阿荔麵檔

放假訓醒落街搵食，依間開左一排嘅車仔麵成日經過都無食過，今日決定食佢，叫左個經典八寶嗱喳麵、古早黑糖豬手雞翼麻辣撈麵同兩款小食經典八寶嗱喳麵入面有8款餸，有玻璃辣魷魚、魚蛋、大腸、蘿蔔、豬紅、豬皮、冬菇、生菜，麵底揀左鮮製油麵，加左牛腩汁，一送到嚟加咗兩匙羹火辣辣菜脯，估唔到個菜脯比我想像中辣，睇少左佢個辣，建議食之前先試下再決定落幾多匙，但係不得不讚佢個鮮製油麵好好食，食落去好滑身同爽口同掛湯能力高，索晒啲精華，玻璃辣魷魚夠爽脆，蘿蔔炆得好腍但就帶少少青味，應該冬天食會好啲，豬皮同冬菇好腍好入味，麵底同餸都足料古早黑糖豬手雞翼麻辣撈麵麵底揀左撈手工麵（小辣），手工拉麵食落比較煙靭，撈埋汁濃郁惹味，辣度適中，麻香十足，驚喜食到呢個黑糖豬手，燜到軟腍入味又帶微微甜香，雞翼滷得夠淋，推介黑糖豬手必叫小食叫左韭菜豬紅蘿蔔，豬紅惹味嫩滑，韭菜新鮮爽脆，可能個湯汁係清湯，所以唔係好夠味，如果加少少辣汁同腩汁會更加豐富黑松露醬炸單骨雞翼配炸燒賣雞翼炸到金黃酥脆，單骨設計方便食，點埋呢個黑松露醬，即刻高級咗幾個層次，炸燒賣外皮脆口，入面魚肉餡彈牙，唔使點醬都咁好食 …查看更多

今日去左杏花村outlet 買運動用品, 買完當然要醫下個肚啦. 杏花村商場樓下成條食街. 去睇下有咩好食. 就見到有間" 阿荔麵檔" 好似唔錯. 去試下先! 佢地MENU 好簡單, 一頁係麵食, 一頁係小食. 專注幾款食品應該唔差.  招牌特濃沙嗲沾麵手工拉麵有彈性好口感滑溜 , 沙嗲醬濃香但唔會死鹹 ,  沾麵掛汁 好香嘅花生味! 好惹味. 餸有肥牛、豆卜、魚片頭同糖心蛋. 個糖心蛋真係好出色.古早黑糖豬手雞翼麻辣撈麵個份量真係唔少,  要試下個豬手先,  好入味煮都好軟淋, 咬落去就感受到滿滿嘅膠質感.  味道濃郁但唔會恐咸.  個撈麵超有彈性係我最愛嗰種. 本身係有D 麻辣味道!   如果想再刺激D 可加佢地嘅火辣辣自家辣菜脯更惹味.  -仲加咗兩款小食，黑松露醬炸單骨雞翼炸燒賣  , 炸得好香脆, 外脆內嫩多汁! 韭菜豬紅蘿蔔  - 豬紅滑嫩, 韭菜新鮮, 蘿蔔係最好, 清甜無渣, 全部俾我食曬 !果然無揀錯呢餐。  阿荔麵檔 (杏花邨)杏花邨盛泰道100號杏花新城地下G53B號舖…查看更多

阿荔麵檔（杏花邨）主打港式車仔麵及多款古早味小菜，用心重現九十年代小店風情，衛生、座位舒適，是區內小聚首選。麵底多選擇，麵質煙韌，黑蒜油撈麵蒜香突出，牛筋牛腩惹味但略嫌偏柴，配料爽口新鮮如炸腐皮豬肉卷即炸香脆，豬紅、蘿蔔、鵝腸等亦有驚喜。推介招牌古早黑糖豬手雞翼麻辣撈麵，豬手炆得入味軟腍，雞翼帶甜香甜味濃；另沙嗲沾麵湯底花生香突出，辣勁適中。蘿蔔清甜，湯底胡椒香醇，整體湯頭與撈麵各有風味。份量屬適中，小食如炸燒賣、腐皮卷、冷泡茶為主，性價比高。總體而言，阿荔麵檔以傳統港式滋味為賣點，選料新鮮，調味認真，價錢親民，是杏花邨附近值得一試的懷舊車仔麵之選。…查看更多

見到其他評語講得個黑糖豬手咁好就試下啦，另外秘製牛筋腩都係基本要試，兩樣都要加錢，有啲期望好正常。但係...豬手：完全唔覺有什麼黑糖，比一般麵檔豬手淡，而且有部份毛未處理好，那些部份豬皮有如沙紙。牛筋腩：同等價錢的兩個餸，只得豬手約五份之一。有兩件明顯是後加的，還未炆林，咬不開。腩的份量只有少許肉碎(碎腩？)，可以說我叫任何一個麵檔畀碗腩汁我都有咁多碎腩！同一區街市麵店的牛腩就好得多。還有，本來想叫多幾個餸，但手機落單不能加，惟有將麵底改生菜底，生菜也算是今餐最滿意的餸了。…查看更多

放暑假嗰陣，同小朋友去咗杏花新城玩。行到肚餓，見有下午茶優惠就入嚟試下佢哋個車仔麵，2餸$36蚊，都平！人唔多，餐廳都係開放式嘅。仲有打卡牆，舊香港懷舊Style，我都係因為咁，所以想試下。我哋2大2小，所以叫咗3碗粉。我貪心少少，叫咗3餸，牛柏葉、水魷、炸厚切15mm午餐肉。揀咗魔鬼辣汁，好香好惹味，推介呀！個炸午餐肉都好邪惡，好鬼正！小朋友就牛腩汁嘅米線，瑞士汁雞翼、日本溏心蛋。雞翼好入味，好滑。另外第3碗係黑蒜油撈丁，瑞士汁雞翼+五花腩，肉好淋，又係勁入味！凍檸茶正常發揮啦。下次過開嚟，都會再食佢。…查看更多