雞吧

營業中

休息中

石門真係越嚟越多好嘢食，今次去石門見到有間炸雞專門店叫雞吧，就走入去試下。今次決定買外賣返去同家人共享，揀咗太平洋魷魚飯，雪山芝士炸雞、炸魷魚鬚同埋烤雞肉沙律。太平洋魷魚飯嘅魷魚好新鮮，魷魚筒內包滿炒飯而且份量又多加埋飯食好滿足。烤雞肉沙律就有田園氣息，配搭蔬菜夠哂健康。炸雞好好味，因為雲山芝士絕對提起曬炸雞嘅香脆及雞肉鮮味。炸魷魚鬚就份量十足，而且每條魷魚鬚都好長好粗，唔係炸到好厚粉，我好鍾意食。

有一段時間冇食炸雞，見石門有間新開嘅炸雞店雞吧，而且外賣有promotion就去買嚟食。Order咗韓式炸雞系列的蜂蜜牛油炸雞及西班牙黑毛豬叉燒。韓式炸雞其實有多款選擇，但係今次唔想食辣就揀咗蜂蜜牛油味，外層炸雞嘅脆，加埋蜜糖嘅甜，仲有牛油嘅香，再配上多汁雞肉 超好味。另外黑毛豬叉燒真係冇得輸，豬肉特別厚身而且特別諗，加埋特製醬汁，煮出嚟嘅叉燒份外惹味。每啖都有唔同嘅口感。亦夠彈牙真係食到停唔到口。

難得出城去咗好遠嘅沙田visit client😎哩棟京瑞plaza係我人生第二次去～第一次錯過咗搵嘢食，成程車餓到暈😢所以今次我決定帶d嘢返去，慰問我疲累的身軀！after walked around～我目標係 輕形、小食、潮流口味——炸雞🍗哩區太多長輩/細路哥 外賣享受metime應該更適合我😉GG 個名都夠曬catch，好自然我行咗入去睇menu⋯鋪頭雖然細 但好脫俗 i like💪🏻香港人一路望一路諗緊食咩好，佢除咗有唔同味道炸雞嘅選擇仲有套餐、主食、小食、沙律、卷⋯我其實真係想乜都order曬㗎😙❶韓式豬手：切好一片片吃起嚟超方便👍好大塊，我真係敢講塊豬手仲大過我自己隻手！每一啖都豐富膠原😝重要係 冇骨架！食豬手唔洗用🍴太舒服喇！❷韓式甜辣炸雞：我嗌嘅係細size 份量啱啱好！好鍾意佢個甜辣醬底下有d菜，我會用嚟蘸底下多出黎嗰d甜辣醬嚟食👍😙值得讚嘅係，我由沙田返港島1.+hrs車程 仍然脆口👍👍(我好經常問d廚師，如果返屋企擺耐咗，點樣整返熱嚟食會好食/keep到水準⋯因為我真係唔想糟蹋d食物ah🥺)GG kitchen會答我哩個問題😀 我覺得服務好好又好有禮貌。❸流心芋泥丸

住咗馬鞍山都好多年，但係唔知點解韓式餐廳好少！有時煲韓劇嘅時候會特別想食炸雞，但由於地區問題，好多炸雞店都唔送入馬鞍山！好難得發掘到呢間餐廳位於石門，買滿$300就可以有送貨服務，以後就可以喺屋企食炸雞啦！🍡韓式GG炸雞 呢款炸雞相對比較鹹同重口味，但配埋啤酒嘅話簡直係絕配🤩🤩外皮鬆脆，雞肉又嫩滑！🍡韓式甜酸炸雞我個人就比較鍾意食甜酸炸雞，甜甜地辣辣地好鬼開胃！🍡蜂蜜牛油炸雞食左啖就覺得佢牛油味超級香，炸雞外皮唔會話太厚，而醬汁亦都唔會話太甜膩，食多幾件都仲得！

依個星期六日也要返工，收工後，突然想食炸雞，就去了石門的雞吧買外賣。炸雞口味有七款選擇，最後揀左柚蜜檸檬炸雞，份量有五件，八件和十六件選擇，揀左M size 八件。另外，再點了西班牙黑毛豬叉燒。炸雞係即叫即炸，所以要稍為等一陣。炸雞外層夠脆身，粉吾會太厚，雞肉夠嫩滑，吾會太乾和硬。外層沾滿柚蜜檸檬，酸酸甜甜，好開胃，適合依加食，而且起中和作用，減少油膩感，食多幾件也可以。西班牙黑毛豬叉燒，肉質夠稔身，肥瘦比例不錯。沙律菜墊底，新鮮又爽脆。日後食韓式炸雞又多一個選擇。

我超級鍾意食炸雞，所以周不時都睇下邊度有炸雞食。最近俾我搵到間平靚正嘅店舖😍仲要係屋企附近！佢有好多款唔同味道嘅炸雞，總有一款啱你口味，我就叫左甜辣炸雞同蜂蜜牛油🤗佢地仲要係即叫即炸，熱到剛剛好，拎到返屋企都仲好脆口！4個大人食16件剛剛好！大家都快啲去試下啦

即叫即炸韓式炸雞🍗最近去探一個鍾意食好嘢嘅朋友😋佢一直都想試呢間 雞吧所以我今日就買過去俾佢試吓😆我哋人比較多所以叫咗個四人套餐+S size炸雞薯條四人套餐$359就可以揀兩款炸雞🍗兩款小食兩款卡巴或沙律🥗🌯仲有四罐飲品添今次我就叫咗8款食物😋蜂蜜牛油炸雞+黃金芝士炸雞🍗韓式炸雞卡巴🌯+大蝦牛油果沙律🥗墨西哥風味脆片+芝士蛋餅🥚S size韓式甜辣炸雞+薯條炸雞嫩滑juicy每件既味道都好平均，外脆內嫩真係好正黃金芝士炸雞跟左盒芝士醬，啖啖芝士好滿足🥰蜂蜜牛油炸雞適合鍾意食甜嘅朋友️~韓式甜辣炸雞甜甜地少少辣，小朋友都食到😋鍾意食辣嘅朋友建議選擇火辣熔岩炸雞🏻下次我都會叫呢個試吓~韓式炸雞卡巴入面有好多舊韓式炸雞個個都話好足料好抵食！醬汁同埋配菜都好多，絕對唔會乾噌噌好好食🏻大蝦牛油果沙律足足有7隻大蝦！仲要有好多牛油果🥑沙律菜亦都好新鮮🥗墨西哥風味脆片好大盒！個個都搶着食😛好似薯片咁係受歡迎既🤣最緊要係配左牛油果醬唔會太膩芝士蛋餅勁多芝士🧀厚厚芝士口感，鍾意食芝士嘅要試吓啦😆沙田區嘅朋友注意~夠$300免運費送過黎比你🤩全部食物即叫即做🏻建議大家先WhatsApps落單，去到嘅時候就

黎到石門原來好多野食係搵野食途中發現好多💛店仲比我聽到教主既歌忍唔住喺呢間店停低咗，見啲嘢食好似幾好就決定食呢間本身想食刈包，但佢話賣晒😕西班牙黑毛豬叉燒飯 $68佢同平時出面燒味舖嘅叉燒有啲唔同，用嘅叉燒係黑毛豬特別好食。蛋餅（肉鬆） $36真係好中意食蛋餅呀我，仲要勁多肉鬆，好掛住台灣雞肉卡巴 $48好中意食呢個，係我平時都會整既食物，個皮入面包左雞肉，生菜，蕃茄，同埋沙律醬。超級大份，雖然賣相唔係唔係太好睇，但係真係超級好食超足料。地瓜球，汽水 +$15因為唔想食太多熱氣野就加咗兩粒，好多我鍾意嘅酸梅粉其實炸雞仲有唔同味嘅炸雞，大家可以試吓，只係我覺得熱氣所以冇叫。

回味韓國炸雞- GG chicken bro位於商場二樓， 玻璃門面收銀位置裝潢餐牌不清楚， 需要問店員， S為5件， M為8件及 L為16件。如果餐牌換為相片較吸引， 所以沒有點套餐。散叫兩份S炸雞（五件，共十件）及黑毛豬叉燒， 試下先。外賣用紙盒及紙袋， 在等候期間見到其他客人自備膠食物盒及保溫袋。下次我都會自備， 一來環保，二再較保溫。回到家中， 馬上開餐。上面係黃金芝士炸雞中間係黑毛豬叉燒下面係蜂蜜牛油炸雞由於外賣回家與家人分享， 所以店員推薦， 黃金芝士炸雞， 有雞胸，雞槌及 雞翼。家人提意個芝士醬可以再撈麵 蜂蜜牛油炸雞， 唔太乾， 唔怕熱氣有蜂蜜滋潤。由於家人十分喜歡食叉燒， 所以見到餐牌就一同落單。 厚切粒，有口感，軟滑，味道夠。 一食就讚。 推薦必試。 叉燒有飯餐嫁， 附近上班族可以試下。

又有黃店出世喇！恭喜恭喜🎉🎈🍾️🎊路經石門京瑞廣場見到 GG Chicken Bro 新開張睇吓裝飾同擺設黃店嚟喎 💛即刻支持一下！本身餐廳嘅外賣盒係紙盒我想用自己嘅膠盒店員都好樂意幫我裝落去🌎 支持走塑絕膠！💯 叫咗三款炸雞🍗 試吓唔同味全部都係 size S $62仲有 M 同 L 可以選擇火辣熔岩: lam 一 lam 已經feel到辣，食落口真係堅辣！辣得好過癮，食唔到辣嘅朋友慎選韓式甜辣: 我最鍾意呢隻味，少少辣，唔會蓋過晒啲雞味，啱啱好黃金芝士: 醬係另上，想點幾多醬自己決定，唔會太膩，食多幾件都唔會太濟仲要咗個GG炸雞飯，$52 送飲品一罐。兜飯好多，個雞係原味，跟個芥辣醬，可以加$4轉其他味。抵食嘅～全部雞都炸得好好，冇油益味冇雪味，雞肉juicy嫩滑。下次要試埋其他味！

朋友最近介紹，話係石門開左間炸雞好好食，叫我試下。平時要我專登過去石門就真係有啲難，不過現在屯馬線開通左，所以今晚收工就坐地鐡去石門站買炸雞外賣番屋企食。去到京瑞廣場一期上兩層電梯轉右就到，我地點左大半半炸雞 $138 一個價錢可以食到兩種風味。我鐘意食辣所以就點左火辣熔岩炸雞，另一款就點左雪山芝士炸雞。羊肉卡巴都幾熱門，好在還有，可以跟餐，就跟左小食地瓜球。另外再點了一份蛋餅。多人既話叫4人6人8人套餐都好抵食，價錢$359，599，699。炸雞有分大中細，細既就$58-62，中既就$88 - $108，大既就 $118-138。番到屋企當然第一時間就影相打卡，半半炸雞每樣有8件共16件雞，份量10足。跟住當然食炸雞，火辣熔岩夠晒辣，岩晒愛辣既我，但怕辣既就不太建議。芝士夠晒多鐘意食芝士既一定要選。羊肉卡巴，滿到瀉既羊肉，好有羊肉味，肉肥肥地，有肉汁。蛋餅幾有驚喜，肉鬆好多。地瓜球流心，好好味。

🐔平民化韓風炸雞店🐔石門愈來愈旺，我自己一個禮拜最少都要去2-3次，食肆當然供不應求，而食店都各有特式！早兩日行過見到「雞吧」試業中，嘩！炸雞，仲有咁多款味，好想試囉😍我就隨意揀咗兩款去試吓先！🐔韓式GG炸雞：原味之選，感覺店主將炸雞味道再加入特別元素，醃製既料剛剛好，肉質夠鬆軟，粉漿唔會乾，夠juicy !🐔韓式甜辣炸雞:酸甜醬係主角，可減輕炸雞帶來的油膩感之餘，仲嘗到甜酸之感！🐷西班牙黑毛豬叉燒飯：呢個係非一般叉燒，店主選用西班牙黑毛豬，肉質特別淋，而特製醃製醬汁令整個叉燒均入哂味，夠特別！🥚肉鬆蛋餅：蛋餅煎得剛剛好，配上肉鬆，肉鬆特別香口，感覺很配個蛋餅🥞！面頭唧上醬汁配襯埋，唔錯！

嗰日送完呀女去石門學野 見到有間新開嘅炸雞 仲要係良心店舖立即試試佢 店舖只有外賣自取有多款唔同味道嘅炸雞 由於即叫即整嘅關係 所以需時等候 今次試咗半半炸雞 $138✨原味GG炸雞🍗✨火辣熔岩🔥炸雞 每款有8件 全部都大大件炸得香脆 內裡亦相當juicy 特別一讚火辣熔岩炸雞 味道有一點似辣雞麵嘅香辣炸魷魚鬚 $48炸得啱啱好 吾會有一陣炸皮 而調味亦恰到好處 本身以為外賣後會變得淋身唔好食估唔到隔咗一陣先食 都仲係keep得到香脆鬆脆

經過沙田，見到石門站附近京瑞廣場開咗一間炸雞店，叫「雞吧」😹😹😹😹好正呀喂，個名咁盞鬼一於幫襯佢，最緊要係一班後生仔開嘅，支持黃店！有分唔同size嘅炸雞，M 有八件，L 有十六件，都有幾多不同口味、size選擇。————————————————————-🌟韓式GG炸雞 L size $118🌟L size 有16件😱本身呢個價錢以為得好少啦，點知都有好多！裝到兩大盒，都算幾多肉同埋Juicy，炸得好香好脆超級邪惡！性價比真係好唔錯呢。🌟半半炸雞L size $138🌟半半炸雞嘅意思即係可以兩溝，其中一盒味係牛油蜜糖炸雞，另外一盒就係柚子蜜糖炸雞，兩個都好好食，蜂蜜味好足夠😉我自己就鍾意牛油蜜糖炸雞多啲，因為牛油味10分香甜，同埋蜜糖味加埋一齊，想唔到咁夾，啱晒鍾意食香濃味炸雞嘅朋友😍至於都有好多朋友覺得柚子蜜糖炸雞更為出色，因為比較清新，中和返咁邪惡嘅炸雞！

👦🏻👧🏻又到石門逛一圈見到 #雞吧 💛 試業 👦🏻👧🏻作為 #試食小兵 即刻話要評一評 炸雞最好當然係堂食但今次買完即返屋企即食又ok喎 👍🏻 雞件仲係熱辣辣&皮脆 😋 下次可以再外賣今次我哋order咗韓式甜辣炸雞M $98韓式醬微微辣同甜甜 越食越開胃 😋蜂蜜牛油炸雞M $98👧🏻最愛好香牛油🧈咸香味 又好惹味 柚子檸檬炸雞M $98👦🏻最愛檸檬🍋夾柚子味 味道清新唔覺膩每份炸雞M size有8件 有雞鎚、雞翼、雞件👍🏻 雞件炸到皮脆肉嫩 醬汁又有好多 所以好足味炸魷魚 $48脆粉薄 炸到好香脆可口魷魚唔會炸到乾身 🤗芋泥丸x地瓜球 $36芋泥丸外層脆 芋泥夾埋流心蛋黃饀 好特別地瓜球外層QQ 滿滿地瓜肉包住芋泥饀 好好味😋