雅敍閣西餐廳

營業中

休息中

講緊嘅係旺角維景酒店雅敍閣西餐廳嘅 「蠔」情「蟹」逅海鮮自助晚餐！呢個自助餐供應3個月（2017年4月至6月），每晚嘅6點半至9點半。話就話9點半，但其實係10點。9點半只係食物唔會再refill，但就可以食到10點先走。我去嗰日，好多人都喺9點半前衝刺，拎多輪嘢食，好似雪糕、豆腐花、燒雞翼等，之後慢慢喺剩低嘅半個鐘嘆，真係好正！ 自助餐叫得「蠔」情「蟹」逅海鮮自助晚餐，咁就一定有蠔同蟹！除咗呢2個主角之外，原來每晚都會有即場劏原條油甘魚嘅驚喜環節，就算唔係油甘魚FANS，都可以影相觀摩下，睇住師傅捧住半個人咁高咁長嘅油甘魚出場，喺面前手起刀落咁即劏，幾過癮架！ 飲品可以叫茶同咖啡呢類，如果想飲其他飲品，好似紅白餐酒、果汁、汽水同藍冰啤酒，每位加$30就可以任飲喇！如果鍾意飲酒嘅話，呢個價錢都合理，一啲都唔貴。 呢個自助餐嘅食物種類多，主要分咗壽司魚生、沙律冷盤前菜、燒烤、熱葷（超過20款）、車仔麵檔、甜品（即製班戟、蛋糕甜品）及雪糕，另外仲有每人一盅嘅准山杞子雞燉翅！ 壽司魚生：既然油甘魚即場劏，我就要咗幾塊試下（平時唔食架），味道果然係唔同啲，溫度岩岩好，無其他魚生咁凍。

今日同老豆去食lunch buffet, promotion 到今天都係99 個大烊，再加－，兩人收費217, lunch buffet 喎！聽落應該食物款式少，即管試吓！lunch buffet 1200-1430, 早兩日先訂位。侍應好有禮貌，環境又幾乾淨。餐枱上放滿餐具，刀刀义义匙紙巾濕紙巾。放得整整齊齊，餐具好乾淨，隻隻閃閃令，好滿意。座位安排唔錯，唔迫夾，唔以旺角火車站嗰間咁。講返食物，有pizza, 中西湯，麵包，真人煮米粉、河粉、油麵，餸方面有筋牛丸(好味)、魚蛋、貢丸、小棠菜，湯底有辣有唔辣。沙律只有生菜—種，蕃茄仔、粟米、另外有牛仔骨、蒸豆腐、㗎喱雞、小棠菜、炒飯炒麵，雪糕係阿菠蘿，有香芋、朱古力等等。刺身有三文魚同八爪魚。甜品方面，有大概八款味道，我最like chocolate, 好味。其他都好味㗎！以呢個價錢食到咁多嘢，超抵。

諗住朋友仔生日去食個Buffet，想book果一間又full左另一間又裝修為有睇食評，雖然依間食評唔太好，見到依張相蠔情蟹逅都幾吸引未去試下，入到去人唔太多，坐底後第一時間去攞蠔，點知一見，差唔多想講xyz #*D蠔乾真真，咁都照攞2隻，D汁又其怪，又無味，又離殼到最後問D廚師點解D蠔乾真真佢話：（因為D蠔已經滾熟左，再放出黎）咁即係D蠔殼係重用，D蠔就喺係超級市場都買到既急凍蠔，我為左食蠔先搵間有蠔食，如果唔係我㨂食比較好既放題啦已經好唔開心依個價錢重有好多選擇，唉不過已經入到為有繼續食麵包蟹就正常喺多肉既長腳蟹喺依到食係正常冇味，冇其望刺身有五款，都係正常熟食有扇貝，薑蔥炒蟹炒蜆依個燉湯每人只有一碗，味係濃既，亦都係全晚驚喜，希望冇落重味精有燒菠蘿燒蝦雞翼羊脾鵝肝叫好味不過出得好慢，果一個肥呀姐重好笑，我第一轉只有二件，半個鐘後諗住再食多件，我問重有冇鵝肝佢話冇曬啦，食曬啦咁為有羅其他野，又冇野好羅未攞沙律，oh又冇菜，再坐多一陣，朋友攞左鵝肝返黎，頂呀又話冇曬，差唔多食到8點幾去攞三文魚，（其實行左幾轉都想攞不過冇人）行到去又係你呀肥呀姐，我當時見到佢係切緊野黃色好似係切碎D蛋，

Buffet控發現旺角維景做緊$99 lunch buffet.當然要去試試佢啦！一去到望落都算多款！麵包麵有好多款。湯有中西兩款！熱食有6-7款。魚。雞。咖哩。粉麵。炒飯等等海鮮有蝦同青口。有麵檔。壽司。魚生。沙律。燒豬肉。有幾款中式點心。牛肉球。糯米卷。腸粉。生煎包。春卷。粥。薯角。甜品好少。幾款糕。西米布丁。同麵包布丁。有冷熱飲選擇！係味都好多呢？但其實味道no good 囉！沙律菜唔新鮮。仲要有怪味！白雲鳳爪可以完全冇味！三文魚都係一般！未見過酒店自助餐嘅甜品可以少到咁！仲要唔好食嘅。功失望！麵檔嘅冬陰功唔夠味！都有啲岩我口味嘅。Pizza啦。個邊勁脆。芝士同茄醬都ok夠味！生煎包。煎得夠香口！糯米卷淋左啲。但都可以一試！燒豬肉。出面甜甜地。 叉燒feel.終結一次夠了！不過服務都ok嘅。加返啲分！

I ate today. I tried this twice. Today is my second times to try this cafe. Nice food, nice and clean environment, nice music, near Prince Edward B mtr exit, easy to get to that place. The food is tasty. The waiters are polite and concern our needs with their hearts.

食物好吃，環境衛生，侍應有禮貌，地方近太子mtr, 食物多選擇，有羊肉，麵包布甸，辣黑木耳，湯麵，菜，豉油王炒麵，看相中食物便知好多野食，另外，也有雪糕。每次食物也不一樣。現在，太子維景酒店午餐自助餐，12pm-2:30pm，成人即場做會員後有7折，只是大約130元。長者帶長者卡大約折後－百多元。很抵食，窗有窗簾，不怕太陽曝曬，涼住冷氣休息下傾下計幾好。

年廿八才想起囡囡18歲生日想食豐富尐，才週圍睇下有邊度抵食自助餐，睇到旺角維景酒店，見到相片賣相不錯，位置方便，所以抱著試下無仿。但由於不是早三日前訂位，所以囡囡生日都無生日蛋糕送，失望！熱盤還可以，冷盤食物選擇不多，鮑魚仔太韌，咬不開，龍蝦鋏太鹹，所謂佛跳牆湯奇怪地太甜，芝士焗龍蝦一點不熱，也是太鹹；水果只有西瓜及哈蜜瓜，失望！服務員人手不足，常常食物補充得很慢，收碗碟很慢，最後無人加水！以三星級酒店，自助晚餐$358+10%價錢，價錢可接受；雖然可即時入會有8折，但質素麻麻，不會有下次。

我只可以講。。食個麥當勞好過佢全熱飲得水 蜆有沙魚ok 長腳蟹啲肉苦 個場好小野食三文魚有血 除左熟食食吾死人之外其他區想講 吾怪得全場得12個人叫就叫窩夫 格離街格仔餅好食過佢小卷啲飯係硬！八爪魚刺身同海綿冇分別雞翼冇雞味完全負分！負×999999999999999999999999999999聖誕節食左間甘既野真係對吾住自已之餘累埋女朋友服務係可以 只係食物質素係完全吾掂吾會有下次 真係請都吾食

老豆生日，book左維景酒店既自助餐慶祝，4人同行，一人免費，仲有蛋糕送！餐廳唔係好大，環境算唔錯，可能係星期日所以比較少人，海鮮方面都應有盡有，蝦，蟹，長腳蟹，青口，蜆，可惜既係無生蠔食面檔仲有蟹粥可以拎，但要等食到7點既時候，突然有位經理拎住個鼓繞場一周，原來每晚都有新鮮既即切油甘魚認真有驚喜原條即切，師傅即場表演刀工，三兩下就將條魚肉起左出泥由於人數唔多既關係，我直接拎左2份每位仲限量送一份海膽，幾新鮮唔錯當大家食飽哂既時候，發現仲有生日蛋糕未食好彩服務員問我地洗唔洗拎走，先唔洗哂左個蛋糕

一向都有睇open rice去搵餐廳搵野食,半年之間都幫親左兩次,一次係朋友生日,一次係同屋企人食飯，真心覺得唔錯。佢宜家搞緊唔知咩水果同海鮮自助餐，好似都唔錯咁,咪叫埋fd一齊去食,加上buffet黎講,佢真係算平,質素又唔差,仲成日夜晚都送呢樣個樣,今次就送左焗蟹蓋,幾好食。講番正餐,佢個燒羊架好食，幾入味加上少少檸檬,幾開胃,之後就試左佢個三文魚卷,入面有D芒果,好好食,唔會太油膩,食多幾件都唔滯。佢另外仲有壽司同蟹都幾好食,想食三文魚,師傅即刻切比你,D食材都新鮮,係唔錯整體黎講,呢個價格有咁多款揀真係幾OK,款式都多選擇。所以應該會再幫親,加上buffet多選擇,價錢又合宜。

酒店收費 ，茶記服務及茶記不如的食物。建議取消自助餐一. 忌廉粟米湯(無試)，玉竹排骨杞子湯(味精夠多了)。二.青菜焗黃晒，賣相差。三.牛舌，豬，蒸魚無味，雪藏貨式。四.炒飯差過茶記。最好是齋啡。其他的不提了。同場有澳門某校旅港同學會聚會，嘈吵不堪，請侍應関掉我們非校友一邊的揚聲器，侍應找來主任(穿黑制服)，但最後都沒改變。也沒解釋。粉麵攤上方抽氣槽滴水，要我這客人通知穿黑制服的人。一言以蔽之，無誠意。以後謝絕光顧。

實在太後悔沒有早在五月幫襯時寫食評,估唔到半年內幫親左三次,看來真係因為佢,食buffet食上癮了!200幾蚊,在香港已難找到一間又有新鮮海鮮,活魚刺身,飲品任飲既餐廳吧??確實真係被我地找到了!!5月第一次相隔好幾年後再幫襯,對上一次該有十年了,估唔到喜出望外,有麵包蟹食6月再戰,多左d新款既熱盆,我黎講至愛係銀鱈魚同長腳蟹11月生日再來......竟然係有片皮鴨同大閘蟹!天婦羅都好得!尤其d蝦!超鮮甜呢!想不到每次來都有驚喜!侍應收碟好快,服務貼心!每次想拎野食,都會細心講解d食物,令你容易選擇,環境唔嘈吵,d人排隊又好有秩序,多本地人幫襯,臨走經理都問d野岩唔岩食,佢地會檢討自己d品質,以後都好難再去第二間食buffet了!

朋友相約12人到此相聚, 屬廉價buffet, 亦有聽聞質素一般, 不過經此一晚, 覺得不錯, 食物質素算是合理以上水平. 服務態度也不俗.甫一坐下, 經理就企响個場中間叫咪, 我地仲以為佢想表演唱歌, 原來佢係廣播叫大家出黎睇劏魚表演(劏魚好似好俗咁, 係咪有個文雅d 既名詞? 我唔記得係咩...) 當晚劏既係油甘魚, 正呀! 雖然我唔係好識點樣劏魚為之勁, 但都有走出去湊下熱鬧, 而我更加關心既係, 佢表演完之後, 係咪可以攞黎食架呢?砌完之後既油甘魚係可以响刺身BAR 排隊攞既，味道濃郁，魚油豐富，只是解凍不夠，有1-2件還有未完全的雪粒。刺身種類不算多，只有4-5款左右，尚算新鮮。吃過刺身後，侍應送上每人一隻鮑魚仔，不過淡而無味，不送也罷。 隨後我地就開始吃長腳蟹及藍青口，長腳蟹味道偏咸，但肉質結實，啖啖肉。藍青口更是全晚我的最愛，細細隻，青口肉呈奶白色，肉質嫩滑，滑嘟嘟的，沒有渣，非常可口鮮嫩。熱薰也有十几款，有焗雪魚，天婦羅（蠔，青椒，南瓜，蝦），油鹽水煮蜆，牛仔骨，金菇肥牛卷，多春魚，串燒，炒粉，炒飯等等，但沒有很出色的，只屬不過不失。飲品也算是多選攞，有汽水，青酒，果汁

第一次食 開頭抱住都冇咩驚喜既心態黎 但試過都幾ok wor 始終甘平都已經尚好。 冷盤有刺身冷面 三文魚新鮮肥美 長腳crab鮮甜多肉 毛crab多膏甜 青囗新鮮 應有旣都有 除了生蠔。熱盤有十幾種 炸蠔 pizza 燒雞好味 咖哩反 蜆冇沙 叉燒拉面 天婦羅 等等 天婦羅不脆 如果有牛扒或羊架更吸引。 甜品都好味 最like抹茶慕絲 綠荼味濃  桃味啫喱 紫米露超正 吾會過甜 不用等位 服務員態度好好 會經常幫你收碟 刺身師傅也很有禮貌 而且當晚有切三文魚表演 破搞笑 看得出他們很用心對客我們都吃得很開心滿足 都係個句 甘既價錢有甘既服務仲要求d咩

曾經聽過旺角維景既Buffet好平但質素、服務同環境都強差人意有聞而家重新裝潢後，食物同各方面已經大大改善既然係咁，點可以唔試下呀？一入到去，staff好快就安排左座位俾我:^)順道說服務，Staff收碟快，幾Attentive經理（我諗係啦）都有問食物質素如何，同埋請我幫手填問卷環境好寬敞，同埋光線多，好舒適三文魚刺身不時會放一堆切片出黎不過平日午餐似乎唔多人，都係要拜托師父即切，感覺上衛生同新鮮d三文魚甘香爽口，而且唔會過肥膩涼拌茄子茄子個心稔，外皮爽口鹹中帶甜，有點辣味茄子好吸味，整體不算油膩燒火腿外皮焦脆微甜入面係乾身但唔算太柴，同埋都夠味炸魚柳炸粉不厚，金黃微焦賣相佳可惜犯左通病，失去脆度有keep temp，但外皮已經軟化左肉質稔嫩冇雪味，加上醬汁酸甜味重會好食d蕃茄肉丸肉丸好夠味，不過感覺膩左d鴨胸唔太難咀嚼，不過醬汁痴得唔夠，味道偏重係鴨胸味同埋佢既少少腥味焦糖燉蛋表面焦糖層香脆，睇個色水烤到好吸引燉蛋頗creamy，甜度適中，係幾好食既檸檬撻酸甜不膩，味道唔人工撻皮夠香脆一口大小真係令人欲罷不能三層蛋糕蛋糕體濕潤不膩中間吉士夾心係布甸質感，甜滑可口芝麻糕芝麻味香濃近睇