陳儀興牛什粉麵 (鴻祥大廈)

營業中

休息中

喺旺角收工，想簡單食d野，路過見到間餐廳入面都好多人，再望一望食粉麵嘅，啱食！抱住人多都應該唔差嘅心態一試。見有個”招牌極罕有牛脆骨”，真係聞所未聞，就梗係要試下佢la⭐️牛脆骨河粉+22蚊轉套餐就包埋油菜或者魚皮、湯或者飲品，我就揀左生菜及凍檸茶牛脆骨食落爽脆，但係又唔硬，食落有d似食緊軟骨嘅感覺，好有驚喜，好香牛味，真係食過一次返唔到轉頭呀，太正la，另外要一讚，蔥同蒜分開上，好細心，同埋d蒜好香😋生菜雖然跟餐，但係都大大份，賣相都好靚，生菜食落好新鮮，仲要唔overcook,食落仲好爽口😋，係我鐘意嘅口感黎，好難得😍⭐️炸雲吞炸雲吞跟埋我最愛嘅甜酸醬，咬落脆卜卜，炸得夠亁身，食落有驚喜，入面有d豬肉，仲有大大隻蝦添，咬落好彈牙，好足料，大大粒😍店員嘅服務好好，已經好少見la,抵讚呀👍一個人食飯冇野做，最鐘意就係四圍望，見到有張poster寫住”下載會員app,積分當錢洗”，li間鋪頭值得再encore,下載埋先😍

餐廳：陳儀興牛什粉面地點：旺角煙廠街菜色：牛什粉麵餐牌：招牌之寶、潮州風味、招牌潮州粉麵、特色推薦、陳記小食、稀有重點推介等等。崩沙腩湯麵 $59我第一次食崩沙腩，真係好食到！又爽脆又淋，牛味又濃，令我忍唔住食嗮全部肥膏。一客有8件，份量好多！幼麵係完美彈牙口感，又有蛋香，加枱上紅醋一齊食簡直係人間美食。蔥花同鹹菜放匙羹。轉餐加$22,就包一碟菜或者炸魚皮同紫菜湯或者基本飲品。腐乳通菜 腐乳通菜 份量大概有大半碗，莖脆葉嫩，配適量腐乳又係超好食，平時自己係屋企唔會整。羅漢果茶 加$2基本飲品轉羅漢果茶加$2，係瓶裝，方便衛生，好濃羅漢果味，天然甜味。章魚金手指 $32章魚金手指係新野，一客兩條再一開二，即叫即炸熱辣辣，原來好似腸仔。食落外皮少脆內多汁，口感彈牙，見到章魚肉,墊有兩片新鮮生菜。另上甜酸醬可降溫。今餐最鍾意崩沙腩湯麵同腐乳通菜 。座位都乾淨，上菜快速。

餐廳乾淨企理，牆上仲有啲好有香港特色嘅壁畫，影相打卡都幾啱！「陳儀興」呢個名除咗潮洲菜出晒名，連粉麵都一樣高質仲好有特色可以食到牛既罕有部位，真係要畀個👍🥢 牛脆骨幼麵 + 芥蘭 (腩汁) + 凍檸茶今次叫咗個牛脆骨幼麵，配上芥蘭同濃濃嘅腩汁，滿足感爆棚！牛脆骨係牛肋骨附近嘅軟骨，食落爽脆彈牙，咬下去有陣陣牛肉香，咁大個女第一次食！幾特別！菜有生菜/通菜/菜心同芥蘭揀，唔鐘意太咸，唔配蠔油，更愛配腩汁，芥蘭吸咗腩汁，幾好！加杯凍檸茶，就係至正港式配搭！原本仲想試牛沙瓜。牛沙瓜，係牛嘅第四個胃，係可遇不可求嘅罕有部位！可惜佢唔係日日有貨，食唔食到要撞運氣。今次我運氣麻麻，有啲失落。🥢 崩沙腩雖然無牛沙瓜，但崩沙腩係鎮店之寶，招牌必試！人多叫淨食，大家share正！肉質炆到軟腍入味，肥瘦比例啱啱好，咬落去牛既濃香四溢，單靠呢個已經救回失落牛沙瓜嘅遺憾感！🥢 炸魚條另外叫咗份炸魚條，咬落有淡淡嘅魚鮮味，份量啱啱好，係個簡單又滿足嘅小食。今次食到牛脆骨同崩沙腩已經好滿足，下次要再戰佢哋其他嘅罕有部位，衝住呢個目標再去旺角朝聖啦！🍜✨😆

陳儀興嘅舖面雖然唔算大，但係每日門庭若市，主要因為佢嘅牛雜湯底夠晒香濃，啲食材新鮮度又高📍崩沙腩餐配幼麵一睇到呢碗沙腩麵，啲肉嘅油潤光澤已經好吸引🤤 沙腩肉質軟腍得嚟有韌性，啖啖彈牙同時又入口即化，絕對唔係普通麵檔做得到嘅水準。湯底濃郁鮮甜，勁有牛味嘅精華，唔會有股腥味。幼麵爽彈順滑，通菜爽口清甜，完美平衡咗成碗嘢嘅油膩感。📍牛脆骨餐配幼麵呢款牛脆骨脆骨煮到啱啱好嘅軟硬度，有少少嚼勁又唔會太硬，完全唔似外面有啲食到好似啃樹枝咁。啲牛肉切得厚薄啱啱好，唔會太薄冇肉感，又唔會太厚嚼唔爛。個湯底同樣係牛味十足，卻一啲都唔會太腥。配埋啲香噴噴嘅蔥花同炸蒜粒，真係食完脷底都仲留香！📍炸墨魚條佢嘅炸墨魚條係我每次必叫嘅小食之一！🦑 酥脆嘅外皮炸得金黃香脆，內裡嘅墨魚肉保持住適中嘅彈性，咬落去有嗰份鮮甜嘅海洋味。啲麵糊味道夠香，唔會有粉漿味，配搭埋新鮮嘅生菜，爽口又解膩。唔沾醬汁都已經夠晒惹味

真的要大力推薦這間隱藏在旺角花園街附近的寶藏小店！陳儀興牛什粉麵，一食就知道來頭不小，特別是那些罕見的部位。招牌崩沙腩淨食招牌崩沙腩，果然名不虛傳！入口即化，帶有油脂的甘香，完全不會膩，那條筋超好食。每一塊都處理得恰到好，是市面上難得一見的極品。-牛沙瓜這次還吃到了超級稀有的牛沙瓜（就是傘肚），爽脆彈牙的口感，那種獨特的嚼勁，真的會讓人上癮。辣椒油也要加點點!!「我要曬」小食拼盤除了牛雜，他們的小食拼盤「我要曬」也超棒！裡面有齊蝦棗、炸雲吞、墨魚條、炸魚條，每一樣都炸得金黃酥脆。-下次還要來吃傳說中的牛脆骨！！

【牛脆骨幼麵套餐】💰74一開始聽「牛脆骨」依個名覺得幾特別，見多識廣嘅老竇即刻知佢就係「牛氣管」‼️ 本來擔心未食過會覺得奇怪，但長輩介紹緊係要try try👀 脆骨位置超級爽脆、連住嘅肉同筋位好淋，而且滷得好入味，完全唔需要擔心會有怪果😌 脆骨屬於牛雜稀少部位，而且含豐富膠原蛋白🥰🥰 唔係間間牛雜鋪都有賣，真係絕對值得一試👍🏻【崩沙腩幼麵套餐】💰81崩沙腩原來係牛腩入面比較矜貴同稀有嘅部位👀👀 佢其實係牛嘅橫膈膜，所以腩肉表面會連住一層薄薄嘅膠質，食落口感爽軟，唔會覺得硬同韌，同時有較為濃郁嘅肉味同膠質的口感💕💕💰只要+22蚊就可以升級做套餐，除咗有野飲之外仲可以揀配時菜/炸魚皮+紫菜湯，計落都幾抵👍🏻 加上係難得可以食到牛雜稀有部位嘅麵店，絕對食過返尋味😋😋

性價比茶記陳儀興牛什粉麵 最近我去咗香港陳儀興牛什粉麵，想試試佢哋嘅招牌菜。呢間店的環境簡約，但好有本地特色，服務亦都好熱情。牛筋腩麵麵條彈牙，牛筋煮得剛好，軟滑入味，配上濃郁的湯底，真係一碗令人滿足嘅好麵！雲吞河河粉滑溜，雲吞包著新鮮嘅蝦仁和豬肉，口感鮮嫩。湯頭清卻又充滿鮮味，真係一個完美嘅搭配。腐乳通菜用腐乳炒香，味道濃郁，通菜保持咗脆爽的口感，非常下飯。呢道菜真係一個好選擇，讓人覺得清爽。蠔油生菜生菜新鮮，蠔油味道恰到好處，簡單卻好味，為整頓餐點增添咗一份清新。炸墨魚條外脆內嫩，墨魚味道鮮美，真係一個唔錯的小食。每一口都有濃厚的海鮮味，十分過癮！*小提示：叫左涼茶飲唔哂係唔比拎走嫁😋靜靜雞指數 🐥🐥🐥🥚🥚🔂再偷食指數 ☑️️☑️☑️☑️☑️💲減荷包指數 💸💵💵💵💵

好好彩，行街既時候無雨，坐低食野先落大雨，可以慢慢享受美食。😁黎到旺角食 港式粉麵。👍👍有比較小見既牛沙瓜無咩點試過就選左佢😋朋友要的是崩沙腩。牛沙瓜河粉牛沙瓜夠入味，食落有咬口，味香濃。鍾意佢既辣椒油，撈埋個粉麵一齊食，食落更加香，更加好味。😋朋友既崩沙腩粗麵都不錯👍崩沙腩夠腍夠入味。餐跟的兩款油菜 - 生菜跟通菜都正常不錯。另加叫左份炸墨魚條，新鮮炸好夠彈牙，鍾意佢跟配個醬，食落更好味😋

打風前同朋友去完街趕住返屋企，但點捨得唔食啲嘢先走？於是決定去食碗快靚正嘅雲吞麵🍜，填飽個肚再應付天氣！🌪️☔🌀一入店已感受到濃厚嘅老香港風情，橙色座椅同牆上嘅懷舊裝飾！🧡🇭🇰📌 招牌雲吞麵🦐🍜幾大粒雲吞，皮薄得嚟Q彈，餡料用料十足，蝦肉鮮甜彈牙，配上麵條彈性十足📌 招牌崩沙腩淨食🐮牛腩中最矜貴嘅存在，係牛嘅橫膈膜，一隻牛得一塊筋膜連少少肉，軟腍味香、爽軟不硬有少許青蔥點綴，增添清新味蕾📌 通菜🌿口感脆卜卜，味道清新簡單📌 小食「我要晒」=炸魚皮：咬落去有種酥脆嘅快感 +炸雲吞：外層炸得金黃，內裡滿餡+炸魚條：魚肉新鮮無腥味 +炸墨魚條：嚼勁十足，墨魚味濃郁 +炸章魚丸：彈牙得嚟有嚼頭 +炸蝦棗丸：蝦肉鮮甜，炸得外脆內Q，蝦味濃郁選擇困難症人士至愛，份量又夠📌 咸檸七 同 📌 龍鳳檸樂 🥤冰涼嘅口感同碳酸氣泡，喺炎熱天氣同打風前真係救命神器🤑想再着數d，可以download埋個會員apps，積分當錢用

原本約咗朋友旺角食晚飯，朋友見天文台預告有大雨就爽約，一個人都要食，一個人都可以盡興，經過旺角煙廠街見到一間好出名嘅潮州打冷，原來呢間係主打潮州粉麵相當吸引，唔少得當然有潮州牛腩牛雜，仲有潮州魚蛋魚片豬肉丸等，仲有炸魚皮、炸蝦棗、墨魚條等小食。崩沙腩叫咗個崩沙腩淨食，淨食份量多滿足感更多，一放低都已經聞到牛腩嘅香味，食牛腩都知道崩沙腩係牛腩之中嘅靚嘢，炆得又腍又入味，一層筋膜少少脂肪一層厚肉，一啖咬落去無得頂，筋膜位好爽好彈，必須加啲店家自製辣椒油，辣油炒得超級香，令牛腩更上一層次，淨食除咗有菜底仲有白蘿蔔吸收腩汁真係好正。章魚金手指店員哥哥介紹係新出品，即叫即炸，裏面粒粒章魚的確好足料。原來有牛沙瓜，之前食過一次口感獨特，更有極罕有嘅牛脆骨，雖然罕有，但價錢與其他粉麵差唔多，店員話每日得好少，賣晒就無，想食要早啲碰下運氣。牛腩真係好特別有自身魔力，好似呢間啲牛腩咁靚真係好過好多美食。另外店裏海報有各式潮州餅，七月31日前有75折早鳥價，有興趣朋友要把握時機。

香港的牛雜粉麵店都有很多，但要弄得好吃又有特色的，還真的要選一下，就像今天吃的這間一樣，有比較少有的牛脆骨可以吃到，整體質素都不錯。牛脆骨餐（７４元）牛脆骨比較少見，這裡燉得很入味，陣陣滷水香，肉質很嫩，中間又會吃到有爽脆的脆骨，口感更豐富。麵底選了幼麵，質感爽滑。湯底香濃又清甜。崩沙腩餐（１７１元）油脂豐富的崩沙腩，吃起來又香又滑的，濃濃牛肉香，帶點入口即化的口感，但肥而不膩。油菜套餐都有配菜的，選了蠔油生菜和腐乳通菜炸雲吞（３５元）用的是鮮蝦雲吞，所以吃起來外脆內爽滑，蝦味突出。可樂／龍鳳檸樂（＋２元）

之前去過陳宜興嗰度食潮州菜，估唔到連潮州粉麵佢哋都有食，今日經過旺角試吓佢哋嘅出品，餐廳比想像中多嘢食，而且仲有得加錢又套餐，都幾好崩沙腩河粉🍜🥩 崩沙腩係牛橫膈膜部位，肉質軟腍帶膠質，肥瘦適中，牛味特別濃郁。燜到入口即化，配河粉吸晒濃郁湯汁，每啖都香濃滿足，係香港人至愛牛腩粉之一。牛脆骨河粉🍜🐮 已經有好多年冇見過有牛脆骨食，牛脆骨即牛氣管，滷到入味，咬落爽脆有膠質，口感特別彈牙。配滑溜河粉同鮮甜湯底，啖啖都充滿牛香同層次感，食落超有驚喜。腐乳通菜🥬🧂 通菜爽脆，炒時加腐乳、蒜茸、辣椒絲，鹹香惹味又帶微辣。腐乳醬汁包住菜，每條通菜都入晒味，炒到翠綠唔變黑，夏天食最開胃。炸蝦棗丸🦐🍡 蝦棗用蝦仁、豬肉、魚漿、香菇等搓成，外層包豬網油，炸到金黃酥脆。內餡鮮甜彈牙，外脆內嫩，咬落有蝦香同肉香，配甜酸醬最正。

鍾意食牛嘅可以去「陳儀興牛什粉麵」食。喺呢度可以食到牛嘅唔同部位。❤️牛脆骨河粉配通菜，加$2嗌左支竹蔗茅根水。第一次食牛脆骨，食到軟骨脆脆地有口感不錯👍🏻。河粉幼溜～通菜爽脆。❤️崩沙腩配米粉配菜心，加$2嗌左龍鳳檸樂。崩沙腩牛味香濃～菜心翠綠鮮甜。龍鳳檸樂有鹹檸和檸檬🍋。❤️我要哂一次過食晒炸魚皮、炸雲吞、炸魚條、炸墨魚條、炸章魚丸、炸蝦棗丸，大滿足！鍾意食重可以download app做會員。

舖頭睇落好細，但非常企理衛生，伙記都好有禮貌，上菜又快，當然價錢係比一般面檔貴啲，但啲野食有質素嘅～🌼雲吞面加配套餐份量足，有成4粒大大隻雲吞，雲吞皮薄爽口彈牙，面底有咬口唔會太淋👍🌼腐乳通菜雖然係加配嘅，但都好多🥹而且啲菜新鮮冇渣

週日同朋友一齊嚟咗呢間喺旺角嘅粉麵店食個 early dinner 🤣$76「牛脆骨麵餐」，套餐包一碟菜同埋一杯飲品，有啲飲品就要補錢，睇吓你飲乜🤣；「牛脆骨」據聞係連接牛肺嘅氣管位，含有膠原蛋白係牛雜中極稀有特殊部位🤣；「牛脆骨」嘅脆骨部份脆脆哋又黐住少少肉口感有啲似豬耳，幾得意🤣$64「自製鮮蝦淨雲吞餐」：食到又見到有爽滑嘅鮮蝦仁🍤喺裏邊🤣跟餐「灼菜心」：要咗全走，菜心夠新鮮，簡單幾好食🤣跟餐「腐乳通菜」：通菜都係新鮮，加埋有鹹香嘅腐乳，咁又惹味啲🤣跟餐「竹蔗茅根水（+$2）：帶微甜，幾清新🤣跟餐「羅漢果茶（+$2）：都係帶微甜，都係幾清新🤣$40「炸雞中翼」：燒雞翼，我鍾意食，炸雞翼，我亦都鍾意食🤣，雞翼炸得夠晒香口🤣