陶館

營業中

休息中

見食評這鰻魚飯不錯，就早D去，十二點去到叫外賣自取。等了五至十分鐘。在門口等時，D油煙味都幾大。看到裏面D坐位窄，所以不想堂食。外賣回來，吃到一半才想到照相。隻蛋幾好吃，飯就一般般，不似真珠飯，如家裏一般的飯，而且有點兒乾，好似不夠水。鰻魚真的不好吃，太膠，難吃。鰻魚用膠刀都幾難切。個汁就不錯，不過鰻魚汁都幾難出錯。我反而是主要吃蛋＋飯＋汁。反而是另加的奶茶比飯更好。下次不會再來。個飯$63+$6 凍奶茶下單走之後才發現個飯送紙包飲品，等我還特意叫了飲料，店員又沒有告訴我，不過也難怪她，她一定想賺多點吧。

尋日要過中環返工，同事帶左我嚟呢間度食～舖頭的確比較細同迫，平日中環返工嘅應該有排等～但尋日星期六都full嘅 我地好彩有一張二人檯～同埋油煙味真係好重，食完成身都係油煙味😂我最後揀左個鰻魚蛋包飯～賣相同味道都唔錯～我本身鍾意食鰻魚嘅..佢都好大條～蛋包飯都ok嘅！佢地d飲品真係超大杯！我係飲唔晒嘅😂😂😂我叫左杯薰衣草奶茶.個人嚟講好鍾意薰衣草嘅野 所以試試🤗 好重薰衣草味不過就偏甜...我飲左半杯！另外最後叫左個芝士撻👍🏻 呢個真係好味！新鮮熱辣先上檯🤓 大家可以試下呀（不過趕時間唔記得影相XD)

今日中午放食飯就過嚟攞位，講真中環出咗名去到邊都要排隊，第一次嚟試吓啦！我哋四個人，講真以後超過四個人就真係唔好過嚟食lunch，我哋足足等左七個字，得返8分鐘嘅時間食，眼見同我地係我地後面幾張枱全部入晒佢兩個三個入，所以趕時間千祈唔好諗，地方好迫油煙味好重，食食下野隔離個廚房仲要無啦啦一渣水跌落黎，真係俾冇眼睇，不過香港打工仔就係咁慘叫咗個西冷，男仔未必夠食，就咁好薄嘅再加幾條薯角，味道還可以，嘢飲大杯係好處鰻魚蛋包飯呢個賣相真係冇得頂，超級抵食！60幾蚊咁大條仲要有個滑蛋其實味道係唔差嘅不過等位真係太折磨，中環來講叫做算平㗎，Lunch真係多人嘅唔好諗啦如果唔係等死你

同事話去食蛇竇 一個禮拜食二十次蛇 仲要唔識寫個竇字 淨係話食蛇 真係好傷心 於是我就聰明咁話 不如試下蛇隔離嗰間嘢啦 每次排蛇都見到好多人排呢間 唔知係咪好好食呢 排左一陣 姐姐話就到等多十分鐘 於是十九幾分鍾之後 姐姐又話等多十分鐘好快到我地 不如睇住食咩先 於是十九幾分鐘之後 姐姐話下一張就到你啦 幫你落住單先啦 好啦 喺我地努力不懈之下 終於！等到位啦 哇 入面咁細 怪唔之得要等咁耐 坐左無耐嘢食就到啦 都算好有效率呀 開心 個朋友話呢度食飯有嘢飲送好抵 好啦 應該係中環食得飯多轉換左大家物價概念 不過最後俾錢唔知點計 好似貴過我地既計法 返到office先發現 好貪心 嗌左鰻魚咖喱蛋包飯 因為怕鰻魚唔好食 咁我仲有咖喱 咖喱唔好食我仲有蛋 蛋唔好食我仲有鰻魚 無錯啦 三樣嘢都可以分返開做三個飯 所以真係好貪心咁一次過滿足我三個願望 鰻魚都幾好食既 鰻魚汁唔錯 鰻魚依然係有細骨既鰻魚 唔鍾意食到細骨既人就唔駛考慮啦 蛋味被咖喱同鰻魚蓋過曬 於是就只係一塊單薄既蛋皮 想食蛋你過返隔離啦咖喱係都幾好食既咖喱 唔會好辣 但係個味好好送飯 如果放多啲薯仔嗰啲垃圾應該會唔錯 👍🏿最後備註

行過見到，感覺餐廳係對煮出黎既食物有要求，同埋都有唔少人會等位，雖然見到應該唔係好好坐，但都一試！餐廳Menu睇落啲野食係有些少特色。等左陣行埋位見到附近既人點既餐都好大份，啲扒好大塊。我點左餐廳自己畀自己like既法式香草磨菇汁雞扒意粉。黎到真係勁大塊雞扒，睇圖你見到佢幾乎將成個意粉遮住哂！塊扒size係正，仲有咁上下厚度架，味道就正常唔差啦，煎過，有啲香口既。但係個汁太濃喇，濃汁加巨扒，成件事好heavy呢，雖然其實味道本身唔差既。意粉就冇咩特別。跟餐價飯連飲品係$64飲品揀左珍珠奶茶，唔會太甜，珍珠唔會硬得濟，okay既。建議平時lunch幾肚餓個陣可以黎食！

平時午餐, 通常唔會食第二次. 但一次偶遇既呢間陶館, 實在高質, 令我食過番尋味.##############################第一次叫鰻魚滑蛋飯.鰻魚有足碗長食落啖啖肉,搭配店舖特製醬汁令人滿足.滑蛋嫩口表面仲留有蛋汁, 入口即融, 令人一試難忘.今日就叫左蘑菇汁豬扒飯.豬扒厚身有肉汁, 而且脂肪分布平均, 輕微煎過後食落香嫩多汁.仲要只係加3蚊就有台式飲品, 試過芋香同椰香奶茶芋/椰同茶味都好突出, 互相配合, 甜味怡到好處, 質素媲美街頭台式飲品店.而且陶館既餐牌每個星期都轉, 心思十足, 值得欣賞.##############################中環大大小小既餐廳都食過唔少, 而呢間絕對係性價比高個批, 所以已經成為我定期會去既食堂.

星期六早上的中環份外寧靜。坐在小巷裏的這間小店吃一份早餐感覺更休閒。要不是唯一的露天座位有人坐了，我應該會選擇坐那兒享受一下這片刻的寫意。雖然坐不了出面的位置，但店內其實佈置得也很休閒舒適。不過店子因為太小了，所以座位和座位間很窄，多人的話就不太舒服了。但假日的早上就問題不大。我坐在門口的位置，看到出面的街景，喝著甜甜的檸蜜，好舒服。可愛的杯子也讓人心情愉快。我要的是$29的沙爹牛肉意粉配餐肉煎蛋，改多士加$1。特式的碗碟讓人眼前一亮。很喜歡伴有沙律菜，雖然份量少，但已很不錯。我是之後才吃沙爹牛肉意粉。店員怕吸乾了湯汁，主動問我要不要加湯。她的笑容很親切，令我頓時喜歡上這間店子。所以即使牛肉咸了些少，我都變得可以接受。另外，即使撈均了沙爹醬汁，意粉仍然很清淡。不過早上清淡一點好，而且意粉很爽滑，沙爹醬汁又有別於港式茶餐廳吃開的那種，這裏的沙爹醬好像加了花生碎粒。這店隨了可以堂食或外賣之外，店舖另一邊還主打售賣奶茶咖啡，路過可以買杯喝喝。

喺中環返工，周圍d野都咁貴，尋找抵食嘅餐廳食lunch係好重要嘅。今日黎左呢間陶館，之前都嚟過幾次。一如既往，非常多人排隊，座位又比較少今次兩個人大約等咗15分鐘 ， 建議趕時間嘅人可以買返公司食。叫咗份鰻魚珍珠飯， 鰻魚鮮味多汁，餃子亦煎得好香，仲有大大份配菜，份量真係唔講得笑。我算係比較大食嘅 ，但兩大條鰻魚加三隻餃子，飯嘅份量又超過一碗，都食剩少少飯。 至於我嗰個細食嘅同事叫嘅黑椒牛扒飯，佢分咗半塊扒畀我都仍然食唔曬。 餐飲可以選擇各種各樣珍珠奶茶，通常餐廳都當係特飲，但呢度午餐可以免費加熱飲，凍飲加三蚊。 我叫咗杯最普通嘅凍珍珠奶茶，不過不失啦。下次會試下特別啲嘅班蘭奶茶或者薰衣草奶茶。食到咁飽都只係76蚊，中環來講算係良心價，會keep住幫襯。

可能筆者看到人潮那麼多、可能看到食評不錯寄予厚望，也可能因第一次得到不快體驗，anyway，實在難掩失望。因人太多，筆者坐於門口右邊背向門的位置，門每次打開都會碰撞到肩膊，已十分影響心情。叫來的金桔蜜，淡如有味水喉水，筆者只喝了3口，由於凍飲加$3，所以是$1一口，實在比水天難喝。飯到了，等了近10分鐘，雞扒味道尚算ok，南瓜汁味道也不錯，但椰香是壓根兒吃不出來；而且雞扒經醃製後與南瓜汁也不配，又鹹又甜的，好像欠了什麼做和事佬去點睛。且南瓜汁不難做，而且整碟沒有其他配菜，就如快餐店吃到的差不多。餐牌是寫珍珠飯，但筆者看與普通白米分別不大，不像珍珠米那麼飽滿。餐廳環境狹窄，如與對面位顧客同時低頭扒飯，會差點對撞的地步。但很多顧客前來此處買咖啡，筆者也許會再來試一次咖啡。

來到這店，原本打算堂吃，要等位；在外面見到有外賣餐牌，於是轉了。南瓜湯很濃，也挺滑，有紅蘿蔔粒、洋蔥粒，帶有淡淡南瓜甜味。肉燥的味道不錯，但比較肥膩，有層油鋪面。驚喜的是裡面竟然有冬菇絲矮瓜面灑了鹽，很夠味。飯是用珍珠米，肥肥短短，很飽滿的米。這個餐還送紙包飲品。

今日點了一個 lunch set, 有中湯和一杯飲料送。中湯好足料，吾會太咸/淡。主菜是藕餅肉燥飯。藕餅切到好薄，真係好脆！肉燥有冬菇同碎肉，吾會好咸。飯量算多，一個女仔食吾哂。

假日的鬧市，是寧靜的，鬧市裡的小巷，就更覺寧靜。在中環有一家很出名的"蛇竇'，位於小巷裡，而這間叫陶館的小cafe也就在蛇竇隔鄰。叫做陶館，與陶藝應該無關，細味下原來是由TOGOOD英文名字音譯回來。去完PMQ，剛好下午茶時段，客人不多，只有三四個。而陶館的內裡不大，只有20個左右的位子。猜想平時午飯時間定必十分墟冚。雖然鋪面細細，但內裡的下午茶選擇甚多。而且有加配的小食，又有很多特色的飲品。+$3可以試到斑蘭木瓜奶茶，豈能不試？這杯奶茶本身份量很大，似台式飲品那一類。本身熱水夠熱，斑蘭味完全引發出來，又香又甜。而木瓜未身的香味有點似高雄喝到的老鄭木瓜奶。不過不同的是，這兒的奶茶真的有茶味，與擁有細滑口感的木瓜牛奶又有不同。主菜是豬扒腸仔意粉，傳說入面的其中一款經典碟頭飯，浪子都不知有多少年沒有吃過了。腸仔十分鹹，豬扒反而不錯，簡單但合格。意粉也算不錯，夠稔又未致於糊了。配茶反而有點特別，是茄子南瓜涼拌，保持原味，甚有南瓜的質感和味道。總括而言，一間小店既有Cafe風格又有台式風味，而且簡單寧靜，牆上一張"格式"更是令人回心微笑。價錢，在中環來說，是很實惠的了。

打風前一個人食晏，2點半嚟到，好在仲有set lunch食，否則以我咁肚餓，食一個tea set一定唔夠食！淨係set lunch都有8個選擇，真係開心！環境都算不錯，乾淨企理，但廚房油煙味好重例湯今日係蓮藕湯，隨湯附上好多湯渣包括蓮藕、薑片及豬肉，飲得出冇落味精，而且唔算鹹，有屋企嘅味道馬來白咖哩豬扒珍珠飯 （＄65）賣相OK，白咖哩以另一隻碗承載，入面仲有好多舊薯仔，薯味就冇乜㗎喇，不過好就好在自己鍾意落幾多汁就落幾多汁啦；白咖哩椰味濃，我未食過白咖哩所以唔知正唔正宗，只係知道偏甜而且一啲都唔辣，所以適合我呢啲唔食辣嘅人啦；豬扒份量足，煎得幾香口，啱啱上菜嘅時候食好彈牙，但凍咗之後就有啲鞋；珍珠飯冇想像中嗰隻咁好食，唔好當佢係珍珠飯食會好啲；而且配菜係凍嘅，如果熱辣辣會更好班蘭抹茶紅豆 （+＄3）見到有咁多班蘭飲品真係好開心，一定要揀一杯試吓啦！但明明係堂食，點解要用外賣嘅膠杯呢，唔係幾環保噃；班蘭味唔算濃，但都足以蓋過抹茶味，可想而之抹茶味係幾淡；最底層嘅紅豆頭幾啖係暖㗎，不過唔算甜，所以整杯飲品都幾好唔會過甜，都OK嘅，整體都係一個有趣嘅配搭

同事帶我地試新菜。嘩，地方好精巧，等極都未有位……我地5人一直排在首位，皆因待應小姐不停地安排后面既2位2位再2位入座。再係咁，我地點等？終於我地出聲，自己安排。我叫了沙薑雞飯配好大杯既熱珍珠奶茶！杯珍珠奶茶，熱都好大杯，夠飲1下午。我覺得甜左小小，珍珠有d琳，冇爽口感覺，奶味一般唔滑。沙薑雞肶係凍的，但沙薑味道几好。雞很滑仲有碗豬骨中湯，我認為味道好好

今日食左個卡bon尼雞扒意粉 有陽光蜂蜜苿利綠茶 加 羅宋湯 另加一杯紅豆珍奶都係60左右 *其他餐平d40- 50幾蚊左右有飯 有湯 有野飲 加多杯台式飲品都係加多幾蚊。真係唔錯但係個湯d味淡左d 有進步空間個湯都好味埋 就冇得頂