陳新記

營業中

休息中

行入D認住陳字先係正宗呀！🤫諗住去食一口西多士，咪食錯翻版野行到入去前一舖位叫耀記有大班亞姐截住問我係咪食西多士我話係呀佢地話系呢度呀有呀有呀好快叫咗我坐低 望都唔比望隔離坐坐下唔對路🤔🤔🤔望真小小原來最入面先係陳新記😨咁我山長水遠入嚟真係想食陳新記好在未叫野食 緊係即刻碌翻過去啦真係幾經周折終於食到食完亦都明白點解咁多人打卡因為好！好！好！好！好！食！呀！😍😍😍淨係睇個賣相已經覺得好掂加上舖滿花生醬同煉奶咬入去每邊都脆卜卜內邊好似空氣咁好軟好軟，軟到好似日本面包咁蛋蛋香、花生醬同lin奶香，牛油香混埋一齊好滑，好掂好食到飛起！比10個讚呀！🤤🤤🤤$33👍🏻

那個周末，跟兩位認識已有十年的食友師兄，一起走到鴨脷洲食海鮮！由於，只有我要返工，便麻煩他們先行到鴨脷洲街市搜羅海鮮，然後，到附近找間食店加工！他們在 1:00 前，先到鴨脷洲街市買海鮮，樓上熟食中心找了一間 <陳新記> 為新鮮海鮮烹調，保持新鮮及味美！當我到達利東站，沿地鐵站 A 出口通道直行，幾分鐘見到樓上熟食中心！他們約中午 1:30 便到達 <陳新記>，並找了一張3人枱，近落地玻璃，環境開揚光猛，當然，熟食市場的衛生程度一般，地上難免有點濕滑，所以，他們叫我連化妝都不用啦！他們買了瓜子班、大蟶子、大鮑魚、海中蝦及黃腳鱲等海鮮！<陳新記>  供應：炒粉麵飯、海鮮加工白灼蝦：海花竹蝦細細隻，勝在鮮甜彈牙！椒鹽鮑魚他們在街市買 $80/8 隻，鮑魚富嚼勁，鮮美又大隻！椒鹽提鮮，突顯鮮味！豉椒炒蟶子肉質鮮甜富彈性，豉椒大大提升味道，香濃醬汁伴隨零舍惹味！香煎黃腳鱲其中一位見到有啱價的海鱲魚便買下來，以煎方式烹調，保留魚汁及魚質鮮美，達至外脆內嫩的口感及效果！清蒸黑瓜子班 加上蔥花添清香，簡單清蒸而帶出魚鮮味！食海鮮食到尾聲時，我發現附近幾

🐽🍛 好出名嘅咖喱豬扒飯，果然係好食👍🏻特別推薦大家✅咖喱豬扒飯✅乾炒牛河《咖喱豬扒飯》份量好大🐷🍚，豬扒幾厚肉，咬落有肉汁、肉又唔實，同埋佢個炸粉唔會分離，厚度適中、脆而不油膩😋咖喱汁係分開上，非常好，可以按自己喜好加汁撈飯🍛，有椰香，會比一般茶記辣d🌶🤏🏻食咖喱好鍾意食佢嘅薯仔，嗰度淨係得一舊大薯仔🥔，唔係好夠喉😂🥡叫外賣都幾抵食，豬扒就冇咁多，不過其實都好夠食😁《乾炒牛河》幾有鑊氣🔥，都好大碟，牛肉唔硬🐮，一咬就開，記得叫佢比辣醬🌶，個粉加埋辣醬食係好正😌，又唔會食到成口油*奶茶🥤味道就屬於中上，未好飲到特登要去嗰度飲，不過用嚟襯飯都唔錯😌**外賣嘅午市特價飯盒仲有好多其他選擇🥡

蔥油豬扒飯 (輕量) 下午茶，包飲品，唔錯。奶茶紅豆冰 呢度聽講係首創嘅奶茶紅豆冰，入口茶可以再香滑啲，奶茶飲落去奶味比較重啲，茶味唔算好出，入邊嘅紅豆比起出邊都大粒，煮到起沙，咬落軟綿綿，每一啖都有紅豆味，食落甜甜地，算係飲過幾好飲嘅奶茶紅豆冰。

鐵板肥牛炒公仔麵上枱嗰下仲係咋渣聲面量大概有兩三個咁多加埋肥牛同埋芽菜炒得口感好爽脆係邪惡之選焗咖喱薯仔雞扒飯呢個識落咖喱粉嘅味道有啲苦飯嘅質感都有啲過軟但係勝在雞扒同埋薯仔焗得脆卜卜不過不失

💁🏻‍♂️：寶 有冇去過熟食市場食海鮮呀？🤷🏻‍♀️：未去過喎 香港有嫁咩？（陳新記加工海鮮真係整得好好 尤其係蒸魚，魚蒸得好滑之餘，仲可以用魚汁撈飯，仲食咗呢個嘅椒鹽鮑魚和賴尿蝦 ，當然唔少得薑蔥炒肉蟹啦，對於兩個人嘅份量來講真係好多但係因為太好食我哋都食晒，如果胃仲有空位既話好建議叫埋炒菜，呢度嘅小炒都好有鑊氣㗎，如果唔買海鮮上泥加工，就咁去食佢地出名一口西多士都係唔錯選擇，個次食完之真係好想再去多次。）#陳新記

最入陳新記即買即煮超好味上次試咗好聞名既一口西多士見枱枱都有海鮮今次就黎試下海鮮加工買左好多海鮮 新鮮即刻拎去上面即煮行到最入最入就可以比海鮮個靚女好好采可能過左Lunch今日唔使等太耐記得上次食西多都要等下位因為呢間真係好爆場 上次全場Lunch time得佢一間坐滿誇張到不得了樓下既海鮮都平、所以我地都買左好多五星為滿分美極爆蝦⭐️⭐️⭐️⭐️⭐️香口惹味，蝦肉爽口鮮甜椒鹽鮑魚⭐️⭐️⭐️⭐️⭐️哇！好驚喜，軟糯彈口有口感，完全冇諗過鮑魚咁樣煮可以咁好食豉椒炒蟶子皇⭐️⭐️⭐️⭐️⭐️足料有豉汁香味，啲汁過晒去蟶子皇到！完美蒜蓉粉絲蒸扇貝⭐️⭐️⭐️⭐️⭐️每一條粉絲都軟身唔會硬塊塊咁，好入味，火喉剛剛好薑蔥炒蟹⭐️⭐️⭐️⭐️⭐️係人都知食薑蔥炒蟹其實係食薑蔥，足料到不得了，啲蟹入晒味完全冇揸流攤，滿意呀！椒鹽鮮魷魚⭐️⭐️⭐️⭐️⭐️外層脆，內層軟，停唔到口，不過魷魚膽固醇好高🤫我都係食咗兩舊就收手魚魚⭐️⭐️⭐️⭐️⭐️足料蒸，唔會搶魚味，火喉剛剛好唔會過火！掂隱藏版紅豆一口西多士⭐️⭐️⭐️⭐️⭐️上次食完一口西多士，今次個靚女問我試唔試吓紅豆一口西多士，原來呢個係隱藏餐牌，要問先至有，係好好食啊😍咬落去外脆內軟，好似棉花咁樣，真係太好食食完呢一餐，我

我今日真係去咗鴨脷洲熟食市場食海鮮。10分驚喜真係要推介下先。我哋喺樓下街市選購想食嘅海鮮，然後拎上2樓加工。地點：街市喺地鐵站出口服務：服務非常好完全估唔到街市裏面都有咁好嘅服務。有禮貌，有笑容，有推介食物。價錢：真心好平，我哋叫咗四樣海鮮，+1個西多士。每人平均150 （加工費）。另外海鮮費每人平均200. 購自樓下街市。海鮮： 白灼花竹蝦 -超新鮮。椒鹽鮑魚美極薑蔥蠔🦪- 呢個超好味，美極醬汁好好食。薑蔥蟹- 呢個都好味不過我隻蟹就細咗啲（下次要買隻大啲嘅🦀️一口西多士-花生牛油嘅口味，西多士炸到好脆。😋

📍鴨脷洲 《陳新記》  #鴨脷洲名物西多士  招牌一口西多士 $𝟑𝟑 . 西多士一粒粒四四方方勁大件，唔同坊間西多士個種裡面包住花生醬，佢係普通炸方包，再配返花生醬🥜、煉奶、牛油汁🧈，都幾特別，可以自己調整花生醬既份量同味道。用叉仔吉仔黎食好方便😋干炒肉丁出前一丁 $𝟓𝟐 . 公仔麵即叫即炒所以都等左一段時間，炒出黎鑊氣足❤️‍🔥，而且調味都好惹味，岩哂我呢啲重口味人士🤣雞扒通粉 $𝟑𝟔.通粉相對之下就略厭失色，湯底有少少鹼水味，而雞扒浸落湯都食唔到焦脆既口感🤔煲薑檸樂 $𝟐𝟒 .阿姐拎上枱都飲到佢差啲辣親手，真係勞苦功高，第一次飲薑檸樂，原來係好好飲，有好多薑絲🧟‍♂️ 一齊煲，可樂甜味中和左而唔會太重薑味，超正，如果冬天黎飲一定暖笠笠🥰味道：𝟖/𝟏𝟎  性價比： 𝟕/𝟏𝟎  

因為要去欣賞珍寶最後嘅一刻風景，所以我呢個新界仔都專程過去香港仔，佢之前一定要做資料搜集有咩正嘢食。首先一定要去幫襯粉艇，之後就係去鴨脷洲市政街市度食呢個好出名嘅西多士，結果沒有令我們失望，佢係炸到好金黃而且一粒粒好易一口食，最特別係佢同平時嘅西多士唔同，係煉奶同花生醬係淋喺個面度，好正。另外叫了一碟炸雲吞炸、魚皮炸、炸魚角，即場炸起熱辣辣好正。下午茶再叫埋凍檸茶，絕配！雖然環境係好一般，但食物已cover 了。

✨招牌一口西多士🍞💰33💫評分: 8.8/10📝西多士切開咗一粒粒，續粒炸到脆卜卜好香口，堆到成坐小山咁，有好多花生醬、煉奶，面頭仲有牛油，再加埋糖醬超邪惡，3-4個人share會無咁heavy，一定要留肚食🤩熱辣辣即叫即炸💯，用少叉吉嚟食好方便！✨炸雲吞💰27(細)💫評分: 8/10📝如果多啲人可以叫招牌炸三寶(細)［💰63起］就有晒炸魚皮、炸魚片頭、同炸雲吞，我哋就叫咗炸雲吞，同西多一樣熱辣辣，即叫即炸，少油不過超鬆脆，入面個餡料一啲都唔求其，蝦好鮮，必食，點個個醬喺泰式辣醬+沙律醬🥰，比平時嘅酒樓食嘅炸雲吞更加脆薄‼️陳新記（鴨脷洲）📍鴨脷洲鴨利洲大街鴨利洲市政大廈1樓(利東🚇A2出口行1分鐘就到)💫評分: 8.2/10💬仲可以喺下邊街市買海鮮加工，多啲人食海鮮會抵啲，推介大家可以行香港仔水塘再黎食，行完山⛰️好攰💤好肚餓，就更加食得津津有味🌈❤️‍🔥再訪？🅈🄴🅂#美食 #香港 #街市美食 #香港美食 #followforfollow #foodieblog #instadaily #foodporn #hkfoodblog #discoverhk #tagsforlike #food

一口西多夠脆夠熱夠新鮮，醉炸魚皮夠開胃，今日一行12人分兩枱去到位於鴨脷洲市政大樓嘅熟食中心，自攜游水海鮮，帶埋一個興奮嘅心情，做就左10碟佳餚，夠曬鑊氣，屋企絕對做唔到.

🥢鴨脷洲名物粒粒西多士招牌炸三寶🥢之前已經Plan 了行程去開鴨脷洲要去一去街市上的市政大廈入面的小炒檔，今次唔係去食海鮮，係食佢地最出名的粒粒西多士，同招牌炸三寶🥢今日星期日，估唔到晏晝去到都超多人，好在只需要等一陣就有位，環境係大排檔熟食格局比較嘈吵，不算太污槽🥢招牌一口西多士 $33西多士切開一粒粒大大件，成座小山咁非常誇張，一口絕對咬唔到，要分開兩三口食，入面仲有好多花生醬，煉奶同牛油，非常邪惡，最好同幾個朋友Share 先食得曬🥢招牌炸三寶 (細）$63起香港仔另一名物係即炸魚皮，炸魚片頭，同炸雲吞，想一次過食曬三款可以點呢個三拼，熱辣辣即叫即炸非常香口，由其係炸雲吞非常鬆脆而且鮮味，絕對是必食🥢紅豆冰$22奶同水溝埋一齊淡茂茂，紅豆幾甜起沙，可以skip咗佢嗌第二啲嘢飲🥢隔籬枱有好多都係，喺下邊街市買海鮮來加工，睇落台台都有食海鮮咁滯，下次經過開都想試吓📍陳新記 (鴨脷洲)鴨脷洲鴨利洲大街鴨利洲市政大廈1樓

開返堂食，嗱嗱臨入左鴨利洲陳新記食反個海鮮餐先，買哂海鮮上去樓上加工一行四人，加工七樣野，薑蔥炒蟹，蒜蓉粉絲蒸扇貝，豉椒炒蟶子王，上湯龍蝦伊麵，白灼蝦，椒鹽鮑魚同蒜蓉開邊蒸琵琶蝦，大飽口福薑蔥真係足料到爆，豉椒炒惹味，伊麵掛到龍蝦汁。真心係第二個地方食唔到甘好食既椒鹽鮑魚。 仲有蒸野無過火，食海鮮好怕食到啲海洋靭左。結果水準高十分滿意埋單海鮮加工費都唔洗500蚊，又平又唔洗自已煮，一定會再encore不過飽得滯食唔到最出名既一口西多士，下次啦！

抵食公道陳新記去咗鴨脷洲大街市政中心既陳新記醫肚，之前已經有聽講過呢間野有兩種食法一係喺樓下街市買海鮮上去加工二係食佢既招牌野食。一口西多士，炸三寶，豬手、牛腩、招牌魚湯底粉面人多緊係可以食曬兩種食法啦。但係今日得四個人，你眼望我眼邊食到咁多，不過都決定放假都對自己好啲，整番個海鮮大餐慰勞下自己😍入到去個環境同普通市政中心一樣，正正常常無咩特別，老闆問我地食粉面定海鮮加工，我哋其中有個團友突然想食面，於是就問係咪唔可以撈埋？佢話可以，其實嗌乜都得，就叫我地揾佢新抱落海鮮單講低點整新抱仔話由於二人一枱關係要分開兩枱坐，就安排我地企埋一個唔會撞到既位置等位，夠細心！加分👍🏻好快就可以坐底，仲安排到兩張附近枱比我地，好彩唔洗坐到好遠，仲比左幾隻碟我地分食物用叫左碟炸三寶，四個人叫左份細Size，三寶入面有魚皮，魚角，炸雲吞，炸到剛剛好，魚皮唔腥又唔會好油膩，香口脆卜卜，魚角外脆內彈牙，雲吞脆薄香口，三樣野不分高下，唯我獨愛魚皮多D👍🏻👍🏻呢碟一口西多士係新抱仔推介，佢話係黎到必食既，一上枱，粒粒大小均一，舖滿鍊奶同花生醬，大方唔孤寒，咬一啖外脆內軟，充滿蛋香，夾埋啲醬好好味，果然係必食！👍🏻