雅谷餐廳

營業中

休息中

這次去了跑馬地聞名的《Amigo雅谷餐廳》，開業50多年，懷舊優雅古堡風格的法式fine dining餐廳，餐具擺位裝飾等都精緻十分講究，連侍應都穿著紳士燕尾禮服、戴白手套，在這裡過生日，充滿氣氛和儀式感自己一向不吃鴨肝，這裡的香煎法國鴨肝出奇地好吃，很有驚喜，第一次成功把鴨肝吃光光，大推介；龍蝦湯料也很足味道鮮甜，主菜點了焗澳洲龍蝦🦞配牛柳也很出色，龍蝦多肉而且爽甜，反而另一個主菜肉眼牛扒肉質一般，不推介《Amigo雅谷餐廳》📍跑馬地黃泥涌道79A號雅谷大廈地舖 #Amigo #雅谷餐廳 #跑馬地

朋友推薦的，沒有想像中好，人均約千9（唔太值囉），衛生不太好，檯面竟然有怪毛，我地無影相，不過book左蛋糕有生日歌，都唔錯嘅～ 但總嘅來講，無下次！體驗一次勉強可以吧！

穿tuxedo 的茶餐廳伙記質素，放低食物完全黑面+不發一言食物同fine dine完全扯不上關係，是但去一個私人會所最平果間restaurant 或三星洒店自助早餐好d，serve 劣質table wine, 又唔offer 正常wine list 比客order環境毫無進步食老本，最嚴重係伙記𠄘認比張佢擺明知最差平時唔會比人坐的枱我，但目測有吉枱，如果唔係last min 求其搵地方食飯一定唔會黎, 千祈唔好來呀好心提醒你！

上網一打Amigo餐廳即刻彈出吾同介紹同報道，一落車就有人著好西裝既員工接待，幫手泊車，果然係高級餐廳。餐廳環境充滿西方藝術氣息，喺唔同嘅場上都會掛上名畫，好似去左一個小畫廊咁。野食方面一定係貴價，但就充滿左儀式感，我認為主菜同甜品最出色，其他不過不失。另外我預約係晚餐時段有現場Jazz樂隊演奏。

星期六的中午嚟到，人唔算多，幾乎每枱都係慶祝緊。🏨環境：先講一到步見到餐廳嘅外觀，同平時嘅商場或酒店餐廳有好大分別，一座平房配著圓拱形嘅大門非常特別，好似離開了香港一樣，而餐廳裡是歐洲中古世紀嘅設計。服務： 服務貼心，侍應見我哋麵包食完也會主動問我哋仲要唔要。哩度嘅侍應平均年齡較大，襯托返餐廳歷史悠久嘅背景。食物：今次點咗一個lunch set , 一個lunch premium set . 後者價錢貴前者一倍，食材較高級。兩者勻奉送紅白酒。前者可選三/四道菜，後者則是四道菜。重點講premium set.🙂麵包籃麵包係暖暖的，脆脆的，法包外脆內軟，很喜歡，很好吃。牛油是玫瑰花形，很美。🙂香煎法國鮮鴨肝可能是因為鴨肝，不是鵝肝，感覺沒什麼味道，沒有鵝肝那種香味。🙂龍蝦湯啖啖龍蝦肉，侍應幫我加咗啲白蘭地，但感覺重手了一點😅。而且還是有點龍蝦那種「腥」味.🙂美國肉眼扒是整次體驗最好吃的。下次都會再想吃。煎得好香，也juicy，有牛肉嘅味道👍🏻👍🏻🙂香芒脆糖燉蛋去法國餐廳，不得不試嘅甜品，好味🙂藍莓忌廉芝士(lunch set )吃了不會感覺很甜漏，好味🙂朱古力脆皮雪糕球係餐廳最後奉送的甜品

母親大人生日，又有藉口食餐好餐廳一個月前才開放訂位，訂位時會問你訂唔訂蛋糕，一定要訂，因為差唔多每一枱都有訂呢個蛋糕🤣另外訂枱時，餐廳會問你在座每位客人的名字，都因為每個客人都會收到一本有自己名字的memo pad👍餐廳裝修都幾復古和浪漫，侍應安排咗我們坐圓形的梳化位置，座位幾闊落，空間感幾好前菜，我們選了蟹餅和羊肚菌雞肉釀酥皮，蟹餅都幾足料，羊肚菌都幾多兩款餐湯我們都選了，牛肉清湯，淡淡牛肉味，鍾意濃味嘅朋友未必啱。龍蝦湯，有龍蝦肉，味道非常濃郁😋食主菜之前，侍應會送上雪芭，清清口腔的味道主菜，我們選了西冷和羊架，都是5成熟。羊架處理得幾好，唔會有臊味，牛扒都非常出色，餐廳亦都有提供薄荷醬和芥末上甜品之前，餐廳會送上蛋糕，每個女士都會有1支玫瑰花，樂隊亦會過來唱歌，估唔到中文歌都得，之後侍應會幫你影即影即有照片，滿滿的儀式感👍吹完蠟燭之後，侍應會非常貼心問你，蛋糕需要打包嗎？結果呢個蛋糕完美地成為我哋打風嘅食糧🤣甜品，有梳乎厘和酥皮梨包袱，2款甜品份量都不多，餐廳還送上朱古力雪糕球，為晚餐添上完美的句號呢間餐廳值得推薦，服務非常好，非常適合記念日或者特別日子慶祝🥰

下年生日都好似就快嚟，但仲未歌頌男朋友請嘅生日飯🤪之前淨係試過喺amigo食lunch，今次食dinner更加覺得食物質素高、服務貼心同好有feel😚全部都好足料同好食，細緻位連牛油都整成玫瑰花形狀、餐具同銀器擺設都好講究🌹牛扒燒得好靚，感覺好似細個睇小魔女doremi食嘅牛扒🤣waiters服務真係非常好，會細心同我哋介紹餐廳同食物，主動收拾好餐枱先幫我哋睇生日相，又會問我哋需唔需要添麵包同牛油👍🏻呢度嘅拿破崙蛋糕真係好好食，口感鬆脆唔會太甜，cream好香奶味🥰之前食過一件已經覺得好正，超多謝男朋友專登訂成個🥹即使menu dessert無拿破侖蛋糕揀，但可以同waiter講，佢哋會幫你轉‼️餐廳氣氛無得輸，有樂師會逐枱唱歌，雖然我覺得比人圍住唱歌好尷尬🥶，但我好enjoy聽佢哋係隔離枱唱歌，咁樣食野好有情調🤣

食物：不錯，由面包開始熱辣辣好軟熟，tasting menu頭盤揀左羊肚菌雞肉酥皮批，醬汁入晒羊肚菌好好味，另外牛扒都高質impressive! 甜品方面感受到好有心思！欣賞佢最後送嘅朱古力波波入面有雪糕，加埋用乾冰上，用amigo Logo嘅籤，儀式感滿滿！overall 食物會比3.7/5-服務：100分！一餐飯有2-3 staffs serve, 洗手間都有服務員。由落的士果下已經開門迎接，一入門口就估到我係邊個booking, 一坐低就見到印有我個姓仲要係燙金既memo pack souvenir~ 已經加晒分，湯同mains都係table side served, 重頭戲唱歌環節除左兩位吉他手竟然仲有大提琴～～唱得好好聽，最後仲送左一支amigo logo套住既玫瑰同即影即有with賀卡，好滿足❤️-環境：餐廳室外室內設計都好vintage, 而且本來就已經有差唔多50年歷史既老店，走過半世紀，加上live music 懷舊感+浪漫to the max! 4/5-價錢：tasting menu $1480 + 10%per head, 4道菜，紀念日生日同另一半慶祝都值得既

想試好耐；今日睇完YouTube終於扚起心肝落黎試下！嘗試打電話落問下有冇位；點知話有位所以即刻落去試一下！一入到門口已經被獨特嘅裝修吸引；加上服務員嘅超有禮貌嘅態度；真係已經好滿意！麵包又熱又新鮮；真係超好味！頭盤嘅沙律菜；好新鮮同埋係非一般嘅材料；絕對係合格有餘！周打魚湯鬧鐘材料十足；蜆肉好新鮮😛我哋order左一個蒜蝦；同一份牛扒；十分美味😋⋯⋯蒜蝦好新鮮；牛扒亦是上佳之作⋯⋯最後既甜品亦很美味；值得一提4個course 包wine and drinks;所以其實CP值都是十分高！我一定會推介比朋友！

座落在跑馬地馬場旁邊，以金太陽的招牌笑臉見證著馬照跑的歲月的AMIGO（雅谷餐廳），可算是香港歷史悠久的西餐廳當中的佼佼者，是老饕享受美食的天地。一入大門，己感受得到強烈的古典歐陸味道，餐廳瀰漫著中世紀古堡格調，處處皆是名畫、雕塑，還有一具古代武士盔甲，而侍應都穿著燕尾禮服、戴著白手套，很紳士，猶如古堡裡的貴族。樓下是酒吧，可讓食客一邊飲餐前酒，一邊等齊其他人才到樓上用餐。餐廳由內至外都散發著雍容華貴的氛圍。這天的頭盆有兩款：意式布拉塔芝士蘆筍無花果沙律或羊肚菌雞肉釀酥皮，我們兩人各點一款。羊肚菌雞肉釀酥皮的做法是以切碎的雞肉、及原粒羊肚菌放在酥皮裡焗，雞肉的鹹香與羊肚菌的鮮味很配襯，層層疊的酥皮裡的牛油更起了畫龍點睛的作用，最後別要忽略美麗的伴菜，確是做得精緻可口。意式布拉塔芝士蘆筍無花果沙律的賣相叫人食慾大增，不同顏色的食材堆砌在一起，蘆筍、無花果、羅馬生菜等，被梟梟輕煙圍繞著。布拉塔芝士十分實在，幸好配了意大利陳醋，清爽開胃。在龍蝦湯與百里香牛肉清湯配雲吞之間，我們都選了龍蝦湯。侍應非常傳統地推著餐車出來，穿著「踢死兔」的侍應，溫文有禮地在我們面前把湯再煮熱才奉客，加入數滴干邑，

在Amigo餐廳永遠都感受到尊貴的服務質素。前日同太太去Lunch😋，天氣有少少微雨，揸車🚗—到達餐廳門口，已經見到有兩位叔叔拎住雨傘☂️迎接🤗之後進入餐廳坐在沙發位置，非常舒適。食物質素極高水準👍🏻特別欣賞芒果蝦沙律，滿足可以打卡的心態🤪蠔湯好大隻蠔，見到其他客人牛扒非常吸引。服務、食物非常好+加上印有我名字的紀念品送🎁，實在完美—餐🥰以後好多紀念日子，都必定首選這間有歷史價值的Amigo餐廳🍴

古堡歐洲設計，環境古典舒適，座位寬敞，浪漫場所。適合情侶及朋友相聚。更有代客泊車服務。午餐有400幾蚊同埋八百幾蚊嘅選擇，我哋選擇咗兩個四百幾蚊及一個八百幾蚊。我哋覺得四百幾蚊嘅選擇性價比更高。侍應態度極好，唔會要你一定要叫貴餐，仲會提醒你可以散叫，不過我哋為咗方便，就叫set。四百幾蚊嘅午餐，其實唔算貴，因為環境及服務超值，又食到好飽，侍應不斷問夠唔夠食，其實份量都好足夠好多。食物味道都好味，一定遠超「椰x閣」水準，但唔算有驚喜，算係高級餐廳水平啦。為咗環境及服務，都會再去嘅。

同女朋友慶祝拍拖一週年，我同女朋友都係第一次食amigo ，早一個月訂枱，最後都安排左梳化位，非常感謝。7點準時到達，侍應帶位後隨即會問你飲still water 或 sparkling water 有一個細節位做得好好 ，一位叫Raymond 既侍應會留意客人係咪settle 好先會比menu你慢慢睇，唔會就咁放低就走左，呢個位係非常加分。食物都對得住個價錢，未去到好驚喜，去呢啲老牌餐廳，要好好欣賞餐廳環境，同享受一流服務，最後餐廳會幫你影一張即影即有，好好讓你記住當日食飯的過程。再次多謝Raymond 幫我地影左好多靚相，希望下一次黎都會見到佢！

今天第一次同媽咪，太太和兒女去Amigo吃午餐，因媽咪要坐輪椅，總經理特別安排一張枱在地下，好清静舒服(有VIP感覺)，用膳間有專人serve, 服務懇勤细心，值得一讚，我覺得服務質素比五星酒店還要好，食物不錯，值得推介。

標題好像有點誇張，在一家經過時間洗禮、歷史沉澱下來的餐廳，確實也不為過。對於此餐廳的光輝歷史有興趣的朋友可自行google，在此次體驗也不多詳述。不想看長文可看以下快速總結：食物 - 高級版椰X閣，二人一齊肚屙，失望。服務 - 服務員只是穿著Tuxeto、粗口變成謝詞的澳牛態度。環境 - 的確本地很難再找到一家彷如古堡裝潢的餐廳。衛生 - 就座一刻就看見碟上有一條捲曲毛髮非常顯眼，應該只是偶然，此外其他整體整潔衛生。性價比 - 很低。長篇大論：此行與另一半慶祝生日，此前已聽聞雅谷食物質素一般，一直沒有動力嚐試，適逢天時地利，便選擇與另一半在此慶祝。一直有個念頭是希望找到一家喜歡的餐廳，能夠成為老顧客，每逢節慶也固定來光顧，要實現此想法，也要一家能夠經過時間洗禮的餐廳才能做到，自然地聯想到雅谷。早已聽聞服務高水準，員工大部分都是有年資，所以一直很期待享受其用餐服務。但早在訂座時，已發現端倪，對話態度非常冷淡不熱情。餐包不暖也不熱，牛油也只能硬著陸，質素非常一般。只享用片刻，侍應已急不及待把麵包碟換成頭盤，手中還拿著麵包的我便把麵包放下順勢享用鴨肝沙律，味道尚可，懷疑是此鴨肝令到我腹瀉。龍