環找朋友，雖然兩個人食飯都希望食到好嘢，上網一睇找到目標就嘭嘭聲去，見到都好旺下有八成客左右，雖然係街市熟食檔但上址四週的衛生情況妥當清潔，有微弱冷氣，燈火通明.....環境ok喎，睇下主菜雞煲分別有乾雞煲及火煱雞煲，而且上址有鯊魚煲及鱷魚㖭...正呀，但我得兩個人叫唔到好多嘢，所以只叫了乾雞煲(半隻$98)、涼伴青瓜($18)、燒豬頸肉(漏單)、白飯及汽水。主菜到好香的雞煲呀，半隻雞兩個人剛剛好，該煲小辣味度濃郁由於是乾燒沙鍋所以沒有太多汁，所有味度浸入雞肉內....好好味，青瓜爽脆ok，由於與朋友兩人沒有叫太多嘢食，希望下次約到多啲朋友嚟試下火煱雞煲及鱷魚肉。

這一店真係想同大家分享, 暫時係我食左咁多間雞煲我最喜愛.星期六放工都成5點幾, 一心一意就係要去下新地方食飯, 所以6時就到達西環搵食.來到市政大樓就俾個雞煲吸引左,我地怕節日前多人一早就已經上去..好彩都唔多人其實此店有打邊爐亦有小炒提供,因為太想試下個滋補鱷魚肉雞煲,所以決定打邊爐.怕個雞煲太多,所以我地都係另外叫左碟鵝腸同生菜就算.原先會以為個雞肉同鱷魚肉會係個湯底一起上,點知原來係分開上,店員叫我地飲左個湯先再落肉.這啖湯真係好甜用左好多料煲成, 單單睇見到有杞子, 豬肉, 海底椰, 陳皮, 金華火腿等飲完湯就落左雞肉同鱷魚肉, 想講個雞肉真係好燉滑就算食到雞胭部分都唔鞋口, 至於鱷魚肉第一次食味道都ok.另外叫既鵝腸,一來就見到好多肥膏以為麻麻,點知灼完後估唔到咁爽口咁好味.環境都好好, 雖然係市政大樓內, 但成個熟食場都好衛生食得都好舒服.

無錯無錯，又係打邊爐，十日有九日我都係打邊爐度日﹗網友約開飯，一行五人，到了西環開餐﹗都好耐無去港島區開飯，地點是西環的是士美非路熟食中心﹗香港區十年都唔去一次，再加上西環連港鐵站都無，點去我真係唔多識，只知搭巴士到上環轉$20的士就可到達﹗呢個士美非路街市地方都幾整潔，地方寬敞，星期五 8:00pm來到人不多，很容易便找到座位﹗今晚要試既雞煲就係呢間「雞煲」 ﹗係賣雞煲叫雞煲，有如出一張歌手同名CD一樣﹗就試一個乾雞煲一個濕雞煲﹗點了麻辣雞煲，由於友人唔多吃辣，故只點了小辣﹗一隻雞，都幾大隻，入面除了雞外還有大量雜菇﹗由於小辣，初嚐時味道沒太特別，豈知愈吃口內愈麻，花椒在不斷加熱後發揮其魅力，吃得滿口生香，麻而不辣，有如螞蟻在口腔爬行，過癮。深圳雞煲﹗由於點了唔辣關係，味道單寡獨得個鹹字，比麻辣雞煲遜色﹗一行五條麻甩佬，食完兩個雞煲點會夠飽，食完雞煲之後當然加水再打邊爐。呢度既生料既抵食亦新鮮，先來花甲，$30，幾鮮甜﹗牛丸又係$30，彈牙鮮味﹗手切肥牛$158﹗切得夠肥夠厚，雪花紋理分布平均，牛脂味都幾香亦軟熟，唔錯啊﹗要再讚既係佢既墨魚滑，又係$30大大碟。夠墨魚香，咬下有墨魚細

手頭上有兩家新開的雞煲店未試，一家在西環，一家在旺角，以前常常在西環出沒，但現在可能一個月才會去一次，所以是日正好是假期，就趁時間充裕先去西環那家先。我沒有來過這個的熟食市場，只到過石塘咀那個，這邊有冷氣之餘又裝有固定的桌椅，看起來光猛又乾淨。一進去就看到大大隻「雞煲」二字，晚市時間已經坐了九成客，幾乎每一檯都有點雞煲。雞煲分兩種，有乾鍋 (大笪地雞煲)和火鍋 (麻辣雞煲)，根據阿姐的解說：「乾鍋是當作一個小菜，想吃完雞打邊爐就點麻辣雞煲啦~」，所以我們就點了半隻麻辣雞煲。火鍋配料不算多，不過有很冷門的鱷魚片、鱷魚腩和鱷魚什，想起牠們的樣子就不太想吃。奉行我們的試水政策，還是先試試雞煲的水準才決定要不要加火鍋料。鬆弛對醬油很有研究，每次到訪一家新的火鍋店時，他總會先試試人家的火鍋豉油，不過很少聽到他說有什麼特別，但這次他竟然說這款豉油有鮮味，應該是用上比較好的牌子。雞煲用一個銀色鐵鑊上桌，湯底的顏色不算深，但傳來陣陣麻辣香。先試一口湯，很香濃的雞湯底，辣味不搶喉而是慢慢滲出來，麻味雖然不夠，但很有麻油香，是層次相當豐富的一個湯，而且有一種很特別的after taste，我跟鬆弛想來想去

上到去西環街市，見佢好似新開咁，就試下啦坐低發現張單好似打邊爐咁...但又有"乾鍋" 乾鍋原來好似出面o的o者o者雞煲咁，但大煲好多...咁就叫左個乾鍋，半隻雞78，原來是麻辣的，味道很不錯後尾叫左個付乳炒通菜，真係炒得好好！好有鑊氣叫了燒烤雞腎及牛肋骨，非常爽口，好好味老細走出來派每檯3支涼茶，正！很快會再來，試下打邊爐！