陸羽茶室

營業中

休息中

星期日清晨，它還有五分鐘 才開始營業，我們已到達門口，裏面燈還未開，只有門外看更和一名侍應在工作，侍應看外面毛毛雨，便讓我們先進去。而由於我們是第一台客人，侍應特別好招呼，安排我們坐在樓梯底下哪些特色卡位，還跟我們介紹招牌點心。點心紙是復古製作，內部的特色裝潢，枱上一杯一碟，還有茶盅，全部都是打卡對象。很久沒有吃這種特色點心，“豬潤燒賣”，其實這種點心 並非絕跡，只不過太難做，敢把它放在座上的師傅實在不多，最大難度就是那塊豬潤，而放在面前的這塊豬潤，起了雙飛，顯得更大塊，既滑且爽，而下面這塊肉丸，還帶點蝦肉，爽口彈牙，夠味，冇得頂。“蝦餃”，名副其實的“筍尖蝦餃”，有荀粒，爽口。“煎粉果連湯”，外皮煎得脆，一點也不油膩，足料，夠味。“鮮牛肉燒賣”，即山竹牛肉，超級大粒，最有驚喜的是，它沒芫茜沒馬蹄，但𥚃面有點陳皮，甘香，牛肉還帶點筋，有點咬勁，真的不錯。“芋角”，跟剛剛的牛肉同一主題，「大隻」，芋皮夠厚，芋味濃郁，餡𥚃還有蝦仔，對味蕾的衝擊不言而喻。“湘蓮藕汁糕”，整件事十分滿足，熱辣辣，面煎得帶點焦，蓮藕粒爽脆，很美滿的甜點。後感：有些姨姨剛上班，路過我們的桌，都會跟我們說早安，去完

星期日突然間好想飲茶，諗起呢一度～呢度係超級老字號同埋歷史悠久嘅飲茶地方。Menu 都好特別😆呢度有啲特別嘅點心，係平時食唔到，不過每一款點心嘅價錢就偏貴。首先叫咗個細的杏汁白肺湯一個細嘅可以分到四個碗仔。可能原本對個湯充滿期望，不過飲落就唔算好特別，不過不失啦跟住叫咗佢哋蝦多士蝦多士有八件，每一件都有大大隻蝦。整得好脆口，味道啱啱好，唔會太鹹，好食👍🏻👍🏻甜品叫咗椰汁鮮奶盞有兩件，細細件，唔係太甜，不過不失，不過冇乜特別。豉味釀茄子🍆呢個好食，茄子大大件，雖然比較多油，茄子好入味，又唔會太鹹，出色。白汁石斑筒喺平時飲茶嘅地方好少見到，今次見到，特登叫咗嚟試吓，第一次食，我覺得冇乜特別，魚肉都唔係特別好食，唔會再叫糯米卷好普通嘅糯米卷，平時出面仲好食叉燒軍機酥我好鍾意食呢個👍🏻😋😋個酥皮好鬆口。(要小心啲一路食一路跌😂)豬潤燒賣第一次食，燒賣好大粒，喺燒賣上面加咗兩舊豬潤😂總結：我會再嚟，因為佢哋有好多其他特別嘅點心。而且值得一讚係佢哋服務態度超級好～

1行8人去一早預訂嘅陸羽品嚐懷舊手工菜好多人都形容喱度裝潢古色古香，始終開業接近90年…但我就覺得「不似預期」是晚被安排係2樓房間用餐🥢放棄搭𨋢徒步行上喱條「古色古香」嘅樓梯 隨處可見掛有唔少中國畫，細看…我睇到唔少「歲月殘跡」中式屏風已經擺放超過半個世紀茶錢每位$38🍵 可以同米芝蓮星級中菜館睇齊…不過茶質確實唔錯今晚飲普洱、鐵觀音，沖咗幾次都仲有茶味上枱已經杏香撲鼻奶白湯頭除咗豬肺、白菜膽，仲加埋枸杞葉、陳皮絲、紅棗…超足料豬肺洗得好乾淨，一啲異味都冇喝一口湯…清潤綿滑、豬肺軟嫩即化～係飲得嘅「PITERA」上枱香噴噴 麵包釀入原隻開邊蝦、炸得金黃香脆…入口既鮮爽又不油不膩(鍾意原汁原味…我冇視咗隔離碗甜酸醬)聽侍應介紹係先用蜜糖水後用蛋漿同生粉撈勻炸…難怪薄薄嘅金華火腿食落香酥鬆化可惜…鴿肉雖嫩滑但有啲羶味半隻手臂長嘅鷹䱽呈暗紅色、燻香撲鼻，沾上少少沙律醬…入口結實鮮甜、感情同回憶即刻返哂嚟絕對心機菜 去骨、處理餡料、又飛水又炸又蒸送上枱一切開餡料滿瀉…啖啖陳皮香、蒸得夠腍夠入味加入合時子薑～嗰種酸香味…冇得輸咕嚕肉無奈變成配角～子薑…極品也柚皮去皮、出水、吸飽湯汁、再炆得軟腍入

一行七人來到中環陸羽茶居午膳，隔別一段時間由三十四元的茶錢加至現在三十八元名茶，侍應已是全新面目！常客朋友點了筍尖鮮蝦餃丶蠔油叉燒包丶銀牙蝦春卷丶鮮牛肉燒賣丶柱侯蒸排骨丶釀豬潤燒賣等等； 吃完點心後再選了豉椒涼瓜牛肉炒麵；最後加了兩款甜品：西施鳳凰卷和桂花生蹄糕來完結這頓聚餐。

We arrived this morning and asked if there is any seat for walk in. The staff on the ground floor told us to walk up to the 2/F. Then the staff on the 2/F said no seat available again so told us to walk up to the 3/F. At last the staff on the top floor told us to go back to the 2/F since they are all full too.We don’t expect seat must be available but we felt like we’ve been to 3 different restaurant. We really advise the restaurant’s representative to review the internal communication more.

星期六往中環取驗血報告，便計劃順路去陸羽茶室午餐，途中致電想訂檯，被告知沒有訂檯服務，只得 walk-in。抵達後門口知客指示我們上二樓，一上到去，沒人理我倆，逐主動找服務員，服務員眼尾都冇看我們一眼，是是但但叫我倆坐樓梯口隔離的檯，坐下時發覺面對一條出菜的冷巷，很影響胃口呀！眼見很多吉檯，問可否轉坐其他檯，得到的答覆是早已被 “預訂”😨。又話冇得訂檯嘅？？？？ 第二位服務員暗示那些檯是留給 “熟客” 的！！！！ 哦，明白了。。 😔太耐冇得去澳門食嘢，好掛住六棉的杏汁豬肺湯，故試試陸羽的又如何？另外叫了一碟炒河，三個點心。 雞球大包完全不是我想像的，我想要的是蓮香樓那種，而陸羽的是將材料搞勻成一團料放入包中 🙄。 河粉一般般，沒啥特別；杏汁豬肺湯算是整餐飯中最好的，但未算真材實料，相對澳門六棉，我仍然鍾情六棉。服務一般般，食物味道一般般，“陸羽” 這個曾經的高檔品牌，似乎已掉落凡間！

呢間都唔使piggy多介紹好多名菜🤗 但piggy最鍾意嘅係呢個煎鹹魚，真係香到不得了，八個人叫咗兩條馬友，piggy一個人就食咗2/3條，送咗2碗飯🤪 其次係咕嚕肉個子薑🤣

晚餐來食，份量很少，但價錢一點也不便宜。我們8位共吃了約10道菜，約$700一位。但沒有飽肚的感覺😅有幾道懷舊菜式、功夫菜的味道還是可以的。杏汁白肺湯很香，沒有杏仁的臭味；蝦多士的蝦肉彈牙，多士鬆軟，但如果多士再厚身點就更好了🤣煙燻鷹䱽也很不錯，煙燻味燶，魚肉嫩滑， 調味剛剛好；燒雲腿乳鴿片頗惹味，配紅酒實在不錯！最後喜歡的還有片兒麵，咬起來的口感和味道與腐竹略有幾分相似。但總括來說，同價位其實有很多中菜廳做得出色得多，要說服務什麼的，也不見特別親切。只是陸羽歷史悠久，或許貴在情懷吧。

除咗懷舊同特色的裝修仲有一份難以形容的人情味雖然不少人對陸羽的評價都很參差兩極但喜歡的人就是非常喜歡不時來到訪跟天香樓一樣哈哈我是提早一兩日致電留位的對答禮貌 服務招呼很周到之前是特意外賣白肺湯也有中午來過吃點心這次回來吃晚市也是很滿足身為90後 不太了解朋友口中舊時的味道但菜式確實是繁複考功夫的 心機耶👍🏼白肺湯湯料很足 豬肺洗得乾淨荔蓉香酥鴨邪惡但我食咗勁多炒菜心用新鮮菜炒杏仁露加咗蛋白 同合桃露食到不加糖的原味 很喜歡這裡我每星期來都可以啊🥰

呢間餐廳係1933年創立，開業超過80 年，裝潢仍保留古色古香風格，為米芝蓮推薦餐廳👍🏼提供懷舊巧手點心，更有即將失傳嘅傳統菜式🥢💗釀豬潤燒賣 ($65)豬潤厚度十足，口感爽脆粉嫩，味道甘香，薑汁味中和微微內臟腥。底下豬肉球爽滑鮮嫩，肉香好濃🐖💗柱候蒸排骨($65)半肥瘦排骨軟滑腍身，骨少肉多，柱候醬濃郁入味🍖💗韮王蝦春餅 ($58)春卷炸至金黃焦脆，內𥚃嘅韮黃蝦肉餡料預先炒香，香濃惹味🫔💗煎粉果連湯 ($84)粉果外皮香脆煙韌，餡料主要有蝦肉、韮黃等，味道單調淡味，冇特別可言。蘸點鮮味上湯一齊食，就有軟中帶脆嘅口感🥟💗蠔油叉燒包 ($58)包身鬆軟有濕潤感，叉燒餡肥瘦適中，蜜汁濃稠香甜，足料飽滿🐷💗百花釀魚肚 ($65)蝦滑爽口彈牙，釀入蓬鬆滑爽嘅魚肚，吸盡清淡鮮味嘅茨汁，帶微微酒香🦐💗玫瑰豉油鴿 ($280)乳鴿以祕製豉油汁浸煮，鴿皮爽彈脆口，鴿肉嫩滑纖細，肉味濃郁，醬汁香甜入味，帶陣陣玫瑰露嘅香味🦆💗蛋黃麻蓉包 ($58)包身軟糯輕盈，麻蓉餡有豐富嘅白芝麻同花生香，食落綿密香甜，但絕對唔糊口。配搭原個鹹蛋黃，鹹香美味🥜

第一次到陸羽茶室飲茶因為11點多的關係場內都沒什麼人我們選了卡座坐下是很有風味特色的一家茶室員工們都穿着懷舊的制服很有老香港的情懷😌點了三個點心兩個甜點和一個湯全部也挺好吃的特別推介雲腿石斑夾👍🏻好吃又特別，起碼在其他地方沒有吃過杏汁豬肺湯也是十分推介！香濃的湯汁喝了兩碗也不夠🙈特別一讚的是這裏的員工很親切招呼也很好對熟客特別殷勤✨雖然今天下雨到了12點多茶室就滿座了下次要再過來試一試這裏出名的咕嚕肉呢😌Follow我帶你找好吃的❤️

一間老牌掛名 令人失望的茶居幫襯時間1500菲王蝦春卷看看圖片 明顯炸過火 未点也有喼汁味看不到蝦 嗅不到也吃不到蝦山竹牛肉牛肉勉強合格但肉質鬆弛 連馬蹄也沒有 更感覺唔到有下芫茜 味精及梳打粉味很濃蝦餃只有3隻 是3款点心算出眾但與5星酒店比 也被比下去服務劣質 當談到蝦春卷沒蝦一是乍不知要有蝦 指出点心名字後說是切碎混合一起 所以看不到若果4人 茶錢已佔160元以前也曾消費過 可能30年前了埋單查單竟然改了3次才準由220元左右改到160所以久未再來晚間菜式皆為200甚至300元為起點絕對是非一般消費多年沒來 又加疫情 仍不思進取

陸羽茶室慕名而來失望而歸一個90後 對於懷舊嘅點心 真係唔係幾熟悉 咁有時代感嘅點心紙亦都係第一次見 對我嚟講係新奇 朋友係60,70後 對佢哋來講就係一份情我哋今日一共嗌左10樣嘢 其中有兩樣唔記得咗影相 食評：咁10樣嘢就包括左 以下呢一堆筍尖鮮蝦餃，脯魚蝦燒賣釀豬潤燒賣，鮮牛肉燒賣臘味芋頭糕，滑雞球大包煎粉菓連湯，火鴨三絲筒雪耳南杏露，蔴蓉香蕉糍好食正常發揮 不過不失差咁講返啲點心 其實味道都係好一般而且唔夠熱 -豬潤燒賣 朋友聲稱係好大期望嘅 始終想食返細個嘅味道 但係佢嘅期望就變成一個失落 我哋親眼見證住舊豬潤咬都咬唔到開 非常之老 諗住試吓個豬肉餡 點知腥到爆炸 完全係擺唔入口 開頭都以為係自己食唔慣內臟 點知朋友食完一致認為 係蝦嘅腥味 -煎粉菓連湯 講真真係聽都未聽過 根本想像唔到係乜嘢嚟 甚至擺到上枱都唔識得點樣食 好彩朋友教係要浸佢落啲湯度先再食 食落去個感覺都幾特別嘅 味道還可以 只可惜都係唔夠熱 -鮮牛肉燒賣個樣呢係同燒賣一啲都唔似嘅 比起燒賣佢更加似牛肉球都係老毛病唔夠熱 但比起出面嘅牛肉球佢就有小小陳皮味都叫做有少少驚喜-至於其他嘅點心味道都係正正常常冇啲特

充滿歷史感的茶室令我地好似回到三十年代 復古木系中式擺設 很有氣派❤️店員安排我地坐卡位 可以自成一閣地聊天 只需要一壺高級普洱茶 再來一盅兩件 已經十分捨意😌店員態度親切 點心紙係用舊式黃紙 每個月逢一號同十六號轉一次menu 保持新鮮感 點心味道比較清淡 絕對係食緊老香港既味道 收得$36一個茶位 茶葉絕對夠哂靚 濃普洱唔苦 仲可以好似一代宗師咁用個「中」黎斟茶 真係少有既打卡道具😂如果又想品茗 又想帶媽咪老豆打卡 哩到係一個好好既地方😂久唔久做吓孝順仔或女 同爸媽有個能回味的地方 唔錯🥰🥰

嗰日係中環lunch但冇book位又唔知食咩好，經過呢間茶樓見冇人等位就入去試吓。之前經過都覺得佢好有特色，但都估到佢應該係幾貴。嗰日自己一個人食就叫咗三個點心，三個點心都係出邊好少見到嘅，最特別就係個豬潤燒賣，佢個配搭確實係好食嘅。另外兩樣都係水準之上，不過埋單都接近$200 ，係偏貴嘅。呢間餐廳聽聞已經有好耐歷史，見周圍都好多上咗年紀嘅熟客喺度飲茶。我覺得未試過係值得一試嘅，但呢個價錢偏貴可能短期內都未必會再試。😝