雞吧

營業中

休息中

G不嬲都好鍾意食韓國炸雞，抗拒唔到juicy雞併埋唔同醬嘅滋味今次係石門見到呢間雞吧，有韓國雞就即刻要ORDER！人龍有D長，大家要預早時間去落order，而家外賣自取仲有9折優惠！叫左半半炸雞有兩種味道，我鍾意食芝士就叫左雪山炸雞同埋佢地推介的牛油蜂蜜炸雞~拎到返屋企都依然係好香口脆口。雪山炸雞勁多芝士粉，不過返到屋企之後跌晒落個底，但唔緊要，點著食都可以~ 芝士粉係咸咸地個隻~牛油蜂蜜炸雞好juicy，好多醬料，舊舊都有汁好正！雙色流心芋泥拼地瓜球好脆，唔會好甜，味道岩岩好，幾好肉鬆蛋餅趁熱食！肉鬆份量好多，有驚喜！炸魷魚鬚好香口，拎到返屋企雖然凍左但依然好脆口！

GG Chicken Bro小店主要做外賣，全部即叫即炸佢地嘅炸雞全部都係無骨㗎👍🏽啖啖肉而且醬汁完美包住每件雞，十分滋味🌀半半炸雞 （$108）可以選擇兩款味道兩款口味會分開裝非常細心炸雞size都幾大件 M size 2-3人share都無問題🍗韓式甜辣炸雞炸雞必食甜辣口味味道以甜為主， 帶點小辣薄脆的炸粉同醬汁配合得幾好每件雞都有惹味嘅醬汁包住做到外脆內嫩嘅效果🍗柚蜜檸檬炸雞以柚子蜜做醬汁，感覺上無咁熱氣👍🏽而且清新嘅柚子味食落唔會膩甜得嚟亦好juicy，呢個味道有驚喜💛可以改善嘅地方係墊底嘅生菜絲有點出水🤔影響少少外觀，但味道依然係正嘅兩款炸雞都各有特色，絕對唔輸俾連鎖店如果有得堂食一定更加正🤤🤤🌀太平洋魷魚飯 （$62）平時較少見嘅魷魚飯係以原隻魷魚包住炒飯炒飯吸收晒魷魚嘅鮮味伴碟仲有炸魷魚鬚，魷魚愛好者必試🌀蛋餅 （$36）可以揀配芝士或者肉鬆做餡加$4就可以兩樣都要😍蛋餅外皮厚薄適中，蛋香同芝士嘅奶香並存份量頗多嘅肉鬆令味道層次更豐富估唔到韓式餐廳都食到咁高質嘅蛋餅🌀雙色芋泥地瓜球 （$36）一款係芋泥餡一款係奶黃餡地瓜球煙煙韌韌，兩款都做到流心效果啱晒甜點控❤️

石門真係有好多好嘢食，呢間小店炸雞超好食，而且仲好平。叫咗個半半炸雞，可以選擇兩款雞，大碼L，16件 都係$138！！！抵～黑松露蛋黃醬炸雞👍🏻黑松露醬大大兜， 唔會話唔夠， 黑松露味好出， 雞肉好滑無骨。柚蜜檸檬炸雞👍🏻唔會一味死甜，我真係食到柚子味。好正。 唔會似糖漿黐牙。正～烤羊肉沙律$66👍🏻超多羊肉，而且無羊騷味。好惹味。 分量多，盒沙律拎起嚟好重手。大蝦牛油果沙律$66👍🏻八隻大大蝦，牛油果係醬來的。 沙律菜好新，份量好多。叫咗外賣，拎到返屋企仲熱辣辣。 呢個價錢，呢個份量，呢個質素，真心唔錯👍🏻❤️

少咗出去堂食，就自然多咗外賣，唔想成日食連鎖店，就搭多兩個站去咗石門嘅呢間「雞吧」買外賣炸雞返去！鋪仔細細但都幾多嘢食，除咗有8 款口味吧炸雞，仲有啲主食同沙律等等，多人套餐都相當吸引！今次就揀咗半半炸雞 - 甜辣炸雞同黑松露蛋黃醬炸雞同埋一啲小食～炸雞最吸引嘅地方係冇骨㗎！啖啖都係肉，好滋味，豬太郎就鍾意食甜辣口味多啲，食落香脆多汁，絕對唔輸比連鎖店呀！小食方面都唔係得雞類㗎，豬太郎揀咗肉鬆蛋餅加芝士，咬落Q彈好滿足！仲有惹味脆口嘅魷魚鬚，嘆返杯啤酒簡直冇得輸！

石門對於我嚟講係一個沙漠，難得有間非連鎖炸雞店鋪頭細細間，主要以外賣為主，全部即叫即炸，所以等候時間都比較耐*半半炸雞: 黃金芝士、黑松露蛋黃醬 (16件) $138每件無骨啖啖肉，肉質尚算嫩口，不過外皮炸得較為乾身，而且店員竟然漏咗最重要嘅醬汁畀我🙄*黑松露雞凍捲 $68黑松露味突出，雞捲入面包住切粒香菇，口味清爽*炸魷魚鬚 $48鬆脆，粉漿亦唔會太厚

睇下石門有咩良心小店就搵到呢間主打韓式炸雞既外賣店，個店名都幾特別🤣睇到仲有台式蛋餅即刻決定狗衝去試下💛嗌咗個GG炸雞飯同肉鬆芝士蛋餅，外賣自取有9折😃店內仲有手足創作既揮春同年曆卡可以免費領取炸雞飯有五件雞，同我食過既韓國店比較size應該算中等？炸衣唔厚，雞肉都算少少juicy唔鞋，不過好似有少少炸過，咬落去有啲啲硬🤏，下邊有一層沙律菜，搭埋食都覺得健康啲唔會太guilty😆有配芥末醬，飯就好足量，珍珠米既feel都口感唔錯～蛋餅其實本身係肉鬆or芝士二選一，不過+4蚊就可以take both🙌為咗蛋餅黎梗係我全都要啦🤣打開見到條肥肥既蛋餅好開心！入邊一層蛋清晰可見，肉鬆同芝士都好足量，芝士仲可以拉到絲～一塊要埋大個口先食到😲美中不足係個人覺得蛋餅皮硬咗少少🤏整體都唔錯食既，對得住個價錢～GG炸雞飯 7.0/9肉鬆芝士蛋餅 7.0/9OVERALL 7.5/9店員都好nice好後生，間店都係新開冇幾耐，而家呢個環境仲保留咗哋良心decoration都需要勇氣㗎～如果去到附近或者係附近返工都可以考慮幫襯下，同埋掃code可以儲mee積分㗎💛

主打炸雞嘅良心小店啦💛而家外賣自取仲有9折添呀🥡大家都多多支持啦🍳肉鬆蛋餅💲3️⃣6️⃣超多肉鬆🤤絕對唔會孤寒 越多越開心😚返到屋企有啲凍咗 但都仲係好食🤩當然整完仲熱咁食 就仲正啦😛下次可以試埋芝士lu😋見人地食到有拉絲🧀🌯雞肉卡巴💲4️⃣8️⃣有啲蕃茄.生菜喺入面 好Fresh🥰雞肉仲要俾得唔少 勁足料😆有沙律醬調味 令到個餅皮食落唔會好乾 幾開胃😆🇰🇷韓式炸雞卡巴💲6️⃣2️⃣見呢間主打係食炸雞 口痕又唔想食咁多🤭就叫個韓式炸雞卡巴過下口癮😆同樣都係有蕃茄.生菜喺入面 就算有炸雞 但中和返食完都覺得好健康🤣咁好足料 食完成條飽哂😋🧆德國香草肉丸💲3️⃣6️⃣佢係配燒汁㗎，一共有八粒 正常發揮～雙色芋泥地瓜球(Set)➕2️⃣2️⃣芋泥球入面係奶黃餡 好正❣️地瓜球都係煙煙韌韌 兩款都好味.但我自己就鍾意食芋泥嗰個多啲🤓

👩🏻懶得煮 😆 一於叫外賣叫得外賣梗係食啲自己唔多識整、又要款式多嘅嘢食今晚一於响 #雞吧 order因為呢度除咗韓式炸雞仲有台灣蛋餅 🫔 墨西哥捲餅🌯️ 😋今次order半半炸雞 #黑松露蛋黃醬炸雞脆卜卜嘅炸雞配香濃黑松露醬 令雞肉鮮味提升 😋#蜂蜜牛油炸雞蜂蜜+牛油味道絕配 加埋啖啖肉嘅雞件 唔覺唔覺會食多幾件 #肉鬆蛋捲勁多肉鬆 👧🏻👦🏻小朋友至愛#芋泥丸地瓜球芋泥丸好煙韌 內有奶黃饀地瓜球都好QQ #炸魷魚鬚魷魚鬚炸到香脆可口 但唔會太乾爭爭雞吧 (沙田)沙田石門安群街3號京瑞廣場一期2樓235B號舖@ggchickenbro #沙田 #hkfoodie #沙田美食 #hkfood #吃貨 #foodstagram #sohappy #instafoodie #不專業食評 #lcty食誌 #吃貨姐弟 #為食姐弟 #kidfoodie #lctyfamily #hkmami #晉嵐日常 #hkiger #kidsmodel #hkkids #親子blogger

朋友住係沙田石門附近，嗰日去佢屋企聚會，佢叫左呢間小店炸雞外賣，真係好喜出望外，絕不比大商場嘅韓式炸雞店鋪遜色～🐔雞吧店鋪位於沙田石門京瑞廣場餐牌種類唔算好多，好食就夠我地揀嘅餐點都好好食外賣用紙盒，夠環保💥韓式炸雞揀左9件 $98加10蚊可揀2款口味蜂蜜牛油炸雞炸粉厚度恰到好處，好香好脆雞肉嫩滑，外脆內軟配埋香甜嘅蜂蜜大人小朋友都食唔停口下次要再試其他口味先另外我地點左幾款主食,小食💥大蝦牛油果卡巴 $68大大件卡巴薄餅包住沙律菜新鮮牛油果粒，大蝦份量不少夠曬健康💥沙律揀左烤雞沙律 $48這價錢都幾超值，烤雞夠香配埋新鮮沙律菜，火箭菜份量充足足夠2至3人share💥小食揀左炸魷魚鬚 $48原隻小魷魚鬚炸上炸得香脆不油膩原隻上夠咬口，食得滿足

石門既京瑞廣場出左名多小店 今次就同朋友去左其中一間食炸雞既鋪頭搵食😋 呢間小店剩係做外賣 如果係想堂食既朋友就要注意啦‼️-✔️半半炸雞今次我地就叫左原味同蜂蜜牛油味 原味炸雞帶有香口胡椒味 點埋附送既蜜糖芥末醬一齊食 甜甜鹹鹹 非常惹味 幾匹配下～至於蜂蜜牛油炸雞就好香牛油味 但可惜遮蓋咗蜜糖味 食落較膩口 好易就濟兩款炸雞肉質都幾嫩滑 而且外皮都唔會炸到好乾👍🏻-✔️羊肉卡巴好多餡料 口感豐富羊肉嫩滑 食落幾有油香 羊肉臊味唔會好重 幾易入口👍🏻醬料幾惹味 絕對提升到味道層次 醬汁份量亦適中 令成個捲餅食落唔會太乾 😋-✔️太平洋魷魚飯呢個係一個讓滿咗炒飯嘅魷魚筒 聞落好香好吸引 令我地期望炒飯會充滿海鮮香 但無奈調料較淡 味道頗單薄 唔適合重口味人士🙅🏻‍♀️另外仲有幾舊炸魷魚仔作為配料 炸得幾香身脆口 幾啱送酒食😆

今日嚟到石門嘅雞吧，見到出面貼嘅餐牌即刻想試吓呢度嘅炸雞，我哋叫咗兩份大嘅半半炸雞，揀咗四種唔同嘅口味，有蜂蜜牛油、柚蜜檸檬、黃金芝士同埋甜辣炸雞，落完單之後見店員都好細心咁提醒我哋要等15至20分鐘，所以喺附近兜個圈先再返嚟拎外賣都得蜂蜜牛油炸雞-牛油味加埋蜜糖，甜甜哋仲有牛油嘅香味 甜辣炸雞-雖然有少少辣，不過係小朋友都食到嘅辣味嚟呢～仲有柚蜜炸雞-配搭柚子蜜醬汁，亮滿淡淡而芝士炸雞-身為芝士控，緊係要叫埋芝士炸雞啦，芝士醬夠曬邪惡，係最佳配搭～因為即叫即炸嘅關係，拎到返去都仲熱辣辣好好味呀，真係會食唔停手，下次開party 可以再叫其他口味同小食款試吓呀

近排因為疫情期間，大家夜晚都少咗出去食飯，多咗叫外賣，今次我哋我去咗石門嗰度叫外賣🥡，依間小食店有韓國炸雞同台灣美食，仲有墨西哥卷添 ，好似聯合國咁，可以試到唔同國家嘅小食😜，最適合買想去朋友屋企大家一齊食😉，happy happy 😝韓國炸雞係冇骨嘅，啖啖肉，而且我哋揀咗雙拼，可以試到兩隻味，今次我哋就試咗蜜糖牛油炸雞+ 黑松露醬炸雞,小編就鍾意蜜糖牛油炸雞多啲，甜甜地冇咁熱氣😜，而且越食越上癮大蝦牛油果卡巴，類似係啲墨西哥皮包住啲生菜，牛油果同大蝦，好Fresh+好有口感👍🏻另外，台灣美食方面，就有芝士蛋餅+雙色流心芋泥拼地瓜球，台灣芝士蛋餅勁多芝士😆，芝士控必叫👍🏻，不過小編就比較鍾意雙色流心芋泥拼地瓜球，呢個比較有特色，而且又可以試到炸芋圓，依個好煙韌🤏🏻同芋泥球裏面仲有流心奶黃餡😜

#📍 雞吧 (沙田)沙田石門安群街3號京瑞廣場一期2樓235B號舖🔸半半炸雞 $138🔸肉鬆蛋餅 $36🔸雙色流心芋泥拼地瓜球 $36🔸炸魷魚鬚 $48🔸墨西哥風味脆片(芝士) $52🍒點評時間六點禁晚市就係叫外賣嘅好時間啦😛今次試左遠少少係石門嘅炸雞店𝖑半半炸雞𝖑叫左甜辣炸雞同蜂蜜牛油炸雞大size炸雞有16件👍🏻比較起上黎蜂蜜牛油炸雞好食😋甜辣炸雞我覺得就甜左啲🤏🏻𝖑肉鬆蛋餅𝖑肉鬆份量好多🤣 食哂蛋餅都仲有肉鬆淨估唔到韓式餐廳都有台式蛋餅食😛𝖑雙色流心芋泥拼地瓜球 𝖑芋泥波波好煙韌好好食👍🏻地瓜球就硬左啲😣做唔到芋泥波波感覺𝖑炸魷魚鬚𝖑魷魚份量都夠 絕對唔係細細條鬚仔下面仲有唔少沙律菜 媽咪mix埋啲黑醋又多一份沙律食🤣𝖑墨西哥風味脆片(芝士)𝖑有芝士同牛油果醬揀唔知係咪外賣關係nachos同芝士醬分開😣Expect會好似出面餐廳咁mix埋一齊 我地食唔哂留返聽日再食 估唔到仲脆👍🏻

🌃 餐廳裝修風格為復古路線， 以染墨綠色為主調， 而餐廳招牌為一個巨型嘅啤酒蓋， 令人想起啤酒配炸雞。.👨‍👩‍👧‍👧以下為3人份參考（💲人均$8x) (晚餐).🍗 半半炸雞(M)💲 108👉 小編選了M size， 為9件份量， 半半炸雞可以選擇兩款味道， 小編選了 韓式甜辣炸雞 同埋柚蜜檸檬炸雞， 炸雞size都幾大件， 即叫即整幾脆口，韓式甜辣炸雞 係用傳統嘅韓國甜辣醬製成， 味道以甜為主， 帶點小辣， 柚蜜檸檬炸雞， 柚蜜檸檬醬有點像柚子茶的醬料， 味道較甜。.🦑 太平洋魷魚筒飯 💲 62👉 魷魚筒幾彈牙， 裏面包住幾香嘅炒飯底，旁邊還有幾條炸魷魚鬚， 底部有沙律菜做配菜。.🍟 黑松露薯條 連汽水💲 跟餐加22蚊👉 薯條炸得幾脆口， 配以黑松露沙律醬， 醬汁幾重黑松露味， 好滿足。.🦑 炸魷魚鬚 連汽水💲 跟餐加22蚊👉 炸魷魚鬚食落幾酥脆， 內裏幾彈牙。.🍠 雙色流心芋泥配地瓜球💲 36👉 每款三粒總共有六粒， 一款較脆同硬身， 入面有唔少芋頭， 而另一款 口感軟糯， 入面有流心。.🤠 通粉 foodie 食評總結 :👉 以美食沙漠嘅石門嚟講， 有一間炸雞外賣店已經

啱啱經過沙田石門呢間炸雞專門店，見有好多人排隊買外賣，於是我哋又唔執輸排埋一份😎真係超有驚喜，唔單止炸雞好好味，就連其他小食沙律都超有水準🤤（評分：5😋為最高）蜂蜜牛油炸雞味道：😋😋😋😋😋賣相：😋😋😋😋價錢：😋😋😋😋回購：😋😋😋😋😋黃金芝士炸雞味道：😋😋😋😋賣相：😋😋😋😋😋價錢：😋😋😋😋回購：😋😋😋😋芝士蛋餅味道：😋😋😋😋賣相：😋😋😋😋價錢：😋😋😋回購：😋😋😋😋黑松露薯條味道：😋😋😋😋😋賣相：😋😋😋😋😋價錢：😋😋😋😋😋回購：😋😋😋😋😋煙三文魚沙律味道：😋😋😋😋😋賣相：😋😋😋😋價錢：😋😋😋回購：😋😋😋😋其中大推蜂蜜牛油炸雞🍗同黑松露薯條🍟佢嘅炸雞juicy又入味，而佢嘅薯條外脆內軟，點埋香濃嘅黑松露醬，真係好好味呀‼️