影片
以上資料只供參考, 請與餐廳確認詳情
放假訓醒落街搵食，依間開左一排嘅車仔麵成日經過都無食過，今日決定食佢，叫左個經典八寶嗱喳麵、古早黑糖豬手雞翼麻辣撈麵同兩款小食經典八寶嗱喳麵入面有8款餸，有玻璃辣魷魚、魚蛋、大腸、蘿蔔、豬紅、豬皮、冬菇、生菜，麵底揀左鮮製油麵，加左牛腩汁，一送到嚟加咗兩匙羹火辣辣菜脯，估唔到個菜脯比我想像中辣，睇少左佢個辣，建議食之前先試下再決定落幾多匙，但係不得不讚佢個鮮製油麵好好食，食落去好滑身同爽口同掛湯能力高，索晒啲精華，玻璃辣魷魚夠爽脆，蘿蔔炆得好腍但就帶少少青味，應該冬天食會好啲，豬皮同冬菇好腍好入味，麵底同餸都足料古早黑糖豬手雞翼麻辣撈麵麵底揀左撈手工麵（小辣），手工拉麵食落比較煙靭，撈埋汁濃郁惹味，辣度適中，麻香十足，驚喜食到呢個黑糖豬手，燜到軟腍入味又帶微微甜香，雞翼滷得夠淋，推介黑糖豬手必叫小食叫左韭菜豬紅蘿蔔，豬紅惹味嫩滑，韭菜新鮮爽脆，可能個湯汁係清湯，所以唔係好夠味，如果加少少辣汁同腩汁會更加豐富黑松露醬炸單骨雞翼配炸燒賣雞翼炸到金黃酥脆，單骨設計方便食，點埋呢個黑松露醬，即刻高級咗幾個層次，炸燒賣外皮脆口，入面魚肉餡彈牙，唔使點醬都咁好食
繼續閱讀
今日去左杏花村outlet 買運動用品, 買完當然要醫下個肚啦. 杏花村商場樓下成條食街. 去睇下有咩好食. 就見到有間" 阿荔麵檔" 好似唔錯. 去試下先! 佢地MENU 好簡單, 一頁係麵食, 一頁係小食. 專注幾款食品應該唔差. 招牌特濃沙嗲沾麵手工拉麵有彈性好口感滑溜 , 沙嗲醬濃香但唔會死鹹 , 沾麵掛汁 好香嘅花生味! 好惹味. 餸有肥牛、豆卜、魚片頭同糖心蛋. 個糖心蛋真係好出色.古早黑糖豬手雞翼麻辣撈麵個份量真係唔少, 要試下個豬手先, 好入味煮都好軟淋, 咬落去就感受到滿滿嘅膠質感. 味道濃郁但唔會恐咸. 個撈麵超有彈性係我最愛嗰種. 本身係有D 麻辣味道! 如果想再刺激D 可加佢地嘅火辣辣自家辣菜脯更惹味. -仲加咗兩款小食，黑松露醬炸單骨雞翼炸燒賣 , 炸得好香脆, 外脆內嫩多汁! 韭菜豬紅蘿蔔 - 豬紅滑嫩, 韭菜新鮮, 蘿蔔係最好, 清甜無渣, 全部俾我食曬 !果然無揀錯呢餐。 阿荔麵檔 (杏花邨)杏花邨盛泰道100號杏花新城地下G53B號舖
繼續閱讀
探訪杏花邨友人後，來到這家車仔麵，裝修光猛新淨之餘，又帶有傳統特色，坐位闊落舒適自選兩餸特濃沙嗲沾麵 $56香辣惹味魷魚 +$9瑞士汁雞翼秘製牛筋牛筋腩 +$18爽脆牛柏葉 +$9金針菇 +$9必吃特濃沙嗲沾麵，沾汁濃郁帶花生獨有香氣，麵條掛湯，魷魚和牛柏葉爽脆，雞翼炆得軟冧入味，牛筋腩是傳統40年的味道，好吃自選兩餸黑蒜油撈粗麵 $46秘製牛筋牛肋腩 +$9炸腐皮豬肉卷 +$4古早黑糖豬手 +$18香滷豬大腸 +$13黑蒜油撈粗麵一上桌香氣撲鼻，令人食欲大增，炸腐皮豬肉卷外皮脆，裡面嫩，黑糖豬手同樣是傳統的味道，非常軟冧味道出色韭菜豬紅蘿蔔 $28惹味沙嗲三寶 $20點麵可優惠價另外加小食，韭菜豬紅蘿蔔大大碟份量很足，蘿蔔鮮甜無渣沙嗲三寶是豬皮，魚蛋，魷魚，豬皮吸飽沙嗲汁非常惹味支裝Zero $11 +檸底 $4豆漿 $15另外點了飲品，豆漿原支上，豆味濃總括來說，出色的結合了傳統和創新味道，沙嗲控必試沾面
繼續閱讀
平時都唔會嚟到杏花邨，但咁啱朋友住附近就介紹呢間餐廳🍜 佢哋嘅牛腩、豬手、麵食都有40年傳統味道✨ 而且又有一啲特色嘢食，例如港式嘅沾麵😍 非常有創意🤩🔸 經典八寶嗱喳麵 ($58)八寶包括玻璃辣魷魚、魚蛋、大腸、蘿蔔、豬紅、豬皮、冬菇、時菜✨ 配料係非常豐富🧡 特別鍾意佢哋嘅魷魚，因為個辣醬真係好正❤️🔥 其他配料都唔錯😎 想咩都食又有選擇困難嘅，可以食呢個👍🏻😆🔸 招牌特濃沙嗲沾麵 ($68)特濃沙嗲醬嘅沾麵真係好正😍🤤 沙嗲醬唔會太辣，但好惹味，仲好掛汁🥰 裡面仲有雪花肥牛、溏心蛋、魚片頭、豆卜，可以點埋呢個咁正嘅沙嗲醬，一流😎🔸 惹味沙嗲三寶 ($20)由於佢哋嘅沙嗲醬真係好出色，決定追加沙嗲小食😌 係有玻璃辣魷魚、魚蛋、豬皮😙 🔸 黑松露醬炸單骨雞翼炸燒賣 ($32)呢個小食非常邪惡👿 雞翼同燒賣都炸得好香脆😝 仲要個黑松露醬都幾突出👍🏻🔸 凍檸茶 ($11)、冷泡四季春茶 ($15)餐飲可以揀普通餐飲或餐廳自己做嘅冷泡茶👍🏻整體而言，食物係非常惹味同出色✨❤️🔥
繼續閱讀
放假行過杏花邨呢間新開嘅車仔麵店，裝修乾淨企理，仲有啲懷舊味道，坐位夠闊，唔會逼逼哋，啱晒同朋友慢慢歎 😌👬 我同好友叫咗一堆嘢：🍜 經典八寶峰喳麵 + 頭抽蠔皇炆花膠呢碗麵真係料多到爆，八款配料逐樣都有驚喜： -玻璃辣魷魚夠爽脆🌶️ ，魚蛋彈牙，大腸炆得入味，蘿蔔清甜，豬紅滑溜，豬皮煙韌，吸晒湯汁 ，冬菇香濃，咬落去有汁 ，生菜新鮮，唔會焗到冇晒口感，再加埋蠔皇炆花膠，膠質豐富，口感煙韌，成碗麵層次感十足 😋韮菜豬紅蘿蔔韮菜爽口，豬紅嫩滑，蘿蔔清甜，但個湯底偏清，如果加啲辣汁或者腩汁會更惹味 🔥🥬 炒通菜通菜炒得夠鑊氣，仲保留到青菜嘅鮮味，配麵一流 🥢🍹 凍鮮檸檬水 + 冷泡四季春茶飲品方面，檸檬水夠酸夠清新，解膩一流 🍋 四季春茶冷泡後茶香突出，唔會澀，飲完好舒服 🍃呢間車仔麵真係有心做，唔止食材新鮮，味道有層次，環境又舒服，係一個值得再訪嘅好地方 😍
繼續閱讀