陶源中菜

營業中

休息中

今日放假同爹哋媽咪一齊去食陶源酒家的享用下午茶。我們點了叉燒酥、中式菜肉包、香煎蘿蔔糕、雀籠點心，還有上湯蝦球湯伊麵！整體來說，叉燒酥真是好吃，外皮鬆脆可口👍🏼，而我爸爸最喜歡京式菜包，那麵粉感覺似饅頭的表皮甜甜地，內裏豬肉餡好味道又不膩口。至於上湯蝦球伊麵，裡面的三粒蝦球十分美味，湯汁與麵條完美搭配。最讓人驚喜的是下午茶鳥籠，第一層有兩個紅棗糕和朱古力奶皇包，第二層則有兩個可愛的芋頭酥和兩個精緻的啤梨鹹水角，最底層則有兩件蝦餃、兩件鮑魚燒賣和兩件粉果。這份下午茶絕對值得推薦，因為蝦餃美味而且做工精細，鮑魚燒賣肉質鮮美，不油膩，粉果味道好好😌食。值得一讚：今天的用餐體驗真是讓人感到幸福，服務員照顧周到，另外因點心太豐富，我們叫服務員提供外賣盒把剩下的食物打包回家，哈哈哈！😂😂😂叉燒酥 $21.00京式菜肉包 $15.80香煎蘿蔔糕 $18.80雀籠點心 $138.00上湯蝦球湯伊麵 $35.80陶源酒家地址：新界將軍澳康城路1號康城第四層418號舖

Daylight robbery with a cult culture.This restaurant is all around incompetent from food to staffs. Their business model seems to be focused on targeting lonely elderly who are prone to their hard selling techniques. 0 stars for the overcooked, flavourless and stale food costing $200 for every very average dish (ie dishes that don’t involve expensive ingredients like seafood).Examples: $298 for one small chickenExperience this week coming here twice while I visited my family in hk:- Lunch: staff

簡直不知所謂，經網上平台購買外賣片皮鴨，餐廳其實一早已經知道有多少隻賣咗，幾時有客來攞，但完全沒有準備，一路話處理唔到個QR code，一直入唔到單，沒有靈活嘅處理辦法，後來攞片皮鴨嘅人越來越多，就更加處理唔到訂單，年三十晚真係唔想大發雷霆，餐廳嘅經理完全唔知點處理，愛埋不理，真係十分之嬲。

今日去咗陶源酒家食飲茶，一開始嗌咗壺茉莉花香片，茶香撲鼻，真係好似喺花園企咁。慳嘴說啲點心，點咗個花鳥聚陶源，真係睇落就開心。🌿原隻鮑魚燒賣有驚喜，嘗到佢嘅鮑魚味濃郁，肉質彈牙，攪得我一啖又一啖。蝦餃晶瑩剔透，咬落爽口彈牙，每啖都有蝦鮮味。啲姬松茸遼參粉果好特別，菌菇香氣同遼參滋味夾硬正！🍄喺中間樓層嗰啲安格斯牛天鵝酥好出彩，想像中嘅牛肉嘅香味飄香口腔，牛味汁香同酥皮真係絕配。咸水角都過癮，小梨子造型咸香迷人，包裏頭嘅餡料又夠味。最頂層嘅朱古力奶皇包，呢個真係攪到我停唔到口，朱古力同奶皇嘅組合，甜而唔膩，啖啖幸福。🍫最後，我仲試咗碳燒西班牙黑豚腩，外皮焦香，腩肉嫩滑又juicy，貪心食多兩件都唔覺肉厚。而鮑汁鳳爪腍滑入味，整個午餐滿足哂！來這邊食，真係心情大好，好似擁有咗一個小小嘅飲茶天地，實供食得開心，有得喺朋友面前班門弄斧炫耀吓，下次仲會再嚟！🤤👌🏼🍽️

I had a highly disappointing dining experience at Sportful Garden Restaurant. The entire staff demonstrated a shocking level of irresponsibility, with no one willing to assist customers, including the managers and the table cleaning staff. Instead of addressing issues and offering help, they displayed a complete lack of interest and even responded with a poor attitude. Overall, my visit was dreadful, and I encourage others to carefully consider their dining options before choosing this establish

👧🏻😋👅🍽✨冬至聖誕位餐二人起有得食-陶源中菜 🇭🇰 將軍澳康城路1號康城第四層418號舖 🇭🇰-🥢康城陶源裝修典雅有帶點時尚感, 全部用梳化櫈勁舒服🥢除咗冬至4至12人套餐, 今次試咗佢哋嘅聖誕位餐, 2位起就可以食, 夠晒彈性-🎄🎅🏻聖誕冬日綻放位餐 $468/位-🍲前菜💯芝士洋蔥焗大咖菇: 啡菇厚身好juicy, 芝士芡汁唔會太濕仲有蝦肉💯野米南瓜日本遼參: 南瓜粥好香有幾款唔同嘅米幾有咬口, 遼參切粒好彈牙-🍖肉類✨紐西蘭烤羊架: 有錫紙包住條尾拎住嚟食好方便, 配有燒汁✨京式片皮鴨: 二人份放埋一碟, 鴨皮連都幾肥美-🦀 海鮮💯百花炸釀蟹鉗: 去飲必食😍 脹卜卜脆卜卜, 入面都蝦膠幾滑身💯六頭鮑魚伴玉掌: 鮑魚超厚身, 鵝掌炆得好腍好入味💯大虎蝦天使麵: 大蝦爽口彈牙又幾新鮮, 天使麵幼身又多汁但唔會太腍-🍡甜品✨紅棗糕: 蒸籠四件上, 整體唔太甜, 軟熟得黎又煙韌

大時大節淘小姐總會想同屋企人食返餐豐富嘅海鮮今日就黎到陶源中菜 @sportfulgardenhk 食佢地新推出嘅 #海鮮八道菜⭐️金鰻伴五層肉呢個頭盤有炸鰻魚同埋燒腩仔金黃色嘅炸鰻魚塗上甜甜嘅蜜糖加埋脆口嫩滑嘅燒腩仔十分開胃⭐️開邊澳洲龍蝦新鮮嘅澳洲龍蝦蝦肉爽口彈牙簡單用蒜蓉粉絲蒸就已經超好味⭐️避風塘珍寶蟹呢隻珍寶蟹簡直係重頭戲珍寶蟹外面稍稍沾上粉漿煎炸至香酥外面佈滿避風塘風味嘅香辣金蒜極之惹味⭐️馬蘇里拉焗響螺廚師將螺肉切碎後配以芝士、洋蔥碎、磨菇等釀入響螺形器皿內焗至焦香⭐️金蒜蒸鮮格蘭聖子聖子爽口甜美金蒜畫龍點精粉絲亦吸滿聖子嘅鮮味⭐️瓊樓玉宇（魚子醬蒸海斑球）海斑上嘅魚子醬份量一點都唔吝嗇鹹香味十足⭐️生拆蟹粉脆蝦球近乎掌頭咁大嘅炸蝦球淋上蟹粉鮮上加鮮⭐️荷香紅米珍珠珍珠雞配上紅米感覺冇咁膩而佢嘅餡料亦都好充足有鹹蛋黃、豬肉，冬菇等等⭐️濃湯粒粒泡菜苗上湯烹煮多款香菇加上酸甜蕃茄提鮮十分滿足海鮮八道菜原價＄888現推廣價＄598/位（兩位起）只限晚市散座堂食記得預訂呀～🍽️ 陶源中菜 📍 將軍澳康城路1號The LOHAS康城4樓418號舖

那麼快，又年尾了。 十二月是我最喜歡的月份，節日氣氛十分濃厚，有冬至及聖誕節🎄俗語都有講：「冬大過年」，做冬最重要團圓，一家人一起食飯慶祝！ 今晚同親戚家人提早慶祝，選擇了位於將軍澳康城的<陶源中菜> 餐廳-❤️<冬日綻放•甜蜜滋味>套餐 $468/一位這個套餐富Fusion元素🔸芝士洋蔥焗大啡菇大啡菇菇汁滿滿，菇味香濃，配上洋蔥及豐盈的芝士，已經很滋味-🔸 野米南瓜日本遼參濃郁的南瓜湯，加上野米及珍貴日本遼參，口感豐富-🔸 紐西蘭烤羊架羊架不肥不膩，肉質鮮嫩多汁不羶-🔸 百花炸釀蟹鉗是粵菜中嘅經典菜式，炸至金黃色澤，口感彈牙同鮮甜-🔸六頭鮑魚伴玉掌鮮甜滿滿鮑汁精華配上爽彈的鮑魚與肥美的玉掌-🔸大虎蝦天使麵珍寶級的虎蝦有彈性，蝦味重-🔸京式片皮鴨片皮鴨外皮酥脆鬆化且肉質夠嫩。 想不到份量這麼多！ 抵食-🔸糖水薑汁蕃薯糖水不只香甜可口，濃濃辛辣薑汁，亦可驅寒暖胃

Book咗位酒樓食晚飯當日客人不是很多 但服務非常不足叫咗三次辣椒醬都未能送上🥲叫咗三個前菜豬手、燻蹄海蜇份量不是很多最好的只有是片皮鴨雖然肉質偏多，但都可以接受有配菜青瓜及蔥絲仲有食極都有嘅嬤嬤薄餅皮

有親戚喺紐約返嚟，所以我哋就帶咗佢去飲茶。我哋一共叫咗12籠點心🥧包括有👇🏻👇🏻1)蝦餃，2)燒賣，3)山竹牛肉，4)虎皮尖椒，5)煎蘿蔔糕，6)叉燒腸粉，7)薑汁千層糕，8)香麻流沙包，9)臘腸滑雞飯，10)鳳爪排骨飯，11)白灼西生菜，12)南乳花生豬手。呢度嘅蝦餃好大粒，一粒蝦餃，已經包住咗三/四隻蝦👍食落鮮甜爽口，只係塊蝦餃皮有啲厚度🫢另外，值得一讚係個🖤香麻流沙包🖤通常流沙包嘅餡都係奶黃，但係呢一個係芝麻餡，熱呼呼蒸出嚟一搣開就係好似食緊一碗熱辣辣嘅芝麻糊一樣🖤好多料🖤好正🖤好甜好好味🤤紐約個親戚話，雖然外國都好多中餐館可以食到點心，但係始終都係覺得香港最正宗最好味👍👍

日出康城 陶源 ： 難得一次星期日同屋企人飲茶，一埋位，坐底，7個位，7張凳都係污糟，仲有d 食物碎係張凳度，即刻刻叫佢換個張，態度仲要好差，大佬我心諗，您做飲食，衛生好心就注意下，仲要係我唔岩。跟住飲食普普通通，但係上春卷又唔比喼汁，問佢拎左3次先比。最最最嬲係我問個呀姐拎牙簽啦，佢話好好好，結果又要叫3次，之後實在係頂唔住，叫第二個呀姐比啦，結果第二個勁大聲話您味搵番個個呀姐，搞到我勁尷尬。真係比錢買難受，我諗我以後都唔會幫襯。

第一次使寫食評。晚飯叫了一條東星班，出嚟嘅係黑色。叫部長嚟了解下，部長話係東星班，一班姐姐喺側邊轟炸你話東星東星，之後部長又話乜野雜星班。咁究竟你係賣緊乜嘢星班？犯左商品說明條例吧。。。本人食開東星斑煮熟左都係紅色。台面紙巾盒污糟邋遢, 筷子好油。

兩小時大閘蟹放題 大閘蟹有三種煮法揀 太雕蒸,油鹽焗, 清蒸每次落單預大慨15分鐘左右上菜都算幾快有蟹公同蟹乸 雖然冇得自選但蟹公或者蟹乸都好味每隻都係蟹膏都好多仲好甘香原汁原味既就當然係清蒸油鹽焗都好特別, 太雕蒸就有酒香另外仲有特盛三式有鮑汁原隻鮑魚伴百靈菇,蟹黃扒豆苗同金湯小米燴遼參三款特式菜都好好味除咗大閘蟹仲有其他嘢食有片皮鴨,椒鹽豬扒,椒鹽蝦,壽包,奶皇包,手拍青瓜,甜品有楊枝甘露,蛋白杏仁茶,香芒布甸 種類都幾多食得好飽👍🏻

貼錢買難受，這是我的感受。我以下講的係全部真實感受，我唔會只係形容自己有幾貼錢買難受，可能有些朋友會覺得性價比還不俗，我只是提供我個人遇到的情況給大家參考。陶源唔知幾時開始由一間中級酒家變成一間茶餐廳，其實我都一早知道。康城陶源我都去過一次飲茶，服務及環境令人驚訝，因為茶餐廳至少有哥哥仔放低兩杯水，問你「食乜呀，快啲啦」，而陶源係沒有人理你，而且啲嘢非常陳舊。康城商場開了幾年我唔記得，但這間陶源的嘢好似用了三十年咁舊。講返大閘蟹放題，是日係中秋節。係我衰，我懶，我想食大閘蟹但我唔想自己整，所以我竟然再去陶源。網上平台先繳大約$558一位，兩人共$1116，埋單再另外俾茶介加一$150，所以總共係$1266。* 2小時無限任食大閘蟹、片皮鴨放題（放題點餐紙）* 【網上平台獨家】每位顧客可享 蟹粉小籠包（一件）、花雕熟醉蟹（一隻）、秘制妙齡乳鴿（半隻）* 【額外加送】每位顧客可享 特盛三式（鮑汁扣原隻鮑魚伴百靈菇、金湯小米燴遼參、蟹粉扒豆苗）* 用餐時間：第一輪18:00 - 20:00；第二輪19:45-21:45* 如你未有準時於預約時間抵達餐廳，餐廳將取消你的訂座，而

今日中秋節正日🥮，屋企人話要去飲茶🫢，咁所以就去咗呢間陶源中菜，我哋點咗蝦餃，燒賣，山竹牛肉，蝦腸，牛腸，咖喱魷魚，鳳爪排骨飯，黑芝麻流沙包，鮮竹腐皮卷。食物質素就好一般，一般酒樓點心嘅味道，冇邊一個點心特別話好食，勝在地方坐得夠闊落。但係地方雖然夠大，但係員工完全唔夠，我哋想加水或者添加其他調味料，完全冇一個待應可以幫到我哋，最後終於搵到一個㕑房佬去幫我哋，佢好熱心咁出嚟幫其他點心姐姐手，請問早上呢段時間其他部長去晒邊？🥹